Ira Khan Wedding: ਪੰਜਾਬੀ ਸਿੰਗਰ ਗਿੱਪੀ ਗਰੇਵਾਲ ਵੀ ਹੋਣਗੇ ਆਮਿਰ ਖਾਨ ਦੀ ਧੀ ਈਰਾ ਖਾਨ ਦੀ ਰਿਸੈਪਸ਼ਨ 'ਚ ਸ਼ਾਮਲ? ਮਹਿਮਾਨਾਂ ਦੀ ਲਿਸਟ ਆਈ ਸਾਹਮਣੇ
Gippy Grewal: ਚਰਚਾ ਹੋ ਰਹੀ ਹੈ ਕਿ ਆਮਿਰ ਖਾਨ ਦੇ ਪੰਜਾਬੀ ਦੇ ਕਲਾਕਾਰਾਂ ਨਾਲ ਵਧੀਆ ਰਿਸ਼ਤੇ ਹਨ। ਖਾਸ ਕਰ ਗਿੱਪੀ ਗਰੇਵਾਲ ਦੀ ਆਮਿਰ ਨਾਲ ਨੇੜਤਾ ਕਾਫੀ ਚਰਚਾ 'ਚ ਰਹੀ ਹੈ। ਕੀ ਗਿੱਪੀ ਗਰੇਵਾਲ ਵੀ ਈਰਾ ਖਾਨ ਦੇ ਵਿਆਹ ਦੀ ਰਿਸੈਪਸ਼ਨ 'ਚ ਸ਼ਾਮਲ ਹੋਣਗੇ
ਅਮੈਲੀਆ ਪੰਜਾਬੀ ਦੀ ਰਿਪੋਰਟ
Aamir Khan Daughter Ira Khan Wedding Reception: ਆਮਿਰ ਖਾਨ ਇੰਨੀਂ ਦਿਨੀਂ ਖੂਬ ਸੁਰਖੀਆਂ 'ਚ ਬਣੇ ਹੋਏ ਹਨ। ਹਾਲ ਹੀ 'ਚ ਉਨ੍ਹਾਂ ਦੀ ਧੀ ਈਰਾ ਖਾਨ ਦਾ ਉਸ ਦੇ ਬੁਆਏਫਰੈਂਡ ਨੁਪੁਰ ਸਿਖਰੇ ਨਾਲ ਵਿਆਹ ਹੋਇਆ ਹੈ। ਇਸ ਤੋਂ ਬਾਅਦ ਹੁਣ ਉਦੈਪੁਰ 'ਚ ਉਸ ਦਾ ਸ਼ਾਹੀ ਵਿਆਹ ਹੋਣ ਜਾ ਰਿਹਾ ਹੈ। ਜਿਸ ਤੋਂ ਬਾਅਦ 8 ਜਨਵਰੀ ਨੂੰ ਆਮਿਰ ਖਾਨ ਮੁੰਬਈ 'ਚ ਗਰੈਂਡ ਰਿਸੈਪਸ਼ਨ ਦੇਣਗੇ। ਜਿਸ ਵਿੱਚ ਸ਼ਾਹਰੁਖ ਖਾਨ ਸਲਮਾਨ ਖਾਨ ਤੋਂ ਲੈਕੇ ਬਾਲੀਵੱੁਡ ਦੇ ਕਈ ਕਲਾਕਾਰਾਂ ਦੇ ਸ਼ਾਮਲ ਹੋਣ ਦੀ ਉਮੀਦ ਹੈ।
ਦੂਜੇ ਪਾਸੇ, ਹੁਣ ਚਰਚਾ ਇਹ ਹੋ ਰਹੀ ਹੈ ਕਿ ਆਮਿਰ ਖਾਨ ਦੇ ਪੰਜਾਬੀ ਇੰਡਸਟਰੀ ਦੇ ਕਲਾਕਾਰਾਂ ਨਾਲ ਵੀ ਵਧੀਆ ਰਿਸ਼ਤੇ ਹਨ। ਖਾਸ ਕਰਕੇ ਗਿੱਪੀ ਗਰੇਵਾਲ ਦੀ ਆਮਿਰ ਨਾਲ ਨੇੜਤਾ ਕਾਫੀ ਚਰਚਾ 'ਚ ਰਹੀ ਹੈ। ਤਾਂ ਅਜਿਹੇ 'ਚ ਇਹ ਵੀ ਕਿਆਸ ਲਗਾਏ ਜਾ ਰਹੇ ਹਨ ਕਿ ਕੀ ਗਿੱਪੀ ਗਰੇਵਾਲ ਵੀ ਈਰਾ ਖਾਨ ਦੇ ਵਿਆਹ ਦੀ ਰਿਸੈਪਸ਼ਨ 'ਚ ਸ਼ਾਮਲ ਹੋਣਗੇ। ਇਸ ਬਾਰੇ ਕੋਈ ਅਧਿਕਾਰਤ ਜਾਣਕਾਰੀ ਤਾਂ ਸਾਹਮਣੇ ਨਹੀਂ ਆਈ ਹੈ, ਪਰ ਇਹ ਕਿਆਸ ਲਗਾਏ ਜਾ ਰਹੇ ਹਨ ਕਿ ਗਿੱਪੀ ਗਰੇਵਾਲ ਵੀ ਰਿਸੈਪਸ਼ਨ 'ਚ ਸ਼ਾਮਲ ਹੋ ਸਕਦੇ ਹਨ।
ਇੱਥੇ ਦੇਖੋ ਗੈਸਟ ਲਿਸਟ:
ਰਿਪੋਰਟ ਮੁਤਾਬਕ ਆਇਰਾ ਅਤੇ ਨੂਪੁਰ ਦੇ ਰਿਸੈਪਸ਼ਨ ਲਈ ਸ਼ਾਹਰੁਖ ਖਾਨ, ਸਲਮਾਨ ਖਾਨ, ਅਜੇ ਦੇਵਗਨ, ਅਮਿਤਾਭ ਬੱਚਨ, ਕਰਨ ਜੌਹਰ, ਅਕਸ਼ੈ ਕੁਮਾਰ, ਕਰੀਨਾ ਕਪੂਰ, ਰਾਜਕੁਮਾਰ ਹਿਰਾਨੀ, ਆਸ਼ੂਤੋਸ਼ ਗੁਰੇਕਰ ਅਤੇ ਜੂਹੀ ਚਾਵਲਾ ਸਮੇਤ ਕਈ ਕਲਾਕਾਰਾਂ ਨੂੰ ਸੱਦਾ ਭੇਜਿਆ ਗਿਆ ਹੈ। ਖਬਰਾਂ ਦੀ ਮੰਨੀਏ ਤਾਂ ਆਮਿਰ ਨੇ ਕੁਝ ਸਾਊਥ ਅਦਾਕਾਰਾਂ ਨੂੰ ਵੀ ਸੱਦਾ ਦਿੱਤਾ ਹੈ ਅਤੇ ਅੰਬਾਨੀ ਪਰਿਵਾਰ ਵੀ ਆਇਰਾ ਨੂਪੁਰ ਦੇ ਰਿਸੈਪਸ਼ਨ 'ਚ ਸ਼ਾਮਲ ਹੋਵੇਗਾ।
ਦੱਸ ਦਈਏ ਕਿ ਗਿੱਪੀ ਗਰੇਵਾਲ ਨੇ 'ਲਾਲ ਸਿੰਘ ਚੱਢਾ' 'ਚ ਪੰਜਾਬੀ ਡਾਇਲੌਗਜ਼ 'ਤੇ ਕੰਮ ਕੀਤਾ ਸੀ। ਆਮਿਰ ਨੇ ਪੰਜਾਬੀ ਡਾਇਲੌਗਜ਼ ਬਾਰੇ ਗਿੱਪੀ ਤੋਂ ਸਲਾਹ ਲਈ ਸੀ। ਇਸ ਦੇ ਨਾਲ ਨਾਲ ਗਿੱਪੀ ਨੇ ਆਮਿਰ ਤੋਂ 'ਕੈਰੀ ਆਨ ਜੱਟਾ 3' ਦਾ ਟਰੇਲਰ ਲੌਂਚ ਕਰਵਾਇਆ ਸੀ। ਜ਼ਾਹਰ ਹੈ ਕਿ ਗਿੱਪੀ ਦੀ ਆਮਿਰ ਖਾਨ ਨਾਲ ਕਾਫੀ ਨੇੜਤਾ ਹੈ, ਅਜਿਹੇ 'ਚ ਗਿੱਪੀ ਈਰਾ ਦੀ ਰਿਸੈਪਸ਼ਨ 'ਚ ਸ਼ਾਮਲ ਹੋ ਸਕਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
