CBSE New Syllabus 2025-26 Released: ਬਦਲ ਗਿਆ CBSE 10ਵੀਂ, 12ਵੀਂ ਦਾ ਸਿਲੇਬਸ, ਜਾਣੋ ਕੀ ਬਦਲਿਆ ਅਤੇ ਕੀ ਨਹੀਂ
ਕੇਂਦਰੀ ਮਾਧਿਮਿਕ ਸਿੱਖਿਆ ਬੋਰਡ (CBSE) ਨੇ 2025-26 ਦੇ 10ਵੀਂ ਅਤੇ 12ਵੀਂ ਸ਼ੈਸਨ ਸਾਲ ਲਈ ਨਵਾਂ ਸਿਲੇਬਸ ਜਾਰੀ ਕਰ ਦਿੱਤਾ ਹੈ। CBSE ਦੇ ਇਸ ਨਵੇਂ ਸਿਲੇਬਸ ਵਿੱਚ ਅਕਾਦਮਿਕ ਸਮੱਗਰੀ, ਸਿੱਖਣ ਦੇ ਨਤੀਜੇ ਅਤੇ 2026
ਕੇਂਦਰੀ ਮਾਧਿਮਿਕ ਸਿੱਖਿਆ ਬੋਰਡ (CBSE) ਨੇ 2025-26 ਦੇ 10ਵੀਂ ਅਤੇ 12ਵੀਂ ਸ਼ੈਸਨ ਸਾਲ ਲਈ ਨਵਾਂ ਸਿਲੇਬਸ ਜਾਰੀ ਕਰ ਦਿੱਤਾ ਹੈ। CBSE ਦੇ ਇਸ ਨਵੇਂ ਸਿਲੇਬਸ ਵਿੱਚ ਅਕਾਦਮਿਕ ਸਮੱਗਰੀ, ਸਿੱਖਣ ਦੇ ਨਤੀਜੇ ਅਤੇ 2026 ਦੀ CBSE ਬੋਰਡ ਪ੍ਰੀਖਿਆ ਲਈ ਨਵੇਂ ਦਿਸ਼ਾ-ਨਿਰਦੇਸ਼ ਸ਼ਾਮਲ ਹਨ। CBSE ਬੋਰਡ ਨੇ 10ਵੀਂ ਦੇ ਵਿਦਿਆਰਥੀਆਂ ਲਈ ਸਾਲ ਵਿੱਚ ਦੋ ਬੋਰਡ ਪ੍ਰੀਖਿਆਵਾਂ ਕਰਵਾਉਣ, ਯੋਗਤਾ-ਅਧਾਰਤ ਪ੍ਰਸ਼ਨਾਂ ਦੀ ਗਿਣਤੀ ਵਧਾਉਣ ਅਤੇ ਰੀ-ਚੈਕਿੰਗ ਪ੍ਰਕਿਰਿਆ ਵਿੱਚ ਸੁਧਾਰ ਕਰਨ ਵਰਗੇ ਵੱਡੇ ਬਦਲਾਅ ਪ੍ਰਸਤਾਵਿਤ ਕੀਤੇ ਹਨ।
ਹੁਣ ਸਾਲ ਵਿੱਚ ਦੋ ਵਾਰ ਹੋਵੇਗੀ ਸਿਰਫ 10ਵੀਂ ਦੀ ਪ੍ਰੀਖਿਆ
CBSE 10ਵੀਂ ਦੀ ਬੋਰਡ ਪ੍ਰੀਖਿਆ 2026 ਸ਼ੈਸਨ ਸਾਲ 2025-26 ਤੋਂ ਫਰਵਰੀ ਅਤੇ ਅਪਰੈਲ ਵਿੱਚ ਸਾਲ ਵਿੱਚ ਦੋ ਵਾਰ ਕਰਵਾਈ ਜਾਵੇਗੀ।
ਹਾਲਾਂਕਿ, CBSE 12ਵੀਂ ਦੀ ਬੋਰਡ ਪ੍ਰੀਖਿਆ ਹਮੇਸ਼ਾ ਵਾਂਗ ਸਿਰਫ ਇੱਕ ਵਾਰ ਹੀ ਕਰਵਾਈ ਜਾਵੇਗੀ।
ਇਸ ਤੋਂ ਇਲਾਵਾ, CBSE ਨੇ ਐਲਾਨ ਕੀਤਾ ਹੈ ਕਿ 2026 ਦੀ 12ਵੀਂ ਦੀ ਬੋਰਡ ਪ੍ਰੀਖਿਆ ਅਗਲੇ ਸਾਲ 17 ਫਰਵਰੀ ਤੋਂ ਸ਼ੁਰੂ ਹੋਵੇਗੀ, ਅਤੇ ਇਸ ਵਿੱਚ ਲਗਭਗ 20 ਲੱਖ ਵਿਦਿਆਰਥੀਆਂ ਦੀ ਸ਼ਮੂਲੀਅਤ ਦੀ ਉਮੀਦ ਹੈ।
ਅਧਿਆਪਕਾਂ ਨੂੰ ਵੀ ਬਦਲਣਾ ਪਵੇਗਾ ਪੜ੍ਹਾਉਣ ਦਾ ਢੰਗ
CBSE ਨੇ ਸਕੂਲਾਂ ਨੂੰ ਨਵੇਂ ਨਿਯਮ ਅਨੁਸਾਰ ਵਿਦਿਆਰਥੀਆਂ ਨੂੰ ਪੜ੍ਹਾਉਣ ਦੀ ਹਦਾਇਤ ਦਿੱਤੀ ਹੈ।
ਇਸ ਵਿੱਚ ਅਨੁਭਵੀਅਤਮਕ (Experiential) ਸਿੱਖਿਆ, ਯੋਗਤਾ-ਅਧਾਰਤ ਮੁਲਾਂਕਣ ਅਤੇ ਵਿਦਿਆਰਥੀਆਂ ਦੀ ਸੋਚਣ ਦੀ ਸਮਝ ਵਧਾਉਣ ਉੱਤੇ ਧਿਆਨ ਦਿੰਦੇ ਹੋਏ ਨਵਾਂ ਪੈਟਰਨ ਲਿਆਉਣ ਦੀ ਗੱਲ ਕਹੀ ਗਈ ਹੈ।
ਬੋਰਡ ਨੇ ਅਧਿਆਪਕਾਂ ਨੂੰ ਪ੍ਰੋਜੈਕਟ-ਅਧਾਰਤ ਪੜ੍ਹਾਈ, ਸਵਾਲ-ਜਵਾਬ ਪੱਧਤੀ ਅਤੇ ਟੈਕਨੋਲੋਜੀ ਦੀ ਸਮਝ ਨੂੰ ਜ਼ਿਆਦਾ ਮਹੱਤਵ ਦੇਣ ਦੀ ਵੀ ਸਿਫ਼ਾਰਸ਼ ਕੀਤੀ ਹੈ।
ਗ੍ਰੇਡਿੰਗ ਸਿਸਟਮ
CBSE 10ਵੀਂ ਦੇ ਅੰਕਾਂ ਅਨੁਸਾਰ ਗ੍ਰੇਡ 9-ਪੁਇੰਟ ਗ੍ਰੇਡਿੰਗ ਸਿਸਟਮ ਦੇ ਆਧਾਰ 'ਤੇ ਦਿੱਤੇ ਜਾਣਗੇ। CBSE 10ਵੀਂ ਦੀ ਬੋਰਡ ਪ੍ਰੀਖਿਆ ਸਭ ਵਿਸ਼ਿਆਂ ਵਿੱਚ ਕੁੱਲ 80 ਅੰਕਾਂ ਲਈ ਕਰਵਾਈ ਜਾਵੇਗੀ, ਸਿਰਫ ਉਹਨਾਂ ਲਾਜ਼ਮੀ ਵਿਸ਼ਿਆਂ ਤੋਂ, ਜਿਨ੍ਹਾਂ ਵਿੱਚ ਅੰਦਰੂਨੀ ਮੁਲਾਂਕਣ ਦੇ 20 ਅੰਕ ਸ਼ਾਮਲ ਹੋਣਗੇ।
ਪਾਸਿੰਗ ਮਾਰਕਸ ਵਿੱਚ ਕੀ ਹੋਵੇਗਾ ਬਦਲਾਅ
ਵਿਦਿਆਰਥੀਆਂ ਨੂੰ ਉੱਤੀਰਨ ਲਈ ਸਾਰੇ ਵਿਸ਼ਿਆਂ ਵਿੱਚ ਕੁੱਲ 33% ਅੰਕ ਲੈਣੇ ਲਾਜ਼ਮੀ ਹੋਣਗੇ। CBSE ਨੇ ਕਿਹਾ ਕਿ ਤਿੰਨ ਵਿਸ਼ਿਆਂ – ਕੰਪਿਊਟਰ ਐਪਲੀਕੇਸ਼ਨ (ਕੋਡ 165), ਇਨਫੋਰਮੇਸ਼ਨ ਟੈਕਨੋਲੋਜੀ (ਕੋਡ 402) ਅਤੇ ਆਰਟੀਫੀਸ਼ਲ ਇੰਟੈਲੀਜੈਂਸ (ਕੋਡ 417) ਵਿੱਚੋਂ ਕੇਵਲ ਇੱਕ ਹੀ ਚੁਣਿਆ ਜਾ ਸਕਦਾ ਹੈ। ਨਾਲ ਹੀ, ਵਿਦਿਆਰਥੀਆਂ ਲਈ 9ਵੀਂ ਜਾਂ 10ਵੀਂ ਕਲਾਸ ਵਿੱਚ ਦੋ ਭਾਸ਼ਾਵਾਂ ਵਿੱਚੋਂ ਇੱਕ ਅੰਗ੍ਰੇਜ਼ੀ ਜਾਂ ਹਿੰਦੀ ਚੁਣਨਾ ਲਾਜ਼ਮੀ ਹੋਵੇਗਾ।
ਜੇਕਰ ਕੋਈ ਵਿਦਿਆਰਥੀ ਵਿਗਿਆਨ, ਗਣਿਤ ਅਤੇ ਸਮਾਜਿਕ ਵਿਗਿਆਨ ਜਾਂ ਕਿਸੇ ਭਾਸ਼ਾ ਦੇ ਪੇਪਰ ਵਿੱਚ ਫੇਲ ਹੋ ਜਾਂਦਾ ਹੈ, ਪਰ ਸਕਿਲ ਵਿਸ਼ਾ ਜਾਂ ਛੇਵੇਂ optional ਵਿਸ਼ਾ ਵਜੋਂ ਚੁਣੀ ਗਈ ਭਾਸ਼ਾ ਵਿੱਚ ਪਾਸ ਹੋ ਜਾਂਦਾ ਹੈ, ਤਾਂ ਮਾਰਕਸ ਮੁਲਾਂਕਣ ਦੌਰਾਨ ਯੋਗਤਾ ਅਨੁਸਾਰ ਉਸ ਵਿਸ਼ੇ ਨੂੰ ਬਦਲ ਦਿੱਤਾ ਜਾਵੇਗਾ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
Education Loan Information:
Calculate Education Loan EMI
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
