ਮੋਦੀ ਨੂੰ ਟੱਕਰਣ ਵਾਲੇ ਨੌਜਵਾਨ 'ਤੇ ਫੇਸਬੁੱਕ ਦੀ 'ਧੱਕੇਸ਼ਾਹੀ', ਫਿਰ ਮੰਗੀ ਮੁਆਫ਼ੀ

ਚੰਡੀਗੜ੍ਹ: ਭਾਰਤੀ ਜਨਤਾ ਪਾਰਟੀ ਤੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੇ ਵੱਡੇ ਆਲੋਚਕ, ਆਜ਼ਾਦ ਪੱਤਰਕਾਰ ਤੇ ਨੌਜਵਾਨ ਯੂਟਿਊਬਰ ਧਰੁਵ ਰਾਠੀ ਦੀ ਹਾਲ ਹੀ ਵਿੱਚ ਫੇਸਬੁੱਕ ਨਾਲ ਖੜਕ ਗਈ। ਫੇਸਬੁੱਕ ਨੇ ਰਾਠੀ ਨੂੰ 30 ਦਿਨਾਂ ਲਈ ਬਲਾਕ ਕਰ ਦਿੱਤਾ, ਪਰ ਇਸ ਦੀ ਸ਼ਿਕਾਇਤ ਕਰਨ 'ਤੇ ਕੰਪਨੀ ਨੂੰ ਆਪਣੀ ਗ਼ਲਤੀ ਸੁਧਾਰਨੀ ਪਈ।

Today, @Facebook banned my account for 30 days. What a coincidence that elections are 30 days away also and what a coincidence that my engagement rates are one of the biggest in India, competing with BJP’s top propganda pages, including Modi’s official page. pic.twitter.com/aVECxhT4NE

— Dhruv Rathee (@dhruv_rathee) March 17, 2019

ਰਾਠੀ ਨੇ ਆਪਣੇ ਟਵਿੱਟਰ ਖਾਤੇ ਰਾਹੀਂ ਦੱਸਿਆ ਕਿ ਉਸ ਨੂੰ ਫੇਸਬੁੱਕ ਨੇ ਹਿਟਲਰ ਸਬੰਧੀ ਕੁਝ ਸਮੱਗਰੀ ਪਾਉਣ 'ਤੇ 30 ਦਿਨਾਂ ਲਈ ਬਲਾਕ ਕਰ ਦਿੱਤਾ। ਉਸ ਨੇ ਦੱਸਿਆ ਕਿ ਇਹ ਸਮੱਗਰੀ ਉਸ ਨੇ ਆਨਲਾਈਨ ਗਿਆਨ ਭੰਡਾਰ ਬ੍ਰਿਟੇਨਿਕਾ ਤੋਂ ਲਈ ਸੀ। ਰਾਠੀ ਨੇ ਦੱਸਿਆ ਕਿ ਉਸ ਦੀ ਪੋਸਟ ਵਿੱਚ ਫੇਸਬੁੱਕ ਕੁਝ ਸਤਰਾਂ ਲਾਲ ਰੰਗ ਵਿੱਚ ਦਰਸਾਈਆਂ ਸਨ ਤੇ ਕਿਹਾ ਸੀ ਕਿ ਇਹ ਉਨ੍ਹਾਂ ਦੇ ਮਿਆਰ ਦੇ ਮੁਤਾਬਕ ਨਹੀਂ ਹਨ।

Thanks a lot for your support guys! Just opened Facebook and they have restored my account and removed the block. Also, thank you @facebook for the prompt action and admitting the mistake! 🙏 pic.twitter.com/yueIuzqxTv

— Dhruv Rathee (@dhruv_rathee) March 18, 2019

ਆਜ਼ਾਦ ਪੱਤਰਕਾਰ ਨੇ ਫੇਸਬੁੱਕ ਨੂੰ ਆਪਣੀ ਸ਼ਿਕਾਇਤ ਭੇਜੀ ਤਾਂ ਕੰਪਨੀ ਨੇ ਉਸ ਦੀ ਸ਼ਿਕਾਇਤ ਦੀ ਪੜਚੋਲ ਕਰਦਿਆਂ ਉਸ ਦਾ ਖਾਤਾ ਛੇ ਘੰਟਿਆਂ ਦੇ ਅੰਦਰ ਅੰਦਰ ਮੁੜ ਚਾਲੂ ਕਰ ਦਿੱਤਾ। ਫੇਸਬੁੱਕ ਨੇ ਆਪਣੀ ਗ਼ਲਤੀ ਵੀ ਸਵੀਕਾਰੀ। ਜ਼ਿਕਰਯੋਗ ਹੈ ਕਿ ਧਰੁਵ ਰਾਠੀ ਨਾਲ ਯੂਟਿਊਬ 'ਤੇ 17 ਲੱਖ ਤੇ ਫੇਸਬੁੱਕ 'ਤੇ 5.5 ਲੱਖ ਲੋਕ ਜੁੜੇ ਹੋਏ ਹਨ। ਉਸ ਨੂੰ ਬੀਜੇਪੀ ਤੇ ਮੋਦੀ ਸਰਕਾਰ ਦਾ ਪ੍ਰਮੁੱਖ ਆਲੋਚਕ ਸਮਝਿਆ ਜਾਂਦਾ ਹੈ, ਇਸੇ ਕਾਰਨ ਉਸ ਦੀਆਂ ਵੀਡੀਓਜ਼ ਜਲਦ ਹੀ ਵਾਇਰਲ ਹੋ ਜਾਂਦੀਆਂ ਹਨ।