Milk Storage Tips : ਗਰਮੀਆਂ 'ਚ ਦੁੱਧ ਜਲਦੀ ਫਟ ਜਾਂਦਾ ਹੈ? ਇਹ ਤਰੀਕੇ ਅਪਣਾਓ, ਲੰਬੇ ਸਮੇਂ ਤੱਕ ਰਹੇਗਾ ਤਾਜ਼ਾ
Milk Storage Tips : ਗਰਮੀਆਂ ਦੇ ਮੌਸਮ ਵਿੱਚ ਦੁੱਧ ਨੂੰ ਤਾਜ਼ਾ ਰੱਖਣਾ ਕਿਸੇ ਚੁਣੌਤੀ ਤੋਂ ਘੱਟ ਨਹੀਂ ਹੁੰਦਾ। ਤਾਪਮਾਨ ਵੱਧਣ ਨਾਲ ਦੁੱਧ ਜਲਦੀ ਖਰਾਬ ਹੋ ਜਾਂਦਾ ਹੈ ਅਤੇ ਕਈ ਵਾਰ ਫਰਿੱਜ ਵਿੱਚ ਰੱਖਣ ਦੇ ਬਾਵਜੂਦ ਵੀ ਖੱਟਾ ਹੋ ਜਾਂਦਾ ਹੈ।
Milk Storage Tips : ਗਰਮੀਆਂ ਦੇ ਮੌਸਮ ਵਿੱਚ ਦੁੱਧ ਨੂੰ ਤਾਜ਼ਾ ਰੱਖਣਾ ਕਿਸੇ ਚੁਣੌਤੀ ਤੋਂ ਘੱਟ ਨਹੀਂ ਹੁੰਦਾ। ਤਾਪਮਾਨ ਵੱਧਣ ਨਾਲ ਦੁੱਧ ਜਲਦੀ ਖਰਾਬ ਹੋ ਜਾਂਦਾ ਹੈ ਅਤੇ ਕਈ ਵਾਰ ਫਰਿੱਜ ਵਿੱਚ ਰੱਖਣ ਦੇ ਬਾਵਜੂਦ ਵੀ ਖੱਟਾ ਹੋ ਜਾਂਦਾ ਹੈ। ਅਜਿਹੇ ਵਿੱਚ ਨਾ ਸਿਰਫ਼ ਖਾਣ-ਪੀਣ ਦਾ ਨੁਕਸਾਨ ਹੁੰਦਾ ਹੈ, ਸਗੋਂ ਪੈਸਿਆਂ ਦੀ ਵੀ ਬਰਬਾਦੀ ਹੁੰਦੀ ਹੈ। ਜੇ ਤੁਹਾਡੇ ਘਰ ਵਿੱਚ ਵੀ ਦੁੱਧ ਵਾਰ-ਵਾਰ ਫਟ ਜਾਂਦਾ ਹੈ, ਤਾਂ ਕੁਝ ਆਸਾਨ ਆਦਤਾਂ ਅਪਣਾ ਕੇ ਉਸ ਦੀ ਸ਼ੈਲਫ ਲਾਈਫ ਵਧਾਈ ਜਾ ਸਕਦੀ ਹੈ।
ਦੁੱਧ ਖਰੀਦਦੇ ਸਮੇਂ ਇਸ ਗੱਲ ਦਾ ਰੱਖੋ ਧਿਆਨ
ਜਦੋਂ ਵੀ ਬਾਜ਼ਾਰ ਜਾਓ, ਕੋਸ਼ਿਸ਼ ਕਰੋ ਕਿ ਦੁੱਧ ਸਭ ਤੋਂ ਆਖ਼ਿਰ ਵਿੱਚ ਖਰੀਦੋ। ਇਸ ਤਰ੍ਹਾਂ ਦੁੱਧ ਘੱਟ ਸਮੇਂ ਲਈ ਗਰਮ ਮਾਹੌਲ ਵਿੱਚ ਰਹੇਗਾ ਅਤੇ ਉਸ ਦੇ ਖਰਾਬ ਹੋਣ ਦੀ ਸੰਭਾਵਨਾ ਵੀ ਘੱਟ ਹੋਵੇਗੀ। ਮਾਹਿਰਾਂ ਦੇ ਅਨੁਸਾਰ ਦੁੱਧ ਜਿੰਨਾ ਵੱਧ ਸਮਾਂ ਫਰਿੱਜ ਤੋਂ ਬਾਹਰ ਰਹਿੰਦਾ ਹੈ, ਉਸ ਵਿੱਚ ਬੈਕਟੀਰੀਆ ਵਧਣ ਦਾ ਖ਼ਤਰਾ ਉੱਨਾ ਹੀ ਵੱਧ ਜਾਂਦਾ ਹੈ। ਇਸ ਲਈ ਦੁੱਧ ਖਰੀਦਣ ਤੋਂ ਬਾਅਦ ਸਿੱਧਾ ਘਰ ਜਾਓ ਅਤੇ ਉਸ ਨੂੰ ਤੁਰੰਤ ਫਰਿੱਜ ਵਿੱਚ ਰੱਖ ਦਿਓ।
ਘਰ ਲਿਆਉਣ ਤੋਂ ਬਾਅਦ ਦੁੱਧ ਨੂੰ ਉਬਾਲ ਲਓ
ਜੇ ਬਾਹਰ ਦਾ ਤਾਪਮਾਨ ਬਹੁਤ ਜ਼ਿਆਦਾ ਹੈ ਅਤੇ ਤੁਹਾਨੂੰ ਲੱਗਦਾ ਹੈ ਕਿ ਦੁੱਧ ਜਲਦੀ ਖਰਾਬ ਹੋ ਸਕਦਾ ਹੈ ਤਾਂ ਘਰ ਪਹੁੰਚਦੇ ਹੀ ਉਸ ਨੂੰ ਇੱਕ ਵਾਰ ਚੰਗੀ ਤਰ੍ਹਾਂ ਉਬਾਲ ਲਓ। ਉਬਾਲਣ ਨਾਲ ਦੁੱਧ ਵਿੱਚ ਮੌਜੂਦ ਕਈ ਕਿਸਮ ਦੇ ਬੈਕਟੀਰੀਆ ਨਸ਼ਟ ਹੋ ਜਾਂਦੇ ਹਨ, ਜੋ ਉਸ ਨੂੰ ਖੱਟਾ ਕਰਨ ਲਈ ਜ਼ਿੰਮੇਵਾਰ ਹੁੰਦੇ ਹਨ। ਦੁੱਧ ਠੰਢਾ ਹੋਣ ਤੋਂ ਬਾਅਦ ਹੀ ਉਸ ਨੂੰ ਫਰਿੱਜ ਵਿੱਚ ਸਟੋਰ ਕਰੋ।
ਫਰਿੱਜ ਵਿੱਚ ਸਹੀ ਜਗ੍ਹਾ 'ਤੇ ਰੱਖੋ
ਕਈ ਲੋਕ ਦੁੱਧ ਨੂੰ ਫਰਿੱਜ ਦੇ ਦਰਵਾਜ਼ੇ ਵਿੱਚ ਰੱਖ ਦਿੰਦੇ ਹਨ, ਪਰ ਇਹ ਸਭ ਤੋਂ ਵੱਡੀਆਂ ਗਲਤੀਆਂ ਵਿੱਚੋਂ ਇੱਕ ਹੈ। ਦਰਵਾਜ਼ਾ ਵਾਰ-ਵਾਰ ਖੁੱਲ੍ਹਣ ਅਤੇ ਬੰਦ ਹੋਣ ਕਾਰਨ ਉੱਥੇ ਦਾ ਤਾਪਮਾਨ ਬਦਲਦਾ ਰਹਿੰਦਾ ਹੈ, ਜਿਸ ਨਾਲ ਦੁੱਧ ਜਲਦੀ ਖਰਾਬ ਹੋ ਸਕਦਾ ਹੈ। ਦੁੱਧ ਨੂੰ ਹਮੇਸ਼ਾ ਫਰਿੱਜ ਦੇ ਅੰਦਰਲੇ ਹਿੱਸੇ ਵਿੱਚ ਖ਼ਾਸ ਕਰਕੇ ਮਿਡਲ ਜਾਂ ਹੇਠਲੀ ਸ਼ੈਲਫ਼ 'ਤੇ ਰੱਖੋ। ਜੇ ਤੁਹਾਡੇ ਫਰਿੱਜ ਵਿੱਚ ਚਿਲਰ ਟ੍ਰੇ ਹੈ, ਤਾਂ ਉੱਥੇ ਸਟੋਰ ਕਰਨਾ ਹੋਰ ਵੀ ਵਧੀਆ ਰਹੇਗਾ। ਨਾਲ ਹੀ ਦੁੱਧ ਦੇ ਬਰਤਨ ਨੂੰ ਚੰਗੀ ਤਰ੍ਹਾਂ ਬੰਦ ਰੱਖੋ।
ਵਰਤੋਂ ਤੋਂ ਬਾਅਦ ਤੁਰੰਤ ਫਰਿੱਜ ਵਿੱਚ ਰੱਖੋ
ਦੁੱਧ ਕੱਢ ਕੇ ਲੰਬੇ ਸਮੇਂ ਤੱਕ ਬਾਹਰ ਛੱਡ ਦੇਣਾ ਵੀ ਉਸ ਦੀ ਗੁਣਵੱਤਾ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ। ਚਾਹ, ਕੌਫ਼ੀ ਜਾਂ ਕਿਸੇ ਹੋਰ ਕੰਮ ਲਈ ਦੁੱਧ ਕੱਢਣ ਤੋਂ ਬਾਅਦ ਬਚਿਆ ਹੋਇਆ ਦੁੱਧ ਤੁਰੰਤ ਫਰਿੱਜ ਵਿੱਚ ਵਾਪਸ ਰੱਖ ਦਿਓ। ਕਮਰੇ ਦੇ ਤਾਪਮਾਨ 'ਤੇ ਜ਼ਿਆਦਾ ਦੇਰ ਰੱਖਣ ਨਾਲ ਉਸ ਵਿੱਚ ਬੈਕਟੀਰੀਆ ਤੇਜ਼ੀ ਨਾਲ ਵਧ ਸਕਦੇ ਹਨ।
ਜ਼ਿਆਦਾ ਦੁੱਧ ਹੋਵੇ ਤਾਂ ਫ੍ਰੀਜ਼ਰ ਵਿੱਚ ਰੱਖੋ
ਜੇ ਤੁਸੀਂ ਲੋੜ ਤੋਂ ਵੱਧ ਦੁੱਧ ਖਰੀਦ ਲਿਆ ਹੈ ਅਤੇ ਕੁਝ ਦਿਨਾਂ ਤੱਕ ਉਸ ਦੀ ਵਰਤੋਂ ਨਹੀਂ ਹੋਣੀ ਤਾਂ ਉਸ ਨੂੰ ਫ੍ਰੀਜ਼ਰ ਵਿੱਚ ਰੱਖਿਆ ਜਾ ਸਕਦਾ ਹੈ। ਡੇਅਰੀ ਮਾਹਿਰਾਂ ਮੁਤਾਬਕ ਦੁੱਧ ਨੂੰ ਫ੍ਰੀਜ਼ਰ ਵਿੱਚ ਕਈ ਹਫ਼ਤਿਆਂ ਤੱਕ ਸੁਰੱਖਿਅਤ ਰੱਖਿਆ ਜਾ ਸਕਦਾ ਹੈ। ਹਾਲਾਂਕਿ ਫ੍ਰੀਜ਼ ਕਰਨ ਤੋਂ ਪਹਿਲਾਂ ਇਹ ਯਕੀਨੀ ਬਣਾਓ ਕਿ ਦੁੱਧ ਦੀ ਪੈਕਿੰਗ ਸੀਲਬੰਦ ਹੋਵੇ ਅਤੇ ਉਸ ਦੀ ਮਿਆਦ (Expiry Date) ਖ਼ਤਮ ਨਾ ਹੋਈ ਹੋਵੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
