ਦਿੱਲੀ MCD ਮੇਅਰ ਸ਼ੈਲੀ ਓਬਰਾਏ ਦੀ ਕਾਰ 'ਤੇ ਹਮਲਾ ! ਸੰਜੇ ਸਿੰਘ ਬੋਲੇ - 'ਮੈਨੂੰ ਵੀ 3 ਥਾਵਾਂ 'ਤੇ ਰੋਕਿਆ ਗਿਆ'

Delhi AAP Celebration News: ਦਿੱਲੀ ਨਗਰ ਨਿਗਮ (Delhi Municipal Corporation) ਦੇ ਮੇਅਰ ਅਤੇ ਡਿਪਟੀ ਮੇਅਰ ਦੀ ਚੋਣ ਤੋਂ ਬਾਅਦ ਵੀਰਵਾਰ ਨੂੰ ਆਮ ਆਦਮੀ ਪਾਰਟੀ (Aam Aadmi Party) ਦੇ ਦਫ਼ਤਰ ਵਿੱਚ ਜਿੱਤ ਦਾ ਜਸ਼ਨ ਸ਼ੁਰੂ ਹੋ ਗਿਆ ਹੈ। ਆਮ ਆਦਮੀ ਪਾਰਟੀ

AAP MP Sanjay Singh

Delhi AAP Celebration News: ਦਿੱਲੀ ਨਗਰ ਨਿਗਮ (Delhi Municipal Corporation) ਦੇ ਮੇਅਰ ਅਤੇ ਡਿਪਟੀ ਮੇਅਰ ਦੀ ਚੋਣ ਤੋਂ ਬਾਅਦ ਵੀਰਵਾਰ ਨੂੰ ਆਮ ਆਦਮੀ ਪਾਰਟੀ (Aam Aadmi Party) ਦੇ ਦਫ਼ਤਰ ਵਿੱਚ ਜਿੱਤ ਦਾ ਜਸ਼ਨ ਸ਼ੁਰੂ ਹੋ ਗਿਆ ਹੈ। ਆਮ ਆਦਮੀ ਪਾਰਟੀ ਦੇ ਦਫ਼ਤਰ ਵਿੱਚ ਢੋਲ ਨਗਾੜੇ ਨਾਲ ਲੱਡੂ ਵੰਡੇ ਜਾ ਰਹੇ ਹਨ। ਇਸ ਮੌਕੇ 'ਆਪ' ਦੇ ਸੰਸਦ ਮੈਂਬਰ ਸੰਜੇ ਸਿੰਘ ਪਾਰਟੀ ਆਗੂਆਂ ਤੇ ਵਰਕਰਾਂ ਨੂੰ ਸੰਬੋਧਨ ਕਰ ਰਹੇ ਹਨ। ਸੰਜੇ ਸਿੰਘ ਨੇ ਆਪਣੇ ਭਾਸ਼ਣ 'ਚ ਭਾਜਪਾ 'ਤੇ ਹਮਲਾ ਬੋਲਿਆ ਹੈ। ਉਨ੍ਹਾਂ ਕਿਹਾ ਕਿ ਇੱਥੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਆਉਣਾ ਸੀ ਪਰ ਉਹ ਨਹੀਂ ਆ ਸਕੇ। ਸੀਐਮ ਕੇਜਰੀਵਾਲ ਦੇ ਇੱਥੇ ਆਉਣ ਦਾ ਪ੍ਰੋਗਰਾਮ ਮੁਲਤਵੀ ਕੀਤਾ ਜਾ ਰਿਹਾ ਹੈ, ਫਿਰ ਨਵੀਂ ਤਰੀਕ ਤੈਅ ਕੀਤੀ ਜਾਵੇਗੀ।

 

ਸੰਜੇ ਸਿੰਘ ਨੇ ਅੱਗੇ ਕਿਹਾ, "ਮੈਨੂੰ ਖੁਦ ਤਿੰਨ ਥਾਵਾਂ 'ਤੇ ਰੋਕਿਆ ਗਿਆ। ਮੇਅਰ ਸ਼ੈਲੀ ਓਬਰਾਏ ਦੀ ਗੱਡੀ 'ਤੇ ਹਮਲਾ ਹੋਇਆ। ਗੁੰਡਾਗਰਦੀ ਦੀ ਵੀ ਹੱਦ ਹੁੰਦੀ ਹੈ। ਅਸੀਂ ਇਨ੍ਹਾਂ ਦੇ ਹਮਲਿਆਂ ਅਤੇ ਗੁੰਡਾਗਰਦੀ ਤੋਂ ਡਰਨ ਵਾਲੇ ਨਹੀਂ ਹਾਂ। ਮੇਅਰ ਅਤੇ ਡਿਪਟੀ ਮੇਅਰ ਸਾਡੇ ਬਣ ਗਏ ਹਨ।" ਸਥਾਈ ਕਮੇਟੀ ਲਈ ਵੀ ਵਚਨਬੱਧ ਹਨ। ਦੂਜੇ ਪਾਸੇ ਮੇਅਰ ਦੀ ਚੋਣ ਬਾਰੇ ਕਿਹਾ, ''ਇਨ੍ਹਾਂ ਨੇ ਪਹਿਲੀ, ਦੂਜੀ, ਤੀਜੀ ਵਾਰ ਹੰਗਾਮਾ ਕੀਤਾ। ਸੁਪਰੀਮ ਕੋਰਟ ਨੇ ਹੁਕਮ ਦਿੱਤਾ, ਜਿਸ ਤੋਂ ਬਾਅਦ ਦਿੱਲੀ ਨੂੰ ਸ਼ੈਲੀ ਓਬਰਾਏ ਦੇ ਰੂਪ 'ਚ ਮੇਅਰ ਮਿਲ ਗਿਆ। ਸਾਡੇ ਜਿਨ੍ਹੇ ਵੋਟ ਸਨ , ਸਭ ਮਿਲ ਗਏ। ਅਸੀਂ ਓਦੋਂ ਵੀ ਕਿਹਾ ਸੀ ਕਿ ਭਾਜਪਾ ਵਾਲਿਓ ਆਮ ਆਦਮੀ ਨਾਲ ਤੁਹਾਡਾ ਪੇਚਾ ਪਿਆ ਹੈ, ਮੇਅਰ ਸਾਡਾ ਹੀ ਹੋਵੇਗਾ।

 

ਇਹ ਵੀ ਪੜ੍ਹੋ : ਡੀਐਮਸੀ ਹਸਪਤਾਲ ਵੱਲੋਂ ਸੂਰਤ ਸਿੰਘ ਖਾਲਸਾ ਨੂੰ ਛੁੱਟੀ ਦੇਣ ਤੋਂ ਇਨਕਾਰ, ਕੌਮੀ ਇਨਸਾਫ਼ ਮੋਰਚੇ ਦੀ ਕੋਸ਼ਿਸ਼ ਅਸਫਲ

 

'ਭਾਜਪਾ ਨੇ ਢਾਈ ਮਹੀਨੇ ਮੇਅਰ ਨਹੀਂ ਬਣਨ ਦਿੱਤਾ'

'ਆਪ' ਸੰਸਦ ਮੈਂਬਰ ਨੇ ਕਿਹਾ ਕਿ ਸ਼ੈਲੀ ਓਬਰਾਏ ਨੂੰ 150 ਵੋਟਾਂ ਮਿਲੀਆਂ ਹਨ। ਉਨ੍ਹਾਂ ਨੇ ਪਹਿਲੇ ਦਿਨ ਹੀ ਅਹੁਦਾ ਸੰਭਾਲ ਲਿਆ ਅਤੇ ਕਈ ਵਾਰ ਸਦਨ ਦੀ ਕਾਰਵਾਈ ਮੁਲਤਵੀ ਕਰਨੀ ਪਈ ਪਰ ਉਨ੍ਹਾਂ ਹਾਰ ਨਹੀਂ ਮੰਨੀ। ਆਲੇ ਇਕਬਾਲ ਡਿਪਟੀ ਮੇਅਰ ਬਣੇ। ਆਮ ਆਦਮੀ ਪਾਰਟੀ ਦੇ ਪਹਿਲੇ ਮੇਅਰ ਅਤੇ ਡਿਪਟੀ ਮੇਅਰ ਨੂੰ ਦਿੱਲੀ ਦੇ ਲੋਕਾਂ ਦੀ ਸੇਵਾ ਕਰਨ ਦਾ ਮੌਕਾ ਮਿਲਿਆ ਹੈ। ਲੋਕਾਂ ਨੇ ਬਿਜਲੀ, ਪਾਣੀ ਅਤੇ ਸਿਹਤ ਦੇ ਕੰਮਾਂ ਵਿੱਚ ਭਰੋਸਾ ਜਤਾਇਆ ਸੀ, ਇਸ ਦੇ ਬਾਵਜੂਦ ਭਾਜਪਾ ਨੇ ਉਨ੍ਹਾਂ ਨੂੰ ਢਾਈ ਮਹੀਨੇ ਮੇਅਰ ਨਹੀਂ ਬਣਨ ਦਿੱਤਾ ਪਰ ਅਸੀਂ ਉਨ੍ਹਾਂ ਦੇ ਮੂੰਹ 'ਚੋਂ ਖੋਹ ਕੇ ਜਿੱਤ ਹਾਸਿਲ ਕੀਤੀ ਹੈ। ਅੱਜ ਅਸੀਂ ਜਿਨ੍ਹਾਂ ਲੋਕਾਂ ਨਾਲ ਪਾਲਿਆ-ਪੋਸਿਆ ਹੈ, ਉਨ੍ਹਾਂ ਨੂੰ ਨਾ ਤਾਂ ਭਾਰਤ ਦੇ ਸੰਵਿਧਾਨ ਵਿੱਚ ਵਿਸ਼ਵਾਸ ਹੈ ਅਤੇ ਨਾ ਹੀ ਲੋਕਤੰਤਰ ਵਿੱਚ। ਉਨ੍ਹਾਂ ਕਿਹਾ ਕਿ ਤਿੰਨੋਂ ਚੋਣਾਂ ਇਕੱਠੀਆਂ ਕਰਵਾਈਆਂ ਜਾਣ। ਕੋਈ ਮਾਈਕ ਲੈ ਕੇ ਭੱਜ ਰਹੇ ਹਨ, ਕੋਈ ਬੈਲਟ ਪਾੜ ਰਹੇ ਹਨ ਅਤੇ ਕੋਈ ਸਾਡੇ ਲੋਕਾਂ ਨੂੰ ਮਾਰ ਰਹੇ ਹਨ।