Boeing Starliner Return: ਯਾਤਰੀਆਂ ਨੂੰ ਪੁਲਾੜ ਉਤੇ ਹੀ ਛੱਡ ਕੇ ਖਾਲ੍ਹੀ ਕਿਉਂ ਪਰਤ ਆਇਆ ਸਟਾਰਲਾਈਨਰ ਕੈਪਸੂਲ?, ਜਾਣੋ ਕਾਰਨ...
ਬੋਇੰਗ ਦਾ ਸਟਾਰਲਾਈਨਰ ਕੈਪਸੂਲ ਸ਼ੁੱਕਰਵਾਰ ਨੂੰ ਪੁਲਾੜ ਯਾਤਰੀ ਸੁਨੀਤਾ ਵਿਲੀਅਮਜ਼ (Sunita Williams) ਅਤੇ ਬੁਚ ਵਿਲਮੋਰ (Butch Wilmore) ਦੇ ਬਿਨਾਂ ਧਰਤੀ ’ਤੇ ਮੁੜਿਆ ਹੈ।
Boeing Starliner Return To Earth: ਬੋਇੰਗ ਦਾ ਸਟਾਰਲਾਈਨਰ ਕੈਪਸੂਲ ਸ਼ੁੱਕਰਵਾਰ ਨੂੰ ਪੁਲਾੜ ਯਾਤਰੀ ਸੁਨੀਤਾ ਵਿਲੀਅਮਜ਼ (Sunita Williams) ਅਤੇ ਬੁਚ ਵਿਲਮੋਰ (Butch Wilmore) ਦੇ ਬਿਨਾਂ ਕੌਮਾਂਤਰੀ ਸਪੇਸ ਸਟੇਸ਼ਨ (ISS) ਤੋਂ ਧਰਤੀ ‘ਤੇ ਵਾਪਸੀ ਲਈ ਰਵਾਨਾ ਹੋਇਆ ਸੀ।
ਇਹ ਕੈਪਸੂਲ ਨਿਊ ਮੈਕਸਿਕੋ ਕੇ ਵਾਈਟ ਸੈਂਡਸ ਸਪੇਸ ਹਾਰਬਰ ‘ਤੇ ਉਤਰ ਗਿਆ ਹੈ। ਕੈਪਸੂਲ ਵਿਚ ਆਈ ਸਮੱਸਿਆ ਦਾ ਕਾਰਨ ਹੈ ਕਿ ਇਹ ਬਿਨਾਂ ਯਾਤਰੀਆਂ ਦੇ ਧਰਤੀ ’ਤੇ ਮੁੜਿਆ ਹੈ। ਨਾਸਾ ਦੇ ਬੁਲਾਰੇ ਨੇ ਕਿਹਾ ਕਿ ਥਰਸਟਰ ਵਿੱਚ ਖਰਾਬੀ ਕਾਰਨ ਦੋਵਾਂ ਪੁਲਾੜ ਯਾਤਰੀਆਂ ਦੇ ਵਾਪਸ ਆਉਣ ਦਾ ਜੋਖਮ ਨਹੀਂ ਲਿਆ ਗਿਆ। ਦੋਵਾਂ ਦੀ ਵਾਪਸੀ ਅਗਲੇ ਸਾਲ ਫਰਵਰੀ ਤੱਕ ਹੀ ਸੰਭਵ ਹੈ।
ਪੁਲਾੜ ਯਾਤਰੀਆਂ ਦੇ ਬਿਨਾਂ ਧਰਤੀ 'ਤੇ ਵਾਪਸ ਪਰਤਿਆ
ਬੋਇੰਗ ਦਾ ਸਟਾਰਲਾਈਨਰ ਥਰਸਟਰ ਸਮੱਸਿਆ ਅਤੇ ਪ੍ਰੋਪਲਸ਼ਨ ਪ੍ਰਣਾਲੀ ਵਿੱਚ ਮਲਟੀਪਲ ਹੀਲੀਅਮ ਲੀਕ ਕਾਰਨ ਆਪਣੇ ਪੁਲਾੜ ਯਾਤਰੀਆਂ ਦੇ ਬਿਨਾਂ ਧਰਤੀ 'ਤੇ ਵਾਪਸ ਪਰਤਿਆ। ਨਾਸਾ ਦੇ ਦੋਵੇਂ ਪਾਇਲਟ (ਸੁਨੀਤਾ ਵਿਲੀਅਮਜ਼ ਅਤੇ ਬੁਚ ਵਿਲਮੋਰ) ਹੁਣ ਅਗਲੇ ਸਾਲ ਫਰਵਰੀ ਤੱਕ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ (ਆਈਐਸਐਸ) 'ਤੇ ਰਹਿਣਗੇ।
ਅਗਲੇ ਸਾਲ ਫਰਵਰੀ 'ਚ ਦੋਵਾਂ ਦੀ ਵਾਪਸੀ
ਹੁਣ ਐਲੋਨ ਮਸਕ ਦੀ ਕੰਪਨੀ 'ਸਪੇਸਐਕਸ' ਦਾ ਪੁਲਾੜ ਯਾਨ ਅਗਲੇ ਸਾਲ ਫਰਵਰੀ 'ਚ ਦੋਵਾਂ ਪੁਲਾੜ ਯਾਤਰੀਆਂ ਨੂੰ ਵਾਪਸ ਲਿਆਵੇਗਾ। ਉਦੋਂ ਤੱਕ ਦੋਵਾਂ ਦਾ 8 ਦਿਨਾਂ ਦਾ ਮਿਸ਼ਨ ਅੱਠ ਮਹੀਨਿਆਂ ਤੋਂ ਵੱਧ ਚੱਲੇਗਾ। 'ਸਟਾਰਲਾਈਨਰ' ਦੇ ਸਪੇਸ ਸਟੇਸ਼ਨ ਛੱਡਣ ਤੋਂ ਬਾਅਦ, ਸੁਨੀਤਾ ਵਿਲੀਅਮਜ਼ ਨੇ ਇੱਕ ਰੇਡੀਓ ਸੰਦੇਸ਼ ਵਿੱਚ ਕਿਹਾ, 'ਉਹ ਘਰ ਜਾ ਰਿਹਾ ਹੈ।' 'ਸਟਾਰਲਾਈਨਰ' ਦੇ ਉਡਾਣ ਭਰਨ ਦੇ ਇੱਕ ਹਫ਼ਤੇ ਬਾਅਦ ਵਿਲੀਅਮਜ਼ ਅਤੇ ਵਿਲਮੋਰ ਧਰਤੀ 'ਤੇ ਵਾਪਸ ਆਉਣ ਵਾਲੇ ਸਨ।
ਦੋਵੇਂ ਪੁਲਾੜ ਵਿਚ ਕਿਉਂ ਫਸ ਗਏ
ਪੁਲਾੜ ਯਾਨ ਦੇ ਥਰਸਟਰ ਅਤੇ ਹੀਲੀਅਮ ਲੀਕ ਹੋਣ ਦੀ ਸਮੱਸਿਆ ਕਾਰਨ ਦੋਵੇਂ ਪੁਲਾੜ ਵਿੱਚ ਫਸ ਗਏ ਹਨ। ਨਾਸਾ ਨੇ ਕਿਹਾ ਸੀ ਕਿ 'ਸਟਾਰਲਾਈਨਰ' ਤੋਂ ਦੋਵਾਂ ਪੁਲਾੜ ਯਾਤਰੀਆਂ ਨੂੰ ਵਾਪਸ ਲਿਆਉਣਾ ਬਹੁਤ ਜੋਖਮ ਭਰਿਆ ਸੀ। ਪੁਲਾੜ ਯਾਤਰੀ ਅਤੇ ਸੇਵਾਮੁਕਤ ਨੇਵੀ ਕੈਪਟਨ ਵਿਲਮੋਰ ਅਤੇ ਵਿਲੀਅਮਜ਼ ਹੁਣ ਸਪੇਸ ਸਟੇਸ਼ਨ 'ਤੇ ਸਵਾਰ ਸੱਤ ਹੋਰ ਯਾਤਰੀਆਂ ਨਾਲ ਕੰਮ ਕਰ ਰਹੇ ਹਨ। ਉਹ ਆਪਣੇ ਆਪ ਨੂੰ ਵਿਅਸਤ ਰੱਖ ਰਹੇ ਹਨ। ਉਹ ਸਟੇਸ਼ਨ 'ਤੇ ਮੁਰੰਮਤ-ਸੰਭਾਲ ਦੇ ਕੰਮ ਅਤੇ ਪ੍ਰਯੋਗਾਂ ਵਿੱਚ ਮਦਦ ਕਰ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
