ਸਟਾਰਸ ‘ਚ ਲੱਗੀ ਖੁਦ ਨੂੰ ਬੁੱਢਾ ਦਿਖਾਉਣ ਦੀ ਹੋੜ, ਖੂਬ ਵਾਇਰਲ ਹੋ ਰਹੀਆਂ ਤਸਵੀਰਾਂ

ਭਾਰਤ ‘ਚ ਇਨ੍ਹੀਂ ਦਿਨੀਂ ਫੇਸ ਐਪ ਰਾਹੀਂ ਖੁਦ ਨੂੰ ਬੁੱਢਾ ਦਿਖਾਉਣ ਤੇ ਦੇਖਣ ਦੀ ਹੋੜ ਲੱਗੀ ਹੋਈ ਹੈ। ਕੀ ਆਮ ਤੇ ਕੀ ਖਾਸ ਸਾਰੇ ਲੋਕ ਇਸ ਐਪ ਦਾ ਇਸਤੇਮਾਲ ਕਰ ਖੁਦ ਦੀਆਂ ਤਸਵੀਰਾਂ ਨੂੰ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰ ਰਹੇ ਹਨ।

ਮੁੰਬਈ: ਭਾਰਤ ‘ਚ ਇਨ੍ਹੀਂ ਦਿਨੀਂ ਫੇਸ ਐਪ ਰਾਹੀਂ ਖੁਦ ਨੂੰ ਬੁੱਢਾ ਦਿਖਾਉਣ ਤੇ ਦੇਖਣ ਦੀ ਹੋੜ ਲੱਗੀ ਹੋਈ ਹੈ। ਕੀ ਆਮ ਤੇ ਕੀ ਖਾਸ ਸਾਰੇ ਲੋਕ ਇਸ ਐਪ ਦਾ ਇਸਤੇਮਾਲ ਕਰ ਖੁਦ ਦੀਆਂ ਤਸਵੀਰਾਂ ਨੂੰ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰ ਰਹੇ ਹਨ। ਅਸਲ ‘ਚ ਸੋਸ਼ਲ ਮੀਡੀਆ ‘ਤੇ ਸਟਾਰਸ ਦੀਆਂ ਤਸਵੀਰਾਂ ਇਸ ਐਪ ‘ਚ ਐਡਿਟ ਕਰ ਖੂਬ ਟ੍ਰੈਂਡ ਕਰ ਰਹੀਆਂ ਹਨ। ਇਸ ਐਪ ਰਾਹੀਂ ਤਸਵੀਰਾਂ ਨੂੰ ਐਡਿਟ ਕਰ ਦੇਖਿਆ ਜਾ ਰਿਹਾ ਹੈ ਕਿ ਉਹ 50-60 ਸਾਲ ਦੀ ਉਮਰ ‘ਚ ਕਿਹੋ ਜਿਹੇ ਲੱਗਣਗੇ। ਇਹ ਐਪ ਕਾਫੀ ਦਿਲਚਸਪ ਹੈ ਤੇ ਇਸ ਦਾ ਯੂਜ਼ ਵੀ ਲਗਾਤਾਰ ਵਧ ਰਿਹਾ ਹੈ। ਆਮ ਲੋਕਾਂ ਤੋਂ ਬਾਅਦ ਹੁਣ ਫ਼ਿਲਮੀ ਸਿਤਾਰੇ ਵੀ ਇਸ ਐਪ ਦਾ ਇਸਤੇਮਾਲ ਕਰ ਹਰੇ ਹਨ। ਵਰੁਣ ਧਵਨ ਤੋਂ ਲੈ ਅਰਜੁਨ ਕਪੂਰ ਤਕ ਸਭ ਨੇ ਇਸ ਦਾ ਇਸਤੇਮਾਲ ਕਰ ਅਪਾਣੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ।

View this post on Instagram

 

Old age hit me like .. 👀

A post shared by Arjun Kapoor (@arjunkapoor) on Jul 16, 2019 at 3:52am PDT

ਐਕਟਰ ਅਰਜੁਨ ਕਪੂਰ ਨੇ 50 ਤੋਂ 60 ਸਾਲ ਬਾਅਦ ਦੀ ਤਸਵੀਰ ਨੂੰ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤਾ ਹੈ। ਇਸ ਨੂੰ ਕੈਪਸ਼ਨ ਦੇ ਉਨ੍ਹਾਂ ਲਿਖਿਆ, “ਮੇਰਾ ਬੁਢਾਪਾ ਇਸ ਤਰ੍ਹਾਂ ਆਵੇਗਾ।” ਅਰਜੁਨ ਦੀ ਤਸਵੀਰ ਨੂੰ ਦੇਖ ਉਸ ਦੀ ਭੈਣ ਜਾਨ੍ਹਵੀ ਕਪੂਰ ਹੈਰਾਨ ਹੋ ਗਈ ਤੇ ਅਰਜੁਨ ਦੀ ਇਸ ਫੋਟੋ ‘ਤੇ ਕੁਮੈਂਟ ਕਰ ਉਸ ਨੇ ਲਿਖਿਆ, ‘OMG’। ਜਾਨ੍ਹਵੀ ਤੋਂ ਇਲਾਵਾ ਪਰੀਨੀਤੀ ਚੋਪੜਾ, ਹੁਮਾ ਕੁਰੈਸ਼ੀ ਤੇ ਦੀਆ ਮਿਰਜ਼ਾ ਨੇ ਵੀ ਅਰਜੁਨ ਦੀ ਇਸ ਤਸਵੀਰ ‘ਤੇ ਕੁਮੈਂਟ ਕੀਤਾ ਹੈ।

View this post on Instagram

 

70 years of reebokXvarundhawan P.s I didn’t stop training. Alot of people feel this is the way @anilskapoor will look when he’s 100

A post shared by Varun Dhawan (@varundvn) on Jul 16, 2019 at 2:23am PDT

ਇਸ ਐਪ ਰਾਹੀਂ ਵਰੁਣ ਧਵਨ ਨੇ ਵੀ ਖੁਦ ਦੀ ਬੁਢਾਪੇ ਵਾਲੀ ਤਸਵੀਰ ਨੂੰ ਸ਼ੇਅਰ ਕੀਤਾ ਹੈ। ਇਸ ‘ਚ ਉਹ ਅਨਿਲ ਕਪੂਰ ਜਿਹੇ ਨਜ਼ਰ ਆ ਰਹੇ ਹਨ। ਲੋਕਾਂ ਨੇ ਇਸ ਤਸਵੀਰ ‘ਤੇ ਕੁਮੈਂਟ ਕੀਤੇ ਹਨ ਕਿ ਵਰੁਣ 100 ਸਾਲ ਬਾਅਦ ਅਨਿਲ ਕਪੂਰ ਜਿਹੇ ਨਜ਼ਰ ਆਉਣਗੇ। ਧਵਨ ਦੀ ਫੋਟੋ ‘ਤੇ ਵੀ ਸਟਾਰਸ ਨੇ ਖੂਬ ਕੁਮੈਂਟ ਕੀਤੇ ਹਨ।