ਪੜਚੋਲ ਕਰੋ
Advertisement
![ABP Premium](https://cdn.abplive.com/imagebank/Premium-ad-Icon.png)
ਰਾਫੇਲ ਜੈਟਸ 'ਤੇ ਫਿੱਟ ਹੋਏਗੀ ਹੈਮਰ ਮਿਜ਼ਾਈਲ, ਹੁਣ ਦੁਸ਼ਮਣਾਂ ਦੀ ਖੈਰ ਨਹੀਂ!
ਭਾਰਤੀ ਹਵਾਈ ਸੈਨਾ ਰਾਫੇਲ ਲੜਾਕੂ ਜਹਾਜ਼ਾਂ ਨੂੰ ਫਰਾਂਸੀਸੀ ਮਿਜ਼ਾਈਲ ਹੈਮਰ (HAMMER Missile) ਨਾਲ ਲੈਸ ਕਰਨ ਦੀ ਤਿਆਰੀ ਕਰ ਰਹੀ ਹੈ।
![ਰਾਫੇਲ ਜੈਟਸ 'ਤੇ ਫਿੱਟ ਹੋਏਗੀ ਹੈਮਰ ਮਿਜ਼ਾਈਲ, ਹੁਣ ਦੁਸ਼ਮਣਾਂ ਦੀ ਖੈਰ ਨਹੀਂ! Hammer missiles will fit on Raphael Jets ਰਾਫੇਲ ਜੈਟਸ 'ਤੇ ਫਿੱਟ ਹੋਏਗੀ ਹੈਮਰ ਮਿਜ਼ਾਈਲ, ਹੁਣ ਦੁਸ਼ਮਣਾਂ ਦੀ ਖੈਰ ਨਹੀਂ!](https://static.abplive.com/wp-content/uploads/sites/5/2020/07/24221902/HAMMER-Missiles-1.jpg?impolicy=abp_cdn&imwidth=1200&height=675)
ਨਵੀਂ ਦਿੱਲੀ: ਗਲਵਾਨ ਘਾਟੀ ਵਿੱਚ ਚੀਨ ਨਾਲ ਵਧ ਰਹੇ ਤਣਾਅ ਕਾਰਨ ਭਾਰਤ ਆਪਣੀ ਸੈਨਿਕ ਤਾਕਤ ਨੂੰ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। 29 ਜੁਲਾਈ ਨੂੰ ਰਾਫੇਲ ਜਹਾਜ਼ ਦਾ ਪਹਿਲਾ ਜੱਥਾ ਫਰਾਂਸ ਤੋਂ ਭਾਰਤ ਪਹੁੰਚਣਾ ਹੈ। ਇਸ ਦੌਰਾਨ ਇਹ ਵੀ ਖ਼ਬਰ ਮਿਲੀ ਹੈ ਕਿ ਭਾਰਤੀ ਹਵਾਈ ਸੈਨਾ ਰਾਫੇਲ ਲੜਾਕੂ ਜਹਾਜ਼ਾਂ (rafale fighter jets) ਨੂੰ ਫਰਾਂਸੀਸੀ ਮਿਜ਼ਾਈਲ ਹੈਮਰ (HAMMER Missile) ਨਾਲ ਲੈਸ ਕਰਨ ਦੀ ਤਿਆਰੀ ਕਰ ਰਹੀ ਹੈ।
ਇਸ ਤਰ੍ਹਾਂ ਕਰਨ ਨਾਲ ਰਾਫੇਲ ਦੀ ਮਾਰਕ ਸਮਰਥਾ ਹੋਰ ਵਧੇਗੀ। ਮੋਦੀ ਸਰਕਾਰ ਵੱਲੋਂ ਹਥਿਆਰਬੰਦ ਫੌਜਾਂ ਨੂੰ ਦਿੱਤੀ ਗਈ ਖਰੀਦ ਦੀ ਐਮਰਜੈਂਸੀ ਸ਼ਕਤੀ ਦੇ ਅਧੀਨ ਹੈਮਰ ਮਿਜ਼ਾਈਲਾਂ ਖਰੀਦਣ ਦਾ ਆਦੇਸ਼ ਦਿੱਤਾ ਗਿਆ ਹੈ। ਇਹ 60 ਕਿਲੋਮੀਟਰ ਉਚਾਈ ਵਾਲੇ ਇਲਾਕਿਆਂ ਵਿੱਚ ਤੇ 15 ਕਿਲੋਮੀਟਰ ਤਕ ਮਾਰਨ ਦੇ ਸਮਰੱਥ ਹੈ।
ਹੈਮਰ ਮਿਜ਼ਾਈਲ:
ਨਿਊਜ਼ ਏਜੰਸੀ ਏਐਨਆਈ ਮੁਤਾਬਕ ‘ਹੈਮਰ ਮਿਜ਼ਾਈਲਾਂ’ ਦੇ ਆਦੇਸ਼ ਜਾਰੀ ਕੀਤੇ ਜਾ ਰਹੇ ਹਨ। ਫਰਾਂਸ ਦੇ ਅਧਿਕਾਰੀ ਇਸ ਨੂੰ ਰਾਫੇਲ ਲੜਾਕੂ ਜਹਾਜ਼ਾਂ ਲਈ ਥੋੜ੍ਹੇ ਸਮੇਂ ਵਿੱਚ ਸਪਲਾਈ ਕਰਨ ਲਈ ਸਹਿਮਤ ਹੋ ਗਏ ਹਨ। ਹਵਾਈ ਸੈਨਾ ਵੱਲੋਂ ਇਨ੍ਹਾਂ ਮਿਜ਼ਾਈਲਾਂ ਦੀ ਫੌਰੀ ਜ਼ਰੂਰਤ ਨੂੰ ਧਿਆਨ ਵਿਚ ਰੱਖਦੇ ਹੋਏ, ਫਰਾਂਸ ਅਧਿਕਾਰੀ ਭਾਰਤ ਨੂੰ ਇਹ ਮਿਜ਼ਾਈਲ ਪ੍ਰਣਾਲੀਆਂ ਮੌਜੂਦਾ ਸਟਾਕ ਤੋਂ ਮੁਹੱਈਆ ਕਰਵਾਏਗੀ, ਜੋ ਉਨ੍ਹਾਂ ਨੇ ਆਪਣੇ ਕੁਝ ਹੋਰ ਗਾਹਕਾਂ ਲਈ ਤਿਆਰ ਕੀਤੀਆਂ ਸੀ। ਹੈਮਰ ਦਾ ਪੂਰਾ ਨਾਂ Highly Agile Modular Munition Extended Range ਹੈ। ਹੈਮਰ ਮਿਜ਼ਾਈਲ ਇੱਕ ਮੱਧ ਰੇਂਜ ਦਾ ਏਅਰ ਟੂ ਗ੍ਰਾਉਂਡ ਮਿਜ਼ਾਈਲ ਹੈ, ਜਿਸ ਨੂੰ ਫਰਾਂਸੀਸੀ ਏਅਰ ਫੋਰਸ ਤੇ ਨੇਵੀ ਦੇ ਲਈ ਤਿਆਰ ਕੀਤੀ ਗਿਆ ਸੀ।
ਇਹ ਪਹਾੜੀ ਖੇਤਰਾਂ ਸਮੇਤ ਕਿਸੇ ਵੀ ਖੇਤਰ ਵਿੱਚ ਕਿਸੇ ਵੀ ਬੰਕਰ ਜਾਂ ਨਿਸ਼ਾਨੇ 'ਤੇ ਹਮਲਾ ਕਰਨ ਦੀ ਭਾਰਤ ਦੀ ਸਮਰੱਥਾ ਵਧਾਉਣ ਵਿੱਚ ਸਮਰੱਥ ਰਿਹਾ ਹੈ। ਜਦੋਂ ਇਸ ਸਬੰਧੀ ਏਅਰ ਫੋਰਸ ਦੇ ਬੁਲਾਰੇ ਤੋਂ ਪੁੱਛਗਿੱਛ ਕੀਤੀ ਗਈ ਤਾਂ ਉਨ੍ਹਾਂ ਨੇ ਇਸ ਬਾਰੇ ਕੁਝ ਵੀ ਕਹਿਣ ਤੋਂ ਇਨਕਾਰ ਕਰ ਦਿੱਤਾ।
ਦੱਸ ਦਈਏ ਕਿ ਅਗਲੇ ਬੁੱਧਵਾਰ (29 ਜੁਲਾਈ) ਨੂੰ ਪੰਜ ਰਾਫੇਲ ਜਹਾਜ਼ ਫਰਾਂਸ ਤੋਂ ਭਾਰਤ ਆ ਰਹੇ ਹਨ। ਇਨ੍ਹਾਂ ਲੜਾਕਿਆਂ ਨੂੰ ਹਵਾਈ ਸੈਨਾ ਦੇ 17 ਕਮਾਂਡਰ ਉਡਾਉਣਗੇ। ਉਨ੍ਹਾਂ ਦੀ ਸਿਖਲਾਈ ਵੀ ਕਾਫ਼ੀ ਸਮਾਂ ਪਹਿਲਾਂ ਕੀਤੀ ਗਈ ਹੈ। ਪਹਿਲੇ ਜਹਾਜ਼ਾਂ ਦੀ ਸਪੁਰਦਗੀ ਮਈ ਦੇ ਅਖੀਰ ਤੱਕ ਕੀਤੀ ਜਾਣੀ ਸੀ, ਪਰ ਦੋਵਾਂ ਮੁਲਕਾਂ ਵਿੱਚ ਕੋਰੋਨਾਵਾਇਰਸ ਦੀ ਸਥਿਤੀ ਦੇ ਮੱਦੇਨਜ਼ਰ ਇਸ ਨੂੰ ਦੋ ਮਹੀਨਿਆਂ ਲਈ ਮੁਲਤਵੀ ਕਰ ਦਿੱਤਾ ਗਿਆ।
ਭਾਰਤ ਤੇ ਫਰਾਂਸ ਦਰਮਿਆਨ ਹੋਏ ਸਮਝੌਤੇ ਦੇ ਤਹਿਤ ਸਤੰਬਰ 2022 ਤੱਕ 36 ਰਾਫੇਲ ਜਹਾਜ਼ ਆਉਣ ਵਾਲੇ ਹਨ। ਏਅਰਫੋਰਸ ਦੇ ਪਾਇਲਟ ਤੇ ਤਕਨੀਕੀ ਅਧਿਕਾਰੀਆਂ ਨੂੰ ਰਾਫੇਲ ਦੀ ਆਪ੍ਰੇਸ਼ਨ ਲਈ ਉਡਾਣ ਬਾਰੇ ਪੂਰੀ ਤਰ੍ਹਾਂ ਸਿਖਲਾਈ ਦਿੱਤੀ ਗਈ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
![ਰਾਫੇਲ ਜੈਟਸ 'ਤੇ ਫਿੱਟ ਹੋਏਗੀ ਹੈਮਰ ਮਿਜ਼ਾਈਲ, ਹੁਣ ਦੁਸ਼ਮਣਾਂ ਦੀ ਖੈਰ ਨਹੀਂ!](https://static.abplive.com/wp-content/uploads/sites/5/2020/07/24221915/HAMMER-Missiles.jpg)
Follow Breaking News on abp LIVE for more latest stories and trending topics. Watch breaking news and top headlines online on abp sanjha LIVE TV Khelo khul ke, sab bhool ke - only on Games Live
ਹੋਰ ਵੇਖੋ
Advertisement
Advertisement
Advertisement
ਟਾਪ ਹੈਡਲਾਈਨ
ਦੇਸ਼
ਤਕਨਾਲੌਜੀ
ਅੰਮ੍ਰਿਤਸਰ
ਬਾਲੀਵੁੱਡ
Advertisement
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)