ਘਰ ਬੈਠਿਆਂ ਕਰੋ ਦੁੱਧ 'ਚ ਮਿਲਾਵਟ ਦੀ ਜਾਂਚ, ਇਸ ਡਿਵਾਈਸ ਨਾਲ ਮਿੰਟਾਂ 'ਚ ਪਤਾ ਕਰ ਸਕਦੇ ਹੋ ਦੁੱਧ ਅਸਲੀ ਜਾਂ ਨਕਲੀ!
Milk Identification Kit: ਦੁੱਧ ਵਿੱਚ ਮਿਲਾਵਟ ਕਰਨ ਦੀ ਸਮੱਸਿਆ ਆਮ ਹੋ ਗਈ ਹੈ। ਪਰ ਹੁਣ ਤੁਸੀਂ ਚੁਟਕੀ ਵਿੱਚ ਪਤਾ ਕਰ ਸਕਦੇ ਹੋ ਕਿ ਤੁਹਾਡੇ ਘਰ ਅਸਲੀ ਦੁੱਧ ਆਇਆ ਹੈ ਜਾਂ ਨਕਲੀ।
3D Paper Based Portable Device: ਦੁਨੀਆ ਭਰ 'ਚ ਦੁੱਧ ਦੀ ਵਧਦੀ ਮੰਗ ਦੇ ਵਿਚਕਾਰ ਇਸ 'ਚ ਮਿਲਾਵਟ ਦੀ ਸਮੱਸਿਆ ਵੀ ਆਮ ਹੁੰਦੀ ਜਾ ਰਹੀ ਹੈ। ਸਿਹਤਮੰਦ ਜੀਵਨ ਜਿਉਣ ਲਈ ਹਰ ਕੋਈ ਦੁੱਧ ਦਾ ਸੇਵਨ ਕਰਦਾ ਹੈ ਪਰ ਬਾਜ਼ਾਰ 'ਚ ਮਿਲਣ ਵਾਲਾ ਮਿਲਾਵਟੀ ਦੁੱਧ ਸਿਹਤ ਨੂੰ ਸੁਧਾਰਨ ਦੀ ਬਜਾਏ ਵਿਗਾੜ ਸਕਦਾ ਹੈ। ਹੁਣ ਸਭ ਤੋਂ ਵੱਡੀ ਸਮੱਸਿਆ ਇਹ ਹੈ ਕਿ ਮਿਲਾਵਟੀ ਦੁੱਧ ਦੀ ਪਛਾਣ ਕਿਵੇਂ ਕੀਤੀ ਜਾਵੇ। IIT ਮਦਰਾਸ ਨੇ ਇਸ ਸਮੱਸਿਆ ਦਾ ਹੱਲ ਲੱਭ ਲਿਆ ਹੈ। ਇੰਡੀਅਨ ਇੰਸਟੀਚਿਊਟ ਆਫ ਟੈਕਨਾਲੋਜੀ ਮਦਰਾਸ (IIT ਮਦਰਾਸ) ਦੇ ਖੋਜਕਰਤਾਵਾਂ ਨੇ ਇੱਕ 3D ਪੇਪਰ ਬੇਸਡ ਪੋਰਟੇਬਲ ਡਿਵਾਈਸ ਵਿਕਸਿਤ ਕੀਤਾ ਹੈ, ਜੋ 30 ਸਕਿੰਟਾਂ ਦੇ ਅੰਦਰ ਦੁੱਧ ਦੀ ਜਾਂਚ ਕਰੇਗਾ ਅਤੇ ਦੱਸੇਗਾ ਕਿ ਇਸ ਵਿੱਚ ਕੀ ਮਿਲਾਇਆ ਗਿਆ ਹੈ। ਸਿਰਫ਼ ਦੁੱਧ ਹੀ ਨਹੀਂ। ਇਸ ਡਿਵਾਈਸ ਨਾਲ ਤੁਸੀਂ ਕਈ ਤਰ੍ਹਾਂ ਦੇ ਡਰਿੰਕਸ 'ਚ ਮਿਲਾਵਟ ਦੀ ਪਛਾਣ ਕਰ ਸਕਦੇ ਹੋ।
ਕਿਵੇਂ ਕੰਮ ਕਰਦਾ ਹੈ
ਮਿਲਕ ਕਿੱਟ ਇੱਕ 3D ਪੇਪਰ ਬੇਸਡ ਪੋਰਟੇਬਲ ਡਿਵਾਈਸ ਹੈ ਜੋ ਦੁੱਧ ਦੀ ਸ਼ੁੱਧਤਾ ਦੀ ਜਾਂਚ ਕਰਨ ਲਈ IIT ਮਦਰਾਸ ਦੁਆਰਾ ਵਿਕਸਤ ਕੀਤਾ ਗਿਆ ਹੈ। ਤੁਸੀਂ ਘਰ ਬੈਠੇ ਹੀ ਜਾਣ ਸਕਦੇ ਹੋ ਕਿ ਦੁੱਧ ਵਿੱਚ ਯੂਰੀਆ, ਡਿਟਰਜੈਂਟ, ਸਾਬਣ, ਸਟਾਰਚ, ਹਾਈਡ੍ਰੋਜਨ ਪਰਆਕਸਾਈਡ, ਸੋਡੀਅਮ-ਹਾਈਡ੍ਰੋਜਨ-ਕਾਰਬੋਨੇਟ, ਨਮਕ ਜਾਂ ਹੋਰ ਕੀ ਮਿਲਾਇਆ ਜਾਂਦਾ ਹੈ। ਇਸ ਦੇ ਲਈ ਡਿਵਾਈਸ 'ਚ 8 ਸੈਕਸ਼ਨ ਦਿੱਤੇ ਗਏ ਹਨ, ਜੋ ਬਾਜ਼ਾਰ 'ਚ ਆਮ ਤੌਰ 'ਤੇ ਵਰਤੇ ਜਾਣ ਵਾਲੇ ਘਾਤਕ ਪਦਾਰਥਾਂ ਦੀ ਪਛਾਣ ਕਰਨ ਦੇ ਸਮਰੱਥ ਹਨ। ਸਰਕਾਰ ਦੀ ਮਨਜ਼ੂਰੀ ਤੋਂ ਬਾਅਦ ਜਲਦੀ ਹੀ ਇਸ ਦੁੱਧ ਦੀ ਜਾਂਚ ਕਰਨ ਵਾਲਾ ਯੰਤਰ ਬਾਜ਼ਾਰ ਵਿੱਚ ਉਪਲਬਧ ਕਰਾਇਆ ਜਾਵੇਗਾ।
ਜ਼ਾਹਿਰ ਹੈ ਕਿ ਦੁੱਧ ਦੀ ਜਾਂਚ ਲਈ ਕਈ ਸਾਲਾਂ ਤੋਂ ਲੈਬ 'ਤੇ ਨਿਰਭਰਤਾ ਰਹੀ ਹੈ, ਪਰ ਲੈਬ 'ਚ ਦੁੱਧ ਦੀ ਜਾਂਚ ਕਰਵਾਉਣ ਦੀ ਪ੍ਰਕਿਰਿਆ ਬਹੁਤ ਲੰਬੀ ਅਤੇ ਮਹਿੰਗੀ ਹੈ। ਉੱਥੇ ਹੀ ਆਈਆਈਟੀ ਮਦਰਾਸ ਦੇ ਖੋਜਕਰਤਾਵਾਂ ਦੁਆਰਾ ਖੋਜ ਕੀਤੀ ਗਈ ਇਹ ਡਿਵਾਈਸ ਸਸਤਾ ਹੈ ਅਤੇ ਸਿਰਫ 1 ਮਿਲੀ ਦੁੱਧ ਦੀ ਟੈਸਟਿੰਗ ਕਰਕੇ 30 ਸਕਿੰਟਾਂ ਵਿੱਚ ਨਤੀਜਾ ਦਿਖਾ ਦਿੰਦੀ ਹੈ।
ਇਹ ਵੀ ਪੜ੍ਹੋ: Malti Marie Chopra: ਪ੍ਰਿਯੰਕਾ ਚੋਪੜਾ ਦੀ ਮਾਂ ਮਧੂ ਨੇ ਮਾਲਤੀ ਨਾਲ ਕੀਤੀ ਖੂਬ ਮਸਤੀ, ਫੈਨਜ਼ ਨੂੰ ਪਸੰਦ ਆਇਆ ਨਾਨੀ-ਦੋਹਤੀ ਦਾ ਇਹ ਅੰਦਾਜ਼
ਅੱਜ ਦੇਸ਼ ਦੇ ਵੱਡੇ ਸ਼ਹਿਰਾਂ ਦਿੱਲੀ, ਮੁੰਬਈ, ਬੈਂਗਲੁਰੂ, ਜੈਪੁਰ, ਗੁਰੂਗ੍ਰਾਮ, ਚੇਨਈ ਵਿੱਚ ਮਿਲਾਵਟੀ ਦੁੱਧ ਦੇ ਕਈ ਮਾਮਲੇ ਸਾਹਮਣੇ ਆਉਂਦੇ ਹਨ। ਕਈ ਵਾਰ ਵਿਅਕਤੀ ਦੁੱਧ ਨੂੰ ਨਹੀਂ ਪਛਾਣਦਾ ਅਤੇ ਜ਼ਹਿਰੀਲਾ ਦੁੱਧ ਪੀ ਕੇ ਬਿਮਾਰ ਹੋ ਜਾਂਦਾ ਹੈ। ਅਜਿਹੇ ਹਾਲਾਤ 'ਚ IIT ਮਦਰਾਸ ਦਾ ਯੰਤਰ (device) ਲੋਕਾਂ ਲਈ ਫਾਇਦੇ ਦਾ ਸੌਦਾ ਸਾਬਤ ਹੋ ਸਕਦਾ ਹੈ।
ਇਸ ਯੰਤਰ ਦੇ ਖੋਜਕਰਤਾ ਡਾ: ਪੱਲਬ ਸਿਨਹਾ ਮਹਾਪਾਤਰਾ ਨੇ ਦੱਸਿਆ ਕਿ ਇਨ੍ਹਾਂ ਮਿਲਕ ਕਿੱਟਾਂ ਦੀ ਵਰਤੋਂ ਘਰ, ਡੇਅਰੀ, ਮਿਲਕ ਕਲੈਕਸ਼ਨ ਸੈਂਟਰ, ਮਿਲਕ ਪੁਆਇੰਟ 'ਤੇ ਦੁੱਧ ਦੀ ਜਾਂਚ ਲਈ ਕੀਤੀ ਜਾ ਸਕਦੀ ਹੈ। ਇਸ ਨਾਲ ਪਾਣੀ, ਤਾਜ਼ੇ ਜੂਸ ਅਤੇ ਮਿਲਕ ਸ਼ੇਕ ਵਿਚ ਵੀ ਮਿਲਾਵਟੀ ਤੱਤਾਂ ਨੂੰ ਰੋਕਿਆ ਜਾ ਸਕਦਾ ਹੈ।
Before You Go
ਰਾਜਪੁਰਾ ਮੀਂਹ 'ਚ ਡੁੱਬਿਆ! ਅੰਡਰਬ੍ਰਿਜ ਬਣਿਆ ਤਲਾਬ, ਕਿਲੋਮੀਟਰਾਂ ਲੰਮਾ ਜਾਮ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
