ਬੌਬੀ ਦਿਓਲ ਨੇ ਅਮੀਸ਼ਾ ਪਟੇਲ ਨੂੰ ਗਲ ਲਾਇਆ ਤਾਂ ਭੜਕੇ ਲੋਕ, ਬੋਲੇ- 'ਛੱਡ ਦੇ ਇਸ ਨੂੰ ਇਹ ਤੇਰੇ ਭਰਾ ਦੀ ਅਮਾਨਤ ਹੈ...'
Bobby Deol Hugged Ameesha Patel: ਇੱਕ ਫਿਲਮ ਦੀ ਸ਼ੂਟਿੰਗ ਦੌਰਾਨ ਜਦੋਂ ਬੌਬੀ ਦਿਓਲ ਨੇ ਅਮੀਸ਼ਾ ਪਟੇਲ ਨੂੰ ਗਲ ਲਾਇਆ ਤਾਂ ਉੱਥੇ ਮੌਜੂਦ ਭੀੜ ਭੜਕ ਗਈ। ਜਾਣੋ ਕੀ ਹੈ ਪੂਰੀ ਕਹਾਣੀ।
Bobby Deol-Ameesha Patel humraaz: ਬਾਲੀਵੁੱਡ ਅਦਾਕਾਰ ਸੰਨੀ ਦਿਓਲ ਅਤੇ ਅਮੀਸ਼ਾ ਪਟੇਲ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ 'ਗਦਰ 2' ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਦੋਵੇਂ ਫਿਲਮ ਦਾ ਜ਼ੋਰਦਾਰ ਪ੍ਰਮੋਸ਼ਨ ਕਰ ਰਹੇ ਹਨ। ਜਲਦ ਹੀ ਸੰਨੀ ਅਤੇ ਅਮੀਸ਼ਾ ਕਪਿਲ ਸ਼ਰਮਾ ਦੇ ਸ਼ੋਅ 'ਦ ਕਪਿਲ ਸ਼ਰਮਾ ਸ਼ੋਅ' 'ਚ ਹਿੱਸਾ ਲੈਂਦੇ ਨਜ਼ਰ ਆਉਣਗੇ।
ਸੋਨੀ ਟੀਵੀ ਦੇ ਇੰਸਟਾਗ੍ਰਾਮ ਹੈਂਡਲ ਨੇ ਆਉਣ ਵਾਲੇ ਐਪੀਸੋਡ ਦਾ ਇੱਕ ਪ੍ਰੋਮੋ ਸਾਂਝਾ ਕੀਤਾ ਹੈ ਜਿਸ ਵਿੱਚ ਸੰਨੀ ਦਿਓਲ ਅਤੇ ਅਮੀਸ਼ ਪਟੇਲ ਮਜ਼ਾਕੀਆ ਕਹਾਣੀਆਂ ਸੁਣਾਉਂਦੇ ਹੋਏ ਦਿਖਾਈ ਦੇ ਰਹੇ ਹਨ। ਇਸ ਦੌਰਾਨ ਅਮੀਸ਼ਾ ਨੇ ਦੱਸਿਆ ਕਿ ਫਿਲਮ 'ਹਮਰਾਜ਼' ਦੀ ਸ਼ੂਟਿੰਗ ਦੌਰਾਨ ਲੋਕ ਬੌਬੀ ਦਿਓਲ 'ਤੇ ਕਾਫੀ ਨਾਰਾਜ਼ ਹੋਏ। ਪਰ ਅਜਿਹਾ ਕਿਉਂ ਹੋਇਆ, ਆਓ ਤੁਹਾਨੂੰ ਦੱਸਦੇ ਹਾਂ।
ਅਮੀਸ਼ਾ ਦੱਸਦੀ ਹੈ, 'ਮੈਂ ਉਨ੍ਹਾਂ ਦੇ ਭਰਾ ਬੌਬੀ ਦਿਓਲ ਜੀ ਨਾਲ ਹਮਰਾਜ਼ ਦੀ ਸ਼ੂਟਿੰਗ ਕਰ ਰਹੀ ਸੀ। ਬਹੁਤ ਭੀੜ ਸੀ ਜੋ ਉੱਪਰੋਂ ਸਾਨੂੰ ਹੇਠਾਂ ਵੱਲ ਦੇਖ ਰਹੀ ਸੀ, ਜਿਵੇਂ ਹੀ ਬੌਬੀ ਜੀ ਨੇ ਮੈਨੂੰ ਜੱਫੀ ਪਾਈ ਤਾਂ ਲੋਕਾਂ ਨੇ ਹੰਗਾਮਾ ਕਰਨਾ ਸ਼ੁਰੂ ਕਰ ਦਿੱਤਾ, 'ਛੱਡ ਦੇ ਇਸ ਨੂੰ ਇਹ ਤੇਰੇ ਭਰਾ ਦੀ ਅਮਾਨਤ ਹੈ। ਇਸ ਨੂੰ ਪਾਕਿਸਤਾਨ ਤੋਂ ਲੈਕੇ ਆਇਆ ਹੈ'। ਤੁਹਾਨੂੰ ਦੱਸ ਦੇਈਏ ਕਿ ਬੌਬੀ ਦਿਓਲ ਅਤੇ ਅਮੀਸ਼ਾ ਦੀ ਫਿਲਮ 'ਹਮਰਾਜ਼' 26 ਜੁਲਾਈ 2002 ਨੂੰ ਰਿਲੀਜ਼ ਹੋਈ ਸੀ। ਇਹ ਅਦਾਕਾਰਾ ਦੀਆਂ ਹਿੱਟ ਫਿਲਮਾਂ ਵਿੱਚੋਂ ਇੱਕ ਰਹੀ ਹੈ।
View this post on Instagram
ਪਰਦੇ 'ਤੇ ਗਦਰ 2 ਨਾਲ ਟਕਰਾਏਗੀ ਇਹ ਫਿਲਮ
'ਗਦਰ 2' ਦੀ ਗੱਲ ਕਰੀਏ ਤਾਂ ਇਹ ਫਿਲਮ ਅਗਲੇ ਮਹੀਨੇ 11 ਅਗਸਤ ਨੂੰ ਰਿਲੀਜ਼ ਹੋਵੇਗੀ। ਇਸ ਫਿਲਮ ਨੂੰ ਲੈ ਕੇ ਪ੍ਰਸ਼ੰਸਕਾਂ 'ਚ ਕਾਫੀ ਕ੍ਰੇਜ਼ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਜਿਸ ਤਰ੍ਹਾਂ 'ਗਦਰ' ਨੇ ਸਿਨੇਮਾਘਰਾਂ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ, ਉਸੇ ਤਰ੍ਹਾਂ 'ਗਦਰ 2' ਵੀ ਕਮਾਲ ਦੀ ਫਿਲਮ ਹੋਵੇਗੀ। ਫਿਲਮ ਦੇ ਟੀਜ਼ਰ ਨੂੰ ਵੀ ਜ਼ਬਰਦਸਤ ਹੁੰਗਾਰਾ ਮਿਲਿਆ ਹੈ। ਹਾਲਾਂਕਿ ਇਸ ਫਿਲਮ ਨਾਲ ਅਕਸ਼ੇ ਕੁਮਾਰ ਦੀ 'OMG 2' ਵੀ ਰਿਲੀਜ਼ ਹੋ ਰਹੀ ਹੈ, ਜੋ ਕਿ ਹਿੱਟ ਫਿਲਮ 'ਓਹ ਮਾਈ ਗੌਡ' ਦਾ ਦੂਜਾ ਭਾਗ ਹੈ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਦੋਵਾਂ 'ਚੋਂ ਕਿਹੜੀ ਫਿਲਮ ਲੋਕਾਂ ਦਾ ਦਿਲ ਜਿੱਤਣ 'ਚ ਸਫਲ ਹੁੰਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
