Vitamin Deficiency Symptoms : ਕੀ ਪੂਰੀ ਨੀਂਦ ਤੋਂ ਬਾਅਦ ਵੀ ਰਹਿੰਦੀ ਹੈ ਥਕਾਵਟ? ਨਜ਼ਰਅੰਦਾਜ਼ ਕੀਤਾ ਤਾਂ ਬਣ ਸਕਦੀ ਹੈ ਗੰਭੀਰ ਬਿਮਾਰੀ !
Vitamin Deficiency Symptoms : ਜੇਕਰ ਤੁਹਾਨੂੰ ਪੂਰੀ ਨੀਂਦ ਲੈਣ ਤੋਂ ਬਾਅਦ ਵੀ ਹਰ ਵੇਲੇ ਥਕਾਵਟ ਮਹਿਸੂਸ ਹੁੰਦੀ ਹੈ ਜਾਂ ਤੁਹਾਡੇ ਨੱਖੁਨ ਵਾਰ-ਵਾਰ ਟੁੱਟ ਜਾਂਦੇ ਹਨ ਤਾਂ ਇਹ ਸਰੀਰ ਵੱਲੋਂ ਦਿੱਤਾ ਗਿਆ ਸੰਕੇਤ ਹੋ ਸਕਦਾ ਹੈ ਕਿ ਸਰੀਰ ਵਿੱਚ ਕਿਸੇ
Vitamin Deficiency Symptoms : ਜੇਕਰ ਤੁਹਾਨੂੰ ਪੂਰੀ ਨੀਂਦ ਲੈਣ ਤੋਂ ਬਾਅਦ ਵੀ ਹਰ ਵੇਲੇ ਥਕਾਵਟ ਮਹਿਸੂਸ ਹੁੰਦੀ ਹੈ ਜਾਂ ਤੁਹਾਡੇ ਨੱਖੁਨ ਵਾਰ-ਵਾਰ ਟੁੱਟ ਜਾਂਦੇ ਹਨ ਤਾਂ ਇਹ ਸਰੀਰ ਵੱਲੋਂ ਦਿੱਤਾ ਗਿਆ ਸੰਕੇਤ ਹੋ ਸਕਦਾ ਹੈ ਕਿ ਸਰੀਰ ਵਿੱਚ ਕਿਸੇ ਜ਼ਰੂਰੀ ਪੋਸ਼ਕ ਤੱਤ ਦੀ ਕਮੀ ਹੈ। ਅੱਜ ਦੀ ਤੇਜ਼ ਰਫ਼ਤਾਰ ਜ਼ਿੰਦਗੀ, ਗਲਤ ਖਾਣ-ਪੀਣ, ਵੱਧਦਾ ਤਣਾਅ ਅਤੇ ਪੈਕਡ ਫੂਡ ਦੀ ਆਦਤ ਕਾਰਨ ਪੋਸ਼ਣ ਦੀ ਕਮੀ ਆਮ ਹੁੰਦੀ ਜਾ ਰਹੀ ਹੈ। ਸਮੱਸਿਆ ਇਹ ਹੈ ਕਿ ਇਸ ਦੇ ਲੱਛਣ ਹੌਲੀ-ਹੌਲੀ ਸਾਹਮਣੇ ਆਉਂਦੇ ਹਨ, ਜਿਸ ਕਰਕੇ ਲੋਕ ਇਨ੍ਹਾਂ ਨੂੰ ਅਕਸਰ ਨਜ਼ਰਅੰਦਾਜ ਕਰ ਦਿੰਦੇ ਹਨ।
ਮਾਹਿਰ ਕੀ ਕਹਿੰਦੇ ਹਨ?
ਫਰੀਦਾਬਾਦ ਦੇ ਅਮ੍ਰਿਤਾ ਹਸਪਤਾਲ ਦੇ ਅੰਦਰੂਨੀ ਰੋਗਾਂ ਦੇ ਮਾਹਿਰ ਡਾ. ਮੋਹਿਤ ਸ਼ਰਮਾ ਮੁਤਾਬਕ, ਪੋਸ਼ਣ ਦੀ ਕਮੀ ਲੋਕਾਂ ਦੀ ਸੋਚ ਤੋਂ ਕਾਫ਼ੀ ਵੱਧ ਆਮ ਹੈ, ਖ਼ਾਸ ਕਰਕੇ ਸ਼ਹਿਰੀ ਇਲਾਕਿਆਂ ਵਿੱਚ। ਉਨ੍ਹਾਂ ਦੇ ਅਨੁਸਾਰ ਇਸ ਦੇ ਲੱਛਣ ਸ਼ੁਰੂ ਵਿੱਚ ਹਲਕੇ ਅਤੇ ਆਮ ਹੁੰਦੇ ਹਨ, ਇਸ ਲਈ ਸਮੇਂ ਸਿਰ ਪਛਾਣ ਕਰਨਾ ਔਖਾ ਹੋ ਜਾਂਦਾ ਹੈ।
ਵਿਟਾਮਿਨ ਦੀ ਕਮੀ ਦੇ ਮੁੱਖ ਲੱਛਣ
ਲਗਾਤਾਰ ਥਕਾਵਟ ਮਹਿਸੂਸ ਹੋਣਾ – ਜੇ ਪੂਰੀ ਨੀਂਦ ਤੋਂ ਬਾਅਦ ਵੀ ਸਰੀਰ ਵਿੱਚ ਸੁਸਤੀ ਰਹਿੰਦੀ ਹੈ ਤਾਂ ਇਹ ਜ਼ਰੂਰੀ ਪੋਸ਼ਕ ਤੱਤਾਂ ਦੀ ਕਮੀ ਦਾ ਸੰਕੇਤ ਹੋ ਸਕਦਾ ਹੈ। ਇਸ ਨਾਲ ਹੌਲੀ-ਹੌਲੀ ਕੰਮ ਕਰਨ ਦੀ ਸਮਰੱਥਾ ਅਤੇ ਊਰਜਾ ਦੋਵੇਂ ਪ੍ਰਭਾਵਿਤ ਹੋ ਸਕਦੇ ਹਨ।
ਵਾਲਾਂ ਦਾ ਵੱਧ ਝੜਨਾ – ਮੌਸਮ ਬਦਲਣ ਨਾਲ ਕੁਝ ਵਾਲ ਝੜਨਾ ਆਮ ਗੱਲ ਹੈ, ਪਰ ਜੇ ਇਹ ਲਗਾਤਾਰ ਅਤੇ ਜ਼ਿਆਦਾ ਹੋਵੇ, ਤਾਂ ਇਹ ਸਰੀਰ ਵਿੱਚ ਪੋਸ਼ਣ ਦੀ ਕਮੀ ਦਾ ਨਤੀਜਾ ਹੋ ਸਕਦਾ ਹੈ। ਜੜ੍ਹਾਂ ਨੂੰ ਪੂਰਾ ਪੋਸ਼ਣ ਨਾ ਮਿਲਣ ਕਾਰਨ ਵਾਲਾਂ ਦਾ ਕੁਦਰਤੀ ਵਿਕਾਸ ਪ੍ਰਭਾਵਿਤ ਹੁੰਦਾ ਹੈ।
ਇਹ ਲੱਛਣ ਵੀ ਹੋ ਸਕਦੇ ਹਨ
ਵਾਰ-ਵਾਰ ਮੂੰਹ ਵਿੱਚ ਛਾਲੇ ਜਾਂ ਹੋਠ ਫੱਟਣਾ – ਇਸ ਨੂੰ ਛੋਟੀ ਸਮੱਸਿਆ ਸਮਝ ਕੇ ਅਣਡਿੱਠਾ ਨਾ ਕਰੋ। ਇਹ ਵੀ ਪੋਸ਼ਣ ਦੀ ਕਮੀ ਦਾ ਸੰਕੇਤ ਹੋ ਸਕਦਾ ਹੈ।
ਹੱਥਾਂ-ਪੈਰਾਂ ਵਿੱਚ ਝਿਨਝਿਨਾਹਟ ਜਾਂ ਸੁੰਨਪਣ – ਇਹ ਲੱਛਣ ਨਸਾਂ 'ਤੇ ਪੈ ਰਹੇ ਅਸਰ ਵੱਲ ਇਸ਼ਾਰਾ ਕਰ ਸਕਦਾ ਹੈ। ਸਮੇਂ ਸਿਰ ਧਿਆਨ ਨਾ ਦਿੱਤਾ ਜਾਵੇ ਤਾਂ ਸਮੱਸਿਆ ਗੰਭੀਰ ਹੋ ਸਕਦੀ ਹੈ।
ਚਮੜੀ ਦਾ ਪੀਲਾ ਪੈਣਾ ਅਤੇ ਨੱਖੁਨਾਂ ਦਾ ਕਮਜ਼ੋਰ ਹੋਣਾ – ਜੇ ਚਿਹਰਾ ਫਿੱਕਾ ਦਿਸਣ ਲੱਗੇ ਜਾਂ ਨੱਖੁਨ ਵਾਰ-ਵਾਰ ਟੁੱਟਣ, ਤਾਂ ਇਹ ਵੀ ਸਰੀਰ ਵਿੱਚ ਜ਼ਰੂਰੀ ਪੋਸ਼ਕ ਤੱਤਾਂ ਦੀ ਕਮੀ ਦਾ ਸੰਕੇਤ ਹੋ ਸਕਦਾ ਹੈ।
ਕਿਵੇਂ ਲੱਗ ਸਕਦਾ ਹੈ ਪਤਾ?
ਡਾ. ਮੋਹਿਤ ਸ਼ਰਮਾ ਦੇ ਅਨੁਸਾਰ, ਚੰਗੀ ਗੱਲ ਇਹ ਹੈ ਕਿ ਪੋਸ਼ਕ ਤੱਤਾਂ ਦੀ ਕਮੀ ਦਾ ਪਤਾ ਇੱਕ ਸਧਾਰਣ ਖੂਨ ਦੀ ਜਾਂਚ ਨਾਲ ਲੱਗ ਸਕਦਾ ਹੈ। ਸਮੇਂ ਸਿਰ ਖਾਣ-ਪੀਣ ਵਿੱਚ ਸੁਧਾਰ ਕਰਕੇ ਜਾਂ ਡਾਕਟਰ ਦੀ ਸਲਾਹ ਨਾਲ ਲੋੜ ਅਨੁਸਾਰ ਸਪਲੀਮੈਂਟ ਲੈ ਕੇ ਵੱਡੀਆਂ ਸਿਹਤ ਸਮੱਸਿਆਵਾਂ ਤੋਂ ਬਚਿਆ ਜਾ ਸਕਦਾ ਹੈ। ਸਰੀਰ ਵੱਲੋਂ ਮਿਲਣ ਵਾਲੇ ਛੋਟੇ-ਛੋਟੇ ਸੰਕੇਤਾਂ ਨੂੰ ਸਮਝਣਾ ਹੀ ਚੰਗੀ ਸਿਹਤ ਵੱਲ ਪਹਿਲਾ ਕਦਮ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
