![ABP Premium](https://cdn.abplive.com/imagebank/Premium-ad-Icon.png)
Amarnath Cloudburst: ਪਹਿਲਗਾਮ ਤੋਂ ਬਾਅਦ ਅੱਜ ਬਾਲਟਾਲ ਰਾਹੀਂ ਵੀ ਸ਼ੁਰੂ ਹੋ ਸਕਦੀ ਹੈ ਅਮਰਨਾਥ ਯਾਤਰਾ, ਹਾਦਸੇ 'ਚ ਲਾਪਤਾ ਲੋਕਾਂ ਦੀ ਤਲਾਸ਼ ਜਾਰੀ
Amarnath Yatra : ਅਮਰਨਾਥ ਯਾਤਰਾ ਪਹਿਲਗਾਮ ਦੇ ਰਸਤੇ ਸ਼ੁਰੂ ਹੋ ਗਈ ਹੈ ਪਰ ਸਾਵਧਾਨੀ ਦੇ ਤੌਰ 'ਤੇ ਬਾਲਟਾਲ ਰੂਟ ਨੂੰ ਬੰਦ ਰੱਖਿਆ ਗਿਆ ਹੈ। ਸ਼ੁੱਕਰਵਾਰ ਨੂੰ ਪਵਿੱਤਰ ਗੁਫਾ ਨੇੜੇ ਬੱਦਲ ਫਟਣ ਕਾਰਨ ਯਾਤਰਾ ਰੋਕ ਦਿੱਤੀ ਗਈ ਸੀ।
![Amarnath Cloudburst: ਪਹਿਲਗਾਮ ਤੋਂ ਬਾਅਦ ਅੱਜ ਬਾਲਟਾਲ ਰਾਹੀਂ ਵੀ ਸ਼ੁਰੂ ਹੋ ਸਕਦੀ ਹੈ ਅਮਰਨਾਥ ਯਾਤਰਾ, ਹਾਦਸੇ 'ਚ ਲਾਪਤਾ ਲੋਕਾਂ ਦੀ ਤਲਾਸ਼ ਜਾਰੀ After Pahalgam, Amarnath Yatra can also start today via Baltal, search continues for missing people in the accident Amarnath Cloudburst: ਪਹਿਲਗਾਮ ਤੋਂ ਬਾਅਦ ਅੱਜ ਬਾਲਟਾਲ ਰਾਹੀਂ ਵੀ ਸ਼ੁਰੂ ਹੋ ਸਕਦੀ ਹੈ ਅਮਰਨਾਥ ਯਾਤਰਾ, ਹਾਦਸੇ 'ਚ ਲਾਪਤਾ ਲੋਕਾਂ ਦੀ ਤਲਾਸ਼ ਜਾਰੀ](https://feeds.abplive.com/onecms/images/uploaded-images/2022/07/12/30c773a78d9a401509034d9a3e894cda1657603069_original.jpg?impolicy=abp_cdn&imwidth=1200&height=675)
ਜੰਮੂ-ਕਸ਼ਮੀਰ : ਪਹਿਲਗਾਮ (Pahalgam) ਤੋਂ ਬਾਅਦ ਅੱਜ ਅਮਰਨਾਥ ਯਾਤਰਾ(Amarnath Yatra) ਬਾਲਟਾਲ ਦੇ ਰਸਤੇ ਵੀ ਸ਼ੁਰੂ ਹੋ ਸਕਦੀ ਹੈ। ਜ਼ਿਕਰਯੋਗ ਹੈ ਕਿ 8 ਜੁਲਾਈ ਨੂੰ ਬੱਦਲ ਫਟਣ (Cloudburst) ਤੋਂ ਬਾਅਦ ਪਵਿੱਤਰ ਗੁਫਾ ਦੇ ਨੇੜੇ ਹੜ੍ਹ ਆ ਗਿਆ ਸੀ। ਇਸ ਹਾਦਸੇ 'ਚ ਹੁਣ ਤੱਕ 17 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ, ਜਦਕਿ 41 ਲੋਕਾਂ ਦਾ ਅਜੇ ਤੱਕ ਕੋਈ ਸੁਰਾਗ ਨਹੀਂ ਲੱਗਾ ਹੈ। ਬਚਾਅ ਟੀਮ ਤਿੰਨ ਦਿਨਾਂ ਤੋਂ ਹਾਦਸੇ ਵਾਲੀ ਥਾਂ ਦੀ ਜਾਂਚ ਕਰ ਰਹੀ ਹੈ।
ਸ਼ੁੱਕਰਵਾਰ (8 ਜੁਲਾਈ) ਨੂੰ ਹੋਈ ਤਬਾਹੀ ਤੋਂ ਬਾਅਦ ਯਾਤਰਾ ਨੂੰ ਰੋਕ ਦਿੱਤਾ ਗਿਆ ਸੀ। ਹੁਣ ਪਹਿਲਗਾਮ ਦਾ ਰਸਤਾ ਸ਼ਰਧਾਲੂਆਂ ਲਈ ਖੋਲ੍ਹ ਦਿੱਤਾ ਗਿਆ ਹੈ। ਬਾਬਾ ਦੇ ਸ਼ਰਧਾਲੂ ਪਹਿਲਗਾਮ ਅਤੇ ਬਾਲਟਾਲ ਹੁੰਦੇ ਹੋਏ ਅਮਰਨਾਥ ਗੁਫਾ ਪਹੁੰਚਦੇ ਹਨ। ਫਿਲਹਾਲ ਬਾਲਟਾਲ ਨੂੰ ਸਾਵਧਾਨੀ ਦੇ ਤੌਰ 'ਤੇ ਬੰਦ ਰੱਖਿਆ ਗਿਆ ਹੈ।
ਸ਼ਰਾਈਨ ਬੋਰਡ ਯਾਤਰਾ ਦਾ ਕਰਦਾ ਹੈ ਪ੍ਰਬੰਧ
ਪਵਿੱਤਰ ਅਮਰਨਾਥ ਗੁਫਾ ਦੱਖਣੀ ਕਸ਼ਮੀਰ ਵਿਚ 3880 ਮੀਟਰ ਦੀ ਉਚਾਈ 'ਤੇ ਸਥਿਤ ਹੈ। ਅਮਰਨਾਥ ਸ਼ਰਾਈਨ ਬੋਰਡ ਸਾਲਾਨਾ ਅਮਰਨਾਥ ਯਾਤਰਾ ਦਾ ਪ੍ਰਬੰਧਨ ਕਰਦਾ ਹੈ। ਜੰਮੂ-ਕਸ਼ਮੀਰ ਦੇ ਉਪ ਰਾਜਪਾਲ ਮਨੋਜ ਸਿਨਹਾ ਇਸ ਦੇ ਚੇਅਰਮੈਨ ਹਨ।
ਰਾਜ ਭਵਨ ਨੇ ਦਿੱਤਾ ਸਪੱਸ਼ਟੀਕਰਨ
ਇਸ ਦੌਰਾਨ ਰਾਜ ਭਵਨ ਨੇ ਖਤਰੇ ਵਾਲੀ ਥਾਂ 'ਤੇ ਤੀਰਥ ਕੈਂਪ ਲਗਾਉਣ ਦੇ ਦੋਸ਼ਾਂ 'ਤੇ ਸਪੱਸ਼ਟੀਕਰਨ ਦਿੱਤਾ ਹੈ। ਪੀਟੀਆਈ ਦੇ ਅਨੁਸਾਰ, ਰਾਜ ਭਵਨ ਦੇ ਬੁਲਾਰੇ ਨੇ ਕਿਹਾ ਕਿ ਪਹਿਲਾਂ ਆਏ ਹੜ੍ਹਾਂ ਨੂੰ ਯੋਜਨਾ ਬਣਾਉਂਦੇ ਸਮੇਂ ਧਿਆਨ ਵਿੱਚ ਰੱਖਿਆ ਗਿਆ ਸੀ, ਪਰ ਸ਼ੁੱਕਰਵਾਰ ਨੂੰ "ਡੁੱਲ੍ਹਣਾ" ਉਮੀਦ ਤੋਂ ਵੱਧ ਸੀ ਅਤੇ ਪਹਿਲਾਂ ਕਦੇ ਨਹੀਂ ਦੇਖਿਆ ਗਿਆ ਸੀ।
ਬੁਲਾਰੇ ਨੇ ਕਿਹਾ ਕਿ ਦਰਿਆ ਦੇ ਕੰਢੇ 'ਤੇ ਟੈਂਟ ਨਹੀਂ ਲਗਾਏ ਗਏ ਸਨ ਅਤੇ ਅਸਲ ਵਿਚ ਲੋਕਾਂ ਦੀ ਸੁਰੱਖਿਆ ਲਈ ਇਸ ਸਾਲ ਬਣਾਏ ਗਏ ਬੰਨ੍ਹ ਤੋਂ ਵੀ ਦੂਰ ਚਲੇ ਗਏ ਸਨ।
ਦਰਿਆ ਦੇ ਸੁੱਕੇ ਬੈੱਡ 'ਤੇ ਲੰਗਰ ਅਤੇ ਟੈਂਟ ਲਾਏ ਜਾਣ ਦਾ ਦੋਸ਼ਇਹ ਸਪੱਸ਼ਟੀਕਰਨ ਅਜਿਹੇ ਸਮੇਂ 'ਚ ਆਇਆ ਹੈ ਜਦੋਂ ਦੋਸ਼ ਹਨ ਕਿ ਬੋਰਡ ਨੇ ਗੁਫਾ ਦੇ ਬਾਹਰ ਨਦੀ ਦੇ ਸੁੱਕੇ ਬੈੱਡ 'ਤੇ ਲੰਗਰ ਅਤੇ ਟੈਂਟ ਲਗਾਉਣ ਦੌਰਾਨ ਪਿਛਲੇ ਸਾਲ 28 ਜੁਲਾਈ ਨੂੰ ਬੱਦਲ ਫਟਣ ਦੀ ਘਟਨਾ ਨੂੰ ਨਜ਼ਰਅੰਦਾਜ਼ ਕੀਤਾ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)