ਕੋਰੋਨਾ ਹੋਣ 'ਤੇ ਖਾ ਰਹੇ ਸਿਰਫ DOLO? ਜਾਣ ਲਓ ਇਹ ਕਿੰਨਾ ਸਹੀ ਇਲਾਜ
Dolo for Covid-19: ਕੀ ਸਿਰਫ਼ DOLO 650 ਖਾਣਾ ਹੀ ਕੋਰੋਨਾ ਦਾ ਸਹੀ ਇਲਾਜ ਹੈ? ਜਾਣੋ ਇਸ ਦਵਾਈ ਦੀ ਸੱਚਾਈ, ਫਾਇਦੇ ਅਤੇ ਨੁਕਸਾਨ, ਇਲਾਜ ਦਾ ਸਹੀ ਤਰੀਕਾ।
Dolo for Covid-19: “ਕੋਰੋਨਾ ਹੋ ਗਿਆ ਡਾਕਟਰ ਨੇ DOLO ਦੇ ਦਿੱਤੀ, ਬਸ ਉਹ ਹੀ ਖਾ ਰਹੇ ਹਾਂ!” ਪਿਛਲੇ ਸਾਲ ਤੁਸੀਂ ਆਹ ਗੱਲ ਕਈਆਂ ਤੋਂ ਸੁਣੀ ਹੋਵੇਗੀ। ਕੋਰੋਨਾ ਵੇਲੇ DOLO 650 ਇੱਕ ਅਜਿਹਾ ਨਾਮ ਬਣ ਗਿਆ, ਜੋ ਕਿ ਹਰ ਘਰ ਵਿੱਚ ਮਿਲ ਜਾਂਦੀ ਹੈ। ਬੁਖਾਰ ਹੋਵੇ ਜਾਂ ਸਰੀਰ ਵਿੱਚ ਦਰਦ, ਲੋਕ ਬਿਨਾਂ ਸੋਚਿਆਂ ਸਮਝਿਆਂ ਹੀ ਇਹ ਗੋਲੀ ਖਾਣ ਲੱਗ ਜਾਂਦੇ ਹਨ। ਪਰ ਕੀ ਕੋਰੋਨਾ ਵਰਗੀ ਖਤਰਨਾਕ ਬਿਮਾਰੀ ਤੋਂ ਰਾਹਤ ਪਾਉਣ ਲਈ DOLO ਇੱਕ ਵਧੀਆ ਇਲਾਜ ਹੈ। ਕੀ ਇਸ ਨਾਲ ਇਹ ਲਾਗ ਠੀਕ ਹੋ ਜਾਂਦੀ ਹੈ ਜਾਂ ਫਿਰ ਇਸ ਦੇ ਪਿੱਛ ਕੁਝ ਸੰਕੇਤ ਲੁਕੇ ਹੋਏ ਹਨ, ਜਿਨ੍ਹਾਂ ਨੂੰ ਅਸੀਂ ਨਜ਼ਰਅੰਦਾਜ਼ ਕਰ ਦਿੰਦੇ ਹਾਂ।
ਸਿਰਫ DOLO ਖਾਣਾ ਕਿਉਂ ਨਹੀਂ ਸਹੀ?
DOLO ਬੁਖਾਰ ਨੂੰ ਘੱਟ ਤਾਂ ਕਰ ਦਿੰਦੀ ਹੈ, ਪਰ ਇਹ ਵਾਇਰਸ ਨੂੰ ਖਤਮ ਨਹੀਂ ਕਰਦੀ। ਇਸ ਨਾਲ ਸਿਰਫ਼ ਅਸਥਾਈ ਰਾਹਤ ਮਿਲਦੀ ਹੈ, ਜਿਸ ਕਾਰਨ ਲੋਕ ਸੋਚਦੇ ਹਨ ਕਿ ਉਹ ਹੁਣ ਠੀਕ ਹੋ ਰਹੇ ਹਨ, ਜਦੋਂ ਕਿ ਇਨਫੈਕਸ਼ਨ ਅੰਦਰ ਵੱਧ ਸਕਦੀ ਹੈ।
ਕੋਰੋਨਾ ਇੱਕ ਵਾਇਰਲ ਇਨਫੈਕਸ਼ਨ ਹੈ ਅਤੇ DOLO ਦਾ ਕੰਮ ਵਾਇਰਸ ਨੂੰ ਖਤਮ ਕਰਨਾ ਨਹੀਂ ਹੈ। ਇਸ ਦੇ ਲਈ, ਸਰੀਰ ਦੀ ਇਮਿਊਨਿਟੀ ਨੂੰ ਮਜ਼ਬੂਤ ਕਰਨਾ ਅਤੇ ਡਾਕਟਰ ਦੁਆਰਾ ਦੱਸੀਆਂ ਗਈਆਂ ਢੁਕਵੀਆਂ ਦਵਾਈਆਂ ਲੈਣਾ ਜ਼ਰੂਰੀ ਹੈ।
ਕੋਰੋਨਾ ਵਿੱਚ ਸਿਰਫ਼ ਬੁਖਾਰ ਹੀ ਨਹੀਂ, ਸਾਹ ਚੜ੍ਹਨਾ, ਗਲੇ ਵਿੱਚ ਖਰਾਸ਼, ਸੁਆਦ ਅਤੇ ਗੰਧ ਦੀ ਕਮੀ, ਕਮਜ਼ੋਰੀ ਵਰਗੇ ਲੱਛਣ ਵੀ ਗੰਭੀਰ ਹੋ ਸਕਦੇ ਹਨ। ਅਜਿਹੀ ਸਥਿਤੀ ਵਿੱਚ, DOLO ਲੈਣਾ ਅਤੇ ਹੋਰ ਲੱਛਣਾਂ ਨੂੰ ਨਜ਼ਰਅੰਦਾਜ਼ ਕਰਨਾ ਖ਼ਤਰਨਾਕ ਹੋ ਸਕਦਾ ਹੈ।
ਕੋਰੋਨਾ ਲਈ ਆਹ ਸਹੀ ਇਲਾਜ?
ਕੋਰੋਨਾ ਦੀ ਪੁਸ਼ਟੀ ਹੁੰਦਿਆਂ ਹੀ ਕਿਸੇ ਯੋਗ ਡਾਕਟਰ ਨਾਲ ਸੰਪਰਕ ਕਰੋ। ਹਰ ਵਿਅਕਤੀ ਦਾ ਸਰੀਰ ਵੱਖਰਾ ਹੁੰਦਾ ਹੈ, ਇਸ ਲਈ ਦਵਾਈਆਂ ਅਤੇ ਇਲਾਜ ਵੀ ਵਿਅਕਤੀ 'ਤੇ ਨਿਰਭਰ ਕਰਦਾ ਹੈ।
ਸਰੀਰ ਨੂੰ ਲੋੜੀਂਦਾ ਆਰਾਮ ਅਤੇ ਪਾਣੀ ਦੇਣਾ ਬਹੁਤ ਜ਼ਰੂਰੀ ਹੈ। ਨਾਰੀਅਲ ਪਾਣੀ, ਕਾੜ੍ਹਾ, ਸੂਪ ਅਤੇ ਹਲਕਾ ਭੋਜਨ ਸਰੀਰ ਦੀ ਰਿਕਵਰੀ ਵਿੱਚ ਮਦਦ ਕਰਦੇ ਹਨ।
ਡਾਕਟਰ ਦੀ ਸਲਾਹ ਅਨੁਸਾਰ ਵਿਟਾਮਿਨ ਸੀ, ਡੀ, ਜ਼ਿੰਕ ਆਦਿ ਦਾ ਸੇਵਨ ਕਰੋ। ਇਹ ਸਰੀਰ ਦੀ ਇਮਿਊਨਿਟੀ ਨੂੰ ਮਜ਼ਬੂਤ ਕਰਨ ਵਿੱਚ ਮਦਦਗਾਰ ਹੁੰਦੇ ਹਨ।
ਪਲਸ ਆਕਸੀਮੀਟਰ ਨਾਲ ਨਿਯਮਿਤ ਤੌਰ 'ਤੇ SpO2 ਦੀ ਜਾਂਚ ਕਰੋ। ਜੇਕਰ ਪੱਧਰ 94 ਤੋਂ ਘੱਟ ਜਾਂਦਾ ਹੈ, ਤਾਂ ਤੁਰੰਤ ਡਾਕਟਰੀ ਸਹਾਇਤਾ ਲਓ।
ਕੋਰੋਨਾ ਨੂੰ ਹਲਕੇ ਵਿੱਚ ਲੈਣਾ ਇੱਕ ਵੱਡੀ ਗਲਤੀ ਹੋ ਸਕਦੀ ਹੈ। DOLO ਸਿਰਫ਼ ਇੱਕ ਮੁੱਢਲੀ ਰਾਹਤ ਦੇਣ ਵਾਲੀ ਦਵਾਈ ਹੈ, ਇਹ ਪੂਰੀ ਤਰ੍ਹਾਂ ਇਨਫੈਕਸ਼ਨ ਨੂੰ ਠੀਕ ਨਹੀਂ ਕਰਦੀ ਹੈ। ਸਹੀ ਸਮੇਂ ਤੇ ਸਹੀ ਇਲਾਜ ਅਤੇ ਡਾਕਟਰ ਦੀ ਸਲਾਹ ਹੀ ਇਸ ਬਿਮਾਰੀ ਤੋਂ ਠੀਕ ਹੋਣ ਦਾ ਸਹੀ ਤਰੀਕਾ ਹੈ। ਸਵੈ-ਨਿਰਭਰ ਹੋਣਾ ਠੀਕ ਹੈ, ਪਰ ਅਗਿਆਨਤਾ ਵਿੱਚ ਇਲਾਜ ਕਰਨਾ ਵੀ ਖ਼ਤਰਨਾਕ ਹੋ ਸਕਦਾ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
