Valentinde day 2023: ਤੁਸੀਂ ਵੀ ਸਿੰਗਲ ਹੋ, ਤਾਂ ਖ਼ੁਦ ਨਾਲ ਬਣਾਓ ਵੈਲੇਨਟਾਈਨ, ਨਹੀਂ ਪਰੇਸ਼ਾਨ ਕਰੇਗਾ ਇਕੱਲਾਪਨ
Valentines Day 2023: ਜੇਕਰ ਤੁਸੀਂ ਸਿੰਗਲ ਹੋ, ਜਾਂ ਫਿਰ ਹੁਣੇ- ਹੁਣੇ ਕਿਸੇ ਰਿਲੇਸ਼ਨਸ਼ਿਪ ਤੋਂ ਬਾਹਰ ਆਏ ਹੋ, ਤਾਂ ਤੁਹਾਨੂੰ ਦੁਖੀ ਹੋਣ ਦੀ ਲੋੜ ਨਹੀਂ ਹੈ, ਅੱਜ ਅਸੀਂ ਤੁਹਾਨੂੰ ਆਪਣੇ ਆਪ ਨਾਲ ਵੈਲੇਨਟਾਈਨ ਮਨਾਉਣ ਦੇ ਤਰੀਕੇ ਦੱਸਾਂਗੇ।
Valentines Day 2023: ਅੱਜ ਯਾਨੀ ਕਿ 14 ਫਰਵਰੀ ਨੂੰ ਦੁਨੀਆ ਭਰ ਵਿੱਚ ਪਿਆਰ ਦਾ ਦਿਨ ਭਾਵ ਕਿ ਵੈਲੇਨਟਾਈਨ ਡੇ ਮਨਾਇਆ ਜਾ ਰਿਹਾ ਹੈ। ਅਜਿਹੀ ਸਥਿਤੀ ਵਿੱਚ, ਜੇਕਰ ਤੁਸੀਂ ਸਿੰਗਲ ਹੋ ਅਤੇ ਟ੍ਰੈਂਡਿੰਗ ਹੈਸ਼ ਟੈਗ ਨੂੰ ਦੇਖ ਕੇ ਇਕੱਲਾ ਮਹਿਸੂਸ ਕਰ ਰਹੇ ਹੋ, ਤਾਂ ਤੁਹਾਨੂੰ ਪਰੇਸ਼ਾਨ ਹੋਣ ਦੀ ਲੋੜ ਨਹੀਂ ਹੈ। ਤੁਸੀਂ ਇਕੱਲਾ ਮਹਿਸੂਸ ਨਾ ਕਰੋ ਤੇ ਨਾਂ ਹੀ ਦੂਜਿਆਂ ਨੂੰ ਵੇਖ ਕੇ ਨੈਗੇਟਿਵ ਹੋਵੋ। ਅਸੀਂ ਤੁਹਾਡੀ ਇਸ ਮੁਸ਼ਕਿਲ ਦਾ ਹੱਲ ਲੈ ਕੇ ਆਏ ਹਾਂ। ਅੱਜ ਅਸੀਂ ਤੁਹਾਨੂੰ ਇਸ ਆਰਟਿਕਲ ਵਿੱਚ ਦੱਸਾਂਗੇ ਕਿ ਤੁਸੀਂ ਕਿਵੇਂ ਵੈਲੇਨਟਾਈਨ ਨੂੰ ਕਿਵੇਂ ਸੈਲੀਬ੍ਰੇਟ ਕਰ ਸਕਦੇ ਹੋ। ਇਨ੍ਹਾਂ ਤਰੀਕਿਆਂ ਨਾਲ ਤੁਸੀਂ ਵੈਲੇਨਟਾਈਨ ਮਨਾ ਕੇ ਬਹੁਤ ਚੰਗਾ ਮਹਿਸੂਸ ਕਰੋਗੇ।
ਇਦਾਂ ਮਨਾਓ ਵੈਲੇਨਟਾਈਨ
ਆਪਣੇ ਆਪ ਲਈ ਲਓ ਇੱਕ ਖਾਸ ਤੋਹਫ਼ਾ
ਜੋੜੇ ਅਕਸਰ ਇਸ ਦਿਨ ਇੱਕ ਦੂਜੇ ਲਈ ਤੋਹਫ਼ੇ ਖਰੀਦਦੇ ਹਨ। ਅਜਿਹੇ 'ਚ ਜੇਕਰ ਤੁਸੀਂ ਕਈ ਦਿਨਾਂ ਤੋਂ ਕੁਝ ਖਾਸ ਖਰੀਦਣ ਦੀ ਇੱਛਾ ਰੱਖਦੇ ਹੋ ਤਾਂ ਅੱਜ ਹੀ ਆਪਣੇ ਲਈ ਉਹ ਚੀਜ਼ ਖਰੀਦ ਲਓ। ਵਿਸ਼ਵਾਸ ਕਰੋ, ਤੁਹਾਡਾ ਦਿਨ ਸੱਚਮੁੱਚ ਖਾਸ ਹੋਵੇਗਾ ਅਤੇ ਤੁਸੀਂ ਆਪਣੇ ਆਪ ਨੂੰ ਸੈਲਫ ਪੈਂਪਰ ਮਹਿਸੂਸ ਕਰੋਗੇ।
ਆਪਣੇ ਆਪ ਨਾਲ ਕਰੋ ਸਪੈਸ਼ਲ ਡੀਨਰ
ਇਸ ਦਿਨ ਆਪਣੇ ਪਿਆਰਿਆਂ ਨਾਲ ਖਾਸ ਸਮਾਂ ਬਿਤਾਓ। ਬਿਹਤਰ ਹੋਵੇਗਾ ਜੇਕਰ ਤੁਸੀਂ ਆਪਣੇ ਮਾਤਾ-ਪਿਤਾ, ਭਰਾ, ਭੈਣ ਜਾਂ ਕਿਸੇ ਖਾਸ ਦੋਸਤ ਨੂੰ ਬੁਲਾ ਕੇ ਉਨ੍ਹਾਂ ਨਾਲ ਡਿਨਰ ‘ਤੇ ਜਾਓ। ਹਰ ਕੋਈ ਇਸ ਸਰਪ੍ਰਾਈਜ਼ ਡਿਨਰ ਦਾ ਆਨੰਦ ਮਾਣੇਗਾ ਅਤੇ ਤੁਸੀਂ ਵੀ ਇਸ ਦਿਨ ਆਪਣੇ ਆਪ ਨੂੰ ਇਕੱਲੇ ਨਹੀਂ ਮਹਿਸੂਸ ਕਰੋਗੇ।
ਇਹ ਵੀ ਪੜ੍ਹੋ: Valentine day 2023: ਗੂਗਲ ਨੇ ਡੂਡਲ ਬਣਾ ਕੇ ਵੈਲੇਨਟਾਈਨ ਡੇ ਦੀਆਂ ਦਿੱਤੀਆਂ ਮੁਬਾਰਕਾਂ, ਪਿਆਰ ਦਾ ਦੱਸਿਆ ਮਤਲਬ
ਫੇਵਰੇਟ ਫੂਡ ਬਣਾਓ
ਇਸ ਦਿਨ ਨੂੰ ਖਾਸ ਬਣਾਉਣ ਲਈ ਤੁਸੀਂ ਕੁਝ ਖਾਸ ਭੋਜਨ ਬਣਾ ਸਕਦੇ ਹੋ। ਜੇਕਰ ਤੁਸੀਂ ਚਾਹੋ ਤਾਂ ਆਪਣੇ ਮਾਤਾ-ਪਿਤਾ ਜਾਂ ਦੋਸਤ ਦੀ ਪਸੰਦ ਦਾ ਖਾਣਾ ਪਕਾਓ ਅਤੇ ਉਸ ਨੂੰ ਸਰਪਰਾਈਜ਼ ਦਿਓ। ਇਸ ਦਿਨ, ਤੁਸੀਂ ਵਿਸ਼ੇਸ਼ ਕਟਲਰੀ ਜਾਂ ਡਿਨਰ ਸੈੱਟ ਵਿੱਚ ਭੋਜਨ ਸਰਵ ਕਰੋ ਅਤੇ ਸੈਲਫੀ ਲਓ।
ਬੈਚਲਰ ਪਾਰਟੀ ਕਰੋ
ਜੇਕਰ ਤੁਹਾਡੇ ਘਰ ਜਾਂ ਦੋਸਤਾਂ ਵਿੱਚ ਬਹੁਤ ਸਾਰੇ ਸਿੰਗਲ ਹਨ, ਤਾਂ ਤੁਸੀਂ ਇਸ ਦਿਨ ਸਿੰਗਲ ਲੋਕਾਂ ਲਈ ਇੱਕ ਵਿਸ਼ੇਸ਼ ਪਾਰਟੀ ਦਾ ਪ੍ਰਬੰਧ ਕਰ ਸਕਦੇ ਹੋ। ਆਪਣੇ ਦੋਸਤਾਂ ਨੂੰ ਸੱਦਾ ਦਿਓ ਜੋ ਰਿਲੇਸ਼ਨਸ਼ਿਪ ਵਿੱਚ ਨਹੀਂ ਹਨ ਤੇ ਉਨ੍ਹਾਂ ਨਾਲ ਡਿਨਰ ਪਲਾਨ ਕਰੋ।
ਲੋੜਵੰਦਾਂ ਲਈ ਕੁਝ ਕਰੋ
ਜੇਕਰ ਤੁਹਾਨੂੰ ਸਮਾਜ ਸੇਵਾ ਪਸੰਦ ਹੈ ਤਾਂ ਇਸ ਦਿਨ ਮਾਨਸਿਕ ਸ਼ਾਂਤੀ ਅਤੇ ਖੁਸ਼ੀ ਲਈ ਲੋੜਵੰਦਾਂ ਦੀ ਮਦਦ ਕਰੋ। ਤੁਸੀਂ ਅਨਾਥ ਆਸ਼ਰਮ, ਬਲਾਈਂਡ ਸਕੂਲ ਜਾਂ ਕਿਸੇ ਐਨੀਮਲ ਸ਼ੈਲਟਰ ਵਿੱਚ ਜਾ ਕੇ ਚੀਜ਼ਾਂ ਵੰਡੋ। ਤੁਸੀਂ ਇਸ ਦਿਨ ਗਲੀ ਦੇ ਕੁੱਤਿਆਂ ਅਤੇ ਹੋਰ ਜਾਨਵਰਾਂ ਨੂੰ ਕੁਝ ਚੰਗਾ ਭੋਜਨ ਵੀ ਖੁਆ ਸਕਦੇ ਹੋ। ਅਜਿਹੀਆਂ ਗਤੀਵਿਧੀਆਂ ਤੁਹਾਡੀ ਇਕੱਲੇ ਪਨ ਨੂੰ ਦੂਰ ਕਰਨਗੀਆਂ ਅਤੇ ਤੁਸੀਂ ਅੰਦਰੋਂ ਖੁਸ਼ੀ ਮਹਿਸੂਸ ਕਰ ਸਕੋਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
