ਕੀ ਤੁਸੀਂ ਵੀ ਚਿਕਨ ਦੇ ਨਾਲ ਖਾ ਰਹੇ ਪਲਾਸਟਿਕ, ਅਧਿਐਨ ਵਿੱਚ ਚਿਕਨ ਦੇ ਭਰੂਣ 'ਚ ਮਿਲਿਆ ਪਲਾਸਟਿਕ
ਹਾਲ ਹੀ 'ਚ ਚਿਕਨ ਨੂੰ ਲੈ ਕੇ ਹੋਏ ਅਧਿਐਨ ਵਿੱਚ ਇਹ ਗੱਲ ਸਾਹਮਣੇ ਆਈ ਕਿ ਚਿਕਨ ਦੇ ਨਾਲ-ਨਾਲ ਨਾ ਸਿਰਫ ਸਰੀਰ 'ਚ ਪੌਸ਼ਟਿਕ ਭੋਜਨ, ਸਗੋਂ ਪਲਾਸਟਿਕ ਦਾ ਵੀ ਸੇਵਨ ਕੀਤਾ ਜਾ ਰਿਹਾ ਹੈ। ਲੋਕਾਂ ਨੂੰ ਚਿਕਨ ਖਾਣ ਤੋਂ ਪਹਿਲਾਂ ਚੌਕਸ ਰਹਿਣ ਦੀ ਲੋੜ ਹੈ।
Chicken Side Effects For Health : ਚਿਕਨ ਖਾਣਾ ਸਿਹਤ ਲਈ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਇਹ ਪੋਸ਼ਕ ਤੱਤਾਂ ਨਾਲ ਭਰਪੂਰ ਹੁੰਦਾ ਹੈ। ਇਸ ਵਿੱਚ ਪ੍ਰੋਟੀਨ, ਵਿਟਾਮਿਨ ਅਤੇ ਹੋਰ ਪੋਸ਼ਕ ਤੱਤ ਪਾਏ ਜਾਂਦੇ ਹਨ। ਬਹੁਤ ਸਾਰੇ ਲੋਕ ਚਿਕਨ ਖਾਣ ਦੇ ਸ਼ੌਕੀਨ ਹੁੰਦੇ ਹਨ। ਉਹ ਨਾਸ਼ਤੇ ਵਿੱਚ ਬਿਰਯਾਨੀ ਖਾਣਾ ਵੀ ਪਸੰਦ ਕਰਦੇ ਹਨ। ਪਰ ਹਾਲ ਹੀ ਵਿੱਚ ਚਿਕਨ ਨੂੰ ਲੈ ਕੇ ਹੋਏ ਅਧਿਐਨ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ। ਅਧਿਐਨ ਮੁਤਾਬਕ ਚਿਕਨ ਦੇ ਨਾਲ-ਨਾਲ ਨਾ ਸਿਰਫ ਸਰੀਰ 'ਚ ਪੌਸ਼ਟਿਕ ਭੋਜਨ, ਸਗੋਂ ਪਲਾਸਟਿਕ ਦਾ ਵੀ ਸੇਵਨ ਕੀਤਾ ਜਾ ਰਿਹਾ ਹੈ। ਅਜਿਹੇ 'ਚ ਲੋਕਾਂ ਨੂੰ ਚਿਕਨ ਖਾਣ ਤੋਂ ਪਹਿਲਾਂ ਚੌਕਸ ਰਹਿਣ ਦੀ ਲੋੜ ਹੈ।
ਚਿਕਨ ਭਰੂਣ ਵਿੱਚ ਨੈਨੋਪਲਾਸਟਿਕ ਮਿਲਿਆ
ਰਿਪੋਰਟ ਮੁਤਾਬਕ ਨੀਦਰਲੈਂਡ ਦੀ ਲੀਡੇਨ ਯੂਨੀਵਰਸਿਟੀ ਦੀ ਜੀਵ ਵਿਗਿਆਨੀ ਮੀਰੂ ਵੈਂਗ ਨੇ ਅਧਿਐਨ ਕੀਤਾ। ਇਹ ਅਧਿਐਨ ਐਨਵਾਇਰਮੈਂਟ ਇੰਟਰਨੈਸ਼ਨਲ ਵਿੱਚ ਪ੍ਰਕਾਸ਼ਿਤ ਹੋਇਆ ਹੈ। ਅਧਿਐਨ 'ਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਚਿਕਨ ਭਰੂਣ 'ਚ ਨੈਨੋਪਲਾਸਟਿਕਸ ਪਾਇਆ ਗਿਆ ਹੈ। ਇਹ ਥੋੜਾ ਜਿਹਾ ਪਲਾਸਟਿਕ ਨਹੀਂ ਹੈ। ਭਰੂਣ ਵਿੱਚ ਨੈਨੋਪਲਾਸਟਿਕ ਬਹੁਤ ਜ਼ਿਆਦਾ ਮਾਤਰਾ ਵਿੱਚ ਪਾਏ ਗਏ ਹਨ। ਖੋਜਕਰਤਾਵਾਂ ਨੇ ਚਿੰਤਾ ਜ਼ਾਹਰ ਕੀਤੀ ਹੈ ਕਿ ਇਸ ਦੇ ਮਨੁੱਖੀ ਸਰੀਰ 'ਤੇ ਗੰਭੀਰ ਪ੍ਰਭਾਵ ਪੈ ਸਕਦੇ ਹਨ।
ਸਰੀਰ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਕਣ
ਮੀਰੂ ਵੈਂਗ ਨੇ ਇਹ ਖੋਜ ਬੜੀ ਗੰਭੀਰਤਾ ਨਾਲ ਕੀਤੀ। ਭਰੂਣ ਤੋਂ ਇਲਾਵਾ ਮੁਰਗੀਆਂ ਦੇ ਹੋਰ ਅੰਗਾਂ ਦੀ ਵੀ ਜਾਂਚ ਕੀਤੀ। ਮੀਰੂ ਵੈਂਗ ਫਲੋਰੋਸੈਂਟ ਮਾਈਕ੍ਰੋਸਕੋਪ ਦੇ ਹੇਠਾਂ ਚਿਕਨ ਭਰੂਣਾਂ ਦੀ ਜਾਂਚ ਕੀਤੀ ਤਾਂ ਭਰੂਣ ਦੀ ਅੰਤੜੀਆਂ ਦੀ ਕੰਧ ਦੇ ਅੰਦਰ ਨੈਨੋਮੀਟਰ-ਸਕੇਲ ਦੇ ਚਮਕਦੇ ਪਲਾਸਟਿਕ ਦੇ ਕਣ ਮਿਲੇ ਹਨ। ਇਸ ਤੋਂ ਇਲਾਵਾ ਸਰੀਰ ਦੇ ਹੋਰ ਹਿੱਸਿਆਂ ਵਿੱਚ ਵੀ ਪਲਾਸਟਿਕ ਦੇ ਕਣ ਪਾਏ ਗਏ ਹਨ।
ਵਿਕਾਸ ਵਿੱਚ ਰੁਕਾਵਟ
ਮੀਰੂ ਵੈਂਗ ਦੀ ਖੋਜ ਤੋਂ ਪਤਾ ਲੱਗਾ ਹੈ ਕਿ ਮੁਰਗੀਆਂ ਦੇ ਭਰੂਣ ਅਤੇ ਹੋਰ ਅੰਗਾਂ ਵਿੱਚ ਪਲਾਸਟਿਕ ਦੇ ਕਣ ਪਾਏ ਗਏ ਸਨ। ਉਨ੍ਹਾਂ ਦਾ ਵਿਕਾਸ ਵੀ ਹੋਰ ਮੁਰਗੀਆਂ ਦੇ ਮੁਕਾਬਲੇ ਬਹੁਤ ਘੱਟ ਸੀ। ਕੁਝ ਮੁਰਗੇ ਦੀਆਂ ਅੱਖਾਂ ਛੋਟੀਆਂ ਹੋ ਗਈਆਂ ਸਨ ਅਤੇ ਕੁਝ ਮੁਰਗੇ ਦਾ ਚਿਹਰਾ ਵੀ ਖਰਾਬ ਹੋ ਗਿਆ ਸੀ। ਇਸ ਦਾ ਅਸਰ ਮੁਰਗੀ ਦੇ ਦਿਲ 'ਤੇ ਦੇਖਣ ਨੂੰ ਮਿਲਿਆ। ਦਿਲ ਦੀਆਂ ਮਾਸਪੇਸ਼ੀਆਂ ਵੀ ਬਹੁਤ ਪਤਲੀਆਂ ਹੋ ਗਈਆਂ ਸਨ।
ਗੁਰਦੇ, ਅੰਤੜੀਆਂ ਲਈ ਗੰਭੀਰ ਖ਼ਤਰਾ
ਖੋਜਕਰਤਾਵਾਂ ਨੇ ਦੱਸਿਆ ਕਿ ਮੁਰਗੀਆਂ ਵਿੱਚ ਜਿਸ ਤਰ੍ਹਾਂ ਦਾ ਪਲਾਸਟਿਕ ਪਾਇਆ ਗਿਆ ਸੀ। ਅਜਿਹੇ ਪਲਾਸਟਿਕ ਦੇ ਕਣ ਸਿੰਥੈਟਿਕ ਫੈਬਰਿਕਸ ਅਤੇ ਪਲਾਸਟਿਕ ਮਾਈਕ੍ਰੋਫਾਈਬਰਸ ਵਿੱਚ ਪਾਏ ਜਾਂਦੇ ਹਨ। ਜੇਕਰ ਇਸ ਤਰ੍ਹਾਂ ਦਾ ਪਲਾਸਟਿਕ ਮਨੁੱਖੀ ਸਰੀਰ ਵਿੱਚ ਦਾਖਲ ਹੋ ਜਾਂਦਾ ਹੈ ਤਾਂ ਇਹ ਗੁਰਦੇ, ਜਿਗਰ, ਦਿਲ ਅਤੇ ਇੱਥੋਂ ਤੱਕ ਕਿ ਫੇਫੜਿਆਂ ਲਈ ਵੀ ਬਹੁਤ ਖ਼ਤਰਾ ਪੈਦਾ ਕਰ ਸਕਦਾ ਹੈ। ਪਲਾਸਟਿਕ ਦੇ ਕਣ ਖੂਨ ਨੂੰ ਵੀ ਸੰਕਰਮਿਤ ਕਰ ਸਕਦੇ ਹਨ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
