UGC ਵੱਲੋਂ ਯੂਨੀਵਰਸਿਟੀ ਪ੍ਰਖਿਆ ਲਈ ਗਾਈਡਲਾਈਨਸ ਜਾਰੀ, ਕੀ ਹੈ ਇਸ ਖ਼ਬਰ ਪਿੱਛੇ ਸੱਚਾਈ?

ਕਮਿਸ਼ਨ ਨੇ ਸਪਸ਼ਟੀਕਰਨ ਸਬੰਧੀ ਇਕ ਅਧਿਕਾਰਤ ਨੋਟਿਸ ਜਾਰੀ ਕਰਦਿਆਂ ਕਿਹਾ ਕਿ ਪ੍ਰਿੰਟ ਤੇ ਡਿਜੀਟਲ ਮੀਡੀਆ 'ਚ ਚੱਲ ਰਹੀਆਂ ਖ਼ਬਰਾਂ ਦੇ ਮੱਦੇਨਜ਼ਰ ਇਹ ਸਪਸ਼ਟ ਕੀਤਾ ਜਾ ਰਿਹਾ ਹੈ ਕਿ ਯੂਜੀਸੀ ਨੇ ਹਾਲ ਹੀ 'ਚ ਪ੍ਰੀਖਿਆ 'ਤੇ ਕੋਈ ਦਿਸ਼ਾ ਨਿਰਦੇਸ਼ ਜਾਰੀ ਨਹੀਂ ਕੀਤੇ ਤੇ ਇਹ ਖ਼ਬਰ ਗਲਤ ਹੈ।

ਨਵੀਂ ਦਿੱਲੀ: ਕੋਰੋਨਾ ਇਨਫੈਕਸ਼ਨ ਦੇ ਇਸ ਦੌਰ 'ਚ ਸੋਸ਼ਲ ਮੀਡੀਆ 'ਤੇ ਜੰਮ ਕੇ ਫੇਕ ਨਿਊਜ਼ ਵਾਇਰਲ ਹੋ ਰਹੀਆਂ ਹਨ। ਪ੍ਰੀਖਿਆਵਾਂ ਨੂੰ ਲੈ ਕੇ ਵੀ ਫਰਜ਼ੀ ਖ਼ਬਰਾਂ ਖੂਬ ਕੇ ਵਾਇਰਲ ਹੋ ਰਹੀਆਂ ਹੋ ਰਹੀਆਂ ਹਨ। ਇਸ ਦੌਰਾਨ ਹੀ ਯੂਜੀਸੀ ਨੇ ਹੁਣ ਵੱਖ-ਵੱਖ ਪੱਧਰ 'ਤੇ ਐਗਜ਼ਾਮ ਗਾਈਡਲਾਈਨਜ਼ ਨੂੰ ਲੈ ਕੇ ਫੈਲਾਈਆਂ ਜਾ ਰਹੀਆਂ ਅਫਵਾਹਾਂ 'ਤੇ ਸਪਸ਼ਟੀਕਰਨ ਜਾਰੀ ਕੀਤਾ ਹੈ।

ਯੂਜੀਸੀ ਨੇ ਅਜਿਹੀਆਂ ਖ਼ਬਰਾਂ ਤੇ ਦਾਅਵਿਆਂ ਦਾ ਖੰਡਨ ਕੀਤਾ ਹੈ ਜਿਸ 'ਚ ਕਿਹਾ ਗਿਆ ਸੀ ਕਿ ਫਾਈਨਲ ਈਅਰ ਨੂੰ ਛੱਡ ਕੇ ਯੂਨੀਵਰਸਿਟੀ ਦੇ ਸਾਰੇ ਵਿਦਿਆਰਥੀ ਬਿਨਾਂ ਪ੍ਰੀਖਿਆ ਲਏ ਪ੍ਰੋਮਟ ਕੀਤੇ ਜਾਣਗੇ।

ਕਮਿਸ਼ਨ ਨੇ ਫੇਕ ਨਿਊਜ਼ ਸਬੰਧੀ ਨੋਟਿਸ ਜਾਰੀ ਕੀਤਾ

ਕਮਿਸ਼ਨ ਨੇ ਸਪਸ਼ਟੀਕਰਨ ਸਬੰਧੀ ਇਕ ਅਧਿਕਾਰਤ ਨੋਟਿਸ ਜਾਰੀ ਕਰਦਿਆਂ ਕਿਹਾ ਕਿ ਪ੍ਰਿੰਟ ਤੇ ਡਿਜੀਟਲ ਮੀਡੀਆ 'ਚ ਚੱਲ ਰਹੀਆਂ ਖ਼ਬਰਾਂ ਦੇ ਮੱਦੇਨਜ਼ਰ ਇਹ ਸਪਸ਼ਟ ਕੀਤਾ ਜਾ ਰਿਹਾ ਹੈ ਕਿ ਯੂਜੀਸੀ ਨੇ ਹਾਲ ਹੀ 'ਚ ਪ੍ਰੀਖਿਆ 'ਤੇ ਕੋਈ ਦਿਸ਼ਾ ਨਿਰਦੇਸ਼ ਜਾਰੀ ਨਹੀਂ ਕੀਤੇ ਤੇ ਇਹ ਖ਼ਬਰ ਗਲਤ ਹੈ।

ਇਸ 'ਚ ਅੱਗੇ ਕਿਹਾ ਗਿਆ ਕਿ ਮਈ ਤੇ ਜੂਨ 'ਚ ਆਯੋਜਿਤ ਹੋਣ ਵਾਲੀਆਂ ਸਮੈਸਟਰ ਪ੍ਰੀਖਿਆਵਾਂ ਦੇ ਅੰਤ 'ਚ ਹੋਣ ਵਾਲੀਆਂ ਪ੍ਰੀਖਿਆਵਾਂ ਬਾਰੇ ਮੀਡੀਆ 'ਚ ਕੀਤੇ ਗਏ ਦਾਅਵੇ ਗਲਤ ਹਨ।

ਕਮਿਸ਼ਨ ਵੱਲੋਂ ਜਾਰੀ ਨੋਟਿਸ 'ਚ ਕਿਹਾ ਗਿਆ ਹੈ ਕਿ ਇਹ ਕਮਿਸ਼ਨ ਦੇ ਧਿਆਨ 'ਚ ਆਇਆ ਹੈ ਕਿ ਪ੍ਰੀਖਿਆ ਤੇ UGC ਦੇ ਦਿਸ਼ਾ ਨਿਰਦੇਸ਼ਾਂ ਬਾਰੇ ਗਲਤ ਖ਼ਬਰਾਂ ਕੁਝ ਪ੍ਰਿੰਟ ਤੇ ਕੁਝ ਡਿਜੀਟਲ ਮੀਡੀਆ 'ਚ ਪ੍ਰਕਾਸ਼ਿਤ ਹੋਈਆਂ ਹਨ। ਯੂਜੀਸੀ ਨੇ ਪਿਛਲੇ ਸਾਲ ਸਮੇਂ-ਸਮੇਂ 'ਤੇ ਪ੍ਰੀਖਿਆ ਤੇ ਅਕਾਦਮਿਕ ਕਲੈਂਡਰ ਤੇ ਦਿਸ਼ਾ ਨਿਰਦੇਸ਼ ਜਾਰੀ ਕੀਤੇ ਸਨ। ਉੱਥੇ ਹੀ 6 ਮਈ ਨੂੰ ਜਾਰੀ ਨੋਟੀਫਿਕੇਸ਼ਨ 'ਚ ਯੂਜੀਸੀ ਨੇ ਵਿਸ਼ਵ ਵਿਦਿਆਲਿਆਂ ਨੂੰ ਅਪੀਲ ਕੀਤੀ ਸੀ ਕਿ ਉਹ ਮਈ 2021 ਦੇ ਮਹੀਨੇ 'ਚ ਆਫਲਾਈਨ ਪ੍ਰੀਖਿਆਵਾਂ ਨਾ ਕਰਨ।

ਕਮਿਸ਼ਨ ਨੇ ਉਚ ਸੰਸਥਾਵਾਂ ਨੂੰ ਕੋਵਿਡ ਟਾਸਕ ਫੋਰਸ ਗਠਿਤ ਕਰਨ ਦੀ ਸਲਾਹ ਦਿੱਤੀ

ਕਮਿਸ਼ਨ ਨੇ ਸੋਮਵਾਰ ਸਾਰੇ ਉੱਚ ਸਿੱਖਿਆ ਸੰਸਥਾਵਾਂ ਨੂੰ ਮਹਾਮਾਰੀ ਦੇ ਦੌਰ 'ਚ ਸਟੂਡੈਂਟਸ ਤੇ ਅਧਿਆਪਕਾਂ ਦੀ ਮਦਦ ਕਰਨ ਲਈ Covid ਟਾਸਕ ਫੋਰਸ ਤੇ ਹੈਲਪਲਾਈਨ ਗਠਿਤ ਕਰਨ ਦੀ ਸਲਾਹ ਦਿੱਤੀ ਸੀ। ਇਸ ਦੇ ਨਾਲ ਹੀ ਯੂਜੀਸੀ ਨੇ ਯੂਨੀਵਰਸਿਟੀਆਂ ਨੂੰ ਕੋਵਿਡ ਉਪਯੁਕਤ ਵਿਵਹਾਰ ਪ੍ਰਮੋਟ ਕਰਨ ਜਿੰਨ੍ਹਾਂ 'ਚ ਸੈਨੀਟਾਇਜ਼ੇਸ਼ਨ, ਮਾਸਕ ਪਹਿਣਨਾ, ਸਾਬਣ ਨਾਲ ਹੱਥ ਧੋਣਾ ਤੇ ਸੋਸ਼ਲ ਡਿਸਟੈਂਸਿੰਗ ਦੀ ਪਾਲਣਾ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।