ਗੈਲੇਂਟਰੀ ਐਵਾਰਡਸ ਦਾ ਹੋਇਆ ਐਲਾਨ, ਜੰਮੂ-ਕਸ਼ਮੀਰ ਪੁਲਿਸ ਨੇ ਮੱਲਿਆ ਪਹਿਲਾ ਸਥਾਨ

ਉੱਤਮ ਸੇਵਾਵਾਂ ਨਿਭਾਉਣ ਵਾਲੇ ਪੁਲਿਸ ਕਰਮੀਆਂ ਨੂੰ ਆਜ਼ਾਦੀ ਦਿਹਾੜੇ ਮੌਕੇ ਸਨਮਾਨਤ ਕੀਤਾ ਜਾਵੇਗਾ। ਗ੍ਰਹਿ ਮੰਤਰਾਲੇ ਨੇ ਸ਼ੁੱਕਰਵਾਰ ਨਾਵਾਂ ਦਾ ਐਲਾਨ ਕਰ ਦਿੱਤਾ। ਯੂਪੀ ਤੋਂ 23 ਪੁਲਿਸ ਕਰਮੀਆਂ ਨੂੰ ਗੈਲੇਂਟਰੀ ਐਵਾਰਡ, ਛੇ ਨੂੰ ਰਾਸ਼ਟਰਪਤੀ ਐਵਾਰਡ ਤੇ 4 ਪੁਲਿਸ ਕਰਮੀਆਂ ਨੂੰ ਉੱਤਮ ਸੇਵਾਵਾਂ ਲਈ ਸਨਮਾਨਤ ਕੀਤਾ ਜਾਵੇਗਾ।

ਨਵੀਂ ਦਿੱਲੀ: ਗੈਲੇਂਟਰੀ ਐਵਾਰਡਸ ਯਾਨੀ ਦੇਸ਼ ਦੇ ਬਹਾਦਰੀ ਪੁਰਸਕਾਰਾਂ ਦਾ ਐਲਾਨ ਹੋ ਗਿਆ ਹੈ। ਇਸ 'ਚ ਜੰਮੂ-ਕਸ਼ਮੀਰ ਪੁਲਿਸ ਨੇ ਆਪਣਾ ਰੁਤਬਾ ਦਿਖਾਇਆ ਹੈ। ਗੈਲੇਂਟਰੀ ਐਵਾਰਡਸ ਦੀ ਲਿਸਟ 'ਚ ਜੰਮੂ-ਕਸ਼ਮੀਰ ਪੁਲਿਸ ਪਹਿਲੇ ਸਥਾਨ 'ਤੇ ਆਈ ਹੈ। ਦੂਜੇ ਸਥਾਨ 'ਤੇ ਜੀਆਰਪੀਐਫ ਨੇ ਕਬਜ਼ਾ ਕੀਤਾ ਹੈ। ਤੀਜਾ ਸਥਾਨ ਉੱਤਰ ਪ੍ਰਦੇਸ਼ ਪੁਲਿਸ ਨੂੰ ਮਿਲਿਆ ਹੈ।

ਉੱਤਮ ਸੇਵਾਵਾਂ ਨਿਭਾਉਣ ਵਾਲੇ ਪੁਲਿਸ ਕਰਮੀਆਂ ਨੂੰ ਆਜ਼ਾਦੀ ਦਿਹਾੜੇ ਮੌਕੇ ਸਨਮਾਨਤ ਕੀਤਾ ਜਾਵੇਗਾ। ਗ੍ਰਹਿ ਮੰਤਰਾਲੇ ਨੇ ਸ਼ੁੱਕਰਵਾਰ ਨਾਵਾਂ ਦਾ ਐਲਾਨ ਕਰ ਦਿੱਤਾ। ਯੂਪੀ ਤੋਂ 23 ਪੁਲਿਸ ਕਰਮੀਆਂ ਨੂੰ ਗੈਲੇਂਟਰੀ ਐਵਾਰਡ, ਛੇ ਨੂੰ ਰਾਸ਼ਟਰਪਤੀ ਐਵਾਰਡ ਤੇ 4 ਪੁਲਿਸ ਕਰਮੀਆਂ ਨੂੰ ਉੱਤਮ ਸੇਵਾਵਾਂ ਲਈ ਸਨਮਾਨਤ ਕੀਤਾ ਜਾਵੇਗਾ।

ਉੱਤਰਾਖੰਡ ਤੋਂ ਚਾਰ ਪੁਲਿਸ ਕਰਮੀਆਂ ਨੂੰ ਮੈਰੀਟੋਰੀਅਸ ਐਵਾਰਡ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ ਏਡੀਜੀ ਲਾਅ ਐਂਡ ਆਰਡਰ ਪ੍ਰਸ਼ਾਂਤ ਕੁਮਾਰ ਨੂੰ ਪੁਲਿਸ ਗੈਲੇਂਟਰੀ ਮੈਡਲ ਨਾਲ ਸਨਮਾਨਤ ਕੀਤਾ ਜਾਵੇਗਾ।

Ministry of Home Affairs announces list of medal awardees to the police personnel on #IndependenceDay 2020. Total 215 personnel get Police Medal for Gallantry (PMG), 80 awarded with President's police medal for distinguished service (PPM) & 631 for medal for meritorious service. pic.twitter.com/Fd4ay3tde5

— ANI (@ANI) August 14, 2020

ਗ੍ਰਹਿ ਮੰਤਰਾਲੇ ਨੇ ਗੈਲੇਂਟਰੀ ਅਤੇ ਸਰਵਿਸ ਐਵਾਰਡ ਦੀ ਸੂਚੀ ਕੱਢੀ ਹੈ। ਜਿਸ 'ਚ ਪਹਿਲੇ ਸਥਾਨ 'ਤੇ ਆਈ ਜੰਮੂ-ਕਸ਼ਮੀਰ ਪੁਲਿਸ ਨੂੰ 81 ਮੈਡਲ ਮਿਲੇ ਅਤੇ ਦੂਜੇ ਸਥਾਨ 'ਤੇ ਆਈ ਸੀਆਰਪੀਐਫ ਨੂੰ 55 ਮੈਡਲ ਹਾਸਲ ਹੋਏ ਹਨ। ਤੀਜਾ ਸਥਾਨ ਹਾਸਲ ਕਰਨ ਵਾਲੀ ਉੱਤਰ ਪ੍ਰਦੇਸ਼ ਦੀ ਪੁਲਿਸ ਨੂੰ 23 ਮੈਡਲ ਹਾਸਲ ਹੋਏ ਹਨ।

ਹੋਰ ਸੂਬਿਆਂ ਦੀ ਪੁਲਿਸ ਨੂੰ ਮਿਲੇ ਮੈਡਲ:

ਗ੍ਰਹਿ ਮੰਤਰਾਲੇ ਨੇ ਜੋ ਸੂਚੀ ਕੱਢੀ ਹੈ ਉਸ ਦੇ ਮੁਤਾਬਕ ਝਾਰਖੰਡ ਪੁਲਿਸ ਨੂੰ 24 ਮੈਡਲ ਮਿਲੇ ਹਨ। ਅਸਮ ਪੁਲਿਸ ਨੂੰ 21 ਮੈਡਲ ਮਿਲੇ ਹਨ। ਗੁਜਰਾਤ ਪੁਲਿਸ ਨੂੰ 19 ਮੈਡਲ ਮਿਲੇ ਹਨ। ਕਰਨਾਟਕ ਪੁਲਿਸ ਨੂੰ 18 ਗੈਲੇਂਟਰੀ ਐਵਾਰਡ ਹਾਸਲ ਹੋਏ ਹਨ। ਆਂਧਰਾ ਪ੍ਰਦੇਸ਼ ਪੁਲਿਸ ਨੂੰ 16 ਮੈਡਲ ਮਿਲੇ ਤੇ ਛੱਤੀਸਗੜ੍ਹ ਪੁਲਿਸ ਨੂੰ 14 ਮੈਡਲ ਮਿਲੇ।

ਹਰਿਆਣਾ ਪੁਲਿਸ ਨੂੰ 12 ਮੈਡਲ ਹਾਸਲ ਹੋਏ ਤੇ ਅਰੁਣਾਚਲ ਪ੍ਰਦੇਸ਼ ਅਤੇ ਹਿਮਾਚਲ ਪ੍ਰਦੇਸ਼ ਪੁਲਿਸ ਨੂੰ ਚਾਰ-ਚਾਰ ਮੈਡਲ ਮਿਲੇ ਹਨ। ਗੋਆ ਪੁਲਿਸ ਨੂੰ ਇਕ ਮੈਡਲ ਪ੍ਰਾਪਤ ਹੋਇਆ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ