ਆ ਗਈ ਸੁਜ਼ੂਕੀ ਦੀ ਐਕਸਬੀ, ਕੀਮਤ 9.99 ਲੱਖ ਤੋਂ ਸ਼ੁਰੂ

ਕੀ ਭਾਰਤ ਵਿੱਚ ਆਵੇਗੀ ਸੁਜ਼ੂਕੀ ਐਕਸਬੀ?- ਸੁਜ਼ੂਕੀ ਐਕਸਬੀ ਦਾ ਡਿਜ਼ਾਈਨ ਕਾਫੀ ਆਕਰਸ਼ਕ ਤੇ ਮਾਡਰਨ ਹੈ। ਕਈ ਮਾਮਲਿਆਂ ਵਿੱਚ ਇਹ ਮਾਰੂਤੀ ਇਗਨਿਸ ਨਾਲ ਮਿਲਦੀ ਜੁਲਦੀ ਹੈ। ਭਾਰਤੀ ਕਾਰ ਬਾਜ਼ਾਰ ਦੀ ਗੱਲ ਕਰੀਏ ਤਾਂ ਇੱਥੇ ਆਕਰਸ਼ਕ ਡਿਜ਼ਾਈਨ ਤੇ ਵਧੀਆ ਫੀਚਰਜ਼ ਨਾਲ ਲੈੱਸ ਇਗਨਿਸ ਨੂੰ ਲੋਕਾਂ ਨੇ ਕਾਫੀ ਪਸੰਦ ਕੀਤਾ ਹੈ। ਮਾਈਕ੍ਰੋ ਐਸ.ਯੂ.ਵੀ. ਦੇ ਵਧਦੇ ਰੁਝਾਨ ਨੂੰ ਵੇਖਦਿਆਂ ਕਿਆਸੇ ਲਾਏ ਜਾ ਰਹੇ ਹਨ, ਕਿ ਕੰਪਨੀ ਇਸ ਕਾਰ ਨੂੰ ਭਾਰਤ ਵਿੱਚ ਉਤਾਰ ਸਕਦੀ ਹੈ।

ਸੁਜ਼ੂਕੀ ਐਕਸਬੀ ਨੂੰ ਹਿਅਰਟੈੱਕ ਪਲੇਟਫਾਰਮ 'ਤੇ ਤਿਆਰ ਕੀਤਾ ਗਿਆ ਹੈ। ਇਸੇ ਪਲੇਟਫਾਰਮ 'ਤੇ ਬਲੇਨੋ, ਇਗਨਿਸ, ਨਵੀਂ ਸਵਿਫਟ ਤੇ ਡਿਜ਼ਾਇਰ ਵੀ ਬਣੀਆਂ ਹਨ। ਸੁਜ਼ੂਕੀ ਐਕਸਬੀ ਦਾ ਡਿਜ਼ਾਈਨ ਜਾਪਾਨ ਵਿੱਚ ਉਪਲਬਧ ਹਸਟਲਰ ਨਾਲ ਮਿਲਦਾ ਜੁਲਦਾ ਹੈ। ਇਸ ਕੈਬਿਨ ਵਿੱਚ ਕਾਫੀ ਸਾਰੇ ਫੀਚਰ ਇਗਨਿਸ ਤੋਂ ਲਏ ਗਏ ਹਨ ਤੇ ਕਲਾਈਮੇਟ ਕੰਟਰੋਲ ਯੁਨਿਟ ਸਮੇਤ ਕਈ ਫੀਚਰ ਸ਼ਾਮਲ ਹਨ।