FSSAI ਨੇ ਭਾਰਤ ਵਿੱਚ ਇਨ੍ਹਾਂ ਮਸਾਲਿਆਂ 'ਤੇ ਲਗਾਈ ਪਾਬੰਦੀ, ਕਿਤੇ ਤੁਸੀਂ ਤਾਂ ਨਹੀਂ ਸੁਆਦ ਦੇ ਚੱਕਰ ‘ਚ…..
ਜੀ ਹਾਂ, ਅੱਜ ਅਸੀਂ ਉਨ੍ਹਾਂ ਬਾਰੇ ਗੱਲ ਕਰਨ ਜਾ ਰਹੇ ਹਾਂ, ਜਿਨ੍ਹਾਂ ਨੂੰ ਫੂਡ ਸੇਫਟੀ ਐਂਡ ਸਟੈਂਡਰਡ ਅਥਾਰਟੀ ਆਫ ਇੰਡੀਆ (FSSAI) ਨੇ ਆਪਣੇ ਮਾਪਦੰਡਾਂ 'ਤੇ ਖਰਾ ਨਹੀਂ ਪਾਇਆ, ਜਿਸ ਕਾਰਨ ਉਨ੍ਹਾਂ ਨੂੰ ਭਾਰਤ 'ਚ ਬੈਨ ਕਰ ਦਿੱਤਾ ਗਿਆ।
ਮਸਾਲਿਆਂ ਤੋਂ ਬਿਨਾਂ ਭੋਜਨ ਦਾ ਕੋਈ ਸੁਆਦ ਨਹੀਂ ਹੁੰਦਾ। ਖਾਣਾ ਬਣਾਉਣ ਵਿਚ ਵਰਤੇ ਜਾਣ ਵਾਲੇ ਮਸਾਲੇ ਸੁਆਦ ਦੇ ਨਾਲ-ਨਾਲ ਸਿਹਤ ਵੀ ਪ੍ਰਦਾਨ ਕਰਦੇ ਹਨ, ਇਸ ਲਈ ਇਨ੍ਹਾਂ ਦੀ ਰੋਜ਼ਾਨਾ ਵਰਤੋਂ ਕੀਤੀ ਜਾਂਦੀ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਭਾਰਤ 'ਚ ਕੁਝ ਮਸਾਲਿਆਂ 'ਤੇ ਪਾਬੰਦੀ ਹੈ।
ਜੀ ਹਾਂ, ਅੱਜ ਅਸੀਂ ਉਨ੍ਹਾਂ ਬਾਰੇ ਗੱਲ ਕਰਨ ਜਾ ਰਹੇ ਹਾਂ, ਜਿਨ੍ਹਾਂ ਨੂੰ ਫੂਡ ਸੇਫਟੀ ਐਂਡ ਸਟੈਂਡਰਡ ਅਥਾਰਟੀ ਆਫ ਇੰਡੀਆ (FSSAI) ਨੇ ਆਪਣੇ ਮਾਪਦੰਡਾਂ 'ਤੇ ਖਰਾ ਨਹੀਂ ਪਾਇਆ, ਜਿਸ ਕਾਰਨ ਉਨ੍ਹਾਂ ਨੂੰ ਭਾਰਤ 'ਚ ਬੈਨ ਕਰ ਦਿੱਤਾ ਗਿਆ।
FSSAI ਨੇ ਪਾਊਡਰ ਮਸਾਲਿਆਂ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। FSSAI ਦੇ ਮੁਤਾਬਕ ਇਨ੍ਹਾਂ 'ਚ ਨਕਲੀ ਰੰਗ, ਸਟਾਰਚ, ਚਾਕ ਪਾਊਡਰ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਜਿਸ ਨਾਲ ਐਲਰਜੀ, ਲੀਵਰ ਦੀ ਬੀਮਾਰੀ ਅਤੇ ਕਈ ਸਿਹਤ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਸ ਦੇ ਬਾਵਜੂਦ ਇਹ ਮਸਾਲੇ ਦੁਕਾਨਾਂ 'ਤੇ ਸ਼ਰੇਆਮ ਵਿਕ ਰਹੇ ਹਨ। ਜੇਕਰ ਤੁਸੀਂ ਵੀ ਬਜ਼ਾਰ ਤੋਂ ਮਸਾਲਾ ਲੈ ਕੇ ਆਉਂਦੇ ਹੋ, ਤਾਂ ਤੁਸੀਂ ਇੱਕ ਵਾਰ ਉਨ੍ਹਾਂ ਦੀ ਸ਼ੁੱਧਤਾ ਦੀ ਜਾਂਚ ਜ਼ਰੂਰ ਕਰੋ। ਇੱਥੇ ਅਸੀਂ ਤੁਹਾਨੂੰ ਕੁਝ ਅਜਿਹੇ ਤਰੀਕੇ ਦੱਸ ਰਹੇ ਹਾਂ, ਜਿਸ ਨਾਲ ਤੁਸੀਂ ਆਸਾਨੀ ਨਾਲ ਮਿਲਾਵਟ ਦਾ ਅੰਦਾਜ਼ਾ ਲਗਾ ਸਕਦੇ ਹੋ।
ਲੋਕ ਲਾਲ ਮਿਰਚ ਪਾਊਡਰ ਜ਼ਰੂਰ ਖਰੀਦਦੇ ਹਨ। ਇਸ ਨੂੰ ਟੈਸਟ ਕਰਨ ਲਈ ਇੱਕ ਗਲਾਸ ਪਾਣੀ ਵਿੱਚ ਲਾਲ ਮਿਰਚ ਪਾਊਡਰ ਪਾਓ। ਕੁਝ ਦੇਰ ਬਾਅਦ ਜਾਂਚ ਕਰੋ, ਜੇ ਇਹ ਰੰਗ ਛੱਡਦਾ ਹੈ ਤਾਂ ਇਸਦਾ ਮਤਲਬ ਹੈ ਕਿ ਇਹ ਨਕਲੀ ਹੈ। ਇਸ ਦੇ ਨਾਲ ਹੀ, ਜੇ ਇਹ ਪਾਣੀ ਵਿੱਚ ਟਿਕ ਜਾਵੇ ਅਤੇ ਘੱਟ ਰੰਗ ਛੱਡ ਜਾਵੇ, ਤਾਂ ਮਸਾਲਾ ਸ਼ੁੱਧ ਹੈ।
ਇਸ ਤਰ੍ਹਾਂ ਤੁਸੀਂ ਹਲਦੀ ਦੇ ਪਾਊਡਰ ਦੀ ਸ਼ੁੱਧਤਾ ਦੀ ਜਾਂਚ ਕਰ ਸਕਦੇ ਹੋ। ਇਸ ਦੇ ਲਈ 1 ਗਲਾਸ ਪਾਣੀ 'ਚ ਇੱਕ ਚਮਚ ਹਲਦੀ ਮਿਲਾ ਲਓ। ਕੁਝ ਸਮੇਂ ਬਾਅਦ ਜਾਂਚ ਕਰੋ, ਜੇਕਰ ਹਲਦੀ ਦਾ ਰੰਗ ਨਿਕਲ ਗਿਆ ਹੈ ਤਾਂ ਉਸ ਵਿੱਚ ਨਕਲੀ ਰੰਗ ਦੀ ਵਰਤੋਂ ਕੀਤੀ ਗਈ ਹੈ, ਜਦੋਂ ਕਿ ਜੇ ਹਲਦੀ ਵਿੱਚ ਹਲਕਾ ਰੰਗ ਨਿਕਲਦਾ ਹੈ ਤਾਂ ਉਹ ਸ਼ੁੱਧ ਹੈ।
ਤੁਸੀਂ ਇੱਕ ਗਲਾਸ ਪਾਣੀ ਨਾਲ ਵੀ ਆਟੇ ਦੀ ਸ਼ੁੱਧਤਾ ਦੀ ਜਾਂਚ ਕਰ ਸਕਦੇ ਹੋ। ਪਾਣੀ 'ਚ ਇੱਕ ਚਮਚ ਆਟਾ ਮਿਲਾਓ ਤੇ ਜੇ ਆਟਾ ਥੱਲੇ ਬੈਠ ਜਾਵੇ ਤਾਂ ਇਸ ਦਾ ਮਤਲਬ ਹੈ ਕਿ ਇਹ ਮਿਲਾਵਟ ਨਹੀਂ ਹੈ, ਪਰ ਜੇ ਇਹ ਉੱਪਰ ਤੈਰਦਾ ਹੈ ਤਾਂ ਇਸ 'ਚ ਛਾਣ ਜਾਂ ਕੋਈ ਹੋਰ ਖਾਣ-ਪੀਣ ਵਾਲੀ ਚੀਜ਼ ਮਿਲਾਵਟੀ ਹੋਈ ਹੈ।
ਤੁਸੀਂ ਇਸ ਤਰੀਕੇ ਨਾਲ ਕਾਲੀ ਮਿਰਚ ਨੂੰ ਵੀ ਪਰਖ ਸਕਦੇ ਹੋ। ਜੇ ਕਾਲੀ ਮਿਰਚ ਦੇ ਦਾਣੇ ਪਾਣੀ ਵਿੱਚ ਬੈਠ ਜਾਣ ਤਾਂ ਇਹ ਸ਼ੁੱਧ ਹੈ, ਜੇਕਰ ਨਹੀਂ ਤਾਂ ਇਹ ਘਟੀਆ ਕਿਸਮ ਦਾ ਮਸਾਲਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
