JEE Main 2021 Exam: ਜੇਈਈ ਮੇਨ 2021 ਚੌਥੀ ਸੈਸ਼ਨ ਦੀ ਪ੍ਰੀਖਿਆ ਦੀ ਸੂਚੀ ਵਿੱਚ ਬਦਲਾਅ, ਸਿੱਖਿਆ ਮੰਤਰੀ ਵਲੋਂ ਕੀਤੇ ਤਾਜ਼ਾ ਐਲਾਨ ਬਾਰੇ ਜਾਣੋ

JEE Main 2021 Exam: ਸੋਧੇ ਹੋਏ ਕਾਰਜਕ੍ਰਮ ਮੁਤੀਬਕ ਜੇਈਈ ਮੇਨਜ਼ 2021 4 ਸੈਸ਼ਨ ਦੀ ਪ੍ਰੀਖਿਆ ਹੁਣ 26, 27 ਅਤੇ 31 ਅਗਸਤ ਨੂੰ ਅਤੇ 1 ਅਤੇ 2 ਸਤੰਬਰ 2021 ਨੂੰ ਲਈ ਜਾਏਗੀ।

exam

ਨਵੀਂ ਦਿੱਲੀ: ਨੈਸ਼ਨਲ ਟੈਸਟਿੰਗ ਏਜੰਸੀ (National Testing Agency, NTA) ਨੇ ਸੰਯੁਕਤ ਪ੍ਰਵੇਸ਼ ਪ੍ਰੀਖਿਆ (JEE Main 2021) ਦੇ ਮਈ ਸੈਸ਼ਨ ਲਈ ਰਜਿਸਟ੍ਰੇਸ਼ਨ ਦੀ ਆਖਰੀ ਤਰੀਕ ਵਧਾ ਦਿੱਤੀ ਹੈ। ਕੇਂਦਰੀ ਸਿੱਖਿਆ ਮੰਤਰੀ ਧਰਮਿੰਦਰ ਪ੍ਰਧਾਨ ਨੇ ਟਵੀਟ ਕੀਤਾ ਕਿ ਇਸ ਨੂੰ 20 ਜੁਲਾਈ 2021 ਤੱਕ ਵਧਾ ਦਿੱਤਾ ਗਿਆ ਹੈ। ਇਸਦੇ ਨਾਲ ਹੀ ਪ੍ਰੀਖਿਆ ਦੀ ਤਰੀਕ ਵੀ ਵਧਾ ਦਿੱਤੀ ਗਈ ਹੈ।

ਜੇਈਈ 2021 ਸੈਸ਼ਨ 4 ਹੁਣ 26, 27 ਅਤੇ 31 ਅਗਸਤ ਅਤੇ 1 ਅਤੇ 2 ਸਤੰਬਰ 2021 ਨੂੰ ਹੋਣਗੀਆਂ। ਜੇਈਈ (ਮੇਨ) 2021 ਸੈਸ਼ਨ 4 ਲਈ ਕੁੱਲ 7.32 ਲੱਖ ਉਮੀਦਵਾਰਾਂ ਨੇ ਪਹਿਲਾਂ ਹੀ ਰਜਿਸਟਰ ਕਰ ਲਿਆ ਹੈ। ਵਿਦਿਆਰਥੀਆਂ ਦੀ ਮੰਗ 'ਤੇ ਨੈਸ਼ਨਲ ਟੈਸਟਿੰਗ ਏਜੰਸੀ (ਐਨਟੀਏ) ਨੇ ਫਿਰ ਜੇਈਈ ਮੇਨ ਸੈਸ਼ਨ 4 ਦੀਆਂ ਤਰੀਕਾਂ ਨੂੰ ਬਦਲ ਦਿੱਤਾ ਹੈ।

ਵਿਦਿਆਰਥੀਆਂ ਨੇ ਮੰਗ ਕੀਤੀ ਕਿ ਜੇਈਈ ਮੇਨ ਦੇ ਤੀਜੇ (ਜੇਈਈ ਸੈਸ਼ਨ 3) ਅਤੇ ਚੌਥੇ ਸੈਸ਼ਨ (ਜੇਈਈ ਸੈਸ਼ਨ 4 ਦੀ ਪ੍ਰੀਖਿਆ ਦੀ ਮਿਤੀ) ਵਿਚਕਾਰ ਘੱਟੋ ਘੱਟ 4 ਹਫ਼ਤੇ (ਲਗਪਗ ਇੱਕ ਮਹੀਨੇ) ਦਾ ਗੈਪ ਹੈ। ਇਸ ਲਈ ਇਹ ਪ੍ਰੀਖਿਆ ਹੁਣ 26, 27, 31 ਅਗਸਤ 2021 ਅਤੇ 01 ਅਤੇ 02 ਸਤੰਬਰ 2021 ਨੂੰ ਲਈ ਜਾਏਗੀ।

ਇਸ ਤੋਂ ਪਹਿਲਾਂ ਚੌਥੇ ਜੇਈਈ ਮੇਨ ਮਈ ਸੈਸ਼ਨ 2021 ਦੀ ਪ੍ਰੀਖਿਆ 27 ਜੁਲਾਈ ਤੋਂ 2 ਅਗਸਤ, 2021 ਤੱਕ ਰੱਖੀ ਜਾਣੀ ਸੀ, ਜੋ ਹੁਣ ਮੁਲਤਵੀ ਕਰ ਦਿੱਤੀ ਗਈ ਹੈ। ਹਾਲਾਂਕਿ, ਨੈਸ਼ਨਲ ਟੈਸਟਿੰਗ ਏਜੰਸੀ (ਐਨਟੀਏ) ਅਨੁਸੂਚੀ ਅਨੁਸਾਰ ਤੀਜੇ ਜੇਈਈ ਮੇਨ ਅਪ੍ਰੈਲ ਸੈਸ਼ਨ 2021 ਦੀ ਪ੍ਰੀਖਿਆ ਯਾਨੀ 20 ਜੁਲਾਈ ਤੋਂ 25 ਜੁਲਾਈ, 2021 ਤੱਕ ਲਵੇਗੀ।

ਇਸ ਸਾਲ, ਨੈਸ਼ਨਲ ਟੈਸਟਿੰਗ ਏਜੰਸੀ (ਐਨਟੀਏ) ਨੇ ਜੇਈਈ ਮੇਨ 2021 ਦੀ ਪ੍ਰੀਖਿਆ 4 ਸੈਸ਼ਨਾਂ ਵਿੱਚ ਕਰਵਾਉਣ ਦਾ ਫੈਸਲਾ ਕੀਤਾ ਸੀ। ਪਹਿਲਾ ਸੈਸ਼ਨ 23 ਤੋਂ 26 ਫਰਵਰੀ, 2021 ਤਕ ਆਯੋਜਿਤ ਕੀਤਾ ਗਿਆ ਸੀ। ਦੂਜਾ ਸੈਸ਼ਨ 15 ਤੋਂ 18 ਮਾਰਚ, 2021 ਤਕ ਕੀਤਾ ਗਿਆ ਸੀ।

ਜੇਈਈ ਮੇਨ ਦੇ ਇਮਤਿਹਾਨ 13 ਭਾਸ਼ਾਵਾਂ- ਅਸਾਮੀਆ, ਬੰਗਾਲੀ, ਕੰਨੜ, ਮਲਿਆਲਮ, ਮਰਾਠੀ, ਓਡੀਆ, ਪੰਜਾਬੀ, ਤਾਮਿਲ, ਤੇਲਗੂ, ਉਰਦੂ, ਹਿੰਦੀ, ਅੰਗਰੇਜ਼ੀ ਅਤੇ ਗੁਜਰਾਤੀ ਵਿੱਚ ਲਈ ਜਾ ਰਹੀ ਹੈ।

ਇਹ ਵੀ ਪੜ੍ਹੋ: Akali Dal Meeting: ਪੰਜਾਬ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਸੁਖਬੀਰ ਬਾਦਲ ਨੇ ਕੀਤਾ ਵੱਡਾ ਐਲਾਨ, ਸੂਬੇ 'ਚ ਹੋਣਗੇ ਦੋ ਡਿਪਟੀ ਸੀਐਮ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904