Satendar Jain New Video: ਤਿਹਾੜ ਜੇਲ੍ਹ 'ਚ ਦਿੱਲੀ ਸਰਕਾਰ ਦੇ ਮੰਤਰੀ ਸਤੇਂਦਰ ਜੈਨ ਦੀ ਸੇਵਾ 'ਚ ਲੱਗੇ ਕਈ ਲੋਕ, ਇਸ ਵੀਡੀਓ ਨੇ ਖੋਲ੍ਹੇ ਭੇਤ

Satyendar Jain New Video : ਦਿੱਲੀ ਦੇ ਮੰਤਰੀ ਅਤੇ ਆਮ ਆਦਮੀ ਪਾਰਟੀ (ਆਪ) ਨੇਤਾ ਸਤੇਂਦਰ ਜੈਨ ਮਨੀ ਲਾਂਡਰਿੰਗ ਦੇ ਦੋਸ਼ਾਂ ਵਿੱਚ ਤਿਹਾੜ ਜੇਲ੍ਹ ਵਿੱਚ ਬੰਦ ਹਨ। ਉਸ ਦੇ ਕਈ ਵੀਡੀਓ ਜੇਲ੍ਹ ਤੋਂ ਸਾਹਮਣੇ ਆ ਰਹੇ ਹਨ। ਹੁਣ ਐਤਵਾਰ ਨੂੰ ਇੱਕ ਨਵਾਂ ਵੀਡੀਓ ਵੀ ਸਾਹਮਣੇ ਆਇਆ ਹੈ।

Satyendar Jain

Satyendar Jain New Video : ਦਿੱਲੀ ਸਰਕਾਰ ਦੇ ਮੰਤਰੀ ਅਤੇ ਆਮ ਆਦਮੀ ਪਾਰਟੀ (ਆਪ) ਨੇਤਾ ਸਤੇਂਦਰ ਜੈਨ ਮਨੀ ਲਾਂਡਰਿੰਗ ਦੇ ਦੋਸ਼ਾਂ ਵਿੱਚ ਤਿਹਾੜ ਜੇਲ੍ਹ ਵਿੱਚ ਬੰਦ ਹਨ। ਉਸ ਦੇ ਕਈ ਵੀਡੀਓ ਜੇਲ੍ਹ ਤੋਂ ਸਾਹਮਣੇ ਆ ਰਹੇ ਹਨ। ਹੁਣ ਐਤਵਾਰ ਨੂੰ ਇੱਕ ਨਵਾਂ ਵੀਡੀਓ ਵੀ ਸਾਹਮਣੇ ਆਇਆ ਹੈ। ਇਸ ਵੀਡੀਓ ਵਿੱਚ ਸਤੇਂਦਰ ਜੈਨ ਦੀ ਕੋਠੀ ਦੀ ਸਫ਼ਾਈ ਹੋ ਰਹੀ ਹੈ। ਇਸ ਤੋਂ ਪਹਿਲਾਂ ਸਤੇਂਦਰ ਜੈਨ ਨੂੰ ਤਿਹਾੜ ਜੇਲ੍ਹ ਦੇ ਮੁਅੱਤਲ ਸੁਪਰਡੈਂਟ ਅਜੀਤ ਕੁਮਾਰ ਨਾਲ ਗੱਲ ਕਰਦੇ ਦੇਖਿਆ ਗਿਆ ਸੀ। ਤਿਹਾੜ ਜੇਲ੍ਹ ਤੋਂ ਸਤੇਂਦਰ ਕੁਮਾਰ ਦੇ ਹੁਣ ਤੱਕ 4 ਵੀਡੀਓ ਸਾਹਮਣੇ ਆ ਚੁੱਕੇ ਹਨ।

ਤਿਹਾੜ ਜੇਲ੍ਹ ਤੋਂ ਸਾਹਮਣੇ ਆਏ ਇਨ੍ਹਾਂ ਵੀਡੀਓਜ਼ ਨੂੰ ਲੈ ਕੇ ਵਿਰੋਧੀ ਪਾਰਟੀਆਂ 'ਆਪ' ਮੰਤਰੀ ਸਤੇਂਦਰ ਜੈਨ 'ਤੇ ਹਮਲਾ ਕਰ ਰਹੀਆਂ ਹਨ। ਇਸ ਤੋਂ ਪਹਿਲਾਂ ਸਤੇਂਦਰ ਜੈਨ ਦੇ ਤਿੰਨ ਵੀਡੀਓ ਸਾਹਮਣੇ ਆ ਚੁੱਕੇ ਹਨ। ਪਹਿਲੀ ਵੀਡੀਓ 'ਚ ਸਤੇਂਦਰ ਜੈਨ ਮਸਾਜ ਕਰ ਰਹੇ ਹਨ ਅਤੇ ਉਸ ਤੋਂ ਬਾਅਦ ਦੂਜੀ ਵੀਡੀਓ 'ਚ ਉਹ ਫਲ ਅਤੇ ਸੁੱਕੇ ਮੇਵੇ ਖਾ ਰਹੇ ਹਨ। ਦੂਜੇ ਪਾਸੇ ਸ਼ਨੀਵਾਰ ਨੂੰ ਸਤੇਂਦਰ ਜੈਨ ਦਾ ਤੀਜਾ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ 'ਚ ਸਤੇਂਦਰ ਜੈਨ ਤਿਹਾੜ ਜੇਲ ਦੇ ਮੁਅੱਤਲ ਸੁਪਰਡੈਂਟ ਅਜੀਤ ਕੁਮਾਰ ਨਾਲ ਸੈੱਲ 'ਚ ਗੱਲ ਕਰਦੇ ਨਜ਼ਰ ਆ ਰਹੇ ਸਨ। ਅਜੀਤ ਕੁਮਾਰ ਨੂੰ ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਮੁਅੱਤਲ ਕਰ ਦਿੱਤਾ ਗਿਆ ਸੀ, ਜਿਸ 'ਤੇ ਸਤੇਂਦਰ ਜੈਨ ਨੂੰ ਜੇਲ੍ਹ 'ਚ ਵੀਆਈਪੀ ਸਹੂਲਤਾਂ ਦੇਣ ਦਾ ਦੋਸ਼ ਸੀ।

BREAKING | सत्येंद्र जैन का एक और वीडियो आया सामने

- जेल रूम की सफाई करते दिखे लोगhttps://t.co/p8nVQWGCTx@vivekstake | @AshishSinghLIVE #Delhi #Breaking #SatyenderJain pic.twitter.com/u7Xa1ySM57

— ABP News (@ABPNews) November 27, 2022

ਜੇਲ੍ਹ ਮੰਤਰੀ ਦਾ ਸ਼ਾਹੀ ਦਰਬਾਰ ਲੱਗ ਰਿਹਾ ਹੈ - ਬੀ.ਜੇ.ਪੀ

ਦੱਸ ਦਈਏ ਕਿ ਸਤੇਂਦਰ ਜੈਨ ਦੀ ਜੇਲ ਤੋਂ ਤੀਸਰੀ ਵੀਡੀਓ ਨੂੰ ਲੈ ਕੇ ਦਿੱਲੀ ਭਾਜਪਾ ਦੇ ਪ੍ਰਧਾਨ ਆਦੇਸ਼ ਗੁਪਤਾ ਨੇ ਟਵੀਟ ਕੀਤਾ ਸੀ, ''ਜੇਲ ਮੰਤਰੀ ਦਾ ਸ਼ਾਹੀ ਦਰਬਾਰ ਲੱਗ ਰਿਹਾ ਹੈ ਅਤੇ ਹੁਣ ਜੇਲ ਸੁਪਰਡੈਂਟ ਹਾਜ਼ਰੀ ਲਗਾਉਣ ਆਏ ਹਨ। ਕੋਈ ਕਮੀ ਰਹਿ ਨਾ ਜਾਵੇ ਸ਼ਾਹੀ ਠਾਠ 'ਚ। 'ਆਪ' ਸਰਕਾਰ ਨੇ ਇਸ ਦੇ ਲਈ ਪੂਰੇ ਇੰਤਜ਼ਾਮ ਕੀਤੇ ਹਨ। ਇਸ ਤੋਂ ਇਲਾਵਾ ਦਿੱਲੀ ਭਾਜਪਾ ਦੇ ਉਪ ਪ੍ਰਧਾਨ ਸੁਨੀਲ ਯਾਦਵ ਨੇ 'ਆਪ' ਮੰਤਰੀ ਸਤੇਂਦਰ ਜੈਨ ਦੇ ਨਵੇਂ ਵੀਡੀਓ 'ਤੇ ਟਵੀਟ ਕੀਤਾ ਅਤੇ ਲਿਖਿਆ- "ਕੇਜਰੀਵਾਲ ਦਾ ਦਿੱਲੀ ਮਾਡਲ! ਤਿਹਾੜ ਜੇਲ 'ਚ ਬੰਦ ਕੈਦੀ ਨੂੰ ਜੇਲ ਸੁਪਰਡੈਂਟ ਵੀ ਰਿਪੋਰਟ ਕਰਿਆ ਕਰੇਗਾ। ਭ੍ਰਿਸ਼ਟਚਾਰੀ ਸਤੇਂਦਰ ਜੈਨ ਆਪਣੇ ਜੇਲ੍ਹ ਮੰਤਰੀ ਦੇ ਅਹੁਦੇ  ਦਾ ਪੂਰਾ ਦੁਰਵਿਵਹਾਰ ਕਰ ਰਿਹਾ ਹੈ।