ਹੁਣ ਹਰ ਕਿਸੇ ਦੀ ਗੋਦ 'ਚ ਖੇਡੇਗਾ ਸੈਫ-ਕਰੀਨਾ ਦਾ ਮੁੰਡਾ ਤੈਮੂਰ

ਮੁੰਬਈ: ਸੈਫ ਅਲੀ ਖ਼ਾਨ ਤੇ ਕਰੀਨਾ ਕਪੂਰ ਖ਼ਾਨ ਦਾ ਛੋਟਾ ਨਵਾਬ ਤੈਮੂਰ ਅਲੀ ਖ਼ਾਨ ਸਭ ਨੂੰ ਪਸੰਦ ਹੈ। ਉਸ ਦੀ ਮਸੂਮੀਅਤ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚ ਹੀ ਲੈਂਦੀ ਹੈ। ਤੈਮੂਰ ਦੀ ਕੋਈ ਵੀ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ‘ਚ ਸਮਾਂ ਨਹੀਂ ਲੈਂਦੀ। ਹੁਣ ਤੈਮੂਰ ਨਾਲ ਜੁੜੀ ਇੱਕ ਹੋਰ ਜਾਣਕਾਰੀ ਸਾਹਮਣੇ ਆ ਰਹੀ ਹੈ, ਜਿਸ ਨੂੰ ਦੇਖ ਕੇ ਕੋਈ ਵੀ ਹੈਰਾਨ ਹੋ ਜਾਵੇਗਾ। ਇਸ ਬੱਚੇ ਨੇ ਆਪਣੀ ਮਸੂਮੀਅਤ ਨਾਲ ਸਭ ਨੂੰ ਆਪਣਾ ਇਸ ਕਦਰ ਫੈਨ ਬਣਾ ਲਿਆ ਹੈ ਕਿ ਹੁਣ ਬਾਜ਼ਾਰ ‘ਚ ਉਸ ਦੀ ਸ਼ਕਲ ਦੇ ਖਿਡੌਣੇ ਵਿਕਣੇ ਸ਼ੁਰੂ ਹੋ ਗਏ ਹਨ। ਕੰਪਨੀਆਂ ਨੇ ਮਾਰਕੀਟ ‘ਚ ਤੈਮੂਰ ਗੁੱਡਾ ਉਤਾਰਿਆ ਹੈ। ਇਸ ਗੱਲ ਦੀ ਜਾਣਕਾਰੀ ਇੱਕ ਚੈਨਲ ਕਰਮੀ ਅਸ਼ਵਿਨੀ ਯਾਰਦੀ ਨੇ ਦਿੱਤੀ ਹੈ ਜਿਨ੍ਹਾਂ ਨੇ ਟਵਿਟਰ ‘ਤੇ ਪੋਸਟ ਸ਼ੇਅਰ ਕਰ ਇੱਕ ਫੋਟੋ ਵੀ ਸ਼ੇਅਰ ਕੀਤੀ ਹੈ।

Meanwhile at a toy store in Kerala... pic.twitter.com/J2Bl9UnPdT

— Ashvini Yardi (@AshviniYardi) November 19, 2018

ਉਂਝ ਤੈਮੂਰ ਸੋਸ਼ਲ ਮੀਡੀਆ ‘ਤੇ ਕਾਫੀ ਮਸ਼ਹੂਰ ਹੈ। ਉਸ ਦੀਆਂ ਤਸਵੀਰਾਂ ਸ਼ੇਅਰ ਹੁੰਦੇ ਹੀ ਵਾਇਰਲ ਹੋ ਜਾਂਦੀਆਂ ਹਨ। ਹਾਲ ਹੀ ‘ਚ ਸੈਪ ਨੇ ਇੰਟਰਵਿਊ ‘ਚ ਕਿਹਾ ਸੀ ਕਿ ਤੈਮੂਰ ਦੀ ਇੱਕ ਫੋਟੋ ਸੋਸ਼ਲ ਮੀਡੀਆ ‘ਤੇ 1500 ਰੁਪਏ ਦੀ ਵਿਕਦੀ ਹੈ।