G20 Summit: 'ਦੁਨੀਆ ਭਰ 'ਚ ਭਾਰਤ ਰਸਪੈਕਟੇਡ ਅਤੇ ਚੀਨ ਸਸਪੈਕਟੇਡ', AU ਦੇ G20 'ਚ ਸ਼ਾਮਲ ਹੋਣ 'ਤੇ ਬੋਲੇ ਸਾਬਕਾ ਡਿਪਲੋਮੈਟ
G20 Summit 2023: 'ਏਬੀਪੀ ਨਿਊਜ਼' ਨਾਲ ਗੱਲਬਾਤ ਕਰਦਿਆਂ ਸਾਬਕਾ ਡਿਪਲੋਮੈਟ ਦੀਪਕ ਵੋਹਰਾ ਨੇ ਕਿਹਾ ਕਿ ਭਾਰਤ ਨੂੰ ਪੂਰੀ ਦੁਨੀਆ 'ਚ ਸਨਮਾਨ ਮਿਲ ਰਿਹਾ ਹੈ, ਜਦਕਿ ਚੀਨ ਨੂੰ ਸ਼ੱਕ ਦੀ ਨਜ਼ਰ ਨਾਲ ਦੇਖਿਆ ਜਾ ਰਿਹਾ ਹੈ।
G20 Summit Delhi: ਜੀ-20 ਸੰਮੇਲਨ ਵਿੱਚ ਅਫਰੀਕੀ ਸੰਘ (ਏ.ਯੂ.) ਨੂੰ ਜੀ-20 ਦੀ ਸਥਾਈ ਮੈਂਬਰਸ਼ਿਪ ਮਿਲ ਗਈ ਹੈ। ਇਸ ਦੇ ਨਾਲ ਹੀ ਅਫਰੀਕੀ ਸੰਘ ਸ਼ਨੀਵਾਰ (9 ਸਤੰਬਰ) ਨੂੰ ਦੁਨੀਆ ਦੀਆਂ ਸਭ ਤੋਂ ਵੱਡੀਆਂ ਅਰਥਵਿਵਸਥਾਵਾਂ ਵਾਲੇ ਦੇਸ਼ਾਂ ਦੇ ਸਮੂਹ ਜੀ-20 ਦਾ ਸਥਾਈ ਮੈਂਬਰ ਬਣ ਗਿਆ। ਇਸ ਬਾਰੇ ਸਾਬਕਾ ਡਿਪਲੋਮੈਟ ਦੀਪਕ ਵੋਹਰਾ ਦਾ ਕਹਿਣਾ ਹੈ ਕਿ ਅਫਰੀਕਾ ਨੇ ਭਾਰਤ ਨੂੰ ਆਪਣਾ ਰੋਲ ਮਾਡਲ ਚੁਣਿਆ ਹੈ।
'ਏਬੀਪੀ ਨਿਊਜ਼' ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਚੀਨ ਨਿਵੇਸ਼ ਨਹੀਂ ਕਰਦਾ ਸਗੋਂ ਲੋਨ ਦਿੰਦਾ ਹੈ। ਚੀਨ ਅਫਰੀਕੀ ਦੇਸ਼ਾਂ ਨੂੰ ਰੇਲਵੇ ਲਾਈਨਾਂ ਆਦਿ ਬਣਾਉਣ ਲਈ ਲੋਨ ਦਿੰਦਾ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ ਹੁਣ ਪੂਰੀ ਦੁਨੀਆ ਵਿੱਚ ਭਾਰਤ ਰਸਪੈਕਟੇਡ ਅਤੇ ਚੀਨ ਸਸਪੈਕਟੇਡ ਹੋ ਰਿਹਾ ਹੈ।
ਸਾਬਕਾ ਡਿਪਲੋਮੈਟ ਨੇ ਯਾਦ ਦਿਵਾਇਆ ਪੁਰਾਣਾ ਕਿੱਸਾ
ਸਾਬਕਾ ਡਿਪਲੋਮੈਟ ਨੇ ਅੱਗੇ ਕਿਹਾ ਕਿ 1960 ਵਿੱਚ ਸਾਡੇ ਕੋਲ ਅਨਾਜ ਨਹੀਂ ਸੀ ਅਤੇ ਇੰਦਰਾ ਗਾਂਧੀ ਅਨਾਜ ਮੰਗਣ ਗਈ ਸੀ, ਅਸੀਂ ਦੁਨੀਆ ਦੇ ਸਭ ਤੋਂ ਵੱਡੇ ਬਰਾਮਦਕਾਰ ਸੀ। ਕਿਹਾ ਗਿਆ ਸੀ ਕਿ ਸੋਮਵਾਰ ਨੂੰ ਖਾਣਾ ਨਾ ਖਾਓ। ਉਨ੍ਹਾਂ ਕਿਹਾ, "ਮੈਂ ਖ਼ੁਦ 52 ਦਿਨ ਭੁੱਖਾ ਸੁੱਤਾ ਸੀ। ਹਾਲਾਂਕਿ ਅਜਿਹਾ ਨਹੀਂ ਸੀ ਕਿ ਸਾਡੇ ਕੋਲ ਪੈਸੇ ਨਹੀਂ ਸਨ, ਸਗੋਂ ਦੇਸ਼ ਦੀ ਪੁਕਾਰ ਸੀ।"
ਇਹ ਵੀ ਪੜ੍ਹੋ: G 20 Summit 2023: ਰਿਸ਼ੀ ਸੁਨਕ ਪਤਨੀ ਅਕਸ਼ਾ ਮੂਰਤੀ ਨਾਲ ਜਾਣਗੇ ਅਕਸ਼ਰਧਾਮ ਮੰਦਰ, ਇਹ ਹੈ ਸਮਾਂ-ਸਾਰਣੀ
ਭਾਰਤ ਦੀ ਜੀਡੀਪੀ ਸਭ ਤੋਂ ਹੇਠਾਂ - ਸਾਬਕਾ ਡਿਪਲੋਮੈਟ ਐਸ.ਡੀ. ਮੁਨੀ
ਉੱਥੇ ਹੀ ਸਾਬਕਾ ਡਿਪਲੋਮੈਟ ਐਸਡੀ ਮੁਨੀ ਨੇ ਕਿਹਾ ਕਿ ਜਦੋਂ ਤੱਕ ਦੇਸ਼ ਵਿੱਚ ਸਮਾਨਤਾ ਅਤੇ ਏਕਤਾ ਨਹੀਂ ਹੋਵੇਗੀ, ਅਸੀਂ ਕਦੇ ਵੀ ਮਹਾਂਸ਼ਕਤੀ ਨਹੀਂ ਬਣ ਸਕਾਂਗੇ। ਉਨ੍ਹਾਂ ਕਿਹਾ ਕਿ ਭਾਰਤ ਦੀ ਜੀਡੀਪੀ ਸਭ ਤੋਂ ਹੇਠਲੇ ਪੱਧਰ 'ਤੇ ਹੈ। ਇਸ ਤੋਂ ਇਲਾਵਾ ਮਹਾਂਸ਼ਕਤੀ ਬਣਨ ਲਈ ਜ਼ਰੂਰੀ ਹੈ ਕਿ ਸੋਸਾਇਟੀ ਅਤੇ ਸਮਾਨਤਾ ਦੇ ਫਰੰਟ ‘ਤੇ ਅਸੀਂ ਕੰਮ ਨਹੀਂ ਕਰਾਂਗੇ, ਤਾਂ ਵੱਡੀ ਸ਼ਕਤੀ ਨਹੀਂ ਬਣ ਸਕਾਂਗੇ।
'ਲੋਕਤੰਤਰ 'ਤੇ ਨਾ ਹੋ ਕੋਈ ਦਬਾਅ'
ਸਾਬਕਾ ਡਿਪਲੋਮੈਟ ਨੇ ਕਿਹਾ ਕਿ ਇਸ ਵਿਚ ਕੋਈ ਸ਼ੱਕ ਨਹੀਂ ਕਿ ਲੋਕਤੰਤਰ 'ਤੇ ਕੋਈ ਦਬਾਅ ਨਹੀਂ ਹੋਣਾ ਚਾਹੀਦਾ ਅਤੇ ਅਮਰੀਕਾ ਵਰਗੇ ਦੋਸਤ ਵੀ ਤੁਹਾਨੂੰ ਵਾਰ-ਵਾਰ ਯਾਦ ਕਰਾਉਂਦੇ ਹਨ ਕਿ ਲੋਕਤੰਤਰ 'ਚ ਕਿਸੇ ਤਰ੍ਹਾਂ ਦਾ ਦਬਾਅ ਨਹੀਂ ਹੋਣਾ ਚਾਹੀਦਾ।
ਇਹ ਵੀ ਪੜ੍ਹੋ: ABP C Voter Survey: ਕੀ G20 ਸਿਖਰ ਸੰਮੇਲਨ ਨਾਲ ਭਾਰਤੀਆਂ ਨੂੰ ਹੋਵੇਗਾ ਫ਼ਾਇਦਾ? ਸਰਵੇ 'ਚ ਸਾਹਮਣੇ ਆਈ ਹੈਰਾਨ ਕਰ ਦੇਣ ਵਾਲੀ ਗੱਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
