ਏਅਰ ਇੰਡੀਆ ਹਾਦਸੇ ਦੀ ਜਾਂਚ 'ਚ ਵੱਡਾ ਖੁਲਾਸਾ; 'ਦੋ ਵਾਰੀ ਬਦਲਿਆ ਗਿਆ TCM, ਫਿਰ ਵੀ ਫਿਊਲ ਸਵਿੱਚ ਹੋਇਆ ਫੇਲ੍ਹ'
12 ਜੂਨ ਨੂੰ ਅਹਿਮਦਾਬਾਦ 'ਚ ਹਾਦਸਾਗ੍ਰਸਤ ਹੋਏ ਏਅਰ ਇੰਡੀਆ ਦੇ ਬੋਇੰਗ 787-8 ਡ੍ਰੀਮਲਾਈਨਰ ਜਹਾਜ਼ ਬਾਰੇ Aircraft Accident Investigation Bureau (AAIB) ਦੀ ਸ਼ੁਰੂਆਤੀ ਜਾਂਚ ਰਿਪੋਰਟ 'ਚ ਹੈਰਾਨ ਕਰਨ ਵਾਲਾ ਖੁਲਾਸਾ ਹੋਇਆ ਹੈ।
12 ਜੂਨ ਨੂੰ ਅਹਿਮਦਾਬਾਦ 'ਚ ਹਾਦਸਾਗ੍ਰਸਤ ਹੋਏ ਏਅਰ ਇੰਡੀਆ ਦੇ ਬੋਇੰਗ 787-8 ਡ੍ਰੀਮਲਾਈਨਰ ਜਹਾਜ਼ ਬਾਰੇ Aircraft Accident Investigation Bureau (AAIB) ਦੀ ਸ਼ੁਰੂਆਤੀ ਜਾਂਚ ਰਿਪੋਰਟ 'ਚ ਹੈਰਾਨ ਕਰਨ ਵਾਲਾ ਖੁਲਾਸਾ ਹੋਇਆ ਹੈ। ਰਿਪੋਰਟ ਮੁਤਾਬਕ, ਏਅਰ ਇੰਡੀਆ ਨੇ ਇਸ ਜਹਾਜ਼ ਦਾ ਥਰੌਟਲ ਕੰਟਰੋਲ ਮੋਡਯੂਲ (TCM) ਪਿਛਲੇ ਛੇ ਸਾਲਾਂ 'ਚ ਦੋ ਵਾਰੀ ਬਦਲਿਆ ਸੀ — ਪਹਿਲੀ ਵਾਰੀ 2019 ਵਿੱਚ ਅਤੇ ਦੂਜੀ ਵਾਰੀ 2023 ਵਿੱਚ।
ਥਰੌਟਲ ਕੰਟਰੋਲ ਮੋਡਯੂਲ (TCM) ਕੀ ਹੁੰਦਾ ਹੈ?
TCM ਜਹਾਜ਼ ਦਾ ਇੱਕ ਮਹੱਤਵਪੂਰਨ ਉਡਾਣ ਪ੍ਰਣਾਲੀ ਹਿੱਸਾ ਹੁੰਦਾ ਹੈ, ਜਿਸ ਵਿੱਚ ਫਿਊਲ ਕੰਟਰੋਲ ਸਵਿੱਚ ਵੀ ਸ਼ਾਮਲ ਹੁੰਦੇ ਹਨ। ਇਹ ਉਹੀ ਸਵਿੱਚ ਹਨ ਜੋ ਹੁਣ 12 ਜੂਨ ਨੂੰ ਅਹਿਮਦਾਬਾਦ ਤੋਂ ਉਡਾਣ ਭਰਨ ਤੋਂ ਕੁਝ ਸਮੇਂ ਬਾਅਦ ਅਚਾਨਕ ਬੰਦ ਹੋ ਗਏ ਸਨ, ਜਿਸ ਕਾਰਨ ਜਹਾਜ਼ ਹਾਦਸਾਗ੍ਰਸਤ ਹੋਇਆ। ਹੁਣ ਜਾਂਚ ਵਿੱਚ ਇਹ ਸਵਿੱਚ ਕੇਂਦਰ ਵਿੱਚ ਆ ਗਏ ਹਨ।
ਬੋਇੰਗ ਦੇ ਹੁਕਮ 'ਤੇ ਕੀਤਾ ਗਿਆ ਸੀ TCM ਵਿੱਚ ਤਬਦੀਲੀ
ਸੂਤਰਾਂ ਦੇ ਅਨੁਸਾਰ, TCM ਨੂੰ ਬਦਲਣ ਦਾ ਫੈਸਲਾ ਬੋਇੰਗ ਵੱਲੋਂ 2019 ਵਿੱਚ ਜਾਰੀ ਕੀਤੇ ਇੱਕ ਨਿਰਦੇਸ਼ ਦੇ ਅਧਾਰ 'ਤੇ ਲਿਆ ਗਿਆ ਸੀ। ਏਅਰ ਇੰਡੀਆ ਨੇ ਇਸ ਨਿਰਦੇਸ਼ ਦੀ ਪਾਲਣਾ ਕਰਦਿਆਂ 2019 ਅਤੇ 2023 ਵਿੱਚ ਆਪਣੇ ਡ੍ਰੀਮਲਾਈਨਰ ਵਿਮਾਨ VT-ANB ਦਾ TCM ਬਦਲਿਆ ਸੀ।
AAIB ਦੀ ਰਿਪੋਰਟ ਕੀ ਕਹਿੰਦੀ ਹੈ?
AAIB ਦੀ ਸ਼ੁਰੂਆਤੀ ਜਾਂਚ ਰਿਪੋਰਟ ਵਿੱਚ ਇਸ ਗੱਲ ਦਾ ਜ਼ਿਕਰ ਕੀਤਾ ਗਿਆ ਹੈ ਕਿ TCM ਨੂੰ ਦੋ ਵਾਰੀ ਬਦਲਿਆ ਗਿਆ ਸੀ, ਪਰ ਇਸ ਦਾ ਫਿਊਲ ਕੰਟਰੋਲ ਸਵਿੱਚ ਦੇ ਕੰਮ ਕਰਨ ਨਾਲ ਕੋਈ ਸਿੱਧਾ ਸੰਬੰਧ ਨਹੀਂ ਮਿਲਿਆ। ਹਾਲਾਂਕਿ, ਜਾਂਚ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਹਾਦਸੇ ਦੇ ਸਮੇਂ ਫਿਊਲ ਕੰਟਰੋਲ ਸਵਿੱਚ ਦਾ ਅਚਾਨਕ ਬੰਦ ਹੋ ਜਾਣਾ ਇੱਕ ਮਹੱਤਵਪੂਰਣ ਜਾਂਚ ਦਾ ਵਿਸ਼ਾ ਬਣਿਆ ਹੋਇਆ ਹੈ।
ਏਅਰ ਇੰਡੀਆ ਹਾਦਸੇ ਦੀ ਜਾਂਚ 'ਤੇ ਉੱਠੇ ਸਵਾਲ
ਏਅਰ ਇੰਡੀਆ ਵਿਮਾਨ ਹਾਦਸੇ ਨੂੰ ਲੈ ਕੇ ਏਅਰਲਾਈਨ ਪਾਇਲਟਸ ਐਸੋਸੀਏਸ਼ਨ ਆਫ ਇੰਡੀਆ (ALPAI) ਨੇ ਜਾਂਚ ਪ੍ਰਕਿਰਿਆ 'ਤੇ ਸਵਾਲ ਉਠਾਏ ਹਨ। ਸੰਸਥਾ ਨੇ ਕਿਹਾ ਕਿ ਜਾਂਚ ਦੀ ਦਿਸ਼ਾ ਸ਼ੁਰੂ ਤੋਂ ਹੀ ਪਾਇਲਟ ਦੀ ਗਲਤੀ ਵੱਲ ਝੁਕੀ ਹੋਈ ਦਿਖ ਰਹੀ ਹੈ, ਜੋ ਜਾਂਚ ਨੂੰ ਪੱਖਪਾਤੀ ਬਣਾ ਸਕਦੀ ਹੈ।
ALPAI ਨੇ ਇੱਕ ਨਿਰਪੱਖ ਅਤੇ ਤੱਥਾਂ 'ਤੇ ਅਧਾਰਿਤ ਜਾਂਚ ਦੀ ਮੰਗ ਕਰਦਿਆਂ ਕਿਹਾ ਕਿ ਕਿਸੇ ਨਤੀਜੇ 'ਤੇ ਪਹੁੰਚਣ ਤੋਂ ਪਹਿਲਾਂ ਤਕਨੀਕੀ ਪੱਖਾਂ ਦੀ ਗਹਿਰਾਈ ਨਾਲ ਜਾਂਚ ਕਰਨੀ ਬਹੁਤ ਜ਼ਰੂਰੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
