Biggest Scam: ABG Shipyard ਨੇ ਦੇਸ਼ ਦੇ 28 ਬੈਂਕਾਂ ਨੂੰ ਲਗਾਇਆ 22 ਹਜ਼ਾਰ ਕਰੋੜ ਤੋਂ ਵੱਧ ਦਾ ਚੂਨਾ, ਜਾਂਚ 'ਚ ਕਈ ਨੇਤਾਵਾਂ ਦਾ ਨਾਂ ਸਾਹਮਣੇ ਆਉਣ ਦਾ ਸ਼ੱਕ
Biggest bank Scam: ਚਾਰ ਸਾਲਾਂ ਬਾਅਦ ਦੇਸ਼ ਦੇ ਬੈਂਕਿੰਗ ਸੈਕਟਰ ਵਿੱਚ ਇੱਕ ਹੋਰ ਵੱਡਾ ਘਪਲਾ ਸਾਹਮਣੇ ਆਇਆ ਹੈ। ਏਬੀਜੀ ਗਰੁੱਪ (ABG Shipyard) ਨੇ ਇੱਕ ਜਾਂ ਦੋ ਨਹੀਂ ਸਗੋਂ ਦੋ ਦਰਜਨ ਤੋਂ ਵੱਧ ਬੈਂਕਾਂ ਨਾਲ ਧੋਖਾਧੜੀ ਕੀਤੀ ਹੈ
Biggest bank Scam: ਚਾਰ ਸਾਲਾਂ ਬਾਅਦ ਦੇਸ਼ ਦੇ ਬੈਂਕਿੰਗ ਸੈਕਟਰ ਵਿੱਚ ਇੱਕ ਹੋਰ ਵੱਡਾ ਘਪਲਾ ਸਾਹਮਣੇ ਆਇਆ ਹੈ। ਏਬੀਜੀ ਗਰੁੱਪ (ABG Shipyard) ਨੇ ਇੱਕ ਜਾਂ ਦੋ ਨਹੀਂ ਸਗੋਂ ਦੋ ਦਰਜਨ ਤੋਂ ਵੱਧ ਬੈਂਕਾਂ ਨਾਲ ਧੋਖਾਧੜੀ ਕੀਤੀ ਹੈ। ਇਹ ਅੰਕੜਾ ਇੰਨਾ ਵੱਡਾ ਹੈ ਕਿ ਬੈਂਕਿੰਗ ਘੁਟਾਲਿਆਂ ਦੇ ਸਾਰੇ ਰਿਕਾਰਡ ਟੁੱਟ ਗਏ ਹਨ। ਇਸ ਮਾਮਲੇ 'ਚ ਹੁਣ ਤੱਕ 8 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਜਾ ਚੁੱਕਾ ਹੈ। ਫਿਲਹਾਲ ਸੀਬੀਆਈ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਜਲਦੀ ਹੀ ਹੋਰ ਏਜੰਸੀਆਂ ਵੀ ਜਾਂਚ ਵਿੱਚ ਸ਼ਾਮਲ ਹੋ ਸਕਦੀਆਂ ਹਨ।
22842 ਕਰੋੜ ਦਾ ਸਭ ਤੋਂ ਵੱਡਾ ਬੈਂਕ ਘੋਟਾਲਾ!
ਸੀਬੀਆਈ ਮੁਤਾਬਕ ਇਹ ਧੋਖਾਧੜੀ ਕਿਸੇ ਇੱਕ ਬੈਂਕ ਨਾਲ ਨਹੀਂ ਸਗੋਂ ਬੈਂਕਾਂ ਦੇ ਇੱਕ ਸਮੂਹ ਨਾਲ ਕੀਤੀ ਗਈ ਹੈ। ਕੁੱਲ 28 ਬੈਂਕਾਂ ਨਾਲ ਧੋਖਾਧੜੀ ਕੀਤੀ ਗਈ ਹੈ, ਜਿਨ੍ਹਾਂ ਵਿੱਚ ਐੱਸਬੀਆਈ, ਬੈਂਕ ਆਫ ਬੜੌਦਾ, ਬੈਂਕ ਆਫ ਇੰਡੀਆ, ਆਈਡੀਬੀਆਈ, ਪੰਜਾਬ ਨੈਸ਼ਨਲ ਬੈਂਕ ਅਤੇ ਪ੍ਰਾਈਵੇਟ ਬੈਂਕ ਆਈਸੀਆਈਸੀਆਈ ਦੇ ਨਾਲ-ਨਾਲ ਐਲਆਈਸੀ ਵੀ ਸ਼ਾਮਲ ਹੈ। ਇਸ ਘੁਟਾਲੇ ਦਾ ਪਹਿਲਾ ਖੁਲਾਸਾ ਅਗਸਤ 2020 ਵਿੱਚ ਹੋਇਆ ਸੀ, ਜਦੋਂ SBI ਦੇ ਇੱਕ ਡਿਪਟੀ GM ਨੇ 25 ਤਰੀਕ ਨੂੰ CBI ਨੂੰ ਲਿਖਤੀ ਸ਼ਿਕਾਇਤ ਦਿੱਤੀ ਸੀ।
ਚੂਨਾ ਲਗਾਉਣ ਵਾਲੀਆਂ ਦੋ ਕੰਪਨੀਆਂ -
28 ਬੈਂਕਾਂ ਅਤੇ LIC ਨੂੰ ਧੋਖਾ ਦੇਣ ਵਾਲੀਆਂ ਦੋ ਕੰਪਨੀਆਂ ਹਨ। ਪਰ ਇੱਕ ਹੀ ਗਰੁੱਪ ਦੀ ਜਿਸ ਦਾ ਨਾਮ ਏਬੀਜੀ ਸ਼ਿਪਯਾਰਡ ਅਤੇ ਏਬੀਜੀ ਇੰਟਰਨੈਸ਼ਨਲ ਪ੍ਰਾਈਵੇਟ ਲਿਮਟਿਡ ਹੈ। ਸੀਬੀਆਈ ਮੁਤਾਬਕ ਸੂਰਤ, ਗੁਜਰਾਤ ਦੀ ਇਹ ਕੰਪਨੀ ਪਾਣੀ ਦੇ ਜਹਾਜ਼ਾਂ ਦੇ ਨਿਰਮਾਣ ਅਤੇ ਮੁਰੰਮਤ ਨਾਲ ਸਬੰਧਤ ਹੋਰ ਕੰਮ ਵੀ ਕਰਦੀ ਹੈ।
ਐੱਫਆਈਆਰ ਵਿੱਚ ਏਬੀਜੀ ਗਰੁੱਪ ਦੇ ਮੈਨੇਜਿੰਗ ਡਾਇਰੈਕਟਰ ਆਰਕੇ ਅਗਰਵਾਲ, ਐਗਜ਼ੀਕਿਊਟਿਵ ਡਾਇਰੈਕਟਰਾਂ, ਹੋਰ ਡਾਇਰੈਕਟਰਾਂ ਅਤੇ ਕਈ ਸਰਕਾਰੀ ਅਧਿਕਾਰੀਆਂ ਦੇ ਨਾਂ ਵੀ ਦਰਜ ਕੀਤੇ ਗਏ ਹਨ। ਇਨ੍ਹਾਂ ਲੋਕਾਂ ਖ਼ਿਲਾਫ਼ ਸਰਕਾਰੀ ਜਾਇਦਾਦਾਂ ਹੜੱਪਣ (ਅਪਰਾਧਿਕ ਸਾਜ਼ਿਸ਼, ਧੋਖਾਧੜੀ, ਭ੍ਰਿਸ਼ਟਾਚਾਰ ਰੋਕੂ ਕਾਨੂੰਨ) ਵਰਗੀਆਂ ਗੰਭੀਰ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤੇ ਗਏ ਹਨ। ਜਿਨ੍ਹਾਂ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ, ਜੇਕਰ ਦੋਸ਼ ਸਾਬਤ ਹੋ ਜਾਂਦੇ ਹਨ ਤਾਂ ਉਮਰ ਕੈਦ ਤੱਕ ਦੀ ਸਜ਼ਾ ਹੋ ਸਕਦੀ ਹੈ।
ਏਬੀਜੀ ਕੰਪਨੀ 'ਤੇ ਕੀ ਦੋਸ਼ ਹਨ?
ਏਬੀਜੀ ਨੇ ਬੈਂਕਾਂ ਦੇ ਇੱਕ ਸੰਘ ਤੋਂ ਕਰਜ਼ੇ ਅਤੇ ਕਈ ਕ੍ਰੈਡਿਟ ਸਹੂਲਤਾਂ ਲਈਆਂ।
ਬੈਂਕਾਂ ਤੋਂ ਪ੍ਰਾਪਤ ਪੈਸਾ ਵੀ ਐਸੋਸੀਏਟ ਕੰਪਨੀਆਂ ਰਾਹੀਂ ਵਿਦੇਸ਼ ਭੇਜਿਆ ਜਾਂਦਾ ਸੀ।
ਬੈਂਕਾਂ ਤੋਂ ਕਰਜ਼ੇ ਦੇ ਪੈਸੇ ਨਾਲ ਵਿਦੇਸ਼ਾਂ ਵਿੱਚ ਜਾਇਦਾਦ ਅਤੇ ਸ਼ੇਅਰ ਖਰੀਦੇ ਗਏ।
ਨਿਯਮਾਂ ਨੂੰ ਛਿੱਕੇ ਟੰਗ ਕੇ ਇੱਕ ਕੰਪਨੀ ਤੋਂ ਦੂਜੀ ਕੰਪਨੀ ਨੂੰ ਪੈਸੇ ਭੇਜੇ ਜਾਂਦੇ ਸਨ।
ਦੱਸਿਆ ਜਾ ਰਿਹਾ ਹੈ ਕਿ ਏਬੀਜੀ ਕੰਪਨੀ ਨੇ ਆਪਣੇ ਜਹਾਜ਼ ਵੀ ਵਿਦੇਸ਼ਾਂ 'ਚ ਵੇਚੇ ਹਨ ਪਰ ਕੰਪਨੀ ਨੇ ਸਾਰੇ ਨਿਯਮਾਂ ਨੂੰ ਛਿੱਕੇ ਟੰਗ ਕੇ ਬੈਂਕਾਂ ਦੇ ਸਮੂਹ ਨਾਲ ਹਜ਼ਾਰਾਂ ਕਰੋੜ ਰੁਪਏ ਦਾ ਧੋਖਾਧੜੀ ਕੀਤੀ ਹੈ।
ਕਿਸਨੇ ਕਿੰਨਾ ਕੁ ਠੱਗਿਆ?
ਐਫਆਈਆਰ ਦੇ ਅਨੁਸਾਰ, ਐਸਬੀਆਈ ਨੂੰ ਏਬੀਜੀ ਕੰਪਨੀ ਕਾਰਨ 2468 ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ, ਜਦੋਂ ਕਿ ਐਲਆਈਸੀ ਨੂੰ ਵੀ 136 ਕਰੋੜ ਦੀ ਧੋਖਾਧੜੀ ਕੀਤੀ ਗਈ ਸੀ। ਬੈਂਕਾਂ ਦੇ ਸਮੂਹ ਨਾਲ ਕੁੱਲ 22842 ਕਰੋੜ ਰੁਪਏ ਦੀ ਧੋਖਾਧੜੀ ਕੀਤੀ ਗਈ ਹੈ। ਇਹ ਘਪਲਾ 2012 ਤੋਂ 2017 ਤੱਕ ਦਾ ਹੈ। ਯਾਨੀ ਮਨਮੋਹਨ ਸਿੰਘ ਸਰਕਾਰ ਤੋਂ ਲੈ ਕੇ ਮੋਦੀ ਰਾਜ ਤੱਕ।
ਸੀਬੀਆਈ ਨੇ ਇਸ ਮਾਮਲੇ 'ਚ ਮਾਮਲਾ ਦਰਜ ਕਰਕੇ 13 ਥਾਵਾਂ 'ਤੇ ਛਾਪੇਮਾਰੀ ਕੀਤੀ। ਜਿਸ ਦੌਰਾਨ ਕਈ ਇਤਰਾਜ਼ਯੋਗ ਦਸਤਾਵੇਜ਼ ਬਰਾਮਦ ਹੋਏ। ਸੀਬੀਆਈ ਸੂਤਰਾਂ ਦਾ ਦਾਅਵਾ ਹੈ ਕਿ ਮਾਮਲੇ ਦੀ ਜਾਂਚ ਬੈਂਕਾਂ ਦੇ ਉੱਚ ਅਧਿਕਾਰੀਆਂ ਤੱਕ ਪਹੁੰਚ ਸਕਦੀ ਹੈ। ਜਿਵੇਂ-ਜਿਵੇਂ ਜਾਂਚ ਅੱਗੇ ਵਧਦੀ ਹੈ, ਕਈ ਨੇਤਾਵਾਂ ਦੇ ਨਾਂ ਵੀ ਸਾਹਮਣੇ ਆਉਣ ਦਾ ਸ਼ੱਕ ਹੈ।
ਇਹ ਵੀ ਪੜ੍ਹੋ: PM ਮੋਦੀ ਦੀ ਸੁਰੱਖਿਆ 'ਚ ਚੂਕ : ਫਲੀਟ ਦੀ ਐਂਬੂਲੈਂਸ 'ਚੋਂ ਗਾਇਬ ਹੋਈ ਡਾਕਟਰਾਂ ਦੀ ਟੀਮ , SP ਨੇ CMO ਤੋਂ ਤਲਬ ਕੀਤੀ ਰਿਪੋਰਟ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
