ਰਾਖੀ ਸਾਵੰਤ ਦਾ ਸੋਨਾਲੀ ਫੋਗਾਟ ਤੇ ਵੱਡਾ ਖੁਲਾਸਾ, ਕਿਹਾ ਪੀਏ ਸੁਧੀਰ ਨੂੰ ਪਿਆਰ ਕਰਦੀ ਸੀ ਸੋਨਾਲੀ
Rakhi Sawant: ਰਾਖੀ ਸਾਵੰਤ ਨੇ ਬਿੱਗ ਬੌਸ ਫੇਮ ਸੋਨਾਲੀ ਫੋਗਾਟ ਦੇ ਕਤਲ 'ਤੇ ਖੁਲਾਸਾ ਕੀਤਾ ਹੈ। ਰਾਖੀ ਨੇ ਕਿਹਾ ਸੋਨਾਲੀ ਨੇ ਉਨ੍ਹਾਂ ਨੂੰ ਦੱਸਿਆ ਸੀ ਕਿ ਉਹ ਪੀਏ ਸੁਧੀਰ ਨੂੰ ਪਸੰਦ ਕਰਦੀ ਹੈ।
Rakhi Sawant On Sonali Phogat: ਭਾਜਪਾ ਆਗੂ ਸੋਨਾਲੀ ਫੋਗਾਟ ਦੀ ਮੌਤ ਦਾ ਭੇਤ ਗੁੰਝਲਦਾਰ ਹੁੰਦਾ ਜਾ ਰਿਹਾ ਹੈ। ਗੋਆ ਪੁਲਿਸ ਸੋਨਾਲੀ ਦੀ ਮੌਤ ਦੀ ਜਾਂਚ ਵਿੱਚ ਲੱਗੀ ਹੋਈ ਹੈ। ਉਨ੍ਹਾਂ ਦਾ ਪਰਿਵਾਰ ਸੋਨਾਲੀ ਦੀ ਮੌਤ ਦੀ ਜਾਂਚ ਨੂੰ ਲੈ ਕੇ ਸੀਬੀਆਈ ਜਾਂਚ ਦੀ ਮੰਗ ਕਰ ਰਿਹਾ ਹੈ। ਇਸ ਦੌਰਾਨ ਸੋਨਾਲੀ ਦੀ ਬਿੱਗ ਬੌਸ ਪਾਰਟਨਰ ਰਾਖੀ ਸਾਵੰਤ ਦਾ ਬਿਆਨ ਸਾਹਮਣੇ ਆਇਆ ਹੈ। ਜਿਸ ਵਿੱਚ ਉਨ੍ਹਾਂ ਨੇ ਸੋਨਾਲੀ ਅਤੇ ਉਨ੍ਹਾਂ ਦੇ ਪੀਏ ਸੁਧੀਰ ਬਾਰੇ ਗੱਲ ਕੀਤੀ ਹੈ। ਰਾਖੀ ਨੇ ਕਿਹਾ ਹੈ ਕਿ ਸੋਨਾਲੀ ਨੇ ਉਨ੍ਹਾਂ ਨੂੰ ਦੱਸਿਆ ਕਿ ਉਹ ਪੀਏ ਸੁਧੀਰ ਨੂੰ ਪਸੰਦ ਕਰਦੀ ਸੀ। ਇਸ ਦੇ ਨਾਲ ਹੀ ਰਾਖੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਸੋਨਾਲੀ ਦਾ ਪੀਏ ਕ੍ਰਿਮੀਨਲ ਟਾਈਪ ਲਗਦਾ ਹੈ। ਰਾਖੀ ਨੇ ਦੱਸਿਆ ਕਿ ਜਦੋਂ ਉਹ ਬਿੱਗ ਬੌਸ ਦੇ ਘਰ 'ਚ ਸੀ ਤਾਂ ਸੋਨਾਲੀ ਨੇ ਉਨ੍ਹਾਂ ਨੂੰ ਕਿਹਾ ਸੀ ਕਿ ਉਹ ਪੀਏ ਸੁਧੀਰ ਨੂੰ ਪਿਆਰ ਕਰਦੀ ਹੈ ਅਤੇ ਰਾਖੀ ਨੂੰ ਆਪਣੀਆਂ ਭਾਵਨਾਵਾਂ ਜ਼ਾਹਰ ਕਰ ਚੁੱਕੀ ਹੈ।
ਮੀਡੀਆ ਨਾਲ ਗੱਲਬਾਤ 'ਚ ਰਾਖੀ ਨੇ ਕਿਹਾ, ਜਦੋਂ ਮੈਨੂੰ ਪਤਾ ਲੱਗਾ ਤਾਂ ਮੈਨੂੰ ਪਹਿਲੇ ਦਿਨ ਤੋਂ ਹੀ ਹੱਤਿਆ ਦਾ ਅਹਿਸਾਸ ਹੋਇਆ। ਸੋਨਾਲੀ ਜੀ ਦਾ ਕਤਲ ਹੋ ਗਿਆ ਹੈ। ਮੈਂ ਬਿੱਗ ਬੌਸ ਵਿੱਚ ਕਾਫੀ ਸਮਾਂ ਬਿਤਾਇਆ ਹੈ। ਸੋਨਾਲੀ ਦੀ ਆਪਣੀ ਬੇਟੀ `ਚ ਜਾਨ ਵੱਸਦੀ ਸੀ। ਇਸ ਦੇ ਨਾਲ ਬਿੱਗ ਬੌਸ ਦੇ ਪ੍ਰਤੀਭਾਗੀਆਂ ਨੂੰ ਸੋਨਾਲੀ ਇਹ ਵੀ ਦਸਦੀ ਸੀ ਕਿ ਉਹ ਸੁਧੀਰ ਨੂੰ ਕਾਫ਼ੀ ਪਸੰਦ ਕਰਦੀ ਹੈ। ਹੁਣ ਸੋਨਾਲੀ ਇਸ ਦੁਨੀਆ `ਚ ਨਹੀਂ ਹੈ ਤਾਂ ਮੈਂ ਇਸ ਮਾਮਲੇ `ਤੇ ਜ਼ਿਆਦਾ ਗੱਲ ਨਹੀਂ ਕਰਨਾ ਚਾਹੁੰਦੀ। ਇਹ ਬਹੁਤ ਗਲਤ ਹੈ, ਸੋਨਾਲੀ ਨੂੰ ਹਾਰਟ ਅਟੈਕ ਨਹੀਂ ਆਇਆ। ਹੁਣ ਮਸਲਾ ਕੀ ਹੈ, ਸੀਬੀਆਈ ਅਤੇ ਪੁਲਿਸ ਨੂੰ ਦੇਖਣ ਦਿਓ।
ਰਾਖੀ ਨੇ ਅੱਗੇ ਕਿਹਾ- ਮੈਂ ਵੀਡੀਓ ਦੇਖਿਆ, ਸੋਨਾਲੀ ਦੇ ਕੱਪੜੇ ਉੱਤਰੇ ਹੋਏ ਸੀ। ਮੈਂ ਇਹ ਸਭ ਦੇਖ ਕੇ ਹੈਰਾਨ ਸੀ ਪਰ ਮੈਂ ਦੁਬਈ ਵਿੱਚ ਸੀ। ਉਹ ਆਪਣੀ ਧੀ ਨੂੰ ਬਹੁਤ ਪਿਆਰ ਕਰਦੀ ਸੀ, ਮੈਂ ਸੋਨਾਲੀ ਦੀ ਮੌਤ ਨਾਲ ਸਦਮੇ ਵਿੱਚ ਹਾਂ। ਮੈਂ ਭਾਜਪਾ ਦੇ ਸੀਨੀਅਰ ਆਗੂਆਂ ਨੂੰ ਬੇਨਤੀ ਕਰਨਾ ਚਾਹੁੰਦੀ ਹਾਂ ਕਿ ਜੋ ਉਨ੍ਹਾਂ ਦੇ ਕਾਤਲ ਹਨ, ਉਨ੍ਹਾਂ ਨੂੰ ਸਖ਼ਤ ਸਜ਼ਾ ਦਿੱਤੀ ਜਾਵੇ। ਉਹ ਆਪਣੇ ਪਿੱਛੇ ਆਪਣੀ ਮਾਸੂਮ ਧੀ ਨੂੰ ਛੱਡ ਗਈ ਹੈ। ਉਸ ਬੱਚੀ ਨੂੰ ਇਨਸਾਫ਼ ਮਿਲਣਾ ਚਾਹੀਦਾ ਹੈ। ਮੈਨੂੰ ਪਹਿਲੇ ਦਿਨ ਤੋਂ ਉਸ 'ਤੇ ਸ਼ੱਕ ਸੀ, ਮੈਂ ਉਸ ਨੂੰ ਪਹਿਲਾਂ ਵੀ 10 ਵਾਰ ਮਿਲ ਚੁੱਕੀ ਹਾਂ। ਮੈਂ ਸੋਨਾਲੀ ਜੀ ਨੂੰ ਪੁੱਛਦੀ ਸੀ ਕਿ ਇਹ ਕੌਣ ਹੈ, ਉਹ ਕਹਿੰਦੀ ਸੀ ਕਿ ਉਹ ਮੇਰਾ ਪੀਏ ਹੈ ਅਤੇ ਅਸੀਂ ਇੱਕ ਦੂਜੇ ਨੂੰ ਪਸੰਦ ਕਰਦੇ ਹਾਂ। ਪਰ ਮੈਨੂੰ ਉਹ ਦੇਖਣ `ਚ ਕ੍ਰਿਮੀਨਲ ਟਾਈਪ ਲਗਦਾ ਸੀ। ਦੇਖੋ ਉਹ ਸੱਚ ਨਿਕਲਿਆ। ਮੈਨੂੰ ਬਹੁਤ ਬੁਰਾ ਲੱਗਦਾ ਹੈ। ਮੈਂ ਚਾਹੁੰਦੀ ਹਾਂ ਕਿ ਉਸ ਔਰਤ ਅਤੇ ਉਸ ਦੀ ਧੀ ਨੂੰ ਇਨਸਾਫ ਮਿਲੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
