G20 ਵਰਚੁਅਲ ਕਾਨਫਰੰਸ 'ਚ Deepfake ਨੂੰ ਲੈ PM ਮੋਦੀ ਨੇ ਜਤਾਈ ਚਿੰਤਾ, ਹਮਾਸ ਵੱਲੋਂ ਰਿਹਾਅ ਕੀਤੇ ਬੰਧਕਾਂ ਤੇ ਕਹੀ ਇਹ ਗੱਲ

PM Modi Speech In G20 Virtual Summit: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਜੀ-20 ਵਰਚੁਅਲ ਸਿਖਰ ਸੰਮੇਲਨ 'ਚ ਕਈ ਮੁੱਦਿਆਂ 'ਤੇ ਚਰਚਾ ਕੀਤੀ। ਉਨ੍ਹਾਂ ਕਿਹਾ, "ਪੂਰੀ ਦੁਨੀਆ ਏਆਈ ਦੀ ਨਕਾਰਾਤਮਕ ਵਰਤੋਂ ਨੂੰ ਲੈ ਕੇ ਚਿੰਤਾ

PM Modi Speech In G20 Virtual Summit

PM Modi Speech In G20 Virtual Summit: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਜੀ-20 ਵਰਚੁਅਲ ਸਿਖਰ ਸੰਮੇਲਨ 'ਚ ਕਈ ਮੁੱਦਿਆਂ 'ਤੇ ਚਰਚਾ ਕੀਤੀ। ਉਨ੍ਹਾਂ ਕਿਹਾ, "ਪੂਰੀ ਦੁਨੀਆ ਏਆਈ ਦੀ ਨਕਾਰਾਤਮਕ ਵਰਤੋਂ ਨੂੰ ਲੈ ਕੇ ਚਿੰਤਾ ਵਧ ਰਹੀ ਹੈ। ਭਾਰਤ ਦਾ ਸਪੱਸ਼ਟ ਵਿਚਾਰ ਹੈ ਕਿ ਏਆਈ ਦੇ ਗਲੋਬਲ ਰੈਗੂਲੇਸ਼ਨ ਨੂੰ ਲੈ ਕੇ ਸਾਨੂੰ ਮਿਲ ਕੰਮ ਕਰਨਾ ਚਾਹੀਦਾ ਹੈ।"

ਉਨ੍ਹਾਂ ਕਿਹਾ, "ਡੀਪਫੇਕ ਸਮਾਜ ਅਤੇ ਵਿਅਕਤੀਆਂ ਲਈ ਕਿੰਨਾ ਖਤਰਨਾਕ ਹੈ, ਇਸ ਦੀ ਗੰਭੀਰਤਾ ਨੂੰ ਸਮਝਦੇ ਹੋਏ, ਸਾਨੂੰ ਅੱਗੇ ਵਧਣਾ ਹੋਵੇਗਾ।" ਅਗਲੇ ਮਹੀਨੇ ਭਾਰਤ ਵਿੱਚ ਗਲੋਬਲ ਏਆਈ ਪਾਰਟਨਰਸ਼ਿਪ ਸਮਿਟ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ, ਮੈਨੂੰ ਉਮੀਦ ਹੈ ਕਿ ਤੁਸੀਂ ਸਾਰੇ ਇਸ ਵਿੱਚ ਵੀ ਸਹਿਯੋਗ ਕਰੋਗੇ।

ਗਲੋਬਲ ਸਾਊਥ ਨੂੰ ਪਹਿਲ ਦੇਣੀ ਪਵੇਗੀ- ਪ੍ਰਧਾਨ ਮੰਤਰੀ

ਇਸ ਸਿਖਰ ਸੰਮੇਲਨ ਨੂੰ ਸੰਬੋਧਿਤ ਕਰਦੇ ਹੋਏ ਪੀਐਮ ਮੋਦੀ ਨੇ ਕਿਹਾ, "21ਵੀਂ ਸਦੀ ਦੀ ਦੁਨੀਆ ਨੂੰ ਅੱਗੇ ਵਧਦੇ ਹੋਏ ਗਲੋਬਲ ਸਾਊਥ ਨੂੰ ਪਹਿਲ ਦੇਣੀ ਹੋਵੇਗੀ। ਗਲੋਬਲ ਸਾਊਥ ਦੇ ਦੇਸ਼ ਕਈ ਅਜਿਹੀਆਂ ਮੁਸ਼ਕਿਲਾਂ 'ਚੋਂ ਗੁਜ਼ਰ ਰਹੇ ਹਨ, ਜਿਸ ਲਈ ਉਹ ਜ਼ਿੰਮੇਵਾਰ ਨਹੀਂ ਹਨ। ਸਮੇਂ ਦੀ ਲੋੜ ਹੈ ਕਿ ਅਸੀਂ ਵਿਕਾਸ ਦੇ ਏਜੰਡੇ ਨੂੰ ਪੂਰਾ ਸਮਰਥਨ ਦੇਈਏ।"

ਬੰਧਕਾਂ ਦੀ ਰਿਹਾਈ ਦਾ ਪੀਐਮ ਮੋਦੀ ਨੇ ਸਵਾਗਤ ਕੀਤਾ

ਪ੍ਰਧਾਨ ਮੰਤਰੀ ਨੇ ਅੱਗੇ ਕਿਹਾ, "ਸਾਡਾ ਮੰਨਣਾ ਹੈ ਕਿ ਅੱਤਵਾਦ ਸਾਡੇ ਸਾਰਿਆਂ ਲਈ ਅਸਵੀਕਾਰਨਯੋਗ ਹੈ। ਨਾਗਰਿਕਾਂ ਦੀ ਮੌਤ ਕਿਤੇ ਵੀ ਹੋਵੇ, ਨਿੰਦਣਯੋਗ ਹੈ। ਅਸੀਂ ਅੱਜ ਬੰਧਕਾਂ ਦੀ ਰਿਹਾਈ ਦੀ ਖਬਰ ਦਾ ਸਵਾਗਤ ਕਰਦੇ ਹਾਂ। ਮਾਨਵਤਾਵਾਦੀ ਸਹਾਇਤਾ ਦਾ ਸਮੇਂ ਸਿਰ ਅਤੇ ਨਿਰੰਤਰ ਸਪੁਰਦਗੀ ਨੂੰ ਯਕੀਨੀ ਬਣਾਉਣਾ ਜ਼ਰੂਰੀ ਹੈ। ਇਹ ਯਕੀਨੀ ਬਣਾਉਣਾ ਵੀ ਮਹੱਤਵਪੂਰਨ ਹੈ ਕਿ ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਜੰਗ ਕਿਸੇ ਤਰ੍ਹਾਂ ਦਾ ਖੇਤਰੀ ਰੂਪ ਨਾ ਲੈ ਲਵੇ।"

G20 ਵਿੱਚ ਅਫਰੀਕੀ ਸੰਘ ਦਾ ਜ਼ਿਕਰ ਕੀਤਾ ਗਿਆ 

ਪੀਐਮ ਮੋਦੀ ਨੇ ਅੱਗੇ ਕਿਹਾ, "ਇਸ ਇੱਕ ਸਾਲ ਵਿੱਚ ਅਸੀਂ ਵਨ ਧਰਤੀ, ਵਨ ਫੈਮਿਲੀ, ਵਨ ਫਿਊਚਰ ਵਿੱਚ ਵਿਸ਼ਵਾਸ ਪ੍ਰਗਟ ਕੀਤਾ ਹੈ ਅਤੇ ਵਿਵਾਦਾਂ ਤੋਂ ਦੂਰ ਰਹਿ ਕੇ ਏਕਤਾ ਅਤੇ ਸਹਿਯੋਗ ਦਿਖਾਇਆ ਹੈ। ਉਸ ਪਲ ਨੂੰ ਮੈਂ ਕਦੇ ਨਹੀਂ ਭੁੱਲ ਸਕਦਾ ਜਦੋਂ ਦਿੱਲੀ ਵਿੱਚ ਅਸੀਂ ਸਾਰਿਆਂ ਨੇ ਸਰਬਸੰਮਤੀ ਨਾਲ "ਜੀ-20 'ਚ ਅਫਰੀਕੀ ਸੰਘ ਦਾ ਸੁਆਗਤ ਕੀਤਾ ਹੈ। G20 ਨੇ ਪੂਰੀ ਦੁਨੀਆ ਨੂੰ ਜੋ ਸਮਾਵੇਸ਼ੀ ਦਾ ਜੋ ਸੰਦੇਸ਼ ਦਿੱਤਾ ਹੈ, ਉਹ ਬੇਮਿਸਾਲ ਹੈ।"