Teeth care tips: ਬੁਰਸ਼ ਕਰਦੇ ਸਮੇਂ ਦੰਦਾਂ 'ਚੋਂ ਨਿਕਲਦਾ ਖੂਨ? ਤਾਂ ਨਾ ਕਰੋ ਨਜ਼ਰਅੰਦਾਜ਼...ਬਿਮਾਰੀਆਂ ਦੇ ਹੋ ਸਕਦੇ ਸ਼ੁਰੂਆਤੀ ਲੱਛਣ

Health Tips: ਦੰਦਾਂ ਨੂੰ ਸਾਫ ਰੱਖਣ ਲਈ ਦੋ ਸਮੇਂ ਬੁਰਸ਼ ਕਰਨਾ ਚਾਹੀਦਾ ਹੈ। ਕਈ ਵਾਰ ਬੁਰਸ਼ ਕਰਦੇ-ਕਰਦੇ ਦੰਦਾਂ ਦੇ ਵਿੱਚ ਖੂਨ ਆ ਜਾਂਦਾ ਹੈ। ਜਿਸ ਨੂੰ ਦੇਖ ਕੇ ਅਸੀਂ ਘਬਰਾ ਜਾਂਦੇ ਹਾਂ। ਆਓ ਜਾਣਦੇ ਹਾਂ ਇਸ ਪਿੱਛੇ ਕੀ ਕਾਰਨ ਹੋ ਸਕਦੇ ਹਨ...

( Image Source : Freepik )

Teeth Care Tips: ਦੰਦਾਂ ਨੂੰ ਸਾਫ ਰੱਖਣ ਦੇ ਲਈ ਅਸੀਂ ਰੋਜ਼ਾਨਾ ਬੁਰਸ਼ ਕਰਦੇ ਹਨ। ਡਾਕਟਰ ਵੀ ਦੋ ਟਾਈਮ ਬੁਰਸ਼ ਕਰਨ ਦੀ ਸਲਾਹ ਦਿੰਦੇ ਹਨ। ਸਵੇਰੇ ਸਭ ਤੋਂ ਪਹਿਲਾਂ ਅਸੀਂ ਬੁਰਸ਼ ਕਰਦੇ ਹਾਂ। ਪਰ ਕਈ ਵਾਰ ਬੁਰਸ਼ ਕਰਦੇ-ਕਰਦੇ ਦੰਦਾਂ ਵਿੱਚੋਂ ਖੂਨ ਆ ਜਾਂਦਾ ਹੈ। ਦੰਦਾਂ ਵਿੱਚੋਂ ਖੂਨ ਦੇਖ ਕੇ ਘਬਰਾ ਜਾਂਦਾ ਹੈ। ਅਕਸਰ ਲੋਕ ਇਸ ਨੂੰ ਮਾਮੂਲੀ ਸਮਝ ਕੇ ਨਜ਼ਰਅੰਦਾਜ਼ ਵੀ ਕਰ ਦਿੰਦੇ ਹਨ ਪਰ ਇਹ ਨਜ਼ਰਅੰਦਾਜ਼ ਕਰਨ ਵਾਲੀ ਗੱਲ ਨਹੀਂ ਹੈ। ਦੰਦਾਂ ਵਿੱਚੋਂ ਖੂਨ ਵਗਣਾ ਕਈ ਬਿਮਾਰੀਆਂ ਦਾ ਸ਼ੁਰੂਆਤੀ ਲੱਛਣ ਹੋ ਸਕਦਾ ਹੈ। ਆਓ ਜਾਣਦੇ ਹਾਂ ਇਸ ਦੇ ਪਿੱਛੇ ਦਾ ਕਾਰਨ....

ਜੇਕਰ ਤੁਹਾਨੂੰ ਦੰਦਾਂ ਨੂੰ ਬੁਰਸ਼ ਕਰਦੇ ਸਮੇਂ ਦਰਦ ਜਾਂ ਖੂਨ ਵਹਿਣ ਜਾਂ ਕਿਸੇ ਤਰ੍ਹਾਂ ਦੀ ਸੋਜ ਮਹਿਸੂਸ ਹੁੰਦੀ ਹੈ ਤਾਂ ਇਸ ਨੂੰ ਨਜ਼ਰਅੰਦਾਜ਼ ਕਰਨ ਦੀ ਬਜਾਏ ਤੁਰੰਤ ਚੌਕਸ ਹੋ ਜਾਓ। ਸਲਾਹ ਲਈ ਦੰਦਾਂ ਦੇ ਡਾਕਟਰ ਕੋਲ ਜਾਓ ਕਿਉਂਕਿ ਇਹ ਕਿਸੇ ਬਿਮਾਰੀ ਦੇ ਸ਼ੁਰੂਆਤੀ ਲੱਛਣ ਵੀ ਹੋ ਸਕਦੇ ਹਨ। ਦਰਅਸਲ, ਬੁਰਸ਼ ਕਰਨ ਜਾਂ ਕੁਰਲੀ ਕਰਨ ਨਾਲ, ਅਸੀਂ ਨਾ ਸਿਰਫ਼ ਆਪਣੇ ਦੰਦਾਂ ਨੂੰ ਇਨਫੈਕਸ਼ਨ ਤੋਂ ਬਚਾਉਂਦੇ ਹਾਂ, ਸਗੋਂ ਸਾਡੀ ਸਮੁੱਚੀ ਸਿਹਤ ਦੀ ਵੀ ਰੱਖਿਆ ਕਰਦੇ ਹਾਂ। ਪਰ ਜੇਕਰ ਇੱਕ ਹਫ਼ਤੇ ਤੱਕ ਦੰਦਾਂ ਜਾਂ ਮਸੂੜਿਆਂ ਵਿੱਚ ਖੂਨ ਵਹਿਣ, ਸੋਜ ਜਾਂ ਦਰਦ ਵਰਗੀਆਂ ਸਮੱਸਿਆਵਾਂ ਹੋਣ ਤਾਂ ਬਿਨਾਂ ਕਿਸੇ ਦੇਰੀ ਦੇ ਦੰਦਾਂ ਦੇ ਡਾਕਟਰ ਕੋਲ ਜਾਣਾ ਚਾਹੀਦਾ ਹੈ।

ਦੰਦਾਂ ਜਾਂ ਮਸੂੜਿਆਂ ਵਿੱਚੋਂ ਖੂਨ ਕਿਉਂ ਨਿਕਲਦਾ ਹੈ?

ਮਾਹਿਰਾਂ ਮੁਤਾਬਕ ਮਸੂੜਿਆਂ 'ਚੋਂ ਖੂਨ ਵਗਣ ਦੇ ਇਕ ਤੋਂ ਵੱਧ ਕਾਰਨ ਹੋ ਸਕਦੇ ਹਨ। ਅਮਰੀਕਨ ਡੈਂਟਲ ਐਸੋਸੀਏਸ਼ਨ ਮੁਤਾਬਕ ਕਈ ਵਾਰ ਮਸੂੜਿਆਂ 'ਚ ਸੋਜ ਹੋਣ ਕਾਰਨ ਬੁਰਸ਼ ਕਰਦੇ ਸਮੇਂ ਖੂਨ ਨਿਕਲਣਾ ਸ਼ੁਰੂ ਹੋ ਜਾਂਦਾ ਹੈ। ਇਹ ਮਸੂੜਿਆਂ ਦੀ ਬਿਮਾਰੀ ਦੇ ਸ਼ੁਰੂਆਤੀ ਲੱਛਣ ਹਨ। ਮਸੂੜਿਆਂ ਦੀ ਬਿਮਾਰੀ ਨੂੰ ਪੀਰੀਅਡੋਂਟਲ ਬਿਮਾਰੀ ਵੀ ਕਿਹਾ ਜਾਂਦਾ ਹੈ।

ਇਸ ਬਿਮਾਰੀ ਵਿਚ ਦੰਦਾਂ ਦੇ ਆਲੇ-ਦੁਆਲੇ ਮਸੂੜਿਆਂ ਅਤੇ ਹੱਡੀਆਂ ਵਿਚ ਇਨਫੈਕਸ਼ਨ ਹੋ ਜਾਂਦੀ ਹੈ। ਜਿਸ ਕਾਰਨ ਚਾਰੇ ਪਾਸੇ Plaque ਜੰਮ ਜਾਂਦਾ ਹੈ। ਇਸ ਬਿਮਾਰੀ ਵਿਚ ਦੰਦਾਂ ਤੋਂ ਵੀ ਖੂਨ ਨਿਕਲਦਾ ਹੈ।

 
ਦੰਦਾਂ 'ਚੋਂ ਖੂਨ ਵਗਣ ਦੀ ਸਮੱਸਿਆ ਕਦੋਂ ਹੁੰਦੀ ਹੈ ਖਤਰਨਾਕ?

• ਇਸ ਬਿਮਾਰੀ ਦੇ ਲੱਛਣ ਜਵਾਨੀ, ਗਰਭ ਅਵਸਥਾ, ਮੀਨੋਪੌਜ਼ ਜਾਂ ਮਾਹਵਾਰੀ ਚੱਕਰ ਦੌਰਾਨ ਔਰਤਾਂ ਵਿੱਚ ਦੇਖੇ ਜਾਂਦੇ ਹਨ। ਅਜਿਹਾ ਉਨ੍ਹਾਂ ਵਿੱਚ ਹਾਰਮੋਨਲ ਬਦਲਾਅ ਦੇ ਕਾਰਨ ਹੁੰਦਾ ਹੈ।
• ਹਾਰਮੋਨਸ ਮਸੂੜਿਆਂ ਦੇ ਨੇੜੇ ਜਮ੍ਹਾ ਹੋ ਜਾਂਦੇ ਹਨ
• ਬੈਕਟੀਰੀਆ ਅਤੇ ਪਲਾਕ ਪ੍ਰਤੀ ਵਧੇਰੇ ਸੰਵੇਦਨਸ਼ੀਲ ਹੁੰਦੇ ਹਨ। ਇਸ ਤੋਂ ਇਲਾਵਾ ਸਿਗਰਟਨੋਸ਼ੀ, ਜੈਨੇਟਿਕਸ, ਡਾਇਬਟੀਜ਼ ਆਦਿ ਵਰਗੀਆਂ ਬਿਮਾਰੀਆਂ ਕਾਰਨ ਵੀ ਖਤਰਾ ਵੱਧ ਸਕਦਾ ਹੈ। ਜੇਕਰ ਤੁਸੀਂ ਕਿਸੇ ਕਿਸਮ ਦੀ ਸਟੀਰੌਇਡ ਦਵਾਈ ਜਾਂ ਓਰਲ ਗਰਭ ਨਿਰੋਧਕ ਲੈ ਰਹੇ ਹੋ ਜਾਂ ਕੈਂਸਰ ਜਾਂ ਡਰੱਗ ਥੈਰੇਪੀ ਤੋਂ ਗੁਜ਼ਰ ਰਹੇ ਹੋ, ਤਾਂ ਸਮੱਸਿਆਵਾਂ ਵਧ ਸਕਦੀਆਂ ਹਨ।

ਆਪਣੇ ਆਪ ਨੂੰ ਇਸ ਤਰ੍ਹਾਂ ਬਚਾਓ

• ਦਿਨ ਵਿਚ ਘੱਟੋ-ਘੱਟ ਦੋ ਤੋਂ ਤਿੰਨ ਵਾਰ ਬੁਰਸ਼ ਕਰੋ
• ਖੁਰਾਕ ਨੂੰ ਸੰਤੁਲਿਤ ਰੱਖੋ
• ਦੰਦਾਂ ਦੇ ਡਾਕਟਰ ਕੋਲ ਜਾਓ ਅਤੇ ਨਿਯਮਿਤ ਤੌਰ 'ਤੇ ਆਪਣੀ ਜਾਂਚ ਕਰਵਾਓ।
• ਸਿਗਰਟਨੋਸ਼ੀ ਅਤੇ ਚਿਊਇੰਗ-ਗਮ ਤੋਂ ਬਚੋ

Disclaimer: ਇਸ ਲੇਖ ਵਿਚ ਦੱਸੇ ਗਏ ਤਰੀਕਿਆਂ ਅਤੇ ਸੁਝਾਵਾਂ ਨੂੰ ਅਪਣਾਉਣ ਤੋਂ ਪਹਿਲਾਂ,ਕਿਸੇ ਡਾਕਟਰ ਜਾਂ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲਓ।