ਹਰਿਆਣਾ ਦੀ ਸ਼ਰਾਰਤ! ਦਿੱਲੀ 'ਚ ਆ ਸਕਦਾ ਪਾਣੀ ਦਾ ਸਕੰਟ, ਦਿੱਲੀ ਜਲ ਬੋਰਡ ਦੀ ਚੇਤਾਵਨੀ

ਦਿੱਲੀ ਜਲ ਬੋਰਡ (DJB) ਨੇ ਪਾਣੀ ਦੇ ਸੰਕਟ ਦਾ ਖਦਸ਼ਾ ਜਤਾਇਆ ਹੈ। ਹਰਿਆਣਾ ਨੂੰ ਇਸ ਲਈ ਜ਼ਿੰਮੇਵਾਰ ਠਹਿਰਾਇਆ ਗਿਆ ਹੈ।

ਨਵੀਂ ਦਿੱਲੀ: ਨਵੇਂ ਸਾਲ ਤੋਂ ਪਹਿਲਾਂ ਕੌਮੀ ਰਾਜਧਾਨੀ ਦਿੱਲੀ 'ਚ ਪਾਣੀ ਦਾ ਸੰਕਟ ਖੜ੍ਹਾ ਹੋ ਸਕਦਾ ਹੈ। ਕਈ ਇਲਾਕਿਆਂ 'ਚ ਪੀਣ ਅਤੇ ਹੋਰ ਜ਼ਰੂਰਤਾਂ ਲਈ ਪਾਣੀ ਦੀ ਘਾਟ ਹੋ ਸਕਦੀ ਹੈ।ਅਜਿਹੀ ਸਥਿਤੀ ਵਿੱਚ, ਸਾਵਧਾਨੀ ਵਰਤਦੇ ਹੋਏ ਪਹਿਲਾਂ ਹੀ ਪਾਣੀ ਨੂੰ ਸਟੋਰ ਕਰ ਲਵੋ ਤਾਂ ਜੋ ਵਧੇਰੇ ਪਰੇਸ਼ਾਨੀ ਨਾ ਆਵੇ। ਦਰਅਸਲ, ਦਿੱਲੀ ਜਲ ਬੋਰਡ (DJB) ਨੇ ਪਾਣੀ ਦੇ ਸੰਕਟ ਦਾ ਖਦਸ਼ਾ ਜਤਾਇਆ ਹੈ। ਹਰਿਆਣਾ ਨੂੰ ਇਸ ਲਈ ਜ਼ਿੰਮੇਵਾਰ ਠਹਿਰਾਇਆ ਗਿਆ ਹੈ। ਦਿੱਲੀ ਜਲ ਬੋਰਡ  ਦੇ ਮੀਤ ਪ੍ਰਧਾਨ ਰਾਘਵ ਚੱਢਾ ਨੇ ਸੰਭਾਵਿਤ ਪਾਣੀ ਸੰਕਟ ਲਈ ਹਰਿਆਣਾ ਨੂੰ ਜ਼ਿੰਮੇਵਾਰ ਠਹਿਰਾਇਆ। ਉਸਨੇ ਦੋਸ਼ ਲਾਇਆ ਕਿ ਗੁਆਂਢੀ ਰਾਜ ਯਮੁਨਾ ਵਿੱਚ ਗੰਦਾ ਪਾਣੀ ਛੱਡ ਰਿਹਾ ਹੈ, ਜਿਸ ਕਾਰਨ ਨਦੀ ਵਿੱਚ ਨੁਕਸਾਨਦੇਹ ਅਮੋਨੀਆ ਦਾ ਪੱਧਰ ਵੱਧ ਰਿਹਾ ਹੈ। ਅਜਿਹੀ ਸਥਿਤੀ ਵਿੱਚ, ਦਿੱਲੀ ਦੇ ਟਰੀਟਮੈਂਟ ਪਲਾਂਟ ਨੂੰ ਪਾਣੀ ਪੀਣ ਯੋਗ ਅਤੇ ਵਰਤੋਂ ਯੋਗ ਬਣਾਉਣ ਵਿੱਚ ਬਹੁਤ ਸਾਰੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਰਾਘਵ ਨੇ ਦੱਸਿਆ ਕਿ ਦਿੱਲੀ 'ਚ ਫਿਰ ਵੀ ਪਾਣੀ ਘੱਟ ਮਿਲ ਰਿਹਾ ਹੈ। ਜੋ ਪਾਣੀ ਪ੍ਰਾਪਤ ਕੀਤਾ ਜਾ ਰਿਹਾ ਹੈ ਉਹ ਅਮੋਨੀਆ ਮਿਲਾਇਆ ਹੋਇਆ ਹੈ। ਜੇ ਉਨ੍ਹਾਂ ਦੀ ਮੰਨੀਏ ਤਾਂ ਇਸ ਦੇ ਕਾਰਨ ਵਾਟਰ ਟਰੀਟਮੈਂਟ ਪਲਾਂਟ ਵਿੱਚ ਅਕਸਰ ਮੁਸ਼ਕਲਾਂ ਆਉਂਦੀਆਂ ਹਨ ਅਤੇ ਕਈ ਵਾਰ ਪਲਾਂਟ ਬੰਦ ਕਰਨਾ ਪੈਂਦਾ ਹੈ।