ਤੁਹਾਡੀਆਂ ਇਹ 4 ਆਦਤਾਂ ਬਣ ਸਕਦੀਆਂ ਲਿਵਰ ਕੈਂਸਰ ਦਾ ਕਾਰਨ, ਜਾਣੋ ਕਿਵੇਂ ਰਿਵਰਸ ਹੋਏਗਾ ਡੈਮੇਜ
ਜ਼ਿਆਦਾਤਰ ਲਿਵਰ ਦੀਆਂ ਸਮੱਸਿਆਵਾਂ ਖਰਾਬ ਜੀਵਨਸ਼ੈਲੀ ਅਤੇ ਗਲਤ ਆਦਤਾਂ ਕਾਰਨ ਹੁੰਦੀਆਂ ਹਨ। ਖਾਣ-ਪੀਣ ਵਿੱਚ ਕੀ ਖਾਇਆ ਜਾਂਦਾ ਹੈ ਤੇ ਕੀ ਨਹੀਂ, ਇਹ ਵੀ ਲਿਵਰ ਡੈਮੇਜ ਦਾ ਕਾਰਨ ਬਣ ਸਕਦਾ ਹੈ।
ਜ਼ਿਆਦਾਤਰ ਲਿਵਰ ਦੀਆਂ ਸਮੱਸਿਆਵਾਂ ਖਰਾਬ ਜੀਵਨਸ਼ੈਲੀ ਅਤੇ ਗਲਤ ਆਦਤਾਂ ਕਾਰਨ ਹੁੰਦੀਆਂ ਹਨ। ਖਾਣ-ਪੀਣ ਵਿੱਚ ਕੀ ਖਾਇਆ ਜਾਂਦਾ ਹੈ ਤੇ ਕੀ ਨਹੀਂ, ਇਹ ਵੀ ਲਿਵਰ ਡੈਮੇਜ ਦਾ ਕਾਰਨ ਬਣ ਸਕਦਾ ਹੈ। ਲਗਾਤਾਰ ਹੋ ਰਹੇ ਕ੍ਰੋਨਿਕ ਲਿਵਰ ਨੁਕਸਾਨ ਨਾਲ ਲਿਵਰ ਸਬੰਧੀ ਗੰਭੀਰ ਬਿਮਾਰੀਆਂ ਜਿਵੇਂ ਲਿਵਰ ਸਿਰੋਸਿਸ, ਫੈਟੀ ਲਿਵਰ ਬਿਮਾਰੀ ਜਾਂ ਲਿਵਰ ਕੈਂਸਰ ਹੋ ਸਕਦੇ ਹਨ। ਇਸੇ ਬਾਰੇ ਗੈਸਟਰੋਐਨਟਰੋਲੌਜਿਸਟ ਡਾ. ਸੌਰਭ ਸੇਠੀ ਨੇ ਇੰਸਟਾਗ੍ਰਾਮ ‘ਤੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਹ ਦੱਸਦੇ ਹਨ ਕਿ ਕਿਹੜੀਆਂ ਆਦਤਾਂ ਲਿਵਰ ਨੂੰ ਨੁਕਸਾਨ ਪਹੁੰਚਾਉਂਦੀਆਂ ਹਨ ਤੇ ਜਿਨ੍ਹਾਂ ਨੂੰ ਛੱਡਣਾ ਬਹੁਤ ਜ਼ਰੂਰੀ ਹੈ। ਡਾਕਟਰ ਦਾ ਕਹਿਣਾ ਹੈ ਕਿ ਜੇ ਇਹ ਆਦਤਾਂ ਛੱਡ ਦਿੱਤੀਆਂ ਜਾਣ ਤਾਂ ਲਿਵਰ ਡੈਮੇਜ ਘੱਟ ਹੋ ਸਕਦਾ ਹੈ ਅਤੇ ਲਿਵਰ ਕੈਂਸਰ ਦਾ ਖਤਰਾ ਵੀ ਘਟ ਸਕਦਾ ਹੈ।
ਲਿਵਰ ਕੈਂਸਰ ਦਾ ਕਾਰਨ ਬਣ ਸਕਦੇ ਹਨ ਇਹ ਕੰਮ
ਪ੍ਰੋਸੈਸਡ ਮੀਟ
ਪ੍ਰੋਸੈਸਡ ਮੀਟ ਖਾਣ ਨਾਲ ਲਿਵਰ ਨੂੰ ਨੁਕਸਾਨ ਹੋ ਸਕਦਾ ਹੈ। ਇਸ ਵਿੱਚ ਨਾਈਟਰੇਟਸ, ਪ੍ਰਿਜ਼ਰਵੇਟਿਵਜ਼ ਅਤੇ ਕੈਮਿਕਲ ਐਡੀਟਿਵਜ਼ ਦੀ ਵੱਧ ਮਾਤਰਾ ਹੁੰਦੀ ਹੈ, ਜੋ ਸਮੇਂ ਦੇ ਨਾਲ ਲਿਵਰ ਵਿੱਚ ਇਕੱਠੀ ਹੋਣ ਲੱਗਦੀ ਹੈ। ਲਿਵਰ ਸਰੀਰ ਦੇ ਟਾਕਸਿਨ ਨੂੰ ਫਿਲਟਰ ਕਰਨ ਦਾ ਕੰਮ ਕਰਦਾ ਹੈ, ਪਰ ਜੇ ਇਹ ਖ਼ਤਰਨਾਕ ਪਦਾਰਥਾਂ ਨਾਲ ਲਗਾਤਾਰ ਸੰਪਰਕ ਵਿੱਚ ਰਹੇ ਤਾਂ ਲਿਵਰ ਦੀਆਂ ਸੈਲ ਨੁਕਸਾਨੀ ਹੋ ਸਕਦੀਆਂ ਹਨ ਅਤੇ ਕ੍ਰੋਨਿਕ ਸੋਜ ਵੱਧ ਸਕਦੀ ਹੈ। ਇਸ ਲਈ ਜੇ ਤੁਸੀਂ ਲਿਵਰ ਕੈਂਸਰ ਤੋਂ ਬਚਣਾ ਚਾਹੁੰਦੇ ਹੋ ਤਾਂ ਪ੍ਰੋਸੈਸਡ ਮੀਟ ਦਾ ਸੇਵਨ ਘੱਟ ਕਰੋ।
ਐਲਕੋਹਲ ਦਾ ਸੇਵਨ
ਲਿਵਰ ਕੈਂਸਰ ਦੇ ਸਭ ਤੋਂ ਵੱਡੇ ਕਾਰਨਾਂ ਵਿੱਚੋਂ ਇੱਕ ਹੈ ਐਲਕੋਹਲ ਪੀਣ ਦੀ ਆਦਤ। ਸ਼ਰਾਬ ਪੀਣਾ ਲਿਵਰ ਲਈ ਬਹੁਤ ਖ਼ਤਰਨਾਕ ਸਾਬਤ ਹੁੰਦਾ ਹੈ। ਡਾ. ਸੇਠੀ ਦੇ ਅਨੁਸਾਰ ਸਿਰਫ਼ ਦੇਸੀ ਸ਼ਰਾਬ ਹੀ ਨਹੀਂ, ਸਗੋਂ ਰੈਡ ਵਾਈਨ ਅਤੇ ਬੀਅਰ ਵੀ ਲਿਵਰ ਨੂੰ ਨੁਕਸਾਨ ਪਹੁੰਚਾ ਸਕਦੀਆਂ ਹਨ। ਲਿਵਰ ਐਲਕੋਹਲ ਨੂੰ ਮੈਟਾਬੋਲਾਈਜ਼ ਕਰਦਾ ਹੈ, ਜਿਸ ਨਾਲ ਚਰਬੀ ਜੰਮਣ ਲੱਗਦੀ ਹੈ, ਸੋਜ ਵੱਧਦੀ ਹੈ ਅਤੇ ਲਿਵਰ ਵਿੱਚ ਸਕਾਰਿੰਗ ਹੁੰਦੀ ਹੈ, ਜੋ ਅੱਗੇ ਚੱਲ ਕੇ ਲਿਵਰ ਸਿਰੋਸਿਸ ਦਾ ਕਾਰਨ ਬਣ ਸਕਦੀ ਹੈ।
ਤਲੀ ਹੋਈਆਂ ਚੀਜ਼ਾਂ ਖਾਣਾ
ਥੋੜ੍ਹੀ ਮਾਤਰਾ ਵਿੱਚ ਇਨਸਾਨ ਜੋ ਮਰਜ਼ੀ ਖਾ ਸਕਦਾ ਹੈ, ਪਰ ਕਹਿੰਦੇ ਹਨ ਨਾ ਕਿ ਕਿਸੇ ਵੀ ਚੀਜ਼ ਦੀ ਲੱਤ ਬੁਰੀ ਹੁੰਦੀ ਹੈ। ਇਸੇ ਤਰ੍ਹਾਂ ਜੇ ਤਲੀ ਹੋਈਆਂ ਚੀਜ਼ਾਂ ਜ਼ਰੂਰਤ ਤੋਂ ਵੱਧ ਖਾਈਆਂ ਜਾਣ ਤਾਂ ਇਹ ਸਰੀਰ ਦੇ ਮਹੱਤਵਪੂਰਨ ਅੰਗਾਂ ਨੂੰ ਨੁਕਸਾਨ ਪਹੁੰਚਾਉਣ ਲੱਗਦੀਆਂ ਹਨ। ਫ੍ਰੈਂਚ ਫਰਾਈਜ਼, ਪਕੌੜੇ ਅਤੇ ਫ੍ਰਾਈਡ ਚਿਕਨ ਵਰਗੇ ਖਾਣੇ ਅਨਹੈਲਦੀ ਫੂਡ ਵਿੱਚ ਗਿਣੇ ਜਾਂਦੇ ਹਨ ਅਤੇ ਇਨ੍ਹਾਂ ਵਿੱਚ ਮੌਜੂਦ ਅਨਹੈਲਦੀ ਫੈਟਸ ਲਿਵਰ ‘ਤੇ ਆਕਸੀਡੇਟਿਵ ਸਟਰੈੱਸ ਵਧਾਉਂਦੇ ਹਨ। ਇਹਨਾਂ ਫੂਡਜ਼ ਨੂੰ ਵੱਧ ਖਾਣ ਨਾਲ ਲਿਵਰ ਫੰਕਸ਼ਨ ਖਰਾਬ ਹੋ ਸਕਦਾ ਹੈ।
ਸ਼ੂਗਰੀ ਡ੍ਰਿੰਕਸ ਪੀਣਾ
ਸ਼ੂਗਰੀ ਡ੍ਰਿੰਕਸ ਉਹ ਪੇਅ ਹਨ ਜਿਨ੍ਹਾਂ ਵਿੱਚ ਚੀਨੀ ਦੀ ਮਾਤਰਾ ਬਹੁਤ ਜ਼ਿਆਦਾ ਹੁੰਦੀ ਹੈ। ਇਨ੍ਹਾਂ ਵਿੱਚ ਸੋਡਾ, ਐਨਰਜੀ ਡ੍ਰਿੰਕਸ ਅਤੇ ਮਿੱਠੇ ਪੈਕ ਵਾਲੇ ਜੂਸ ਸ਼ਾਮਲ ਹਨ। ਇਹ ਡ੍ਰਿੰਕਸ ਲਿਵਰ ਵਿੱਚ ਚਰਬੀ ਜਮਾਉਣ ਲੱਗਦੀਆਂ ਹਨ ਅਤੇ ਨਾਨ-ਐਲਕੋਹਲਿਕ ਫੈਟੀ ਲਿਵਰ ਬਿਮਾਰੀ ਦਾ ਕਾਰਨ ਵੀ ਬਣਦੀਆਂ ਹਨ।
ਲਿਵਰ ਡੈਮੇਜ ਕਿਵੇਂ ਰਿਵਰਸ ਹੋ ਸਕਦਾ ਹੈ
ਲਿਵਰ ਕੈਂਸਰ ਤੋਂ ਬਚਣ ਅਤੇ ਲਿਵਰ ਨੁਕਸਾਨ ਘਟਾਉਣ ਲਈ ਖਾਣ-ਪੀਣ ਅਤੇ ਜੀਵਨਸ਼ੈਲੀ ਦੀਆਂ ਆਦਤਾਂ ਬਦਲੀਆਂ ਜਾ ਸਕਦੀਆਂ ਹਨ। ਪ੍ਰੋਸੈਸਡ ਖਾਣੇ ਦੀ ਥਾਂ ਆਪਣੇ ਖੁਰਾਕ ਵਿੱਚ ਤਾਜ਼ੇ ਫਲ ਅਤੇ ਸਬਜ਼ੀਆਂ ਸ਼ਾਮਲ ਕਰਕੇ, ਦਾਲਾਂ ਅਤੇ ਮੱਛੀ ਵਰਗੇ ਪੌਸ਼ਟਿਕ ਤੱਤਾਂ ਵਾਲੇ ਭੋਜਨ ਖਾ ਕੇ ਲਿਵਰ ਡੈਮੇਜ ਨੂੰ ਰਿਵਰਸ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਸਕਦੀ ਹੈ।
ਇਸਦੇ ਨਾਲ ਹੀ ਜੇ ਲਿਵਰ ਦੀਆਂ ਸਮੱਸਿਆਵਾਂ ਸ਼ੁਰੂ ਹੋਣ ਲੱਗਣ ਤਾਂ ਐਲਕੋਹਲ ਦਾ ਸੇਵਨ ਬੰਦ ਕਰਨਾ ਜ਼ਰੂਰੀ ਹੈ। ਸ਼ੂਗਰੀ ਡ੍ਰਿੰਕਸ ਦੀ ਥਾਂ ਪਾਣੀ, ਹਰਬਲ ਚਾਹ ਅਤੇ ਤਾਜ਼ੇ ਫਲਾਂ ਦੇ ਜੂਸ ਪੀਣਾ ਲਿਵਰ ਲਈ ਫਾਇਦੇਮੰਦ ਹੁੰਦਾ ਹੈ। ਫਿਜ਼ਿਕਲ ਐਕਟਿਵਟੀ ‘ਤੇ ਵੀ ਧਿਆਨ ਦੇਣਾ ਚਾਹੀਦਾ ਹੈ। ਵੱਧਦਾ ਵਜ਼ਨ ਵੀ ਲਿਵਰ ਦੀਆਂ ਦਿੱਕਤਾਂ ਦਾ ਕਾਰਨ ਬਣ ਸਕਦਾ ਹੈ, ਇਸ ਲਈ ਵਜ਼ਨ ਕੰਟਰੋਲ ਵਿੱਚ ਰੱਖਣਾ ਬਹੁਤ ਮਹੱਤਵਪੂਰਨ ਹੈ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
