CONGRESS ਨੂੰ ਸਦਮਾ, ਸੀਨੀਅਰ ਲੀਡਰ ਚਾਂਡੀ ਦਾ ਦੇਹਾਂਤ, 27 ਸਾਲ ਦੀ ਉਮਰ 'ਚ ਵਿਧਾਇਕ ਬਣੇ, 11 ਵਾਰ ਲਗਾਤਾਰ ਚੋਣ ਜਿੱਤੇ
Oommen Chandy Death : ਓਮਨ ਚਾਂਡੀ 2004-06 ਅਤੇ 2011-16 ਤੱਕ ਦੋ ਵਾਰ ਕੇਰਲ ਦੇ ਮੁੱਖ ਮੰਤਰੀ ਰਹੇ। ਸੀਨੀਅਰ ਕਾਂਗਰਸੀ ਆਗੂ ਨੇ 27 ਸਾਲ ਦੀ ਉਮਰ ਵਿੱਚ 1970 ਦੀਆਂ ਵਿਧਾਨ ਸਭਾ ਚੋਣਾਂ ਜਿੱਤ ਕੇ ਵਿਧਾਇਕ ਵਜੋਂ ਆਪਣਾ ਕਾਰਜਕਾਲ ਸ਼ੁਰੂ ਕੀਤਾ
Oommen Chandy Death: ਕੇਰਲ ਦੇ ਸਾਬਕਾ ਮੁੱਖ ਮੰਤਰੀ ਤੇ ਕਾਂਗਰਸ ਦੇ ਸੀਨੀਅਰ ਨੇਤਾ ਓਮਨ ਚਾਂਡੀ ਦਾ ਅੱਜ 18 ਜੁਲਾਈ ਨੂੰ ਦਿਹਾਂਤ ਹੋ ਗਿਆ। ਉਨ੍ਹਾਂ ਨੂੰ ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨਾਲ ਭਾਰਤ ਜੋੜੋ ਯਾਤਰਾ 'ਚ ਵੀ ਦੇਖਿਆ ਗਿਆ ਸੀ। ਕੇਰਲ ਕਾਂਗਰਸ ਪ੍ਰਧਾਨ ਕੇ ਸੁਧਾਕਰਨ ਤੇ ਚਾਂਡੀ ਦੇ ਰਿਸ਼ਤੇਦਾਰਾਂ ਨੇ ਮੰਗਲਵਾਰ ਨੂੰ ਉਨ੍ਹਾਂ ਦੀ ਮੌਤ ਦੀ ਜਾਣਕਾਰੀ ਸਾਂਝੀ ਕੀਤੀ। ਓਮਨ ਚਾਂਡੀ, ਜਿਨ੍ਹਾਂ ਨੂੰ ਕਾਂਗਰਸ ਦੇ ਸੀਨੀਅਰ ਨੇਤਾ ਕਿਹਾ ਜਾਂਦਾ ਸੀ, 79 ਸਾਲਾਂ ਦੇ ਸਨ।
ਕੇ ਸੁਧਾਕਰਨ ਨੇ ਟਵੀਟ ਕੀਤਾ, "ਪ੍ਰੇਮ ਦੀ ਤਾਕਤ ਨਾਲ ਦੁਨੀਆ ਨੂੰ ਜਿੱਤਣ ਵਾਲੇ ਰਾਜੇ ਦੀ ਕਹਾਣੀ ਦਾ ਅੰਤ ਇੱਕ ਦਰਦਨਾਕ ਹੈ।" ਅੱਜ, ਮੈਂ ਇੱਕ ਮਹਾਨ, ਓਮਨ ਚਾਂਡੀ ਦੇ ਦੇਹਾਂਤ ਤੋਂ ਬਹੁਤ ਦੁਖੀ ਹਾਂ। ਉਸ ਨੇ ਅਣਗਿਣਤ ਵਿਅਕਤੀਆਂ ਦੇ ਜੀਵਨ ਨੂੰ ਛੂਹਿਆ ਤੇ ਉਸ ਦੀ ਵਿਰਾਸਤ ਹਮੇਸ਼ਾ ਸਾਡੀ ਰੂਹ ਵਿੱਚ ਗੂੰਜਦੀ ਰਹੇਗੀ।"
ਪੁੱਤਰ ਨੇ ਮੌਤ ਦੀ ਸੂਚਨਾ ਦਿੱਤੀ
ਉਨ੍ਹਾਂ ਦੇ ਪੁੱਤਰ ਨੇ ਸੀਨੀਅਰ ਕਾਂਗਰਸੀ ਆਗੂ ਦੀ ਮੌਤ ਦੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਓਮਨ ਚਾਂਡੀ ਦੇ ਫੇਸਬੁੱਕ ਪੇਜ 'ਤੇ ਲਿਖਿਆ ਕਿ ਅੱਪਾ ਨਹੀਂ ਰਹੇ। ਦੋ ਵਾਰ ਕੇਰਲ ਦੇ ਮੁੱਖ ਮੰਤਰੀ ਰਹਿ ਚੁੱਕੇ ਓਮਨ ਚਾਂਡੀ ਨੇ ਮੰਗਲਵਾਰ ਨੂੰ ਬੈਂਗਲੁਰੂ ਵਿੱਚ ਆਖਰੀ ਸਾਹ ਲਿਆ। ਜਾਣਕਾਰੀ ਮੁਤਾਬਕ ਚਾਂਡੀ ਲੰਬੇ ਸਮੇਂ ਤੋਂ ਬਿਮਾਰ ਸਨ ਤੇ ਉਨ੍ਹਾਂ ਦਾ ਬੈਂਗਲੁਰੂ ਦੇ ਇਕ ਹਸਪਤਾਲ 'ਚ ਇਲਾਜ ਚੱਲ ਰਿਹਾ ਸੀ।
ਕੌਣ ਸਨ ਓਮਨ ਚਾਂਡੀ ?
ਓਮਨ ਚਾਂਡੀ 2004-06 ਅਤੇ 2011-16 ਤੱਕ ਦੋ ਵਾਰ ਕੇਰਲ ਦੇ ਮੁੱਖ ਮੰਤਰੀ ਰਹੇ। ਸੀਨੀਅਰ ਕਾਂਗਰਸੀ ਆਗੂ ਨੇ 27 ਸਾਲ ਦੀ ਉਮਰ ਵਿੱਚ 1970 ਦੀਆਂ ਵਿਧਾਨ ਸਭਾ ਚੋਣਾਂ ਜਿੱਤ ਕੇ ਵਿਧਾਇਕ ਵਜੋਂ ਆਪਣਾ ਕਾਰਜਕਾਲ ਸ਼ੁਰੂ ਕੀਤਾ ਸੀ। ਬਾਅਦ ਵਿਚ ਲਗਾਤਾਰ 11 ਚੋਣਾਂ ਜਿੱਤੀਆਂ ਸਨ। ਚਾਂਡੀ ਨੇ ਪਿਛਲੇ ਪੰਜ ਦਹਾਕਿਆਂ ਵਿੱਚ ਸਿਰਫ਼ ਆਪਣੇ ਗ੍ਰਹਿ ਹਲਕੇ ਪੁਥੁਪੱਲੀ ਦੀ ਹੀ ਨੁਮਾਇੰਦਗੀ ਕੀਤੀ ਹੈ।
2022 ਵਿੱਚ, ਉਹ 18,728 ਦਿਨਾਂ ਲਈ ਸਦਨ ਵਿੱਚ ਪੁਥੁਪੱਲੀ ਦੀ ਨੁਮਾਇੰਦਗੀ ਕਰਕੇ ਰਾਜ ਵਿਧਾਨ ਸਭਾ ਦੇ ਸਭ ਤੋਂ ਲੰਬੇ ਸਮੇਂ ਤੱਕ ਸੇਵਾ ਕਰਨ ਵਾਲੇ ਮੈਂਬਰ ਬਣੇ। ਉਹਨਾਂ ਨੇ ਕੇਰਲ ਕਾਂਗਰਸ (ਐਮ) ਦੇ ਸਾਬਕਾ ਸੁਪਰੀਮੋ ਮਰਹੂਮ ਕੇਐਮ ਮਨੀ ਦੇ ਰਿਕਾਰਡ ਨੂੰ ਪਿੱਛੇ ਛੱਡ ਦਿੱਤਾ। ਆਪਣੀ ਸਿਆਸੀ ਪਾਰੀ ਦੌਰਾਨ, ਚਾਂਡੀ ਨੇ ਵੱਖ-ਵੱਖ ਮੰਤਰੀ ਮੰਡਲਾਂ ਵਿੱਚ ਚਾਰ ਵਾਰ ਮੰਤਰੀ ਅਤੇ ਰਾਜ ਵਿਧਾਨ ਸਭਾ ਵਿੱਚ ਵਿਰੋਧੀ ਧਿਰ ਦੇ ਨੇਤਾ ਵਜੋਂ ਚਾਰ ਵਾਰ ਸੇਵਾ ਕੀਤੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
