Near Death Experience: ਜਦੋਂ ਮੌਤ ਨੇੜੇ ਆਉਂਦੀ ਹੈ, ਕਿਵੇਂ ਦਾ ਹੁੰਦਾ ਹੈ ਮਹਿਸੂਸ, ਜਾਣੋ
ਮੌਤ ਇੱਕ ਹਕੀਕਤ ਹੈ। ਵਿਗਿਆਨੀ ਇਸ ਬਾਰੇ ਖੋਜ ਕਰਦੇ ਰਹਿੰਦੇ ਹਨ। ਇਸ ਵਾਰ ਵਿਗਿਆਨੀਆਂ ਨੇ ਇਹ ਜਾਣਨ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਜਦੋਂ ਮੌਤ ਸਾਡੇ ਨੇੜੇ ਹੁੰਦੀ ਹੈ ਤਾਂ ਸਾਨੂੰ ਕਿਵੇਂ ਦਾ ਅਨੁਭਵ ਹੁੰਦਾ ਹੈ।
Near Death Experience: ਮੌਤ ਜ਼ਿੰਦਗੀ ਦਾ ਇੱਕ ਡਰਾਉਣਾ ਸੱਚ ਹੈ। ਇਹ ਉਹ ਸੱਚ ਹੈ, ਜਿਸ ਦਾ ਸਾਹਮਣਾ ਇਕ ਦਿਨ ਸਾਰਿਆਂ ਨੂੰ ਕਰਨਾ ਪਵੇਗਾ। ਜਿਸ ਨੂੰ ਮੌਤ ਆਪਣੀ ਗੋਦ ਵਿੱਚ ਲੈ ਲੈਂਦੀ ਹੈ ਉਹੀ ਜਾਣਦਾ ਹੈ ਕਿ ਮਰਨ ਵਾਲਾ ਕਿਵੇਂ ਮਹਿਸੂਸ ਕਰਦਾ ਹੈ। ਉਂਜ, ਕਈ ਵਾਰ ਅਜਿਹਾ ਵੀ ਦੇਖਿਆ ਗਿਆ ਹੈ ਜਦੋਂ ਮੌਤ ਕਿਸੇ ਦੇ ਨੇੜੇ ਆਉਂਦੀ ਹੈ ਜਾਂ ਉਸ ਨੂੰ ਇਹ ਲੱਗਦਾ ਹੈ ਕਿ ਵਿਅਕਤੀ ਦਾ ਆਖਰੀ ਸਮਾਂ ਆ ਗਿਆ ਹੈ। ਜ਼ਿੰਦਗੀ ਦੇ ਕਿਸੇ ਨਾ ਕਿਸੇ ਮੋੜ 'ਤੇ, ਬਹੁਤ ਸਾਰੇ ਲੋਕਾਂ ਨੇ ਆਪਣੀ ਮੌਤ ਬਹੁਤ ਨੇੜਿਓਂ ਨਜ਼ਰ ਆਈ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਮਰਨ ਵਾਲੇ ਵਿਅਕਤੀ ਨੂੰ ਕਿਵੇਂ ਮਹਿਸੂਸ ਹੁੰਦਾ ਹੋਵੇਗਾ? ਉਸ ਦੇ ਮਨ ਵਿਚ ਕਿਹੋ ਜਿਹੇ ਵਿਚਾਰ ਅਤੇ ਗੱਲਾਂ ਆ ਰਹੀਆਂ ਹੋਣਗੀਆਂ? ਆਓ ਜਾਣਦੇ ਹਾਂ.... ਕਿ ਜਦੋਂ ਮੌਤ ਨੇੜੇ ਹੋਵੇ ਤਾਂ ਕਿਵੇਂ ਦਾ ਮਹਿਸੂਸ ਹੁੰਦਾ ਹੈ।
ਇੱਕ ਅਧਿਐਨ ਵਿੱਚ, ਮੌਤ ਨਾਲ ਹੱਥ ਮਿਲਾਉਣਾ ਕੁਝ ਲੋਕਾਂ ਲਈ ਇੱਕ ਭਿਆਨਕ ਅਨੁਭਵ ਰਿਹਾ ਸੀ, ਜਦੋਂ ਕਿ ਕੁਝ ਲੋਕਾਂ ਨੇ ਇਸ ਦੌਰਾਨ ਬਹੁਤ ਸ਼ਾਂਤੀ ਮਹਿਸੂਸ ਕੀਤੀ। ਡਾਕਟਰਾਂ ਨੇ ਕਿਹਾ ਕਿ ਮੌਤ ਤੋਂ ਡਰਨ ਦੀ ਲੋੜ ਨਹੀਂ ਹੈ। ਜਿਨ੍ਹਾਂ ਨੇ ਮੌਤ ਦੇ ਨੇੜੇ ਆਉਣ ਦਾ ਅਨੁਭਵ ਕੀਤਾ ਹੈ ਉਹ ਕਹਿੰਦੇ ਹਨ ਕਿ ਉਨ੍ਹਾਂ ਨੇ ਆਪਣੇ ਆਪ ਨੂੰ ਬਹੁਤ ਸ਼ਾਂਤ ਪਾਇਆ। ਡਾ: ਅਜਮਲ ਗੇਮਰ ਨੇ ਦੱਸਿਆ ਕਿ ਇਹ ਸਮਝਣਾ ਥੋੜ੍ਹਾ ਮੁਸ਼ਕਿਲ ਹੋ ਸਕਦਾ ਹੈ ਕਿ ਮੌਤ ਦੇ ਸਮੇਂ ਲੋਕਾਂ ਦਾ ਦਿਮਾਗ ਅਤੇ ਸਰੀਰ ਕੀ ਕਰ ਰਿਹਾ ਹੁੰਦਾ ਹੈ। ਮਾਹਰਾਂ ਨੇ ਸਭ ਤੋਂ ਪਹਿਲਾਂ ਇੱਕ ਅਧਿਐਨ ਕੀਤਾ, ਜਿਸ ਵਿੱਚ ਦਿਲ ਦੇ ਦੌਰੇ ਤੋਂ ਪੀੜਤ 87 ਸਾਲਾ ਵਿਅਕਤੀ ਦੇ ਦਿਮਾਗ਼ ਦਾ ਸਕੈਨ ਦੇਖਿਆ ਗਿਆ ਸੀ।
ਮੌਤ ਦੇ ਕਰੀਬ ਆਉਣ ਨਾਲ ਵੱਧ ਜਾਂਦਾ ਹੈ ਸੇਰੋਟੋਨਿਨ?
ਮਾਹਰਾਂ ਨੇ ਫਰੰਟੀਅਰਜ਼ ਆਫ਼ ਏਜਿੰਗ ਨਿਊਰੋਸਾਇੰਸ ਜਰਨਲ ਵਿੱਚ ਲਿਖਿਆ ਹੈ ਕਿ ਦਿਲ ਦੇ ਦੌਰੇ ਤੋਂ ਪਹਿਲਾਂ 15 ਸਕਿੰਟਾਂ ਵਿੱਚ, ਵਿਅਕਤੀ ਨੇ ਹਾਈ ਫ੍ਰੀਕੁਏਂਸੀ ਬ੍ਰੇਨ ਵੇਵ (High frequency brain wave) ਵਾਲੀਆਂ ਦਿਮਾਗੀ ਤਰੰਗਾਂ ਦਾ ਅਨੁਭਵ ਕੀਤਾ, ਜਿਸ ਨੂੰ ਗਾਮਾ ਓਸ਼ੀਲੇਸ਼ਨ ਕਿਹਾ ਜਾਂਦਾ ਹੈ। ਇਹ ਮੈਮੋਰੀ ਬਣਾਉਣ ਅਤੇ ਇਸ ਨੂੰ ਮੁੜ ਤੋਂ ਹਾਸਲ ਕਰਨ ਵਿੱਚ ਜ਼ਰੂਰੀ ਭੁਮਿਕਾ ਨਿਭਾਉਂਦਾ ਹੈ। ਡਾਕਟਰ ਜੇਮਾਰ ਨੇ ਦੱਸਿਆ ਕਿ ਸਾਨੂੰ ਮੌਤ ਤੋਂ ਠੀਕ ਪਹਿਲਾਂ ਅਤੇ ਦਿਲ ਦੇ ਰੁਕਣ ਤੋਂ ਠੀਕ ਬਾਅਦ ਕੁਝ ਸੰਕੇਤ ਮਿਲਦੇ ਹਨ। ਚੂਹਿਆਂ 'ਤੇ ਕੀਤੇ ਗਏ ਅਧਿਐਨ 'ਚ ਪਹਿਲਾਂ ਇਹ ਵੀ ਪਾਇਆ ਗਿਆ ਸੀ ਕਿ ਮੌਤ ਦਾ ਸਾਹਮਣਾ ਕਰਨ ਵਾਲੇ ਲੋਕਾਂ 'ਚ ਸੇਰੋਟੋਨਿਨ ਦੀ ਮਾਤਰਾ ਵੱਧ ਜਾਂਦੀ ਹੈ।
ਇਹ ਵੀ ਪੜ੍ਹੋ: Power Of Silence: ਜੇਕਰ ਤੁਸੀਂ ਵੀ ਘਰ 'ਚ ਕਲੇਸ਼ ਤੋਂ ਹੋ ਪਰੇਸ਼ਾਨ, ਤਾਂ ਅਪਣਾਓ ਇਹ ਢੰਗ, ਕਲੇਸ਼ ਹੋਵੇਗਾ ਖ਼ਤਮ
ਹੁਣ ਲੋਕਾਂ ਨੂੰ ਨਹੀਂ ਲੱਗਦਾ ਮੌਤ ਤੋਂ ਡਰ
ਸੇਰੋਟੋਨਿਨ ਇੱਕ ਕੈਮਿਕਲ ਹੈ ਜੋ ਦਿਮਾਗ ਅਤੇ ਪੂਰੇ ਸਰੀਰ ਵਿੱਚ ਨਰਵ ਸੈਲਾਂ ਵਿਚਕਾਰ ਮੈਸੇਜ ਪਹੁੰਚਾਉਣ ਦਾ ਕੰਮ ਕਰਦਾ ਹੈ। ਇਹ ਨੀਂਦ ਵਿੱਚ ਵੀ ਵੱਡੀ ਭੂਮਿਕਾ ਨਿਭਾਉਂਦਾ ਹੈ। ਇਸ ਨੂੰ 'ਹੈਪੀ ਹਾਰਮੋਨ' ਵੀ ਕਿਹਾ ਜਾਂਦਾ ਹੈ। ਨੈਸ਼ਨਲ ਲੁਈਸ ਯੂਨੀਵਰਸਿਟੀ ਦੇ ਐਸੋਸੀਏਟ ਪ੍ਰੋਫ਼ੈਸਰ ਡਾ. ਡੇਵਿਡ ਸੈਨ ਫਿਲਿਪੋ ਨੇ ਕਿਹਾ ਕਿ ਜਿਨ੍ਹਾਂ ਲੋਕਾਂ ਨੇ ਮੌਤ ਦਾ ਅਨੁਭਵ ਕੀਤਾ ਹੈ, ਉਹ ਖੁਸ਼ੀ ਅਤੇ ਦਰਦ ਤੋਂ ਰਾਹਤ ਮਹਿਸੂਸ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਜਿਨ੍ਹਾਂ ਲੋਕਾਂ 'ਤੇ ਇਹ ਅਧਿਐਨ ਕੀਤਾ ਗਿਆ ਸੀ, ਉਨ੍ਹਾਂ ਨੂੰ ਮੌਤ ਦਾ ਅਨੁਭਵ ਸੀ। ਉਨ੍ਹਾਂ ਸਾਰਿਆਂ ਨੇ ਕਿਹਾ ਕਿ ਉਹ ਮੌਤ ਦੇ ਨੇੜੇ ਹੁੰਦੇ ਹੋਏ ਆਪਣੇ ਆਪ ਨੂੰ ਸ਼ਾਂਤ ਮਹਿਸੂਸ ਕਰਦੇ ਹਨ। ਉਸ ਨੇ ਇਹ ਵੀ ਕਿਹਾ ਕਿ ਉਹ ਹੁਣ ਮੌਤ ਤੋਂ ਨਹੀਂ ਡਰਦੇ ਹਨ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
