![ABP Premium](https://cdn.abplive.com/imagebank/Premium-ad-Icon.png)
ਆਲੂ ਦੀ ਖੇਤੀ 'ਚ ਨਵੀਂ ਕ੍ਰਾਂਤੀ! ਹੁਣ ਬਗੈਰ ਜ਼ਮੀਨ ਤੋਂ ਹੀ ਹਵਾ 'ਚ ਉਗਣਗੇ ਆਲੂ, ਝਾੜ 10 ਗੁਣਾ ਵੱਧ
Potato Farming: ਗ੍ਰੀਨਹਾਊਸ ਤਕਨੀਕ ਦੀ ਵਰਤੋਂ ਆਮ ਤੌਰ 'ਤੇ ਆਲੂ ਦੇ ਬੀਜ ਪੈਦਾ ਕਰਨ ਲਈ ਕੀਤੀ ਜਾਂਦੀ ਸੀ, ਜਿਸ ਵਿੱਚ ਝਾੜ ਬਹੁਤ ਘੱਟ ਸੀ। ਇੱਕ ਪੌਦੇ ਤੋਂ ਪੰਜ ਛੋਟੇ ਆਲੂ ਪ੍ਰਾਪਤ ਹੁੰਦੇ ਸਨ।
![ਆਲੂ ਦੀ ਖੇਤੀ 'ਚ ਨਵੀਂ ਕ੍ਰਾਂਤੀ! ਹੁਣ ਬਗੈਰ ਜ਼ਮੀਨ ਤੋਂ ਹੀ ਹਵਾ 'ਚ ਉਗਣਗੇ ਆਲੂ, ਝਾੜ 10 ਗੁਣਾ ਵੱਧ New revolution in potato farming! Potatoes will now grow in the air without soil, yield 10 times higher ਆਲੂ ਦੀ ਖੇਤੀ 'ਚ ਨਵੀਂ ਕ੍ਰਾਂਤੀ! ਹੁਣ ਬਗੈਰ ਜ਼ਮੀਨ ਤੋਂ ਹੀ ਹਵਾ 'ਚ ਉਗਣਗੇ ਆਲੂ, ਝਾੜ 10 ਗੁਣਾ ਵੱਧ](https://feeds.abplive.com/onecms/images/uploaded-images/2021/12/22/504419173fb290aec48ecfb3c0d6a9c0_original.jpeg?impolicy=abp_cdn&imwidth=1200&height=675)
ਕਰਨਾਲ: ਹੁਣ ਹਵਾ ਵਿੱਚ ਹੀ ਆਲੂ ਉਗਣਗੇ। ਕਿਸਾਨ ਲਈ ਨਵੀਂ ਤਕਨੀਕ ਨਾਲ ਬਿਨਾਂ ਜ਼ਮੀਨ ਤੇ ਮਿੱਟੀ ਤੋਂ ਹਵਾ ਵਿੱਚ ਆਲੂਆਂ ਦੀ ਵਧੀਆ ਬੀਜ ਤਿਆਰ ਕੀਤਾ ਗਿਆ ਹੈ। ਇਸ ਦਾ ਝਾੜ ਵੀ 10 ਗੁਣਾ ਵੱਧ ਹੋਵੇਗਾ। ਇਸ ਨੂੰ ਖੇਤੀ ਜਗਤ ਵਿੱਚ ਆਲੂ ਤਕਨਾਲੋਜੀ ਕੇਂਦਰ ਸ਼ਾਮਗੜ੍ਹ ਦਾ ਕ੍ਰਾਂਤੀਕਾਰੀ ਕਦਮ ਮੰਨਿਆ ਜਾ ਰਿਹਾ ਹੈ।
ਹਰਿਆਣਾ ਦੇ ਬਾਗਬਾਨੀ ਵਿਭਾਗ ਕਰਨਾਲ ਅਧੀਨ ਆਲੂ ਕੇਂਦਰ ਉੱਨਤ ਖੇਤੀ ਦੇ ਵਿਕਾਸ ਵਿੱਚ ਅਹਿਮ ਯੋਗਦਾਨ ਪਾ ਰਿਹਾ ਹੈ। ਕਿਸਾਨ ਹੁਣ ਬਿਨਾਂ ਜ਼ਮੀਨ ਤੋਂ ਬਿਨਾਂ ਮਿੱਟੀ ਦੇ ਹਵਾ ਵਿੱਚ ਆਲੂਆਂ ਦੀ ਕਾਸ਼ਤ ਕਰ ਸਕਣਗੇ, ਜਿਸ ਵਿੱਚ ਝਾੜ ਵੀ 10 ਗੁਣਾ ਵੱਧ ਹੋਵੇਗਾ। ਯਾਨੀ ਕਿਸਾਨ ਰਵਾਇਤੀ ਖੇਤੀ ਦੀ ਬਜਾਏ ਐਰੋਪੋਨਿਕ ਤਕਨੀਕ ਦੀ ਵਰਤੋਂ ਕਰਕੇ ਘੱਟ ਖਰਚੇ ਵਿੱਚ ਆਲੂਆਂ ਦੀ ਵਧੇਰੇ ਫ਼ਸਲ ਉਗਾ ਕੇ ਵਧੇਰੇ ਮੁਨਾਫ਼ਾ ਕਮਾ ਸਕਦੇ ਹਨ।
ਸੈਂਟਰ ਵੱਲੋਂ ਕਿਸਾਨਾਂ ਲਈ ਇੱਕ ਨਵਾਂ ਤਰੀਕਾ ਤਿਆਰ ਕੀਤਾ ਗਿਆ ਹੈ, ਜਿਸ ਵਿੱਚ ਆਲੂ ਬਿਨਾਂ ਜ਼ਮੀਨ ਤੋਂ ਹੀ ਹਵਾ ਵਿੱਚ ਉਗਣਗੇ ਤੇ ਝਾੜ ਵੀ 10 ਗੁਣਾ ਵੱਧ ਮਿਲੇਗਾ। ਮਾਹਿਰਾਂ ਨੇ ਦੱਸਿਆ ਕਿ ਇਸ ਕੇਂਦਰ ਦਾ ਅੰਤਰਰਾਸ਼ਟਰੀ ਆਲੂ ਕੇਂਦਰ ਨਾਲ ਐਮਓਯੂ ਹੋਣ ਤੋਂ ਬਾਅਦ ਐਰੋਪੋਨਿਕ ਪ੍ਰੋਜੈਕਟ ਨੂੰ ਭਾਰਤ ਸਰਕਾਰ ਨੇ ਮਨਜ਼ੂਰੀ ਦਿੱਤੀ।
ਗ੍ਰੀਨਹਾਊਸ ਤਕਨੀਕ ਦੀ ਵਰਤੋਂ ਆਮ ਤੌਰ 'ਤੇ ਆਲੂ ਦੇ ਬੀਜ ਪੈਦਾ ਕਰਨ ਲਈ ਕੀਤੀ ਜਾਂਦੀ ਸੀ, ਜਿਸ ਵਿੱਚ ਝਾੜ ਬਹੁਤ ਘੱਟ ਸੀ। ਇੱਕ ਪੌਦੇ ਤੋਂ ਪੰਜ ਛੋਟੇ ਆਲੂ ਪ੍ਰਾਪਤ ਹੁੰਦੇ ਸਨ। ਇਸ ਤੋਂ ਬਾਅਦ ਬਿਨਾਂ ਮਿੱਟੀ ਦੇ ਕਾਕਪਿਟ ਵਿੱਚ ਆਲੂ ਦੇ ਬੀਜ ਦਾ ਉਤਪਾਦਨ ਸ਼ੁਰੂ ਕੀਤਾ ਗਿਆ। ਇਸ ਵਿੱਚ ਝਾੜ ਲਗਪਗ ਦੁੱਗਣਾ ਹੋ ਗਿਆ ਹੈ।
ਇਸ ਤੋਂ ਬਾਅਦ ਐਰੋਪੋਨਿਕ ਤਕਨੀਕ ਨਾਲ ਇੱਕ ਕਦਮ ਹੋਰ ਅੱਗੇ ਵਧ ਕੇ ਆਲੂ ਦਾ ਉਤਪਾਦਨ ਕੀਤਾ ਜਾ ਰਿਹਾ ਹੈ, ਜਿਸ ਵਿੱਚ ਬਿਨਾਂ ਜ਼ਮੀਨ ਤੋਂ ਹੀ ਆਲੂ ਉੱਗਣੇ ਸ਼ੁਰੂ ਹੋ ਗਏ ਹਨ। ਇਸ ਵਿੱਚ ਇੱਕ ਬੂਟਾ 40 ਤੋਂ 60 ਛੋਟੇ ਆਲੂ ਦੇ ਰਿਹਾ ਹੈ, ਜਿਨ੍ਹਾਂ ਨੂੰ ਖੇਤ ਵਿੱਚ ਬੀਜ ਦੇ ਰੂਪ ਵਿੱਚ ਲਾਇਆ ਜਾ ਰਿਹਾ ਹੈ। ਇਸ ਤਕਨੀਕ ਨਾਲ ਝਾੜ ਵਿੱਚ ਕਰੀਬ 10 ਤੋਂ 12 ਗੁਣਾ ਵਾਧਾ ਹੋਵੇਗਾ।
ਡਾ: ਮੁਨੀਸ਼ ਸਿੰਗਲ ਸੀਨੀਅਰ ਕੰਸਲਟੈਂਟ ਨੇ ਕਿਹਾ ਕਿ ਐਰੋਪੋਨਿਕ ਇੱਕ ਮਹੱਤਵਪੂਰਨ ਤਕਨੀਕ ਹੈ। ਜਿਵੇਂਕਿ ਨਾਮ ਤੋਂ ਪਤਾ ਲੱਗਦਾ ਹੈ, ਐਰੋਪੋਨਿਕਸ ਦਾ ਅਰਥ ਹੈ ਹਵਾ ਵਿੱਚ ਆਲੂ ਉਗਾਉਣਾ। ਉਨ੍ਹਾਂ ਦੱਸਿਆ ਕਿ ਇਸ ਤਕਨੀਕ ਵਿੱਚ ਪੌਦਿਆਂ ਨੂੰ ਜੋ ਵੀ ਪੌਸ਼ਟਿਕ ਤੱਤ ਦਿੱਤੇ ਜਾਂਦੇ ਹਨ, ਉਹ ਮਿੱਟੀ ਰਾਹੀਂ ਨਹੀਂ ਸਗੋਂ ਲਟਕਦੀਆਂ ਜੜ੍ਹਾਂ ਰਾਹੀਂ ਦਿੱਤੇ ਜਾਂਦੇ ਹਨ।
ਇਸ ਤਕਨੀਕ ਰਾਹੀਂ ਆਲੂਆਂ ਦੇ ਬੀਜਾਂ ਦਾ ਬਹੁਤ ਵਧੀਆ ਉਤਪਾਦਨ ਕੀਤਾ ਜਾ ਸਕਦਾ ਹੈ, ਜੋ ਮਿੱਟੀ ਤੋਂ ਹੋਣ ਵਾਲੀਆਂ ਕਿਸੇ ਵੀ ਬਿਮਾਰੀਆਂ ਤੋਂ ਮੁਕਤ ਹੋਵੇਗਾ। ਉਨ੍ਹਾਂ ਦੱਸਿਆ ਕਿ ਇਸ ਤਕਨੀਕ ਰਾਹੀਂ ਰਵਾਇਤੀ ਖੇਤੀ ਦੇ ਮੁਕਾਬਲੇ ਵੱਧ ਝਾੜ ਪ੍ਰਾਪਤ ਕੀਤਾ ਜਾਂਦਾ ਹੈ।
ਉਨ੍ਹਾਂ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿੱਚ ਇਸ ਤਕਨੀਕ ਰਾਹੀਂ ਚੰਗੀ ਗੁਣਵੱਤਾ ਵਾਲੇ ਬੀਜਾਂ ਦੀ ਘਾਟ ਨੂੰ ਪੂਰਾ ਕੀਤਾ ਜਾਵੇਗਾ। ਕੇਂਦਰ ਦੀ ਇਸ ਤਕਨੀਕ ਨਾਲ 1 ਯੂਨਿਟ ਵਿੱਚ 20 ਹਜ਼ਾਰ ਬੂਟੇ ਲਗਾਉਣ ਦੀ ਸਮਰੱਥਾ ਹੈ, ਜਿਸ ਤੋਂ ਅੱਗੇ 8 ਤੋਂ 10 ਲੱਖ ਮਿੰਨੀ ਟਿਊਬਰਸ ਜਾਂ ਬੀਜ ਤਿਆਰ ਕੀਤੇ ਜਾ ਸਕਦੇ ਹਨ।
ਇਹ ਵੀ ਪੜ੍ਹੋ: Kids Health: ਸਰਦੀਆਂ 'ਚ ਬੱਚਿਆਂ ਨੂੰ ਠੰਢ-ਜ਼ੁਕਾਮ ਤੇ ਬਿਮਾਰ ਤੋਂ ਬਚਾਉਣਾ ਚਾਹੁੰਦੇ ਹੋ ਤਾਂ ਖਿਲਾਓ ਇਹ 5 ਚੀਜ਼ਾਂ
ਪੰਜਾਬੀ ‘ਚ ਤਾਜ਼ਾ ਖ਼ਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)