![ABP Premium](https://cdn.abplive.com/imagebank/Premium-ad-Icon.png)
Aryan Khan Drugs Case: NCB ਦਾ ਖੁਲਾਸਾ, ਇੱਕ ਔਰਤ ਸੈਨੀਟਰੀ ਪੈਡ 'ਚ ਲੁਕਾ ਕੇ ਕਰੂਜ਼ 'ਤੇ ਲੈ ਗਈ ਸੀ ਡਰੱਗਸ
ਕਰੂਜ਼ ਡਰੱਗਜ਼ ਮਾਮਲੇ ਵਿੱਚ, ਨਾਰਕੋਟਿਕਸ ਕੰਟਰੋਲ ਬਿਊਰੋ (ਐਨਸੀਬੀ) ਨੇ ਸ਼ਨੀਵਾਰ ਨੂੰ ਖੁਲਾਸਾ ਕੀਤਾ ਕਿ ਆਰੋਪੀ ਔਰਤ ਡਰੱਗਸ ਨੂੰ ਸੈਨੇਟਰੀ ਨੈਪਕਿਨ ਵਿੱਚ ਛੁਪਾ ਕੇ ਜਹਾਜ਼ ਵਿੱਚ ਲੈ ਗਈ ਸੀ।
![Aryan Khan Drugs Case: NCB ਦਾ ਖੁਲਾਸਾ, ਇੱਕ ਔਰਤ ਸੈਨੀਟਰੀ ਪੈਡ 'ਚ ਲੁਕਾ ਕੇ ਕਰੂਜ਼ 'ਤੇ ਲੈ ਗਈ ਸੀ ਡਰੱਗਸ Aryan Khan Drugs Case: NCB reveals, a woman hid drugs in a sanitary pad and took drugs on a cruise Aryan Khan Drugs Case: NCB ਦਾ ਖੁਲਾਸਾ, ਇੱਕ ਔਰਤ ਸੈਨੀਟਰੀ ਪੈਡ 'ਚ ਲੁਕਾ ਕੇ ਕਰੂਜ਼ 'ਤੇ ਲੈ ਗਈ ਸੀ ਡਰੱਗਸ](https://feeds.abplive.com/onecms/images/uploaded-images/2021/10/10/f0646ce89efd45a53a4745afaf3b2a2b_original.jpg?impolicy=abp_cdn&imwidth=1200&height=675)
Aryan Khan Drugs Case: ਕਰੂਜ਼ ਡਰੱਗਜ਼ ਮਾਮਲੇ ਵਿੱਚ, ਨਾਰਕੋਟਿਕਸ ਕੰਟਰੋਲ ਬਿਊਰੋ (ਐਨਸੀਬੀ) ਨੇ ਸ਼ਨੀਵਾਰ ਨੂੰ ਖੁਲਾਸਾ ਕੀਤਾ ਕਿ ਆਰੋਪੀ ਔਰਤ ਡਰੱਗਸ ਨੂੰ ਸੈਨੇਟਰੀ ਨੈਪਕਿਨ ਵਿੱਚ ਛੁਪਾ ਕੇ ਜਹਾਜ਼ ਵਿੱਚ ਲੈ ਗਈ ਸੀ। ਇਸ ਮਾਮਲੇ 'ਚ ਐਂਟੀ ਡਰੱਗਜ਼ ਏਜੰਸੀ ਨੇ ਫਿਲਮ ਨਿਰਮਾਤਾ ਇਮਤਿਆਜ਼ ਖੱਤਰੀ ਨੂੰ ਵੀ ਤਲਬ ਕੀਤਾ ਹੈ, ਉਨ੍ਹਾਂ ਨੂੰ 11 ਅਕਤੂਬਰ ਨੂੰ ਏਜੰਸੀ ਦੇ ਸਾਹਮਣੇ ਪੇਸ਼ ਹੋਣ ਦਾ ਨੋਟਿਸ ਦਿੱਤਾ ਗਿਆ ਹੈ। ਐਨਸੀਬੀ ਨੇ ਸ਼ਨੀਵਾਰ ਨੂੰ ਅਭਿਨੇਤਾ ਸ਼ਾਹਰੁਖ ਖਾਨ ਦੇ ਬੇਟੇ ਆਰੀਅਨ ਖਾਨ ਦੇ ਡਰਾਈਵਰ ਤੋਂ ਵੀ ਪੁੱਛਗਿੱਛ ਕੀਤੀ, ਜਿਸ ਨੂੰ ਮੁੰਬਈ ਦੇ ਤੱਟ ਤੋਂ ਡਰੱਗਸ ਦੇ ਸਬੰਧ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ।
ਮੁੰਬਈ ਦੀ ਇੱਕ ਮੈਜਿਸਟ੍ਰੇਟ ਅਦਾਲਤ ਨੇ ਵੀਰਵਾਰ ਨੂੰ ਆਰੀਅਨ ਖਾਨ ਅਤੇ 7 ਹੋਰਾਂ ਨੂੰ 14 ਦਿਨਾਂ ਦੀ ਨਿਆਇਕ ਹਿਰਾਸਤ ਵਿੱਚ ਭੇਜ ਦਿੱਤਾ। ਆਰੀਅਨ ਖਾਨ ਦੀ ਨੁਮਾਇੰਦਗੀ ਕਰਨ ਵਾਲੇ ਵਕੀਲ ਸਤੀਸ਼ ਮਾਨਸ਼ਿੰਦੇ ਨੇ ਪਹਿਲਾਂ ਅਦਾਲਤ ਵਿੱਚ ਕਿਹਾ ਸੀ, 'ਆਰੀਅਨ ਖਾਨ ਨੂੰ ਕਰੂਜ਼ ਪਾਰਟੀ ਲਈ ਸੱਦਾ ਦਿੱਤਾ ਗਿਆ ਸੀ ਹਾਲਾਂਕਿ ਉਸ ਕੋਲ ਬੋਰਡਿੰਗ ਪਾਸ ਨਹੀਂ ਸੀ। ਨਾ ਹੀ ਜਹਾਜ਼ ਵਿੱਚ ਉਨ੍ਹਾਂ ਲਈ ਕੋਈ ਸੀਟ ਅਤੇ ਕੈਬਿਨ ਸੀ। ਦੂਜਾ, ਉਸ ਦੀ ਗ੍ਰਿਫਤਾਰੀ ਵੇਲੇ ਉਸ ਕੋਲੋਂ ਕੁਝ ਨਹੀਂ ਮਿਲਿਆ। ਆਰੀਅਨ ਖਾਨ ਨੂੰ ਸਿਰਫ ਚੈਟ ਦੇ ਆਧਾਰ 'ਤੇ ਗ੍ਰਿਫਤਾਰ ਕੀਤਾ ਗਿਆ ਹੈ।
ਦਰਅਸਲ, 2 ਅਕਤੂਬਰ ਨੂੰ ਨਾਰਕੋਟਿਕਸ ਕੰਟਰੋਲ ਬਿਊਰੋ ਨੇ ਸਮੁੰਦਰੀ ਰਸਤੇ ਮੁੰਬਈ ਤੋਂ ਗੋਆ ਜਾਣ ਵਾਲੇ ਕੋਰਡੇਲੀਆ ਕਰੂਜ਼ ਜਹਾਜ਼ 'ਤੇ ਛਾਪਾ ਮਾਰਿਆ ਸੀ। ਜਿੱਥੇ ਸ਼ਾਹਰੁਖ ਖਾਨ ਦੇ ਬੇਟੇ ਆਰੀਅਨ ਖਾਨ ਸਮੇਤ ਕਈ ਲੋਕ ਰੈਵ ਪਾਰਟੀ ਕਰ ਰਹੇ ਸਨ। ਇਸ ਪਾਰਟੀ ਵਿੱਚ ਸ਼ਾਮਲ ਸਾਰੇ ਲੋਕਾਂ ਨੇ ਭਾਰੀ ਮਾਤਰਾ ਵਿੱਚ ਨਸ਼ੇ ਲਏ ਸਨ। ਪੁਲਿਸ ਨੇ ਛਾਪੇਮਾਰੀ ਦੌਰਾਨ ਆਰੀਅਨ ਖਾਨ ਸਮੇਤ ਕੁੱਲ ਅੱਠ ਲੋਕਾਂ ਨੂੰ ਹਿਰਾਸਤ ਵਿੱਚ ਲਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)