ਖੱਟਰ ਦੇ ਦੌਰੇ ਤੋਂ ਪਹਿਲਾਂ ਹੀ ਕਿਸਾਨਾਂ ਨੇ ਕੀਤਾ ਰੋਡ ਜਾਮ, ਪੁਲਿਸ ਨੇ ਲਿਆ ਹਿਰਾਸਤ 'ਚ 

ਅੱਜ ਭਿਵਾਨੀ ਵਿੱਚ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਦਾ ਦੌਰਾ ਸੀ ਜਿਸ ਤੋਂ ਪਹਿਲਾਂ ਵੀ ਕਿਸਾਨਾਂ ਨੇ ਨਾ ਸਿਰਫ ਹੰਗਾਮਾ ਕੀਤਾ, ਬਲਕਿ ਸੜਕ ਜਾਮ ਕਰ ਵਿਰੋਧ ਪ੍ਰਦਰਸ਼ਨ ਕੀਤਾ। ਪਿੰਡ ਪ੍ਰੇਮਨਗਰ ਵਿੱਚ ਹਿਸਾਰ ਜ਼ਿਲ੍ਹੇ ਦੇ ਟੋਲ ਪਲਾਜ਼ਾ ਵਿਖੇ ਧਰਨਾ ਦੇ ਰਹੇ ਕਿਸਾਨਾਂ 'ਚ ਮੌਜੂਦ ਔਰਤਾਂ ਵੀ ਭਿਵਾਨੀ ਪਹੁੰਚੀਆਂ। ਮੁੱਖ ਮੰਤਰੀ ਦੇ ਵਿਰੋਧ ਲਈ ਕਿਸਾਨਾਂ ਨੇ ਭਿਵਾਨੀ ਪਹੁੰਚਣ ਦੀ ਕੋਸ਼ਿਸ਼ ਕੀਤੀ ਪਰ ਪੁਲਿਸ ਨੇ ਉਨ੍ਹਾਂ ਨੂੰ ਭਿਵਾਨੀ ਹੰਸੀ ਮਾਰਗ 'ਤੇ ਤਿਗੜਾਨਾ ਮੋੜ 'ਤੇ ਰੋਕ ਦਿੱਤਾ।

bhiwani

ਭਿਵਾਨੀ: ਅੱਜ ਭਿਵਾਨੀ ਵਿੱਚ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਦਾ ਦੌਰਾ ਸੀ ਜਿਸ ਤੋਂ ਪਹਿਲਾਂ ਵੀ ਕਿਸਾਨਾਂ ਨੇ ਨਾ ਸਿਰਫ ਹੰਗਾਮਾ ਕੀਤਾ, ਬਲਕਿ ਸੜਕ ਜਾਮ ਕਰ ਵਿਰੋਧ ਪ੍ਰਦਰਸ਼ਨ ਕੀਤਾ। ਪਿੰਡ ਪ੍ਰੇਮਨਗਰ ਵਿੱਚ ਹਿਸਾਰ ਜ਼ਿਲ੍ਹੇ ਦੇ ਟੋਲ ਪਲਾਜ਼ਾ ਵਿਖੇ ਧਰਨਾ ਦੇ ਰਹੇ ਕਿਸਾਨਾਂ 'ਚ ਮੌਜੂਦ ਔਰਤਾਂ ਵੀ ਭਿਵਾਨੀ ਪਹੁੰਚੀਆਂ। ਮੁੱਖ ਮੰਤਰੀ ਦੇ ਵਿਰੋਧ ਲਈ ਕਿਸਾਨਾਂ ਨੇ ਭਿਵਾਨੀ ਪਹੁੰਚਣ ਦੀ ਕੋਸ਼ਿਸ਼ ਕੀਤੀ ਪਰ ਪੁਲਿਸ ਨੇ ਉਨ੍ਹਾਂ ਨੂੰ ਭਿਵਾਨੀ ਹੰਸੀ ਮਾਰਗ 'ਤੇ ਤਿਗੜਾਨਾ ਮੋੜ 'ਤੇ ਰੋਕ ਦਿੱਤਾ।

 

ਇਸ ਦੌਰਾਨ ਕਿਸਾਨਾਂ ਨਾਲ ਪੁਲਿਸ ਦੀ ਝੜਪ ਵੀ ਹੋਈ। ਕਿਸਾਨ ਇਸ ਗੱਲ 'ਤੇ ਅੜੇ ਰਹੇ ਕਿ ਜਦੋਂ ਧਾਰਾ 144 ਹੈ ਤਾਂ ਮੁੱਖ ਮੰਤਰੀ ਰੈਲੀਆਂ ਅਤੇ ਹੋਰ ਪ੍ਰੋਗਰਾਮ ਕਿਉਂ ਕਰ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਦਾ ਵਿਰੋਧ ਜਾਰੀ ਰਹੇਗਾ। ਵੱਡੀ ਗਿਣਤੀ ਵਿੱਚ ਔਰਤਾਂ ਕਿਸਾਨਾਂ ਨਾਲ ਕਾਲੀਆਂ ਝੰਡੀਆਂ ਅਤੇ ਕਾਲੀ ਚੁੰਨੀਆਂ ਲੈ ਕੇ ਮੌਜੂਦ। ਇਸ ਦੌਰਾਨ ਨੌਜਵਾਨ ਵੀ ਉਨ੍ਹਾਂ ਨਾਲ ਮੌਜੂਦ ਸੀ। 

 

ਕਿਸਾਨਾਂ ਨੇ ਕਿਹਾ ਕਿ ਜੇ ਪੁਲਿਸ ਕੋਈ ਕਾਰਵਾਈ ਕਰਦੀ ਹੈ ਤਾਂ ਵੀ ਉਹ ਪਿੱਛੇ ਨਹੀਂ ਹਟਣਗੇ। ਡੀਐਸਪੀ ਵਰਿੰਦਰ ਨੇ ਦੱਸਿਆ ਕਿ ਧਾਰਾ 144 ਅਤੇ ਆਪਦਾ ਪ੍ਰਬੰਧਨ ਐਕਟ ਦੀ ਉਲੰਘਣਾ ਕਰਨ ਦੇ ਕੇਸ ਦਰਜ ਕੀਤੇ ਗਏ ਹਨ ਅਤੇ ਉਨ੍ਹਾਂ ਨੂੰ ਹਿਰਾਸਤ ਵਿੱਚ ਵੀ ਲੈ ਲਿਆ ਗਿਆ ਹੈ। ਕਿਸਾਨ ਯੂਨੀਅਨ ਦੀ ਯੁਵਾ ਇਕਾਈ ਦੇ ਪ੍ਰਧਾਨ ਰਵੀ ਆਜ਼ਾਦ ਅਗਵਾਈ ਕਰ ਰਹੇ ਸੀ ਅਤੇ ਪੁਲਿਸ ਨੇ ਉਨ੍ਹਾਂ ਨੂੰ ਵੀ ਗ੍ਰਿਫ਼ਤਾਰ ਕਰ ਲਿਆ।