UAE 10 Year Passport: ਖੁਸ਼ਖਬਰੀ! UAE ਵੱਲੋਂ 10 ਸਾਲਾ ਪਾਸਪੋਰਟ ਸੇਵਾ ਲਾਂਚ, ਨਾਗਰਿਕਾਂ ਨੂੰ ਹੋਏਗਾ ਵੱਡਾ ਫਾਇਦਾ
UAE 10 Year Passport: ਯੂਏਈ ਪਾਸਪੋਰਟ ਅਥਾਰਟੀ ਨੇ ਅਧਿਕਾਰਤ ਤੌਰ 'ਤੇ UAE ਪਾਸਪੋਰਟ ਦੀ ਵੈਧਤਾ ਨੂੰ 10 ਸਾਲ ਤੱਕ ਵਧਾਉਣ ਦਾ ਐਲਾਨ ਕੀਤਾ ਹੈ। ਫੈਡਰਲ ਅਥਾਰਟੀ ਫਾਰ ਆਈਡੈਂਟਿਟੀ, ਸਿਟੀਜ਼ਨਸ਼ਿਪ, ਕਸਟਮਜ਼ ਤੇ ਪੋਰਟ ਸਕਿਓਰਿਟੀ
UAE 10 Year Passport: ਯੂਏਈ ਪਾਸਪੋਰਟ ਅਥਾਰਟੀ ਨੇ ਅਧਿਕਾਰਤ ਤੌਰ 'ਤੇ UAE ਪਾਸਪੋਰਟ ਦੀ ਵੈਧਤਾ ਨੂੰ 10 ਸਾਲ ਤੱਕ ਵਧਾਉਣ ਦਾ ਐਲਾਨ ਕੀਤਾ ਹੈ। ਫੈਡਰਲ ਅਥਾਰਟੀ ਫਾਰ ਆਈਡੈਂਟਿਟੀ, ਸਿਟੀਜ਼ਨਸ਼ਿਪ, ਕਸਟਮਜ਼ ਤੇ ਪੋਰਟ ਸਕਿਓਰਿਟੀ (ICP) ਅਨੁਸਾਰ, ਇਹ ਨਵੀਂ ਸੇਵਾ ਅੱਜ ਯਾਨੀ ਸੋਮਵਾਰ (8 ਜੁਲਾਈ 2024) ਤੋਂ ਲਾਗੂ ਹੋ ਗਈ ਹੈ। ਇਹ ਸੇਵਾ 21 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਨਾਗਰਿਕਾਂ ਲਈ ਉਪਲਬਧ ਹੋਵੇਗੀ। ਹੁਣ ਤੱਕ ਸੰਯੁਤ ਅਰਬ ਅਮੀਰਾਤ ਵਿੱਚ ਪਾਸਪੋਰਟ ਦੀ ਵੈਧਤਾ ਜਾਰੀ ਹੋਣ ਦੀ ਮਿਤੀ ਤੋਂ ਪੰਜ ਸਾਲ ਸੀ।
ਖਲੀਜ ਟਾਈਮਜ਼ ਨੂੰ UAE ਦੀ 26 ਸਾਲਾ ਫਾਤਿਮਾ ਅਲ ਬਲੂਸ਼ੀ ਨੇ ਕਿਹਾ ਕਿ ਇਹ ਇੱਕ ਹੋਰ ਉਦਾਹਰਣ ਹੈ ਕਿ ਕਿਵੇਂ ਸਾਡੇ ਨੇਤਾ ਹਮੇਸ਼ਾ ਆਪਣੇ ਨਾਗਰਿਕਾਂ ਦੇ ਜੀਵਨ ਨੂੰ ਬਿਹਤਰ ਬਣਾਉਣ ਦੇ ਤਰੀਕਿਆਂ ਦੀ ਤਲਾਸ਼ ਕਰਦੇ ਹਨ। ਉਸ ਨੇ ਦੱਸਿਆ ਕਿ ਮੈਂ ਹਾਲ ਹੀ ਵਿੱਚ ਦੁਬਈ ਹਵਾਈ ਅੱਡੇ 'ਤੇ 30 ਮਿੰਟਾਂ ਤੋਂ ਵੀ ਘੱਟ ਸਮੇਂ ਵਿੱਚ ਆਪਣਾ ਪਾਸਪੋਰਟ ਰਿਨਿਊ ਕਰਵਾਇਆ ਹੈ।
ਅਲ ਆਇਨ ਨਿਵਾਸੀ ਨੇ ਦੱਸਿਆ ਕਿ ਕਿਵੇਂ 10 ਸਾਲਾਂ ਦੀ ਵੈਧਤਾ ਦੀ ਮਿਆਦ ਦਾ ਵਾਧਾ ਉਸ ਤੇ ਉਸ ਦੇ ਪਰਿਵਾਰ ਲਈ ਰਾਹਤ ਪ੍ਰਦਾਨ ਕਰੇਗਾ, ਕਿਉਂਕਿ ਉਹ ਕਈ ਵਾਰ ਆਪਣਾ ਪਾਸਪੋਰਟ ਰੀਨਿਊ ਕਰਨਾ ਭੁੱਲ ਜਾਂਦੀ ਹੈ। ਔਰਤ ਨੇ ਕਿਹਾ, 'ਆਪਣੇ ਰੁਝੇਵਿਆਂ ਕਾਰਨ ਅਸੀਂ ਕਈ ਵਾਰ ਮਿਆਦ ਪੁੱਗਣ ਤੋਂ ਪਹਿਲਾਂ ਪਾਸਪੋਰਟ ਨੂੰ ਰੀਨਿਊ ਕਰਨਾ ਭੁੱਲ ਜਾਂਦੇ ਹਾਂ। ਸਮਾਂ ਸੀਮਾ ਵਧਾਉਣ ਨਾਲ ਸਾਨੂੰ ਬਹੁਤ ਸਹੂਲਤ ਮਿਲੇਗੀ।
ਜਨਤਾ ਨੂੰ ਰਾਹਤ ਮਿਲੇਗੀ
ਦੁਬਈ ਦੇ 34 ਸਾਲਾ ਨਾਗਰਿਕ ਅਹਿਮਦ ਖਲੀਫਾ ਨੇ ਕਿਹਾ, 'ਯੂਏਈ ਕੋਲ ਅਜਿਹੀਆਂ ਨੀਤੀਆਂ ਨੂੰ ਲਾਗੂ ਕਰਨ ਦਾ ਲੰਬਾ ਇਤਿਹਾਸ ਹੈ ਜੋ ਆਪਣੇ ਲੋਕਾਂ ਲਈ ਜੀਵਨ ਨੂੰ ਵਧੇਰੇ ਸੁਵਿਧਾਜਨਕ ਬਣਾਉਂਦੀਆਂ ਹਨ।' ਇਸ ਨੂੰ ਹੋਰ ਸੁਵਿਧਾਜਨਕ ਬਣਾਉਣ ਲਈ ਸਰਕਾਰ ਦੇ ਯਤਨਾਂ ਦੀ ਇਹ ਨਵੀਂ ਮਿਸਾਲ ਹੈ। ਖਲੀਫਾ ਦਾ ਮੰਨਣਾ ਹੈ ਕਿ 10 ਸਾਲ ਦੀ ਵੈਧਤਾ ਲੰਬੇ ਸਮੇਂ ਵਿੱਚ ਯੂਏਈ ਦੇ ਨਾਗਰਿਕਾਂ ਦੇ ਸਮੇਂ ਤੇ ਮਿਹਨਤ ਦੀ ਬਚਤ ਕਰੇਗੀ।
ਪਾਸਪੋਰਟ ਦਾ ਨਵੀਨੀਕਰਨ ਕਦੋਂ ਹੋਵੇਗਾ?
ਅਥਾਰਟੀ ਦੇ ਪਛਾਣ ਤੇ ਪਾਸਪੋਰਟ ਦੇ ਡਾਇਰੈਕਟਰ ਜਨਰਲ, ਮੇਜਰ ਜਨਰਲ ਸੁਹੇਲ ਜੁਮਾ ਅਲ ਖੈਲੀ ਨੇ ਸਪੱਸ਼ਟ ਕੀਤਾ ਕਿ 10 ਸਾਲ ਦੀ ਵੈਧਤਾ 21 ਸਾਲ ਤੇ ਇਸ ਤੋਂ ਵੱਧ ਉਮਰ ਦੇ ਨਾਗਰਿਕਾਂ ਤੱਕ ਸੀਮਤ ਹੈ। 21 ਸਾਲ ਤੋਂ ਘੱਟ ਉਮਰ ਦੇ ਲੋਕਾਂ ਲਈ 5 ਸਾਲ ਦੇ ਪਾਸਪੋਰਟ ਜਾਰੀ ਰਹਿਣਗੇ। ਨਵੇਂ 10 ਸਾਲਾਂ ਦੇ ਯੂਏਈ ਪਾਸਪੋਰਟ ਮੌਜੂਦਾ ਪਾਸਪੋਰਟਾਂ ਵਾਂਗ ਹੀ ਜਾਰੀ ਕੀਤੇ ਜਾਣਗੇ। ਨਾਗਰਿਕ ਨਵੀਂ ਸੇਵਾ ਲਈ ਅਰਜ਼ੀ ਦੇ ਸਕਦੇ ਹਨ ਜਦੋਂ ਉਨ੍ਹਾਂ ਦੇ ਮੌਜੂਦਾ ਪਾਸਪੋਰਟ ਦੀ ਮਿਆਦ ਖਤਮ ਹੋ ਜਾਂਦੀ ਹੈ, ਜਾਂ ਜਦੋਂ ਤੱਕ ਇਸ ਦੇ ਸਾਰੇ ਪੰਨੇ ਪੂਰੀ ਤਰ੍ਹਾਂ ਵਰਤ ਲਏ ਜਾਂਦੇ ਹਨ।
ਵਿਦੇਸ਼ਾਂ ਵਿੱਚ ਰਹਿਣ ਵਾਲੇ ਲੋਕਾਂ ਨੂੰ ਕੀ ਕਰਨਾ ਚਾਹੀਦਾ?
UAE ਦੇ ਨਾਗਰਿਕਾਂ ਕੋਲ ਆਪਣੇ ਨਵੇਂ 10 ਸਾਲ ਦੇ ਪਾਸਪੋਰਟ ਨੂੰ ਰੀਨਿਊ ਕਰਨ ਲਈ ਕਈ ਸੁਵਿਧਾਜਨਕ ਵਿਕਲਪ ਹਨ। ਘਰੇਲੂ ਤੌਰ 'ਤੇ ਉਹ ਰੈਜ਼ੀਡੈਂਸੀ ਤੇ ਵਿਦੇਸ਼ੀ ਮਾਮਲਿਆਂ ਦੇ ਜਨਰਲ ਡਾਇਰੈਕਟੋਰੇਟ ਦੁਆਰਾ ਚਲਾਏ ਜਾ ਰਹੇ ਆਪਣੇ ਸਥਾਨਕ ਪਾਸਪੋਰਟ ਦਫਤਰ ਰਾਹੀਂ ਅਰਜ਼ੀ ਦੇ ਸਕਦੇ ਹਨ। ਐਮਰਜੈਂਸੀ ਨਵਿਆਉਣ ਲਈ ਨਾਗਰਿਕ ਅਬੂ ਧਾਬੀ, ਦੁਬਈ ਤੇ ਸ਼ਾਰਜਾਹ ਹਵਾਈ ਅੱਡਿਆਂ 'ਤੇ ਪਾਸਪੋਰਟ ਦਫਤਰ ਜਾ ਸਕਦੇ ਹਨ। ਇਹ ਕੇਂਦਰ ਫੌਰੀ ਲੋੜ ਨੂੰ ਪੂਰਾ ਕਰਨ ਲਈ 24 ਘੰਟੇ ਤੇ 7 ਦਿਨ ਖੁੱਲ੍ਹੇ ਰਹਿੰਦੇ ਹਨ। ਵਿਦੇਸ਼ਾਂ ਵਿੱਚ ਰਹਿਣ ਵਾਲਿਆਂ ਲਈ ਨਵੀਂ 10 ਸਾਲ ਦੀ ਪਾਸਪੋਰਟ ਸੇਵਾ ਯੂਏਈ ਦੇ ਦੂਤਾਵਾਸਾਂ ਤੇ ਕੌਂਸਲੇਟਾਂ ਰਾਹੀਂ ਵੀ ਉਪਲਬਧ ਹੈ।
Education Loan Information:
Calculate Education Loan EMI
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
