Alia Bhatt: ਪਰਸਨਲ ਫੋਟੋਆਂ ਲੀਕ ਹੋਣ 'ਤੇ ਭੜਕੀ ਆਲੀਆ ਭੱਟ, ਸੋਸ਼ਲ ਮੀਡੀਆ 'ਤੇ ਕੱਢੀ ਭੜਾਸ, ਬੋਲੀ- ਇਹ ਗੁੰਡਾਗਰਦੀ ਹੈ

Alia Bhatt Angry Post: ਹਾਲ ਹੀ ;ਚ ਆਲੀਆ ਭੱਟ ਦੀਆਂ ਉਸ ਦੇ ਘਰ ਦੇ ਅੰਦਰ ਚੋਰੀ ਚੁਪਕੇ ਤਸਵੀਰਾਂ ਖਿੱਚੀਆਂ ਗਈਆਂ। ਇਸ ;ਤੇ ਹੁਣ ਵਿਵਾਦ ਭਖਦਾ ਨਜ਼ਰ ਆ ਰਿਹਾ ਹੈ।

ਆਲੀਆ ਭੱਟ

Shaheen Bhatt On Alia Bhatts Post: ਆਲੀਆ ਭੱਟ ਦੀਆਂ ਉਸ ਦੇ ਘਰ ਦੇ ਅੰਦਰ ਕਲਿੱਕ ਕੀਤੀਆਂ ਨਿੱਜੀ ਤਸਵੀਰਾਂ ਨੂੰ ਮੀਡੀਆ ਪੋਰਟਲ ਦੁਆਰਾ ਐਕਸਕਲੂਸਿਵ ਬਣਾ ਕੇ ਪੇਸ਼ ਕਰਨ ਤੋਂ ਤੁਰੰਤ ਬਾਅਦ, ਉਸ ਦੇ ਪਰਿਵਾਰ ਨੇ ਇਸ 'ਤੇ ਇਤਰਾਜ਼ ਕੀਤਾ। ਇੰਨਾ ਹੀ ਨਹੀਂ ਮੁੰਬਈ ਪੁਲਿਸ ਨੂੰ ਟੈਗ ਕਰਦੇ ਹੋਏ ਆਲੀਆ ਭੱਟ ਨੇ ਇਸ 'ਤੇ ਕਾਰਵਾਈ ਦੀ ਮੰਗ ਵੀ ਕੀਤੀ ਹੈ।

ਹੁਣ ਆਲੀਆ ਭੱਟ ਦੀ ਮਾਂ ਸੋਨੀ ਰਾਜ਼ਦਾਨ ਅਤੇ ਭੈਣ ਸ਼ਾਹੀਨ ਭੱਟ ਦਾ ਰਿਐਕਸ਼ਨ ਸਾਹਮਣੇ ਆਇਆ ਹੈ। ਸੋਨੀ ਰਾਜ਼ਦਾਨ ਨੇ ਇਸ ਮਾਮਲੇ 'ਤੇ ਤੁਰੰਤ ਕਾਰਵਾਈ ਦੀ ਮੰਗ ਕੀਤੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਭੈਣ ਸ਼ਾਹੀਨ ਭੱਟ ਨੇ ਇਸ ਨੂੰ 'ਭਿਆਨਕ' ਦੱਸਿਆ ਅਤੇ ਇਸ ਨੂੰ 'ਪ੍ਰੇਸ਼ਾਨ ਕਰਨ ਵਾਲਾ' ਕਿਹਾ। ਸੋਨੀ ਰਾਜ਼ਦਾਨ ਨੇ ਇੰਸਟਾਗ੍ਰਾਮ ਸਟੋਰੀਜ਼ 'ਤੇ ਲਿਖਿਆ, "ਕਿਸੇ ਵਿਅਕਤੀ ਦੀ ਗੋਪਨੀਯਤਾ ਪ੍ਰਤੀ ਇਸ ਘੋਰ ਅਣਦੇਖੀ ਤੋਂ ਹੈਰਾਨ ਅਤੇ ਨਿਰਾਸ਼ ਹਾਂ। ਕੀ ਅਸੀਂ ਹੁਣ ਸੱਚਮੁੱਚ ਬਦਲ ਰਹੇ ਹਾਂ? ਜਿੱਥੇ ਤਸਵੀਰਾਂ ਲੈਣ ਦੀ ਗੱਲ ਆਉਂਦੀ ਹੈ ਤਾਂ ਸਾਡੇ ਸਾਰੇ ਸੱਭਿਆਚਾਰਕ ਨਿਯਮਾਂ ਦੀ ਹੋਂਦ ਖਤਮ ਹੋ ਜਾਂਦੀ ਹੈ।"ਉਮੀਦ ਹੈ ਕਿ ਕੋਈ ਇਸ ਮੁੱਦੇ 'ਤੇ ਬੋਲੇਗਾ ਅਤੇ ਆਪਣੀ ਆਵਾਜ਼ ਬੁਲੰਦ ਕਰੇਗਾ!"

ਸ਼ਾਹੀਨ ਨੇ ਆਪਣੀ ਨਿਰਾਸ਼ਾ ਸਾਂਝੀ ਕਰਨ ਲਈ ਇੱਕ ਨੋਟ ਲਿਖਿਆ। ਉਸਨੇ ਇੰਸਟਾਗ੍ਰਾਮ ਸਟੋਰੀਜ਼ 'ਤੇ ਲਿਖਿਆ, "ਤਾਂ ਹੁਣ ਕੰਟੈਂਟ ਲਈ ਗੁਆਂਢੀਆਂ ਦੇ ਘਰ 'ਚ ਲੁਕ ਕੇ, ਆਪਣੇ ਕੈਮਰਿਆਂ ਨੂੰ ਜ਼ੂਮ ਕਰਕੇ ਕਿਸੇ ਨੂੰ ਬਿਨਾਂ ਦੱਸੇ ਉਸ ਦੀ ਤਸਵੀਰ ਕਲਿੱਕ ਕਰਨਾ ਸਹੀ ਹੈ? ਇਹ ਵੱਡੇ ਆਦਮੀ ਸੀ ਉਹ ਵੀ ਕੈਮਰਿਆਂ ਨਾਲ। ਸੜਕ ਤੋਂ ਪਾਰ ਲੁਕ ਕੇ ਖੜਨਾ। ਇੱਕ ਮਹਿਲਾ ਦੀਆਂ ਸੀਕ੍ਰੇਟ ਤਸਵੀਰਾਂ ਖਿੱਚਣਾ ਉਹ ਵੀ ਉਸ ਦੀ ਇਜਾਜ਼ਤ ਤੋਂ ਬਿਨਾਂ, ਕੀ ਇਹ ਸਹੀ ਹੈ?"

ਉਸਨੇ ਅੱਗੇ ਕਿਹਾ, "ਤਸਵੀਰ ਵਿੱਚ ਮੌਜੂਦ ਵਿਅਕਤੀ ਇੱਕ ਸੇਲਿਬ੍ਰਿਟੀ ਹੈ, ਇਹ ਤੱਥ ਕਿਸੇ ਵੀ ਤਰ੍ਹਾਂ ਠੀਕ ਨਹੀਂ ਹੈ। ਜੇਕਰ ਇਹ ਕੋਈ ਹੋਰ ਸਥਿਤੀ ਹੁੰਦੀ-ਕਿਸੇ ਹੋਰ ਵਿਅਕਤੀ ਦੇ ਨਾਲ- ਤਾਂ ਇਹ ਪਰੇਸ਼ਾਨੀ ਅਤੇ ਗੋਪਨੀਯਤਾ 'ਤੇ ਪੂਰੀ ਤਰ੍ਹਾਂ ਹਮਲਾ ਮੰਨਿਆ ਜਾਵੇਗਾ।" ਇਹ ਕੀ ਹੈ?"

ਆਲੀਆ ਭੱਟ ਨੇ ਕਿਹਾ ਇਹ ਨਿੱਜਤਾ ਦੇ ਅਧਿਕਾਰ ਦੀ ਉਲੰਘਣਾ
ਆਲੀਆ ਦੀ ਸੱਸ ਅਤੇ ਅਦਾਕਾਰਾ ਨੀਤੂ ਕਪੂਰ ਨੇ ਵੀ ਇੰਸਟਾਗ੍ਰਾਮ ਸਟੋਰੀਜ਼ 'ਤੇ ਇਸ ਘਟਨਾ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਆਲੀਆ ਦੀ ਸਟੋਰੀ ਦਾ ਸਕਰੀਨਸ਼ਾਟ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ, 'ਇਹ ਸਹੀ ਨਹੀਂ ਹੈ।' ਹਾਲਾਂਕਿ, ਬਾਅਦ ਵਿੱਚ ਉਨ੍ਹਾਂ ਨੇ ਇਸਨੂੰ ਹਟਾ ਦਿੱਤਾ। ਆਲੀਆ ਨੇ ਸੋਸ਼ਲ ਮੀਡੀਆ ਪੋਸਟ ਦਾ ਸਕਰੀਨ ਸ਼ਾਟ ਸ਼ੇਅਰ ਕੀਤਾ ਅਤੇ ਲਿਖਿਆ ਕਿ ਕਿਵੇਂ ਉਸ ਨੂੰ ਆਪਣੇ ਘਰ ਦੇ ਅੰਦਰ ਕਲਿੱਕ ਕੀਤਾ ਗਿਆ।

ਹੈਰਾਨੀ ਜਤਾਉਂਦੇ ਹੋਏ ਆਲੀਆ ਨੇ ਇੰਸਟਾਗ੍ਰਾਮ ਸਟੋਰੀਜ਼ 'ਤੇ ਲਿਖਿਆ, ''ਕੀ ਤੁਸੀਂ ਮੇਰੇ ਨਾਲ ਮਜ਼ਾਕ ਕਰ ਰਹੇ ਹੋ? ਮੈਂ ਆਪਣੇ ਘਰ ਵਿੱਚ ਇੱਕ ਆਮ ਦੁਪਹਿਰ ਨੂੰ ਆਪਣੇ ਲਿਵਿੰਗ ਰੂਮ ਵਿੱਚ ਬੈਠੀ ਸੀ ਜਦੋਂ ਮੈਂ ਮਹਿਸੂਸ ਕੀਤਾ ਕਿ ਕੋਈ ਮੈਨੂੰ ਦੇਖ ਰਿਹਾ ਹੈ... ਮੈਂ ਉੱਪਰ ਦੇਖਿਆ ਅਤੇ ਮੇਰੇ ਗੁਆਂਢ ਦੀ ਇਮਾਰਤ ਦੀ ਛੱਤ 'ਤੇ ਕੈਮਰੇ ਵਾਲੇ ਦੋ ਲੜਕਿਆਂ ਨੂੰ ਦੇਖਿਆ! ਕਿਸ ਸੰਸਾਰ ਵਿੱਚ ਇਹ ਠੀਕ ਹੈ ਅਤੇ ਅਜਿਹਾ ਕਰਨ ਦੀ ਇਜਾਜ਼ਤ ਹੈ? ਇਹ ਕਿਸੇ ਦੀ ਗੋਪਨੀਯਤਾ 'ਤੇ ਘੋਰ ਹਮਲਾ ਹੈ! ਇੱਕ ਲਾਈਨ ਹੈ ਜਿਸ ਨੂੰ ਤੁਸੀਂ ਪਾਰ ਨਹੀਂ ਕਰ ਸਕਦੇ ਅਤੇ ਇਹ ਕਹਿਣਾ ਸੁਰੱਖਿਅਤ ਹੈ ਕਿ ਅੱਜ ਸਾਰੀਆਂ ਹੱਦਾਂ ਨੂੰ ਪਾਰ ਕਰ ਲਿਆ ਗਿਆ ਹੈ!"