Ravindra Jadeja Reaction: ਚੇਨਈ ਸੁਪਰ ਕਿੰਗਜ਼ ਦੀ ਕਪਤਾਨੀ ਹੱਥ ਆਉਣ ਮਗਰੋਂ ਸਾਹਮਣੇ ਆਈ ਰਵਿੰਦਰ ਜਡੇਜਾ ਦੀ ਪਹਿਲੀ ਪ੍ਰਤੀਕਿਰਿਆ
IPL 2022 ਤੋਂ ਠੀਕ ਪਹਿਲਾਂ ਰਵਿੰਦਰ ਜਡੇਜਾ ਨੂੰ ਚੇਨਈ ਸੁਪਰ ਕਿੰਗਜ਼ ਦਾ ਕਪਤਾਨ ਬਣਾਇਆ ਗਿਆ ਹੈ। ਜਡੇਜਾ ਨੇ ਕਪਤਾਨ ਬਣਨ ਤੋਂ ਬਾਅਦ ਮਹਿੰਦਰ ਸਿੰਘ ਧੋਨੀ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ।
IPL 2022 Ravindra Jadeja as CSK New Captain First reactions from Chennai Super Kings Captain Jadeja Watch
CSK New Captain: ਮਹਿੰਦਰ ਸਿੰਘ ਧੋਨੀ ਨੇ IPL 2022 ਤੋਂ ਠੀਕ ਪਹਿਲਾਂ ਵੱਡਾ ਫੈਸਲਾ ਲਿਆ ਹੈ। ਉਨ੍ਹਾਂ ਨੇ ਚੇਨਈ ਸੁਪਰ ਕਿੰਗਜ਼ ਦੀ ਕਪਤਾਨੀ ਰਵਿੰਦਰ ਜਡੇਜਾ ਨੂੰ ਸੌਂਪ ਦਿੱਤੀ ਹੈ। ਜਡੇਜਾ ਹੁਣ ਟੀਮ ਦੀ ਕਮਾਨ ਸੰਭਾਲਣਗੇ। ਜਡੇਜਾ ਨੇ ਕਪਤਾਨ ਬਣਨ ਤੋਂ ਬਾਅਦ ਪ੍ਰਤੀਕਿਰਿਆ ਦਿੱਤੀ। ਉਸ ਨੇ ਕਿਹਾ ਕਿ ਉਹ ਕਪਤਾਨੀ ਮਿਲਣ 'ਤੇ ਖੁਸ਼ ਹੈ ਪਰ ਉਸ ਦੇ ਸਾਹਮਣੇ ਚੁਣੌਤੀ ਵੀ ਹੈ। ਜਡੇਜਾ ਨੇ ਧੋਨੀ ਬਾਰੇ ਕਿਹਾ ਕਿ ਉਸ ਦੀ ਵਿਰਾਸਤ ਨੂੰ ਅੱਗੇ ਵਧਾਉਣਾ ਚੁਣੌਤੀਪੂਰਨ ਹੋਵੇਗਾ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਮਾਹੀ ਦੀ ਤਾਰੀਫ ਵੀ ਕੀਤੀ।
ਧੋਨੀ ਦੀ ਕਪਤਾਨੀ 'ਚ ਚੇਨਈ ਸੁਪਰ ਕਿੰਗਜ਼ ਨੇ 4 IPL ਖਿਤਾਬ ਜਿੱਤੇ ਹਨ। ਕਪਤਾਨ ਬਣਨ ਤੋਂ ਬਾਅਦ ਜਡੇਜਾ ਨੇ ਕਿਹਾ, ''ਚੰਗਾ ਮਹਿਸੂਸ ਹੋ ਰਿਹਾ ਹੈ। ਮਾਹੀ ਭਾਈ ਨੇ ਇੱਕ ਵਿਰਾਸਤ ਕਾਇਮ ਕੀਤੀ ਹੈ। ਮੈਨੂੰ ਇਸ ਨੂੰ ਅੱਗੇ ਲੈ ਜਾਣਾ ਹੈ। ਮੈਨੂੰ ਕਿਸੇ ਵੀ ਤਰ੍ਹਾਂ ਦੀ ਚਿੰਤਾ ਕਰਨ ਦੀ ਲੋੜ ਨਹੀਂ ਹੈ, ਕਿਉਂਕਿ ਉਹ ਮੇਰੇ ਨਾਲ ਹਨ। ਮੇਰੇ ਜੋ ਵੀ ਸਵਾਲ ਹਨ, ਮੈਂ ਉਨ੍ਹਾਂ ਨੂੰ ਮਾਹੀ ਭਾਈ ਕੋਲ ਲੈ ਕੇ ਜਾਵਾਂਗਾ। ਉਹ ਮੇਰੇ ਲਈ ਪਹਿਲਾਂ ਵੀ ਸੀ ਅਤੇ ਅੱਜ ਵੀ ਹਨ। ਇਸ ਲਈ ਮੈਂ ਚਿੰਤਤ ਨਹੀਂ ਹਾਂ। ਸਾਰੀਆਂ ਸ਼ੁਭਕਾਮਨਾਵਾਂ ਲਈ ਤੁਹਾਡਾ ਸਾਰਿਆਂ ਦਾ ਧੰਨਵਾਦ।"
📹 First reactions from the Man himself!#ThalaivanIrukindran 🦁💛 @imjadeja pic.twitter.com/OqPVIN3utS
— Chennai Super Kings (@ChennaiIPL) March 24, 2022
ਦੱਸ ਦਈਏ ਕਿ ਆਲਰਾਊਂਡਰ ਖਿਡਾਰੀ ਰਵਿੰਦਰ ਜਡੇਜਾ ਦਾ ਆਈਪੀਐੱਲ ਵਿੱਚ ਜ਼ਬਰਦਸਤ ਪ੍ਰਦਰਸ਼ਨ ਰਿਹਾ ਹੈ। ਉਨ੍ਹਾਂ ਨੇ 200 ਮੈਚਾਂ 'ਚ 2386 ਦੌੜਾਂ ਬਣਾਈਆਂ। ਇਸ ਦੌਰਾਨ ਜਡੇਜਾ ਨੇ ਦੋ ਅਰਧ ਸੈਂਕੜੇ ਲਗਾਏ। ਉਸ ਨੇ ਗੇਂਦਬਾਜ਼ੀ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ 127 ਵਿਕਟਾਂ ਵੀ ਲਈਆਂ। ਜਡੇਜਾ ਦਾ ਆਈਪੀਐਲ ਮੈਚ ਵਿੱਚ ਸਭ ਤੋਂ ਵਧੀਆ ਪ੍ਰਦਰਸ਼ਨ 5 ਵਿਕਟਾਂ ਦੇ ਨਾਲ 16 ਦੌੜਾਂ ਦੇਣਾ ਰਿਹਾ ਹੈ।
ਇਹ ਵੀ ਪੜ੍ਹੋ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
