ਚਾਹ ਦੇ ਸ਼ੌਕੀਨ ਧਿਆਨ ਦੇਣ! ਜ਼ਿਆਦਾ ਚਾਹ ਪੀਣ ਨਾਲ 5 ਹਾਰਮੋਨ 'ਤੇ ਖ਼ਤਰਾ, ਸਿਹਤ ਲਈ ਵੱਡਾ ਨੁਕਸਾਨ!
ਜ਼ਰੂਰਤ ਤੋਂ ਵੱਧ ਚਾਹ ਪੀਣ ਵਾਲੇ ਹੋਣ ਸਾਵਧਾਨ, ਇਹ 5 ਹਾਰਮੋਨ ਹੋ ਸਕਦੇ ਪ੍ਰਭਾਵਿਤਜੇ ਤੁਸੀਂ ਚਾਹ ਦੇ ਸ਼ੌਕੀਨ ਹੋ ਅਤੇ ਦਿਨ ਵਿੱਚ 6-7 ਕੱਪ ਦੋਸਤਾਂ ਨਾਲ ਗੱਲਾਂ ਕਰਦੇ ਕਰਦੇ ਪੀ ਜਾਂਦੇ ਹੋ, ਤਾਂ ਸਾਵਧਾਨ ਰਹੋ। ਤੁਸੀਂ ਅਣਜਾਣੇ ਹੀ ਸਰੀਰ...
ਚਾਹ ਦੀ ਹਰ ਚੁਸਕੀ ਨਾਲ ਉਸ ਵਿੱਚ ਮੌਜੂਦ ਕੈਫ਼ੀਨ, ਟੈਨਿਨ ਅਤੇ ਹੋਰ ਯੋਗਿਕ ਸਰੀਰ ਦੇ ਹਾਰਮੋਨ ਸੰਤੁਲਨ ਨੂੰ ਪ੍ਰਭਾਵਿਤ ਕਰ ਸਕਦੇ ਹਨ। ਆਓ ਜਾਣਦੇ ਹਾਂ ਕਿ ਜ਼ਰੂਰਤ ਤੋਂ ਵੱਧ ਚਾਹ ਪੀਣ ਨਾਲ ਸਰੀਰ ਦੇ ਕਿਹੜੇ ਹਾਰਮੋਨ ਪ੍ਰਭਾਵਿਤ ਹੁੰਦੇ ਹਨ ਅਤੇ ਇਸ ਨਾਲ ਕੀ-ਕੀ ਨੁਕਸਾਨ ਹੋ ਸਕਦੇ ਹਨ। ਜੇ ਤੁਸੀਂ ਚਾਹ ਦੇ ਸ਼ੌਕੀਨ ਹੋ ਅਤੇ ਦਿਨ ਵਿੱਚ 6-7 ਕੱਪ ਦੋਸਤਾਂ ਨਾਲ ਗੱਲਾਂ ਕਰਦੇ ਕਰਦੇ ਪੀ ਜਾਂਦੇ ਹੋ, ਤਾਂ ਸਾਵਧਾਨ ਰਹੋ। ਤੁਸੀਂ ਅਣਜਾਣੇ ਹੀ ਸਰੀਰ ਦੇ 5 ਹਾਰਮੋਨਾਂ ਨੂੰ ਨੁਕਸਾਨ ਪਹੁੰਚਾ ਰਹੇ ਹੋ। ਹਾਂ ਜੀ, ਜ਼ਿਆਦਾਤਰ ਭਾਰਤੀ ਸਵੇਰ ਦੀ ਬੈਡ ਟੀ ਤੋਂ ਸ਼ਾਮ ਦੀ ਦਫ਼ਤਰ ਦੀ ਥਕਾਵਟ ਦੂਰ ਕਰਨ ਲਈ ਕਈ ਚਾਹ ਦਾ ਕੱਪ ਸ਼ੌਕ ਨਾਲ ਪੀ ਜਾਂਦੇ ਹਨ। ਪਰ ਚਾਹ ਦੀ ਹਰ ਚੁਸਕੀ ਵਿੱਚ ਮੌਜੂਦ ਕੈਫ਼ੀਨ, ਟੈਨਿਨ ਅਤੇ ਹੋਰ ਤੱਤ ਹਾਰਮੋਨਲ ਸੰਤੁਲਨ ਨੂੰ ਬਿਗਾੜ ਸਕਦੇ ਹਨ।
ਜ਼ਰੂਰਤ ਤੋਂ ਵੱਧ ਚਾਹ ਪੀਣ ਨਾਲ ਇਹ 5 ਹਾਰਮੋਨਾਂ ‘ਤੇ ਪੈਂਦਾ ਬੁਰਾ ਅਸਰ
ਕੋਰਟਿਸੋਲ ਹਾਰਮੋਨ ਵੱਧ ਸਕਦਾ ਹੈ
ਜ਼ਰੂਰਤ ਤੋਂ ਵੱਧ ਚਾਹ ਪੀਣ ਨਾਲ ਸਰੀਰ ਵਿੱਚ ਕੋਰਟਿਸੋਲ ਹਾਰਮੋਨ ਦਾ ਪੱਧਰ ਵੱਧ ਸਕਦਾ ਹੈ। ਦਰਅਸਲ, ਚਾਹ ਵਿੱਚ ਮੌਜੂਦ ਕੈਫ਼ੀਨ ਐਡਰੀਨਲ ਗ੍ਰੰਥੀਆਂ ਨੂੰ ਉਤੇਜਿਤ ਕਰਦਾ ਹੈ, ਜਿਸ ਨਾਲ ਕੋਰਟਿਸੋਲ ਦੀ ਮਾਤਰਾ ਵਧ ਸਕਦੀ ਹੈ। ਸਰੀਰ ਵਿੱਚ ਲੰਬੇ ਸਮੇਂ ਤੱਕ ਕੋਰਟਿਸੋਲ ਜ਼ਿਆਦਾ ਰਹਿਣ ਨਾਲ ਤਣਾਅ, ਚਿੰਤਾ, ਘਬਰਾਹਟ, ਵਜ਼ਨ ਵਧਣਾ, ਸ਼ੂਗਰ ਅਤੇ ਨੀਂਦ ਨਾਲ ਸੰਬੰਧਿਤ ਸਮੱਸਿਆਵਾਂ ਦਾ ਖਤਰਾ ਵਧ ਸਕਦਾ ਹੈ। ਇਸ ਲਈ ਚਾਹ ਦਾ ਵੱਧ ਸੇਵਨ ਕਰਨ ਤੋਂ ਬਚੋ।
ਥਾਇਰਾਇਡ ਹਾਰਮੋਨ ‘ਤੇ ਪੈ ਸਕਦਾ ਅਸਰ
ਜੇ ਤੁਹਾਨੂੰ ਬਹੁਤ ਹੀ ਸਟਰਾਗ ਚਾਹ, ਜਿਵੇਂ ਬਲੈਕ ਟੀ ਪੀਣ ਦੀ ਆਦਤ ਹੈ, ਤਾਂ ਇਹ ਤੁਹਾਡੇ ਥਾਇਰਾਇਡ ਹਾਰਮੋਨ ‘ਤੇ ਬੁਰਾ ਅਸਰ ਪਾ ਸਕਦੀ ਹੈ। ਜੇ ਦਵਾਈ ਲੈਣ ਦੇ ਤੁਰੰਤ ਬਾਅਦ ਚਾਹ ਪੀਤੀ ਜਾਵੇ, ਤਾਂ ਇਹ ਦਵਾਈ ਦੇ ਅਸਰ ਨੂੰ ਵੀ ਘਟਾ ਸਕਦੀ ਹੈ। ਚਾਹ ਵਿੱਚ ਮੌਜੂਦ ਫ਼ਲੋਰਾਈਡ ਅਤੇ ਕੁਝ ਹੋਰ ਯੋਗਿਕ ਥਾਇਰਾਇਡ ਗ੍ਰੰਥੀ ਦੇ ਕੰਮ ਨੂੰ ਪ੍ਰਭਾਵਿਤ ਕਰ ਸਕਦੇ ਹਨ, ਖ਼ਾਸ ਕਰਕੇ ਜੇ ਪਹਿਲਾਂ ਹੀ ਥਾਇਰਾਇਡ ਦੀ ਸਮੱਸਿਆ ਹੋਵੇ। ਬਹੁਤ ਜ਼ਿਆਦਾ ਕੈਫ਼ੀਨ ਥਾਇਰਾਇਡ ਹਾਰਮੋਨ (T3 ਅਤੇ T4) ਦੇ ਉਤਪਾਦਨ ਅਤੇ ਅਵਸ਼ੋਸ਼ਣ ਵਿੱਚ ਰੁਕਾਵਟ ਪੈਦਾ ਕਰ ਸਕਦੀ ਹੈ। ਇਸ ਨਾਲ ਥਕਾਵਟ, ਵਜ਼ਨ ਵਧਣਾ ਜਾਂ ਘਟਣਾ, ਮੈਟਾਬੋਲਿਜ਼ਮ ਵਿੱਚ ਅਸੰਤੁਲਨ ਅਤੇ ਹਾਈਪੋਥਾਇਰਾਇਡਿਜ਼ਮ ਜਾਂ ਹਾਈਪਰਥਾਇਰਾਇਡਿਜ਼ਮ ਦੇ ਲੱਛਣ ਵੱਧ ਸਕਦੇ ਹਨ।
ਇਸਟ੍ਰੋਜਨ (ਮਹਿਲਾ ਹਾਰਮੋਨ)
ਕੁਝ ਅਧਿਐਨਾਂ ਅਨੁਸਾਰ, ਗ੍ਰੀਨ ਟੀ ਵਿੱਚ ਮੌਜੂਦ ਕੈਟੇਚਿਨ ਅਤੇ ਕੈਫ਼ੀਨ ਜਿਗਰ ਵਿੱਚ ਇਸਟ੍ਰੋਜਨ ਦੇ ਮੈਟਾਬੋਲਿਜ਼ਮ ਨੂੰ ਪ੍ਰਭਾਵਿਤ ਕਰ ਸਕਦੇ ਹਨ। ਵੱਧ ਚਾਹ ਪੀਣ ਨਾਲ ਇਸਟ੍ਰੋਜਨ ਦਾ ਪੱਧਰ ਅਸੰਤੁਲਿਤ ਹੋ ਸਕਦਾ ਹੈ। ਇਸ ਨਾਲ ਮਹਿਲਾਵਾਂ ਦੇ ਮਹਾਵਾਰੀ ਚੱਕਰ ਵਿੱਚ ਅਨਿਯਮਿਤਤਾ, ਪ੍ਰੀ-ਮੈਂਸਟਰੁਅਲ ਸਿੰਡਰੋਮ (PMS) ਦੇ ਲੱਛਣਾਂ ਵਿੱਚ ਵਾਧਾ ਅਤੇ ਪ੍ਰਜਨਨ ਸਿਹਤ ‘ਤੇ ਅਸਰ, ਜਿਵੇਂ ਫਰਟਿਲਿਟੀ ਵਿੱਚ ਕਮੀ ਆ ਸਕਦੀ ਹੈ। ਹਾਲਾਂਕਿ ਵੱਖ-ਵੱਖ ਅਧਿਐਨਾਂ ਵਿੱਚ ਨਤੀਜੇ ਵੱਖਰੇ ਹੋ ਸਕਦੇ ਹਨ।
ਟੈਸਟੋਸਟੇਰੋਨ (ਪੁਰਸ਼ ਹਾਰਮੋਨ)
ਬਹੁਤ ਜ਼ਿਆਦਾ ਕੈਫ਼ੀਨ ਦਾ ਸੇਵਨ ਟੈਸਟੋਸਟੇਰੋਨ ਦੇ ਪੱਧਰ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ, ਕਿਉਂਕਿ ਇਹ ਕੋਰਟਿਸੋਲ ਦੇ ਪੱਧਰ ਨੂੰ ਵਧਾਉਂਦਾ ਹੈ, ਜੋ ਟੈਸਟੋਸਟੇਰੋਨ ਦੇ ਉਤਪਾਦਨ ਨੂੰ ਘਟਾ ਸਕਦਾ ਹੈ। ਇਸ ਨਾਲ ਲਿਬਿਡੋ (ਕਾਮੇੱਛਾ) ਵਿੱਚ ਕਮੀ, ਮਾਸਪੇਸ਼ੀਆਂ ਦੇ ਵਿਕਾਸ ਵਿੱਚ ਘਾਟ ਅਤੇ ਥਕਾਵਟ ਤੇ ਊਰਜਾ ਦੀ ਕਮੀ ਵਰਗੇ ਲੱਛਣ ਦਿਖਾਈ ਦੇ ਸਕਦੇ ਹਨ।
ਇੰਸੁਲਿਨ
ਬਹੁਤ ਜ਼ਿਆਦਾ ਕੈਫ਼ੀਨ ਸਰੀਰ ਦੀ ਇੰਸੁਲਿਨ ਸੰਵੇਦਨਸ਼ੀਲਤਾ ਨੂੰ ਪ੍ਰਭਾਵਿਤ ਕਰ ਕੇ ਖੂਨ ਵਿੱਚ ਸ਼ੂਗਰ ਦੇ ਪੱਧਰ ਨੂੰ ਅਸੰਤੁਲਿਤ ਕਰ ਸਕਦਾ ਹੈ। ਜੇ ਚਾਹ ਵਿੱਚ ਚੀਨੀ ਜਾਂ ਹੋਰ ਮਿੱਠਾ ਮਿਲਾ ਕੇ ਪੀਤੀ ਜਾਵੇ, ਤਾਂ ਇਹ ਅਸਰ ਹੋਰ ਵੀ ਵੱਧ ਸਕਦਾ ਹੈ। ਇਸ ਨਾਲ ਸ਼ੂਗਰ (ਮਧੁਮੇਹ) ਦਾ ਖਤਰਾ ਵਧਣਾ, ਊਰਜਾ ਦੇ ਪੱਧਰ ਵਿੱਚ ਉਤਾਰ-ਚੜ੍ਹਾਅ, ਜ਼ਿਆਦਾ ਭੁੱਖ ਲੱਗਣਾ ਅਤੇ ਵਜ਼ਨ ਵਧਣ ਦੀ ਸਮੱਸਿਆ ਹੋ ਸਕਦੀ ਹੈ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
