ਜੰਮੂ ਏਅਰਫੋਰਸ ਸਟੇਸ਼ਨ ਧਮਕੇ 'ਚ ਵੱਡਾ ਖੁਲਾਸਾ, ਦੋ ਸ਼ੱਕੀ NIA ਦੀ ਹਿਰਾਸਤ 'ਚ
ਦੋਵਾਂ 'ਤੇ ਅੱਤਵਾਦੀ ਸੰਗਠਨਾਂ ਦੀ ਮਦਦ ਕਰਨ ਦਾ ਇਲਜ਼ਾਮ ਹੈ ਅਤੇ ਪੁੱਛਗਿੱਛ ਜਾਰੀ ਹੈ। ਇਹ ਮੰਨਿਆ ਜਾਂਦਾ ਹੈ ਕਿ ਉਨ੍ਹਾਂ ਤੋਂ ਬਹੁਤ ਸਾਰੀ ਮਹੱਤਵਪੂਰਣ ਜਾਣਕਾਰੀ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।
ਜੰਮੂ: ਐਨਆਈਏ ਨੇ ਜੰਮੂ ਏਅਰਫੋਰਸ ਸਟੇਸ਼ਨ ਧਮਾਕੇ ਦੇ ਮਾਮਲੇ ਵਿੱਚ ਦੋ ਸ਼ੱਕੀਆਂ ਨੂੰ ਹਿਰਾਸਤ ਵਿੱਚ ਲਿਆ ਹੈ। ਦੋਵਾਂ ਨੂੰ ਜੰਮੂ ਦੇ ਬੇਲੀਚਰਨਾ ਖੇਤਰ ਤੋਂ ਕਾਬੂ ਕੀਤਾ ਗਿਆ ਹੈ। ਦੋਵਾਂ 'ਤੇ ਅੱਤਵਾਦੀ ਸੰਗਠਨਾਂ ਦੀ ਮਦਦ ਕਰਨ ਦਾ ਇਲਜ਼ਾਮ ਹੈ ਅਤੇ ਪੁੱਛਗਿੱਛ ਜਾਰੀ ਹੈ। ਇਹ ਮੰਨਿਆ ਜਾਂਦਾ ਹੈ ਕਿ ਉਨ੍ਹਾਂ ਤੋਂ ਬਹੁਤ ਸਾਰੀ ਮਹੱਤਵਪੂਰਣ ਜਾਣਕਾਰੀ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।
ਏਟੀਸੀ ਅਤੇ Mi -17 ਹੈਲੀਕਾਪਟਰ ਸੀ ਨਿਸ਼ਾਨਾ
ਇਸ ਕੇਸ ਵਿੱਚ, ਇੱਕ ਵੱਡੀ ਜਾਣਕਾਰੀ ਇਹ ਵੀ ਸਾਹਮਣੇ ਆ ਰਹੀ ਹੈ ਕਿ ਉਨ੍ਹਾਂ ਦੇ ਨਿਸ਼ਾਨੇ ਉੱਤੇ ਦੋ ਬਹੁਤ ਹੀ ਮਹੱਤਵਪੂਰਨ ਟਾਰਗੇਟ ਸਨ। ਖੁਫੀਆ ਏਜੰਸੀਆਂ ਦੇ ਅਨੁਸਾਰ ਏਅਰ ਟ੍ਰੈਫਿਕ ਕੰਟਰੋਲ (ਏਟੀਸੀ) ਅਤੇ ਐਮਆਈ -17 ਹੈਲੀਕਾਪਟਰ ਇਸ ਡਰੋਨ ਹਮਲੇ ਦਾ ਨਿਸ਼ਾਨਾ ਸਨ। ਯਾਨੀ ਹਮਲੇ ਵਿਚ ਡਰੋਨ ਆਪਣਾ ਅਸਲ ਨਿਸ਼ਾਨਾ ਗੁਆ ਬੈਠਾ। ਜਾਣਕਾਰੀ ਅਨੁਸਾਰ ਇੱਕ ਡਰੋਨ ਵਿੱਚ ਤਕਰੀਬਨ ਪੰਜ ਕਿਲੋ ਟੀਐਨਟੀ ਵਿਸਫੋਟਕ ਸੀ। ਦੂਜੇ ਡਰੋਨ ਵਿੱਚ, ਘੱਟ ਭਾਰ ਵਾਲਾ ਇੱਕ ਵਿਸਫੋਟਕ ਮੌਜੂਦ ਸੀ। ਹੁਣ ਤੱਕ ਮੰਨਿਆ ਜਾ ਰਿਹਾ ਹੈ ਕਿ ਹਮਲੇ ਵਿਚ ਡਰੋਨ ਦੀ ਵਰਤੋਂ ਕੀਤੀ ਗਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪਾਕਿਸਤਾਨ ਲੰਬੇ ਸਮੇਂ ਤੋਂ ਭਾਰਤ ਖਿਲਾਫ ਇਸੇ ਤਰ੍ਹਾਂ ਦੇ ਡਰੋਨ ਦੀ ਵਰਤੋਂ ਕਰ ਰਿਹਾ ਹੈ।
ਏਅਰ ਚੀਫ ਮਾਰਸ਼ਲ ਨੇ ਜ਼ਖਮੀ ਫੌਜੀਆਂ ਨਾਲ ਗੱਲਬਾਤ ਕੀਤੀ
ਇਸ ਦੌਰਾਨ ਇਸ ਹਮਲੇ ਵਿਚ ਜ਼ਖਮੀ ਫੌਜੀਆਂ ਨੇ ਏਅਰ ਚੀਫ ਮਾਰਸ਼ਲ ਆਰਕੇਐਸ ਭਦੌਰੀਆ ਨਾਲ ਫੋਨ ’ਤੇ ਗੱਲਬਾਤ ਕੀਤੀ। ਏਅਰ ਚੀਫ ਮਾਰਸ਼ਲ ਇਸ ਸਮੇਂ ਬੰਗਲਾਦੇਸ਼ ਵਿੱਚ ਹਨ। ਇਸ ਡਰੋਨ ਧਮਾਕੇ ਵਿਚ ਦੋ ਜਵਾਨ ਜ਼ਖਮੀ ਹੋ ਗਏ। ਭਾਰਤੀ ਹਵਾਈ ਸੈਨਾ ਨੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਦੋਵੇਂ ਜਵਾਨ ਨਿਗਰਾਨੀ ਹੇਠ ਹਨ ਅਤੇ ਠੀਕ ਹਨ।
ਜਿਸ ਜਗ੍ਹਾ ਧਮਾਕਾ ਹੋਇਆ ਸੀ ਉਹ ਜਗ੍ਹਾ ਏਅਰ ਫੋਰਸ ਸਟੇਸ਼ਨ ਦਾ ਤਕਨੀਕੀ ਖੇਤਰ ਸੀ। ਇਹ ਉਹ ਹਿੱਸਾ ਹੈ ਜਿੱਥੇ ਨਾ ਸਿਰਫ ਹਵਾਈ ਆਵਾਜਾਈ ਨਿਯੰਤਰਣ ਹੈ, ਬਲਕਿ ਐਮਆਈ ਹੈਲੀਕਾਪਟਰ ਅਤੇ ਹੋਰ ਅਜਿਹੇ ਉਪਕਰਣ ਹਨ ਜਿਥੋਂ ਹਵਾਈ ਨਿਗਰਾਨੀ ਕੀਤੀ ਜਾਂਦੀ ਹੈ।
ਜੰਮੂ ਹਵਾਈ ਅੱਡੇ ਦੇ ਉੱਚ ਸੁਰੱਖਿਆ ਵਾਲੇ ਭਾਰਤੀ ਏਅਰ ਫੋਰਸ ਸਟੇਸ਼ਨ ਵਿੱਚ ਵਿਸਫੋਟਕ ਨਾਲ ਭਰੇ ਦੋ ਡ੍ਰੋਨ ਦੇ ਕਰੈਸ਼ ਹੋਣ ਤੋਂ ਬਾਅਦ ਐਤਵਾਰ ਨੂੰ ਪੰਜਾਬ ਦੇ ਸਰਹੱਦੀ ਜ਼ਿਲ੍ਹੇ ਪਠਾਨਕੋਟ ਵਿੱਚ ਅਲਰਟ ਜਾਰੀ ਕਰ ਦਿੱਤਾ ਗਿਆ ਹੈ।
ਅਧਿਕਾਰੀਆਂ ਨੇ ਨਿਊਜ਼ ਏਜੰਸੀ ਪੀਟੀਆਈ ਨੂੰ ਦੱਸਿਆ ਕਿ ਪਠਾਨਕੋਟ ਵਿਚ ਮੁੱਖ ਥਾਵਾਂ ਨੇੜੇ ਸਖ਼ਤ ਚੌਕਸੀ ਬਣਾਈ ਰੱਖੀ ਜਾ ਰਹੀ ਹੈ। ਪੰਜ ਸਾਲ ਪਹਿਲਾਂ ਪਠਾਨਕੋਟ ਏਅਰਫੋਰਸ ਦਾ ਬੇਸ ਅੱਤਵਾਦੀ ਹਮਲੇ ਦਾ ਸ਼ਿਕਾਰ ਹੋ ਗਿਆ ਸੀ। ਉਨ੍ਹਾਂ ਦੱਸਿਆ ਕਿ ਪਠਾਨਕੋਟ ਤੇ ਇਸ ਦੇ ਆਸ ਪਾਸ ਸੰਵੇਦਨਸ਼ੀਲ ਇਲਾਕਿਆਂ ਦੇ ਨੇੜੇ ਪੈਟਰੋਲਿੰਗ ਨੂੰ ਮਜ਼ਬੂਤ ਕੀਤਾ ਗਿਆ ਹੈ ਤੇ ਵਾਧੂ ਸੈਨਿਕ ਬਲ ਤਾਇਨਾਤ ਕੀਤੇ ਗਏ ਹਨ।
ਦੱਸ ਦੇਈਏ ਕਿ ਦੋ ਡਰੋਨ ਵਿਸਫੋਟਕ ਨਾਲ ਲੱਧੇ ਐਤਵਾਰ ਦੀ ਸਵੇਰੇ ਜੰਮੂ ਹਵਾਈ ਅੱਡੇ ਦੇ ਏਅਰ ਫੋਰਸ ਸਟੇਸ਼ਨ 'ਤੇ ਫੱਟ ਗਏ। ਸਵੇਰੇ 1:40 ਵਜੇ ਦੋ ਧਮਾਕਿਆਂ ਵਿੱਚ ਦੋ ਆਈਏਐਫ ਦੇ ਜਵਾਨ ਜ਼ਖ਼ਮੀ ਹੋ ਗਏ। ਦੋ ਧਮਕੇ ਵਿੱਚ ਛੇ ਮਿੰਟ ਦਾ ਟਾਈਮ ਸੀ ਇੱਕ ਤੋਂ ਬਾਅਦ ਦੂਜਾ ਧਮਕਾ ਹੋਇਆ। ਪਹਿਲੇ ਧਮਾਕੇ ਨੇ ਹਵਾਈ ਅੱਡੇ ਦੇ ਤਕਨੀਕੀ ਖੇਤਰ ਵਿਚ ਇਕ ਮੰਜ਼ਿਲਾ ਇਮਾਰਤ ਦੀ ਛੱਤ ਨੂੰ ਚੀਰ ਦਿੱਤੀ। ਇਸ ਮਗਰੋਂ ਦੂਜਾ ਧਮਾਕਾ ਜ਼ਮੀਨ 'ਤੇ ਸੀ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
