Bull Farming: ਜਲੀਕੱਟੂ ਦੇ ਸਾਨ੍ਹਾਂ ਦੀ ਪਹਿਲਵਾਨਾਂ ਵਰਗੀ ਲਾਈਫ਼ਸਟਾਈਲ ਦੇਖ ਕੇ ਹਰ ਕੋਈ ਹੈਰਾਨ! ਤੁਸੀਂ ਵੀ ਦੇਖੋ ਇਨ੍ਹਾਂ ਲੜਾਕੂ ਸਾਨ੍ਹਾਂ ਦਾ ਡਾਈਟ ਪਲਾਨ
ਜਲੀਕੱਟੂ ਦੇ ਲੜਨ ਵਾਲੇ ਸਾਨ੍ਹਾਂ ਨੂੰ ਖੁਆਉਣ-ਪਿਆਉਣ ਦੀ ਰੂਟੀਨ ਤੋਂ ਬਾਅਦ ਪੂਰੀ ਕਸਰਤ ਦਾ ਸੈਸ਼ਨ ਹੁੰਦਾ ਹੈ। ਇਨ੍ਹਾਂ ਬਲਦਾਂ ਨੂੰ ਸੈਰ ਕਰਨਾ, ਦੌੜਨਾ ਅਤੇ ਤੈਰਾਕੀ ਵੀ ਕਰਵਾਈ ਜਾਂਦੀ ਹੈ।
Jallikattu Bull Diet Plan: ਦੱਖਣੀ ਭਾਰਤ 'ਚ ਜਲੀਕੱਟੂ ਦੇ ਲੜਾਕੂ ਸਾਨ੍ਹ ਕਾਫ਼ੀ ਚਰਚਾ 'ਚ ਹਨ। ਪੋਂਗਲ ਦਾ ਤਿਉਹਾਰ ਨੇੜੇ ਆਉਂਦੇ ਹੀ ਤਾਮਿਲਨਾਡੂ 'ਚ ਜਲੀਕੱਟੂ ਸਾਨ੍ਹਾਂ ਦੀ ਲੜਾਈ ਨੂੰ ਵੇਖਣ ਲਈ ਸਾਰੇ ਦੇਸ਼ ਅਤੇ ਦੁਨੀਆ ਤੋਂ ਭੀੜ ਇਕੱਠੀ ਹੁੰਦੀ ਹੈ। ਖ਼ਾਸ ਤੌਰ 'ਤੇ ਲੰਗਨਲੂਰ, ਪਾਲਾਮੇਡੂ ਅਤੇ ਅਵਾਨਿਆਪੁਰਮ ਵਿਖੇ ਆਯੋਜਿਤ ਕੀਤੀ ਜਾਂਦੀ ਜਲੀਕੱਟੂ ਸਾਨ੍ਹਾਂ ਦੀ ਲੜਾਈ ਨੂੰ ਦੇਖਣ ਲਈ ਲੋਕ ਦੂਰ-ਦੂਰ ਤੋਂ ਆਉਂਦੇ ਹਨ। ਇਨ੍ਹਾਂ ਸਾਨ੍ਹਾਂ ਦੀ ਕੋਈ ਆਮ ਪ੍ਰਜਾਤੀ ਨਹੀਂ ਹੈ। ਸਾਰਾ ਸਾਲ ਇਨ੍ਹਾਂ ਸਾਨ੍ਹਾਂ ਨੂੰ ਪਹਿਲਵਾਨਾਂ ਵਾਂਗ ਖੁਆਇਆ ਜਾਂਦਾ ਹੈ ਅਤੇ ਇਨ੍ਹਾਂ ਦੀ ਕਸਰਤ ਆਦਿ ਦਾ ਵੀ ਪੂਰਾ ਧਿਆਨ ਰੱਖਿਆ ਜਾਂਦਾ ਹੈ। ਮਾਨਤਾ ਅਨੁਸਾਰ ਦੱਖਣ ਭਾਰਤ ਦੇ ਮੰਦਰਾਂ 'ਚ ਜਲੀਕੱਟੂ ਨੂੰ ਪਾਲਣ ਦੀ ਪ੍ਰਥਾ ਹੈ।
ਹਰ ਪਿੰਡ ਦੇ ਜਲੀਕੱਟੂ ਸਾਨ੍ਹਾਂ ਨੂੰ ਪਸ਼ੂਆਂ ਦਾ ਮੁਖੀ ਮੰਨਿਆ ਜਾਂਦਾ ਹੈ, ਜਿਨ੍ਹਾਂ ਦੀ ਪੋਂਗਲ 'ਤੇ ਪੂਜਾ ਕੀਤੀ ਜਾਂਦੀ ਹੈ ਅਤੇ ਫਿਰ ਲੜਾਈ ਦੇ ਮੈਦਾਨ 'ਚ ਆਪਣੀ ਤਾਕਤ ਦਿਖਾਉਣ ਲਈ ਉਤਾਰਿਆ ਜਾਂਦਾ ਹੈ। ਇਹ ਸੋਚ ਕੇ ਹੈਰਾਨੀ ਹੋਵੇਗੀ ਕਿ ਜਲੀਕੱਟੂ ਦੇ ਸਾਨ੍ਹਾਂ ਨੂੰ ਖੇਡ ਦਾ ਦਰਜਾ ਮਿਲਿਆ ਹੋਇਆ ਹੈ। ਤੁਸੀਂ ਇਨ੍ਹਾਂ ਸਾਨ੍ਹਾਂ ਦੀ ਲਾਈਫ਼ ਸਟਾਈਲ ਅਤੇ ਡਾਈਟ ਪਲਾਨ ਤੋਂ ਇਨ੍ਹਾਂ ਦੀ ਤਾਕਤ ਦਾ ਅੰਦਾਜ਼ਾ ਲਗਾ ਸਕਦੇ ਹੋ।
ਇੱਥੇ ਦੇਖੋ ਜਲੀਕੱਟੂ ਸਾਨ੍ਹਾਂ ਦਾ ਡਾਈਟ ਪਲਾਨ
ਜਲੀਕੱਟੂ ਸਾਨ੍ਹਾਂ ਦੀ ਤਾਕਤ, ਬਣਤਰ ਅਤੇ ਆਕਾਰ ਦੇਖ ਕੇ ਹਰ ਕੋਈ ਹੈਰਾਨ ਹੈ। ਹਰ ਕਿਸੇ ਦੇ ਮਨ 'ਚ ਇਕ ਹੀ ਸਵਾਲ ਹੈ ਕਿ ਇਹ ਜਾਨਵਰ ਕੀ ਖਾਂਦਾ ਹੈ, ਜੋ ਪਹਿਲਵਾਨ ਵਰਗਾ ਸਰੀਰ ਬਣ ਜਾਂਦਾ ਹੈ? ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਗਾਵਾਂ-ਮੱਝਾਂ ਤੋਂ ਜ਼ਿਆਦਾ ਜਲੀਕੱਟੂ ਦੇ ਸਾਨ੍ਹਾਂ ਦੀ ਦੇਖਭਾਲ ਕੀਤੀ ਜਾਂਦੀ ਹੈ। ਇਨ੍ਹਾਂ ਸਾਨ੍ਹਾਂ ਨੂੰ ਤਾਜ਼ੇ ਹਰੇ ਘਾਹ ਦੇ ਨਾਲ-ਨਾਲ ਇੱਕ ਬਾਲਟੀ ਚੌਲਾਂ ਦੀ ਫੱਕ ਵੀ ਖੁਆਈ ਜਾਂਦੀ ਹੈ। ਹਰ ਰੋਜ਼ ਕਪਾਹ ਅਤੇ ਮੱਕੀ ਦਾ ਚਾਰਾ ਵੀ ਜਲੀਕੱਟੂ ਸਾਨ੍ਹਾਂ ਨੂੰ ਦਿੱਤਾ ਜਾਂਦਾ ਸੀ।
ਡੈਕਨ ਹੇਰਾਲਡ ਦੀ ਇੱਕ ਰਿਪੋਰਟ 'ਚ ਜਲੀਕੱਟੂ ਸਾਨ੍ਹਾਂ ਦੀ ਦੇਖਭਾਲ ਕਰਨ ਵਾਲੀ ਇਕ ਔਰਤ ਸੁੰਦਰਵੱਲੀ ਦੱਸਦੀ ਹੈ ਕਿ ਇਨ੍ਹਾਂ ਸਾਨ੍ਹਾਂ ਨੂੰ ਮਜ਼ਬੂਤ ਰੱਖਣ ਲਈ ਪੌਸ਼ਟਿਕ ਭੋਜਨ ਦਿੱਤਾ ਜਾਂਦਾ ਹੈ।
ਜਲੀਕੱਟੂ ਸਾਨ੍ਹਾਂ ਦੀ ਦੇਖਭਾਲ ਦੀ ਪ੍ਰਕਿਰਿਆ ਸਵੇਰੇ 9:30 ਵਜੇ ਤੋਂ ਸ਼ੁਰੂ ਹੁੰਦੀ ਹੈ।
ਸਭ ਤੋਂ ਪਹਿਲਾਂ ਇੱਕ ਬਾਲਟੀ ਚੌਲਾਂ ਦੀ ਫੱਕ, ਇੱਕ ਬਾਲਟੀ ਚਾਰਾ ਅਤੇ ਘਾਹ ਦਾ ਬੰਡਲ ਦਿੱਤਾ ਜਾਂਦਾ ਹੈ।
ਇਨ੍ਹਾਂ ਸਾਨ੍ਹਾਂ ਨੂੰ ਸਮੇਂ-ਸਮੇਂ 'ਤੇ ਸੁੱਕਾ ਘਾਹ ਅਤੇ ਭਰਪੂਰ ਪਾਣੀ ਦਿੱਤਾ ਜਾਂਦਾ ਹੈ।
ਜਲੀਕੱਟੂ ਸਾਨ੍ਹਾਂ ਨੂੰ ਦਿਨ 'ਚ ਲਗਭਗ 2 ਤੋਂ 3 ਵਾਰ ਖੁਰਾਕ ਦਿੱਤੀ ਜਾਂਦੀ ਹੈ, ਪਰ ਸਵੇਰ ਅਤੇ ਦੁਪਹਿਰ ਦੇ ਖਾਣੇ 'ਤੇ ਖ਼ਾਸ ਧਿਆਨ ਦਿੱਤਾ ਜਾਂਦਾ ਹੈ।
ਪਹਿਲਵਾਨਾਂ ਵਾਂਗ ਕਸਰਤ ਕਰਦੇ ਹਨ ਸਾਨ੍ਹ
ਜਲੀਕੱਟੂ ਦੇ ਲੜਨ ਵਾਲੇ ਸਾਨ੍ਹਾਂ ਨੂੰ ਖੁਆਉਣ-ਪਿਆਉਣ ਦੀ ਰੂਟੀਨ ਤੋਂ ਬਾਅਦ ਪੂਰੀ ਕਸਰਤ ਦਾ ਸੈਸ਼ਨ ਹੁੰਦਾ ਹੈ। ਇਨ੍ਹਾਂ ਬਲਦਾਂ ਨੂੰ ਸੈਰ ਕਰਨਾ, ਦੌੜਨਾ ਅਤੇ ਤੈਰਾਕੀ ਵੀ ਕਰਵਾਈ ਜਾਂਦੀ ਹੈ। ਇਹ ਉਹ ਚੀਜ਼ਾਂ ਹਨ, ਜੋ ਉਨ੍ਹਾਂ ਨੂੰ ਸੁਪਰ ਫਿੱਟ ਬਣਾਉਂਦੀਆਂ ਹਨ। ਹਾਲਾਂਕਿ ਇਹ ਸਾਨ੍ਹਾਂ ਦੀ ਭੁੱਖ ਨੂੰ ਵੀ ਵਧਾਉਂਦਾ ਹੈ। ਕਸਰਤ ਤੋਂ ਬਾਅਦ ਇਨ੍ਹਾਂ ਸਾਨ੍ਹਾਂ ਦੀ ਸਿਹਤ ਦਾ ਮੁਲਾਂਕਣ ਕੀਤਾ ਜਾਂਦਾ ਹੈ। ਪਸ਼ੂ ਪਾਲਕ ਰੋਜ਼ਾਨਾ ਜਾਂਚ ਕਰਦੇ ਹਨ ਕਿ ਸਾਨ੍ਹ ਨੂੰ ਕੋਈ ਬਿਮਾਰੀ ਜਾਂ ਸਿਹਤ ਸਬੰਧੀ ਸਮੱਸਿਆ ਹੈ ਜਾਂ ਨਹੀਂ।
ਇਸ ਦੇ ਲਈ ਸਾਨ੍ਹ ਦੇ ਕੰਨ ਨੂੰ ਛੂਹ ਕੇ ਦੇਖਦੇ ਹਨ। ਕੰਨ ਦੀ ਗਰਮੀ ਨਾਲ ਹੀ ਬੁਖਾਰ ਆਦਿ ਦਾ ਅੰਦਾਜ਼ਾ ਲਗਾਇਆ ਜਾਂਦਾ ਹੈ। ਜੇ ਸਾਨ੍ਹ ਬੀਮਾਰ ਹੋ ਜਾਵੇ ਤਾਂ ਘਰੇਲੂ ਉਪਚਾਰ ਨਹੀਂ ਕੀਤਾ ਜਾਂਦਾ। ਪਸ਼ੂਆਂ ਦੇ ਡਾਕਟਰ ਨੂੰ ਬੁਲਾਉਣਾ ਪੈਂਦਾ ਹੈ ਅਤੇ ਉਸ ਦੀ ਸਲਾਹ 'ਤੇ ਹੀ ਖੁਰਾਕ 'ਚ ਕੁਝ ਪ੍ਰੋਟੀਨ ਅਤੇ ਪੌਸ਼ਟਿਕ ਤੱਤ ਸ਼ਾਮਲ ਕੀਤੇ ਜਾਂਦੇ ਹਨ।
ਜਲੀਕੱਟੂ ਸਾਨ੍ਹਾਂ ਦੀ ਲੜਾਈ 'ਤੇ ਸੁਪਰੀਮ ਕੋਰਟ ਦਾ ਫ਼ੈਸਲਾ
ਜਲੀਕੱਟੂ ਸਾਨ੍ਹਾਂ ਦਾ ਸਭ ਤੋਂ ਵੱਡਾ ਮਹੱਤਵ ਪੋਂਗਲ ਦੇ ਤਿਉਹਾਰ 'ਤੇ ਹੁੰਦਾ ਹੈ। ਇਨ੍ਹਾਂ ਸਾਨ੍ਹਾਂ ਨੂੰ ਪਿੰਡ ਦੇ ਪਸ਼ੂਆਂ ਦੇ ਮੁਖੀ ਕਿਹਾ ਜਾਂਦਾ ਹੈ। ਤਾਮਿਲ ਮਹੀਨੇ (ਜਨਵਰੀ-ਫਰਵਰੀ) 'ਚ ਉਨ੍ਹਾਂ ਦੀ ਪੂਜਾ ਕੀਤੀ ਜਾਂਦੀ ਹੈ। ਜਲੀਕੱਟੂ ਸਾਨ੍ਹ ਲੜਾਈ ਦੀ ਖੇਡ ਦੱਖਣੀ ਭਾਰਤ 'ਚ ਖ਼ਾਸ ਕਰਕੇ ਤਾਮਿਲਨਾਡੂ 'ਚ ਆਯੋਜਿਤ ਕੀਤੀ ਜਾਂਦੀ ਹੈ।
ਇਸ ਖ਼ਤਰਨਾਕ ਖੇਡ ਨੂੰ ਲੈ ਕੇ 8 ਦਸੰਬਰ 2022 ਨੂੰ ਸੁਪਰੀਮ ਕੋਰਟ 'ਚ ਇਕ ਪਟੀਸ਼ਨ ਵੀ ਦਾਇਰ ਕੀਤੀ ਗਈ ਸੀ, ਜਿਸ ਦੇ ਜਵਾਬ 'ਚ ਸੁਪਰੀਮ ਕੋਰਟ ਨੇ ਕਿਹਾ ਕਿ ਜਲੀਕੱਟੂ ਨੂੰ ਖੂਨੀ ਖੇਡ ਨਹੀਂ ਕਿਹਾ ਜਾ ਸਕਦਾ, ਕਿਉਂਕਿ ਕੋਈ ਵੀ ਵਿਅਕਤੀ ਕਿਸੇ ਹਥਿਆਰ ਦੀ ਵਰਤੋਂ ਨਹੀਂ ਕਰਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
