ਹਿਮਾਚਲ ਦੇ ਲਾਹੌਲ ਸਪਿਤੀ 'ਚ -20 ਡਿਗਰੀ 'ਚ ਪੀਣ ਵਾਲੇ ਪਾਣੀ ਨੂੰ ਤਰਸੇ ਲੋਕ!
Water Froze In Lahaul Spiti: ਬਰਫ਼ਬਾਰੀ ਨੂੰ ਆਮ ਤੌਰ 'ਤੇ ਸੁੰਦਰਤਾ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ। ਸੈਲਾਨੀ ਬਰਫ਼ਬਾਰੀ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰਦੇ ਹਨ।
Water Froze In Lahaul Spiti: ਬਰਫ਼ਬਾਰੀ ਨੂੰ ਆਮ ਤੌਰ 'ਤੇ ਸੁੰਦਰਤਾ ਨਾਲ ਜੋੜ ਕੇ ਦੇਖਿਆ ਜਾਂਦਾ ਹੈ। ਸੈਲਾਨੀ ਬਰਫ਼ਬਾਰੀ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰਦੇ ਹਨ। ਹਾਲਾਂਕਿ ਬਰਫਬਾਰੀ ਆਪਣੇ ਨਾਲ ਤਬਾਹੀ ਵੀ ਲੈ ਕੇ ਆਉਂਦੀ ਹੈ। ਹਿਮਾਚਲ ਪ੍ਰਦੇਸ਼ ਦੇ ਕਬਾਇਲੀ ਜ਼ਿਲ੍ਹੇ ਲਾਹੌਲ ਸਪਿਤੀ ਵਿੱਚ ਤਾਪਮਾਨ - 20 ਡਿਗਰੀ ਤੱਕ ਪਹੁੰਚ ਗਿਆ ਹੈ। ਸਥਿਤੀ ਇਹ ਹੈ ਕਿ ਠੰਢ ਕਾਰਨ ਪਾਣੀ ਦੇ ਸੋਮੇ ਜੰਮ ਗਏ ਹਨ। ਲੋਕਾਂ ਨੂੰ ਪੀਣ ਵਾਲੇ ਪਾਣੀ ਲਈ ਭਾਰੀ ਜੱਦੋ-ਜਹਿਦ ਕਰਨੀ ਪੈ ਰਹੀ ਹੈ। ਕਾਜ਼ਾ ਦੇ ਸਹਾਇਕ ਲੋਕ ਸੰਪਰਕ ਅਧਿਕਾਰੀ ਅਜੇ ਬਨਿਆਲ ਨੇ ਦੱਸਿਆ ਕਿ ਲਾਹੌਲ ਸਪਿਤੀ ਜ਼ਿਲ੍ਹੇ ਦੇ ਕਾਜ਼ਾ ਵਿੱਚ ਤਾਪਮਾਨ - 20 ਡਿਗਰੀ ਤੱਕ ਪਹੁੰਚ ਗਿਆ ਹੈ।
ਅਜੈ ਬਨਿਆਲ ਨੇ ਦੱਸਿਆ ਕਿ ਜਲ ਸ਼ਕਤੀ ਵਿਭਾਗ ਦੇ ਕਰਮਚਾਰੀ ਆਮ ਲੋਕਾਂ ਨੂੰ ਪਾਣੀ ਮੁਹੱਈਆ ਕਰਵਾਉਣ ਲਈ ਪੂਰੀ ਮਿਹਨਤ ਕਰ ਰਹੇ ਹਨ। ਕੜਾਕੇ ਦੀ ਠੰਢ ਕਾਰਨ ਘਰ ਵਿੱਚ ਪਾਣੀ ਦੇ ਕੁਨੈਕਸ਼ਨ ਲਈ ਪਾਈਪ ਜਾਮ ਹੋ ਗਈ ਹੈ। ਜਲ ਸ਼ਕਤੀ ਵਿਭਾਗ ਦੇ ਕਰਮਚਾਰੀ ਪਾਣੀ ਦੇ ਸਰੋਤ ਤੋਂ ਪਾਣੀ ਮੁਹੱਈਆ ਕਰਵਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਪਾਣੀ ਦੇ ਸੋਮੇ ਤੋਂ ਪਾਈਪਾਂ ਰਾਹੀਂ ਪਾਣੀ ਪਹੁੰਚਾਉਣਾ ਵੀ ਕੋਈ ਆਸਾਨ ਕੰਮ ਨਹੀਂ ਹੈ। ਪਲਾਸਟਿਕ ਦੇ ਪਾਣੀ ਦੀ ਪਾਈਪ ਠੰਢ ਕਾਰਨ ਜਾਮ ਹੋ ਗਈ ਹੈ।
ਪਾਣੀ ਪਹੁੰਚਾਉਣ ਲਈ ਲਈ ਜਾ ਰਹੀ ਅੱਗ ਦੀ ਮਦਦ
ਮਜ਼ਦੂਰ ਅੱਗ ਦਾ ਸਹਾਰਾ ਲੈ ਕੇ ਪਾਣੀ ਦੀ ਸਪਲਾਈ ਬਹਾਲ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਪਾਣੀ ਪਹੁੰਚਾਉਣ ਦੀ ਕੋਸ਼ਿਸ਼ ਕਰਦੇ ਹੋਏ ਕਾਜ਼ਾ ਦੇ ਜਲ ਸ਼ਕਤੀ ਵਿਭਾਗ ਦੇ ਕਰਮਚਾਰੀਆਂ ਦੀ ਵੀਡੀਓ ਸਾਹਮਣੇ ਆਈ ਹੈ। ਇਸ ਵੀਡੀਓ 'ਚ ਕਰਮਚਾਰੀ ਮਾਈਨਸ ਡਿਗਰੀ ਤਾਪਮਾਨ 'ਚ ਵੀ ਆਪਣੇ ਹੌਂਸਲੇ ਨੂੰ ਘੱਟ ਨਹੀਂ ਹੋਣ ਦੇ ਰਹੇ ਹਨ। ਮਿਹਨਤ ਨਾਲ ਆਮ ਲੋਕਾਂ ਨੂੰ ਪਾਣੀ ਮੁਹੱਈਆ ਕਰਵਾਉਣ ਦੇ ਉਪਰਾਲੇ ਕੀਤੇ ਜਾ ਰਹੇ ਹਨ।
बर्फबारी सिर्फ खूबसूरती का नाम नहीं, यह बर्फ अपने साथ आफत भी लेकर आती है
— Ankush Dobhal🇮🇳 (@DobhalAnkush) January 24, 2023
• माइनस 20 डिग्री तापमान में जल शक्ति विभाग के कर्मचारी लोगों तक पानी पहुंचाने के लिए कड़ी मशक्कत कर रहे हैं
Video- APRO Kaza @iAjay_Banyal जी@SukhuSukhvinder @Agnihotridycm #spiti #kaza #snowfall #HP pic.twitter.com/asCS4kG9GV
ਏਡੀਸੀ ਨੇ ਜਲ ਸ਼ਕਤੀ ਵਿਭਾਗ ਦੇ ਕਰਮਚਾਰੀਆਂ ਦੀ ਸ਼ਲਾਘਾ ਕੀਤੀ
ਕਾਜ਼ਾ ਦੇ ਏਡੀਸੀ ਅਭਿਸ਼ੇਕ ਵਰਮਾ ਨੇ ਜਲ ਸ਼ਕਤੀ ਵਿਭਾਗ ਦੇ ਇਨ੍ਹਾਂ ਮੁਲਾਜ਼ਮਾਂ ਦੀ ਮਿਹਨਤ ਦੀ ਸ਼ਲਾਘਾ ਕੀਤੀ ਹੈ। ਅਭਿਸ਼ੇਕ ਵਰਮਾ ਨੇ ਕਿਹਾ ਕਿ ਜਲ ਸ਼ਕਤੀ ਵਿਭਾਗ ਦੇ ਕਰਮਚਾਰੀ ਮਾੜੇ ਹਾਲਾਤਾਂ ਵਿੱਚ ਵੀ ਮਿਹਨਤ ਕਰ ਰਹੇ ਹਨ। ਏਡੀਸੀ ਕਾਜ਼ਾ ਨੇ ਜਲ ਸ਼ਕਤੀ ਵਿਭਾਗ ਦੇ ਐਸ.ਡੀ.ਓ ਬੁੱਧੀ ਚੰਦ ਦੀ ਅਗਵਾਈ ਵਿੱਚ ਵਿਭਾਗ ਦੇ ਕਰਮਚਾਰੀਆਂ ਥੁਪਟਨ, ਸੋਨਮ, ਸੁਨੀਲ ਅਤੇ ਹਿਸ਼ੇ ਡੋਲਮਾ ਦੇ ਇਸ ਕੰਮ ਦੀ ਸ਼ਲਾਘਾ ਕੀਤੀ ਹੈ। ਉਨ੍ਹਾਂ ਮੁਲਾਜ਼ਮਾਂ ਨੂੰ ਭਵਿੱਖ ਵਿੱਚ ਵੀ ਇਸੇ ਭਾਵਨਾ ਨਾਲ ਕੰਮ ਕਰਦੇ ਰਹਿਣ ਦੀ ਅਪੀਲ ਕੀਤੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
