Shraddha Murder Case : ਤਿਹਾੜ ਦੀ ਜੇਲ੍ਹ ਨੰਬਰ 4 'ਚ ਰਹੇਗਾ ਆਫਤਾਬ, CCTV ਕੈਮਰਿਆਂ ਨਾਲ ਹੋਵੇਗੀ ਨਿਗਰਾਨੀ
Aaftab Join Tihar Jail Number 4 : ਸ਼ਰਧਾ ਕਤਲ ਕਾਂਡ (Shraddha Murder Case) ਦੇ ਦੋਸ਼ੀ ਆਫਤਾਬ ਪੂਨਾਵਾਲਾ (Aaftab Poonawala) ਨੂੰ 13 ਦਿਨਾਂ ਦੀ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ।
Aaftab Join Tihar Jail Number 4 : ਸ਼ਰਧਾ ਕਤਲ ਕਾਂਡ (Shraddha Murder Case) ਦੇ ਦੋਸ਼ੀ ਆਫਤਾਬ ਪੂਨਾਵਾਲਾ (Aaftab Poonawala) ਨੂੰ 13 ਦਿਨਾਂ ਦੀ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ। ਏਬੀਪੀ ਨਿਊਜ਼ ਦੇ ਸੂਤਰਾਂ ਮੁਤਾਬਕ ਆਫਤਾਬ (Aaftab) ਨੂੰ ਇਸ ਦੌਰਾਨ ਤਿਹਾੜ ਜੇਲ੍ਹ ਦੀ ਬੈਰਕ ਨੰਬਰ 4 ਵਿੱਚ ਰੱਖਿਆ ਜਾਵੇਗਾ। ਜੇਲ 'ਚ ਆਫਤਾਬ 'ਤੇ ਤਿੱਖੀ ਨਜ਼ਰ ਰੱਖੀ ਜਾਵੇਗੀ, ਉਹ ਲਗਾਤਾਰ ਸੀਸੀਟੀਵੀ ਕੈਮਰਿਆਂ ਦੀ ਨਿਗਰਾਨੀ 'ਚ ਰਹੇਗਾ ਅਤੇ ਉਸ ਨੂੰ ਜੇਲ 'ਚ ਇਧਰ-ਉਧਰ ਨਹੀਂ ਜਾਣ ਦਿੱਤਾ ਜਾਵੇਗਾ।
ਇਹ ਵੀ ਪੜ੍ਹੋ : ਤਿਹਾੜ ਜੇਲ੍ਹ 'ਚ ਦਿੱਲੀ ਸਰਕਾਰ ਦੇ ਮੰਤਰੀ ਸਤੇਂਦਰ ਜੈਨ ਦੀ ਸੇਵਾ 'ਚ ਲੱਗੇ ਕਈ ਲੋਕ, ਇਸ ਵੀਡੀਓ ਨੇ ਖੋਲ੍ਹੇ ਭੇਤ
ਆਫਤਾਬ ਨੂੰ ਤਿਹਾੜ ਦੇ ਹੋਰ ਕੈਦੀਆਂ ਤੋਂ ਵੱਖ ਰੱਖਿਆ ਜਾਵੇਗਾ ਪਰ ਉਸ ਦੀ ਕੋਠੜੀ ਵਿੱਚ ਵੀ ਕੁਝ ਕੈਦੀ ਹੋਣਗੇ। ਇਸ ਤੋਂ ਪਹਿਲਾਂ ਆਫਤਾਬ ਨੂੰ ਅੰਬੇਡਕਰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਅਦਾਲਤ ਲਗਾਈ ਗਈ ਅਤੇ ਉੱਥੇ ਹੀ ਆਫਤਾਬ ਦੀ ਪੇਸ਼ੀ ਵੀ ਕਰਵਾਈ ਗਈ। ਇਸ ਸੁਣਵਾਈ ਦੌਰਾਨ ਆਫਤਾਬ ਨੂੰ 13 ਦਿਨਾਂ ਲਈ ਨਿਆਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ। ਸਪੈਸ਼ਲ ਸੀਪੀ ਲਾਅ ਐਂਡ ਆਰਡਰ ਸਾਗਰਪ੍ਰੀਤ ਹੁੱਡਾ ਨੇ ਏਬੀਪੀ ਨਿਊਜ਼ ਨੂੰ ਦੱਸਿਆ ਸੀ ਕਿ ਦਿੱਲੀ ਪੁਲਿਸ ਨੇ ਮੈਜਿਸਟਰੇਟ ਨੂੰ ਅੰਬੇਡਕਰ ਹਸਪਤਾਲ ਵਿੱਚ ਆਫਤਾਬ ਦੇ ਕੇਸ ਵਿੱਚ ਅਦਾਲਤ ਸਥਾਪਤ ਕਰਨ ਅਤੇ ਉੱਥੇ ਸੁਣਵਾਈ ਕਰਨ ਦੀ ਬੇਨਤੀ ਕੀਤੀ ਸੀ।
ਤਿਹਾੜ ਦੀ ਜੇਲ ਨੰਬਰ 4 'ਚ ਰਹੇਗਾ ਆਫਤਾਬ
ਦਿੱਲੀ ਪੁਲਿਸ ਆਫਤਾਬ ਨੂੰ ਨਾਰਕੋ ਟੈਸਟ ਤੋਂ ਪਹਿਲਾਂ ਹੋਣ ਵਾਲੀਆਂ ਪ੍ਰਕਿਰਿਆਵਾਂ ਲਈ ਅੰਬੇਡਕਰ ਹਸਪਤਾਲ ਲੈ ਗਈ। ਇੱਥੇ ਹਸਪਤਾਲ ਵਿੱਚ ਹੀ ਆਫਤਾਬ ਦੀ ਅਦਾਲਤ ਵਿੱਚ ਸੁਣਵਾਈ ਹੋਈ ਅਤੇ ਸੁਣਵਾਈ ਤੋਂ ਬਾਅਦ ਆਫਤਾਬ ਨੂੰ 13 ਦਿਨਾਂ ਲਈ ਨਿਆਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ। ਜਿਸ ਤੋਂ ਬਾਅਦ ਹੁਣ ਆਫਤਾਬ ਦਾ ਨਵਾਂ ਟਿਕਾਣਾ ਤਿਹਾੜ ਦੀ ਜੇਲ ਨੰਬਰ ਚਾਰ ਹੋਵੇਗਾ।
ਪੁਲਿਸ 'ਤੇ ਮਾਮਲੇ ਨੂੰ ਸੁਲਝਾਉਣ ਦਾ ਦਬਾਅ
ਸ਼ਰਧਾ ਮਰਡਰ ਮਿਸਟਰੀ 'ਚ ਲਗਾਤਾਰ ਨਵੇਂ-ਨਵੇਂ ਖੁਲਾਸੇ ਹੋ ਰਹੇ ਹਨ ਪਰ ਮਾਮਲੇ ਦਾ ਭੇਤ ਗੁੰਝਲਦਾਰ ਹੁੰਦਾ ਜਾ ਰਿਹਾ ਹੈ। ਭਾਵੇਂ ਮੁਲਜ਼ਮ ਆਫਤਾਬ ਨੇ ਪੁਲੀਸ ਦੀ ਪੁੱਛ-ਪੜਤਾਲ ਦੌਰਾਨ ਪੁਲੀਸ ਦੇ ਸਾਹਮਣੇ ਆਪਣਾ ਗੁਨਾਹ ਕਬੂਲ ਕਰ ਲਿਆ ਹੈ ਪਰ ਅਜਿਹੇ ਕਈ ਸਵਾਲ ਹਨ ਜੋ ਪੁਲੀਸ ਲਈ ਟੇਢੀ ਖੀਰ ਬਣੇ ਹੋਏ ਹਨ। ਦਿੱਲੀ ਪੁਲਿਸ ਦੇ ਹੱਥ ਅਜੇ ਤੱਕ ਅਜਿਹੇ ਸਬੂਤ ਨਹੀਂ ਲੱਗੇ ,ਜਿਸ ਤੋਂ ਉਹ ਅਦਾਲਤ ਵਿੱਚ ਆਫਤਾਬ ਨੂੰ ਦੋਸ਼ੀ ਸਾਬਤ ਕਰ ਸਕੇ।
Before You Go
BJP ‘ਤੇ CM ਮਾਨ ਦਾ ਤਿੱਖਾ ਤੰਜ, ਸਿਆਸਤ ਹੋਈ ਗਰਮ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
