Aerosols from Covid-19: 10 ਮੀਟਰ ਹਵਾ ਤੱਕ ਫੈਲ ਸਕਦਾ ਹੈ ਕੋਰੋਨਾ ਏਅਰੋਸੋਲਸ, ਸਲਾਹਕਾਰੀ ਜਾਰੀ
ਏਅਰੋਸੋਲਸ ਦੇ ਕਣ ਹਵਾ ਵਿੱਚ 10 ਮੀਟਰ ਤੱਕ ਫੈਲ ਸਕਦੇ ਹਨ, ਜਦੋਂ ਕਿ ਬੂੰਦਾਂ ਦੋ ਮੀਟਰ ਦੀ ਦੂਰੀ 'ਤੇ ਡਿੱਗ ਜਾਂਦੀਆਂ ਹਨ। ਜਿਸ ਨਾਲ ਦੂਸਰੇ ਲੋਕਾਂ ਵਿਚ ਲਾਗ ਦਾ ਖ਼ਤਰਾ ਵੱਧ ਜਾਂਦਾ ਹੈ।
ਨਵੀਂ ਦਿੱਲੀ: ਕੋਰੋਨਾ ਦੀ ਲਾਗ ਵਾਲੇ ਵਿਅਕਤੀ ਦੇ ਏਅਰੋਸੋਲਸ ਹਵਾ ਵਿਚ 10 ਮੀਟਰ ਤੱਕ ਫੈਲ ਸਕਦੇ ਹਨ ਜਦੋਂ ਕਿ ਬੂੰਦਾਂ 2 ਮੀਟਰ ਤੱਕ ਫੈਲ ਸਕਦੀਆਂ ਹਨ। ਕੇਂਦਰ ਸਰਕਾਰ ਨੇ ਇਸ ਬਾਰੇ ਇੱਕ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। ਜਿਸ ਵਿਚ ਕਿਹਾ ਜਾ ਰਿਹਾ ਹੈ ਕਿ ਵਾਇਰਸ ਸੰਕਰਮਿਤ ਵਿਅਕਤੀ ਦੇ ਲਾਰ ਅਤੇ ਨੱਕ ਚੋਂ ਨਿਕਲ ਰਹੇ ਤਰਲ ਤੋਂ ਫੈਲਦਾ ਹੈ। ਇੱਕ ਵਿਅਕਤੀ ਤੋਂ ਦੂਸਰੇ ਵਿਚ ਵਾਇਰਸ ਬੂੰਦਾਂ ਅਤੇ ਏਅਰੋਸੋਲਸ ਜ਼ਰੀਏ ਪਹੁੰਚਦਾ ਹੈ। ਇਸ ਲਈ ਕੋਰੋਨਾ ਦੀ ਲਾਗ ਤੋਂ ਬਚਣ ਲਈ ਦਿਸ਼ਾ ਨਿਰਦੇਸ਼ਾਂ ਦੀ ਪਾਲਣਾ ਕਰਨਾ ਮਹੱਤਵਪੂਰਨ ਹੈ।
ਕੇਂਦਰ ਸਰਕਾਰ ਦੇ ਮੁੱਖ ਵਿਗਿਆਨਕ ਸਲਾਹਕਾਰ ਵਿਜੇ ਰਾਘਵਨ ਦੇ ਦਫ਼ਤਰ ਤੋਂ ਜਾਰੀ ਕੀਤੀ ਐਡਵਾਈਜ਼ਰੀ ਵਿਚ ਕਿਹਾ ਗਿਆ ਹੈ ਕਿ ਜਿਨ੍ਹਾਂ ਨੂੰ ਕੋਰੋਨਾ ਦੇ ਲੱਛਣ ਨਜ਼ਰ ਨਹੀਂ ਆਉਂਦੇ ਉਹ ਵੀ ਲਾਗ ਫੈਲਾ ਸਕਦੇ ਹਨ। ਇਸ ਲਈ, ਕੋਰੋਨਾ ਨਾਲ ਲੜਨ ਲਈ ਹਰੇਕ ਨੂੰ ਮਾਸਕ ਪਹਿਨਣਾ, ਸਮਾਜਕ ਦੂਰੀਆਂ, ਵੈਂਟੀਲੇਸ਼ਨ ਅਤੇ ਸਫਾਈ ਜ਼ਰੂਰੀ ਹੈ।
ਸਰਕਾਰ ਨੇ ਵੈਂਟੀਲੇਸ਼ਨ ਦੀ ਮਹੱਤਤਾ 'ਤੇ ਦਿੱਤਾ ਜ਼ੋਰ
ਸਰਕਾਰ ਨੇ ਵੈਂਟੀਲੇਸ਼ਨ ਦਾ ਵਿਸ਼ੇਸ਼ ਧਿਆਨ ਰੱਖਣ ਲਈ ਕਿਹਾ ਹੈ। ਚੰਗੀ ਵੈਂਟੀਲੇਸ਼ਨ ਵਾਲੀ ਥਾਂ 'ਤੇ ਲਾਗ ਫੈਲਣ ਦਾ ਜੋਖਮ ਘੱਟ ਹੁੰਦਾ ਹੈ। ਪੱਖੇ ਸਹੀ ਥਾਂ 'ਤੇ ਰੱਖ ਕੇ ਅਤੇ ਦਰਵਾਜ਼ੇ ਅਤੇ ਖਿੜਕੀਆਂ ਨੂੰ ਥੋੜਾ ਜਿਹਾ ਖੁੱਲ੍ਹਾ ਰੱਖਣ ਨਾਲ, ਹਵਾ ਦੀ ਕੁਆਲਟੀ ਵਿਚ ਵੀ ਸੁਧਾਰ ਹੁੰਦਾ ਹੈ। ਖਿੜਕੀਆਂ ਅਤੇ ਦਰਵਾਜ਼ਿਆਂ ਨੂੰ ਬੰਦ ਰੱਖਣ ਨਾਲ, ਸੰਕਰਮਿਤ ਹਵਾ ਕਮਰੇ ਵਿੱਚ ਇਕੱਠੀ ਹੁੰਦੀ ਰਹਿੰਦੀ ਹੈ। ਇਹ ਲਾਗ ਨੂੰ ਕਿਸੇ ਹੋਰ ਵਿਅਕਤੀ ਵਿੱਚ ਫੈਲਣ ਦੇ ਜੋਖਮ ਨੂੰ ਵੀ ਵਧਾਉਂਦਾ ਹੈ।
ਇਸ ਤੋਂ ਇਲਾਵਾ ਫਿਲਹਾਲ ਲੋਕਾਂ ਨੂੰ ਡਬਲ ਮਾਸਕ ਜਾਂ ਐਨ -95 ਮਾਸਕ ਪਹਿਨਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਇੱਕ ਸਰਜੀਕਲ ਮਾਸਕ ਦੇ ਨਾਲ ਚਿਹਰਾ ਢੱਕਣ ਵਾਲਾ ਮਾਸਕ ਵੀ ਪਾਇਆ ਜਾ ਸਕਦਾ ਹੈ। ਸਰਜੀਕਲ ਮਾਸਕ ਦੀ ਥਾਂ ਦੋ ਸੂਤੀ ਮਾਸਕ ਵੀ ਪਹਿਨੇ ਜਾ ਸਕਦੇ ਹਨ।
ਸਰਜੀਕਲ ਮਾਸਕ ਦੀ ਵਰਤੋਂ ਸਿਰਫ ਇੱਕ ਵਾਰ ਕਰਨੀ ਚਾਹੀਦੀ ਹੈ। ਇਸ ਨੂੰ ਸੱਤ ਦਿਨਾਂ ਲਈ ਸੁੱਕੇ ਥਾਂ 'ਤੇ ਰੱਖਣ ਤੋਂ ਬਾਅਦ ਦੁਬਾਰਾ ਇਸਤੇਮਾਲ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਵਧੇਰੇ ਸੰਪਰਕ ਵਿਚ ਆਉਣ ਵਾਲੀਆਂ ਚੀਜ਼ਾਂ ਜਿਵੇਂ ਕਿ ਦਰਵਾਜ਼ੇ ਦੇ ਹੈਂਡਲਜ਼, ਸਵਿਚਬੋਰਡਸ, ਟੇਬਲ-ਕੁਰਸੀਆਂ ਸਾਫ਼ ਰੱਖੀਆਂ ਜਾਣੀਆਂ ਚਾਹੀਦੀਆਂ ਹਨ।
ਇਹ ਵੀ ਪੜ੍ਹੋ: ਕਾਂਗਰਸੀ ਆਗੂ ਅਤੇ ਪੰਜਾਬੀ ਗਾਇਕ Balkar Sidhu ਨੇ ਕੀਤੀ ਆਮ ਆਦਮੀ ਪਾਰਟੀ ਵਿੱਚ ਵਾਪਸੀ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
