CBSE 10th 12th Exams 2021: ਇਸ ਤਰੀਕ ਤੱਕ ਭਰੋ CBSE 10 ਵੀਂ ਤੇ 12 ਵੀਂ ਦੇ ਪ੍ਰੀਖਿਆ ਫਾਰਮ  

ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ (ਸੀਬੀਐਸਈ) ਨੇ ਅਕਾਦਮਿਕ ਸੈਸ਼ਨ 2020-21 'ਚ ਹੋਣ ਵਾਲੀਆਂ 10 ਵੀਂ ਅਤੇ 12 ਵੀਂ ਜਮਾਤ ਦੀ ਸਾਲਾਨਾ ਪ੍ਰੀਖਿਆ ਲਈ ਫਾਰਮ ਭਰਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਗਈ ਹੈ।

CBSE 10th 12th Exams 2021: ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ (ਸੀਬੀਐਸਈ) ਨੇ ਅਕਾਦਮਿਕ ਸੈਸ਼ਨ 2020-21 'ਚ ਹੋਣ ਵਾਲੀਆਂ 10 ਵੀਂ ਅਤੇ 12 ਵੀਂ ਜਮਾਤ ਦੀ ਸਾਲਾਨਾ ਪ੍ਰੀਖਿਆ ਲਈ ਫਾਰਮ ਭਰਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਗਈ ਹੈ। ਉਹ ਵਿਦਿਆਰਥੀ ਜੋ ਅਗਲੇ ਸਾਲ 10 ਵੀਂ ਅਤੇ 12 ਵੀਂ ਜਮਾਤ ਦੀਆਂ ਪ੍ਰੀਖਿਆਵਾਂ 'ਚ ਸ਼ਾਮਲ ਹੋਣਾ ਚਾਹੁੰਦੇ ਹਨ, ਉਹ ਹੁਣ ਆਪਣੇ ਪ੍ਰੀਖਿਆ ਫਾਰਮ 15 ਅਕਤੂਬਰ 2020 ਤੱਕ ਭਰ ਸਕਦੇ ਹਨ। ਜਿਹੜੇ ਵਿਦਿਆਰਥੀ 15 ਅਕਤੂਬਰ ਤੱਕ ਆਪਣਾ ਪ੍ਰੀਖਿਆ ਫਾਰਮ ਨਹੀਂ ਭਰ ਸਕਣਗੇ, ਉਨ੍ਹਾਂ ਨੂੰ ਲੇਟ ਫੀਸ ਨਾਲ 16 ਤੋਂ 31 ਅਕਤੂਬਰ ਤੱਕ ਦਾ ਪ੍ਰੀਖਿਆ ਫਾਰਮ ਭਰਨ ਦੀ ਛੋਟ ਹੋਵੇਗੀ।

ਵਿਦਿਆਰਥੀਆਂ ਨੂੰ ਲੇਟ ਫੀਸ ਵਜੋਂ 2 ਹਜ਼ਾਰ ਰੁਪਏ ਵਧੇਰੇ ਦੇਣੇ ਪੈਣਗੇ। ਸੀਬੀਐਸਈ ਬੋਰਡ ਨੇ ਬਿਨਾਂ ਕਿਸੇ ਦੇਰੀ ਫੀਸ ਦੇ ਵਿਦਿਆਰਥੀਆਂ ਲਈ ਜਨਰਲ ਕਲਾਸ ਦੀ 1500 ਰੁਪਏ ਫੀਸ ਨਿਰਧਾਰਤ ਕੀਤੀ ਹੈ। ਜਦਕਿ ਐਸਸੀ/ਐਸਟੀ ਕਲਾਸ ਦੇ ਵਿਦਿਆਰਥੀਆਂ ਲਈ ਪ੍ਰੀਖਿਆ ਫੀਸ 1200 ਰੁਪਏ ਨਿਰਧਾਰਤ ਕੀਤੀ ਗਈ ਹੈ। ਵਾਧੂ ਵਿਸ਼ਿਆਂ ਲਈ ਪ੍ਰਤੀ ਵਿਸ਼ਾ ਫੀਸ 300 ਰੁਪਏ ਹੈ।

ਯਾਨੀ 15 ਅਕਤੂਬਰ ਨੂੰ ਆਪਣਾ ਸਾਲਾਨਾ ਪ੍ਰੀਖਿਆ ਫਾਰਮ ਭਰਨ ਵਾਲੇ ਵਿਦਿਆਰਥੀਆਂ ਨੂੰ ਸਿਰਫ 1500 ਰੁਪਏ ਦੇਣੇ ਪੈਣਗੇ ਅਤੇ ਜੋ ਵਿਦਿਆਰਥੀ 16 ਅਕਤੂਬਰ ਤੋਂ 31 ਅਕਤੂਬਰ ਤੱਕ ਪ੍ਰੀਖਿਆ ਫਾਰਮ ਭਰਨਗੇ, ਉਨ੍ਹਾਂ ਨੂੰ 3500 ਰੁਪਏ ਪ੍ਰੀਖਿਆ ਫੀਸ ਵਜੋਂ ਅਦਾ ਕਰਨੇ ਪੈਣਗੇ। ਫੀਸ ਦੇ ਵੇਰਵੇ ਹੇਠ ਦਿੱਤੇ ਗਏ ਹਨ। ਵਿਦਿਆਰਥੀ ਇਸ ਤਰ੍ਹਾਂ ਸਮਝ ਸਕਦੇ ਹਨ।

ਸੀਬੀਐਸਈ ਪ੍ਰੀਖਿਆ ਫੀਸ 2021: ਵੇਰਵੇ

ਕਲਾਸ 10 ਵੀਂ ਅਤੇ 12 ਵੀਂ ਲਈ ਸਲਾਨਾ ਪ੍ਰੀਖਿਆ ਫੀਸ {ਜਨਰਲ ਸ਼੍ਰੇਣੀ} - 1500 ਰੁਪਏ

ਕਲਾਸ 10 ਵੀਂ ਅਤੇ 12 ਵੀਂ ਲਈ ਸਲਾਨਾ ਪ੍ਰੀਖਿਆ ਫੀਸ - ਐਸਸੀ / ਐਸਟੀ ST - 1200 ਰੁਪਏ

ਪ੍ਰਤੀ ਵਿਦਿਆਰਥੀ ਲੇਟ ਫੀਸ - 2000 ਰੁਪਏ

ਵਾਧੂ ਵਿਸ਼ੇ ਲਈ ਪ੍ਰਤੀ ਵਿਸ਼ਾ - 300 ਰੁਪਏ

12 ਵੀਂ ਵਿੱਚ ਵਿਹਾਰਕ ਪ੍ਰੀਖਿਆ ਲਈ ਪ੍ਰਤੀ ਵਿਸ਼ਾ ਫੀਸ - 150 ਰੁਪਏ

ਮਾਈਗ੍ਰੇਸ਼ਨ ਸਰਟੀਫਿਕੇਟ ਫੀਸ - 350 ਰੁਪਏ

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ