(Source: ECI/ABP News/ABP Majha)
ਜੇਕਰ ਤੁਹਾਨੂੰ ਵੀ PERIODS 'ਚ ਬਹੁਤ ਦਰਦ ਹੁੰਦਾ ਹੈ, ਤਾਂ ਤੁਸੀਂ ਇਸ ਬਿਮਾਰੀ ਦੇ ਹੋ ਸਕਦੇ ਸ਼ਿਕਾਰ, ਜਾਣੋ
Woman health: ਕਈ ਔਰਤਾਂ ਪੀਰੀਅਡ ਦਰਦ ਤੋਂ ਛੁਟਕਾਰਾ ਪਾਉਣ ਲਈ ਦਰਦ ਨਿਵਾਰਕ ਦਵਾਈਆਂ ਦਾ ਸੇਵਨ ਕਰਦੀਆਂ ਹਨ। ਹਾਲਾਂਕਿ ਉਨ੍ਹਾਂ ਨੂੰ ਇਹ ਨਹੀਂ ਪਤਾ ਕਿ ਇਨ੍ਹਾਂ ਦਵਾਈਆਂ ਦੀ ਵਰਤੋਂ ਨਾਲ ਪੀਰੀਅਡਜ਼ 'ਤੇ ਗੰਭੀਰ ਪ੍ਰਭਾਵ ਪੈ ਸਕਦੇ ਹਨ।
Women Health: ਹਰ ਮਹੀਨੇ ਹੋਣ ਵਾਲੇ ਪੀਰੀਅਡਜ਼ ਦੌਰਾਨ ਜ਼ਿਆਦਾਤਰ ਔਰਤਾਂ ਨੂੰ ਅਸਹਿ ਦਰਦ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਪੇਟ, ਕਮਰ ਅਤੇ ਪੱਟਾਂ ਵਿੱਚ ਦਰਦ ਹੋਣ ਨਾਲ ਪੂਰੇ ਸਰੀਰ ਵਿੱਚ ਅਕੜਾਅ ਪੈਦਾ ਹੋ ਜਾਂਦਾ ਹੈ। ਹਾਲਾਂਕਿ ਪੀਰੀਅਡ ਦੇ ਦੌਰਾਨ ਹਰ ਔਰਤ ਨੂੰ ਦਰਦ ਹੁੰਦਾ ਹੈ ਪਰ ਕੁਝ ਔਰਤਾਂ ਨੂੰ ਇਸ ਦਾ ਦਰਦ ਇੰਨਾ ਜ਼ਿਆਦਾ ਹੁੰਦਾ ਹੈ ਕਿ ਉਹ ਕਈ ਵਾਰ ਰੋਣ ਲਈ ਮਜਬੂਰ ਹੋ ਜਾਂਦੀਆਂ ਹਨ। ਲੱਖਾਂ ਔਰਤਾਂ ਇਸ ਦਰਦ ਚੋਂ ਲੰਘਦੀਆਂ ਹਨ। ਪਰ ਕੀ ਅਸਹਿ ਦਰਦ ਹੋਣਾ ਆਮ ਹੈ? ਜਾਂ ਇਹ ਕਿਸੇ ਵੱਡੀ ਸਰੀਰਕ ਸਮੱਸਿਆ ਦਾ ਸੰਕੇਤ ਹੈ?
ਨੈਸ਼ਨਲ ਹੈਲਥ ਸਰਵਿਸ (NHS) ਤੋਂ ਇੱਕ ਟੈਸਟ ਇਹ ਦੱਸਣ ਵਿੱਚ ਮਦਦ ਕਰ ਸਕਦਾ ਹੈ ਕਿ ਤੁਹਾਡੀ ਮਾਹਵਾਰੀ ਇੰਨੀ ਭਾਰੀ ਅਤੇ ਦਰਦਨਾਕ ਕਿਉਂ ਹੈ ਅਤੇ ਤੁਹਾਨੂੰ ਡਾਕਟਰ ਨੂੰ ਕਦੋਂ ਮਿਲਣਾ ਚਾਹੀਦਾ ਹੈ। ਟੈਸਟ 'ਚ ਕਈ ਸਵਾਲ ਪੁੱਛੇ ਗਏ ਹਨ ਕਿ ਪੀਰੀਅਡਸ ਤੁਹਾਡੇ 'ਤੇ ਕੀ ਅਸਰ ਪਾਉਂਦੇ ਹਨ। ਰਿਪੋਰਟ ਮੁਤਾਬਕ ਬ੍ਰਿਟੇਨ 'ਚ 10 'ਚੋਂ 9 ਔਰਤਾਂ ਹਰ ਮਹੀਨੇ ਅਸਹਿ ਪੀਰੀਅਡ ਦਰਦ ਤੋਂ ਪੀੜਤ ਹੁੰਦੀਆਂ ਹਨ। ਇਨ੍ਹਾਂ ਵਿੱਚੋਂ ਅੱਧੀਆਂ ਤੋਂ ਵੱਧ ਔਰਤਾਂ ਯਾਨੀ 57 ਫੀਸਦੀ ਦਾ ਕਹਿਣਾ ਹੈ ਕਿ ਪੀਰੀਅਡ ਆਉਣ ਨਾਲ ਉਨ੍ਹਾਂ ਦੀ ਕੰਮ ਕਰਨ ਦੀ ਸਮਰੱਥਾ ਪ੍ਰਭਾਵਿਤ ਹੁੰਦੀ ਹੈ ਅਤੇ ਉਹ ਬਹੁਤ ਕਮਜ਼ੋਰ ਮਹਿਸੂਸ ਕਰਦੀਆਂ ਹਨ।
ਦਰਦਨਾਕ ਪੀਰੀਅਡਜ਼ ਦੇ ਕੀ ਕਾਰਨ ਹਨ?
ਕਈ ਔਰਤਾਂ ਪੀਰੀਅਡਜ਼ ਦੇ ਦਰਦ ਤੋਂ ਛੁਟਕਾਰਾ ਪਾਉਣ ਲਈ ਦਰਦ ਨਿਵਾਰਕ ਦਵਾਈਆਂ ਦਾ ਸੇਵਨ ਕਰਦੀਆਂ ਹਨ। ਹਾਲਾਂਕਿ, ਉਨ੍ਹਾਂ ਨੂੰ ਇਹ ਨਹੀਂ ਪਤਾ ਕਿ ਇਨ੍ਹਾਂ ਦਵਾਈਆਂ ਦੀ ਵਰਤੋਂ ਨਾਲ ਪੀਰੀਅਡਜ਼ 'ਤੇ ਗੰਭੀਰ ਪ੍ਰਭਾਵ ਪੈ ਸਕਦੇ ਹਨ ਅਤੇ ਸਿਹਤ ਸਬੰਧੀ ਕਈ ਖ਼ਤਰੇ ਵੀ ਪੈਦਾ ਹੋ ਸਕਦੇ ਹਨ। ਐਂਡੋਮੈਟਰੀਓਸਿਸ ਅਤੇ ਪੋਲੀਸਿਸਟਿਕ ਅੰਡਾਸ਼ਯ ਸਿੰਡਰੋਮ (PCOS) ਦਰਦਨਾਕ ਅਤੇ ਮੁਸ਼ਕਲ ਦੌਰ ਦੇ ਸਭ ਤੋਂ ਆਮ ਕਾਰਨ ਹਨ। ਦੋਵੇਂ ਸਮੱਸਿਆਵਾਂ ਹਾਰਮੋਨਲ ਅਸੰਤੁਲਨ ਕਾਰਨ ਪੈਦਾ ਹੁੰਦੀਆਂ ਹਨ, ਜਿਨ੍ਹਾਂ ਦਾ ਪੂਰੀ ਤਰ੍ਹਾਂ ਨਾਲ ਇਲਾਜ ਨਹੀਂ ਕੀਤਾ ਜਾ ਸਕਦਾ। ਹਾਲਾਂਕਿ, ਵੱਖ-ਵੱਖ ਇਲਾਜਾਂ ਦੁਆਰਾ ਲੱਛਣਾਂ ਨੂੰ ਯਕੀਨੀ ਤੌਰ 'ਤੇ ਘਟਾਇਆ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ: Health Tips: ਜੇਕਰ ਤੁਸੀਂ ਸਰਦੀ ਤੇ ਗਰਮੀ 'ਚ ਬਿਮਾਰੀਆਂ ਤੋਂ ਰਹਿਣਾ ਚਾਹੁੰਦੇ ਹੋ ਦੂਰ, ਤਾਂ ਕਰੋ ਇਹ ਕੰਮ, ਰਹੋਗੇ ਸਿਹਤਮੰਦ
ਧਿਆਨ ਵਿੱਚ ਰੱਖਣ ਵਾਲੀਆਂ ਗੱਲਾਂ
- ਪੀਰੀਅਡਜ਼ ਦੀ ਮਿਆਦ ਜ਼ਿਆਦਾ ਤੋਂ ਜ਼ਿਆਦਾ 7 ਦਿਨਾਂ ਤੱਕ ਰਹਿੰਦੀ ਹੈ। ਕੁਝ ਔਰਤਾਂ ਨੂੰ, ਇਹ 2 ਜਾਂ 3 ਦਿਨਾਂ ਤੱਕ ਰਹਿੰਦੀ ਹੈ। ਜੇਕਰ ਤੁਹਾਡੀ ਮਾਹਵਾਰੀ 7 ਦਿਨਾਂ ਤੋਂ ਵੱਧ ਸਮੇਂ ਤੱਕ ਜਾਰੀ ਰਹਿੰਦੀ ਹੈ ਤਾਂ ਤੁਹਾਨੂੰ ਤੁਰੰਤ ਡਾਕਟਰ ਕੋਲ ਜਾਣਾ ਚਾਹੀਦਾ ਹੈ।
- ਹਰ 1-2 ਘੰਟੇ ਬਾਅਦ ਸੈਨੇਟਰੀ ਪ੍ਰੋਡਕਟ ਨੂੰ ਬਦਲਦੇ ਰਹੋ। ਹਮੇਸ਼ਾ ਇੱਕੋ ਪੈਡ ਦੀ ਵਰਤੋਂ ਕਰਨ ਤੋਂ ਬਚੋ।
- ਜੇਕਰ ਬਲੀਡਿੰਗ ਜ਼ਿਆਦਾ ਹੋ ਰਹੀ ਹੈ ਤਾਂ ਵੀ ਡਾਕਟਰ ਦੀ ਸਲਾਹ ਲੈਣੀ ਜ਼ਰੂਰੀ ਹੈ।
- ਜੇਕਰ ਖੂਨ ਦੇ ਵੱਡੇ-ਵੱਡੇ ਥੱਕੇ ਨਿਕਲਦੇ ਹਨ ਤਾਂ ਵੀ ਆਮ ਗੱਲ ਨਹੀਂ ਹੈ। ਇਸ ਲਈ ਜੇਕਰ ਤੁਸੀਂ ਇਹ ਸਮੱਸਿਆ ਤੋਂ ਜੂਝ ਰਹੇ ਹੋ ਤਾਂ ਲਾਪਰਵਾਹੀ ਨਾ ਕਰੋ।
- ਹੈਵੀ ਪੀਰੀਅਡਜ਼ ਦੇ ਕਈ ਕਾਰਨ ਹਨ। ਇਹਨਾਂ ਵਿੱਚ ਮੈਡੀਕਲ ਕਨਡੀਸ਼ਨ ਜਿਵੇਂ ਕਿ ਪੋਲੀਪਸ, ਗਰਭ ਵਿੱਚ ਫਾਈਬਰੋਇਡ, PCOS ਅਤੇ ਥਾਇਰਾਇਡ ਡਿਸਾਆਰਡਰ ਜਾਂ ਬਲੱਡ ਕਲੋਟਿੰਗ ਸ਼ਾਮਲ ਹਨ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
