Hindustani Bhau Granted Bail: Hindustani Bhau ਨੂੰ ਮਿਲੀ ਜ਼ਮਾਨਤ, ਕੋਵਿਡ 'ਚ ਇਮਤਿਹਾਨਾਂ ਨੂੰ ਲੈ ਕੇ ਪਾਈ ਸੀ ਵਿਵਾਦਤ ਵੀਡੀਓ
ਸੋਸ਼ਲ ਮੀਡੀਆ Influencer ਵਿਕਾਸ ਫਾਟਕ ਉਰਫ ਹਿੰਦੁਸਤਾਨੀ ਭਾਊ (Vikas fatak alias Hindustani Bhau) ਨੂੰ ਵੀਰਵਾਰ ਨੂੰ ਮੁੰਬਈ ਸੈਸ਼ਨ ਕੋਰਟ (Mumbai Session Court) ਨੇ ਜ਼ਮਾਨਤ ਦੇ ਦਿੱਤੀ ਹੈ।
ਸੋਸ਼ਲ ਮੀਡੀਆ Influencer ਵਿਕਾਸ ਫਾਟਕ ਉਰਫ ਹਿੰਦੁਸਤਾਨੀ ਭਾਊ (Vikas fatak alias Hindustani Bhau) ਨੂੰ ਵੀਰਵਾਰ ਨੂੰ ਮੁੰਬਈ ਸੈਸ਼ਨ ਕੋਰਟ (Mumbai Session Court) ਨੇ ਜ਼ਮਾਨਤ ਦੇ ਦਿੱਤੀ ਹੈ। ਵਿਕਾਸ ਫਾਟਕ ਉਰਫ ਹਿੰਦੁਸਤਾਨੀ ਨੂੰ ਧਾਰਾਵੀ (Dharavi )'ਚ ਵਿਦਿਆਰਥੀਆਂ ਦੇ ਪ੍ਰਦਰਸ਼ਨ ਦੇ ਮਾਮਲੇ 'ਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਧਾਰਾਵੀ ਪੁਲਸ ਨੇ ਉਸ ਨੂੰ 1 ਫਰਵਰੀ ਨੂੰ ਗ੍ਰਿਫਤਾਰ ਕੀਤਾ ਸੀ।
ਦੱਸ ਦਈਏ ਕਿ ਜਨਵਰੀ ਦੇ ਅੰਤ ਵਿੱਚ ਧਾਰਾਵੀ ਅਤੇ ਮਹਾਰਾਸ਼ਟਰ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ 10ਵੀਂ ਅਤੇ 12ਵੀਂ ਜਮਾਤ ਦੇ ਸੈਂਕੜੇ ਵਿਦਿਆਰਥੀ ਸੜਕਾਂ 'ਤੇ ਉਤਰ ਆਏ ਸਨ। ਉਸ ਨੇ ਆਫਲਾਈਨ ਪ੍ਰੀਖਿਆ ਦੇ ਵਿਰੋਧ 'ਚ ਸੜਕਾਂ 'ਤੇ ਹੰਗਾਮਾ ਕੀਤਾ ਸੀ। ਦੋਸ਼ ਸੀ ਕਿ ਵਿਕਾਸ ਫਾਟਕ ਉਰਫ ਹਿੰਦੁਸਤਾਨੀ ਭਾਊ ਨੇ ਵਿਦਿਆਰਥੀਆਂ ਨੂੰ ਭੜਕਾਇਆ । ਉਕਸਾਹਟ ਦੇ ਤਹਿਤ ਵਿਦਿਆਰਥੀਆਂ ਨੇ ਪ੍ਰਦਰਸ਼ਨ ਕੀਤਾ ਅਤੇ ਕੁਝ ਵਾਹਨਾਂ ਦੀ ਭੰਨਤੋੜ ਵੀ ਕੀਤੀ।
ਵਾਇਰਲ ਵੀਡੀਓ 'ਚ ਵਿਕਾਸ ਫਟਕ ਨੇ ਕਹੀਆਂ ਇਹ ਗੱਲਾਂ -
ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਏ ਵੀਡੀਓ 'ਚ ਵਿਕਾਸ ਫਾਟਕ ਨੇ ਕਿਹਾ ਸੀ ਕਿ ਇਨ੍ਹਾਂ ਦੋ ਸਾਲਾਂ 'ਚ ਕੋਵਿਡ ਕਾਰਨ ਕਈ ਲੋਕਾਂ ਦੀ ਮੌਤ ਹੋ ਗਈ ਹੈ। ਫਿਲਹਾਲ ਪਰਿਵਾਰ ਸਦਮੇ ਤੋਂ ਉਭਰ ਰਹੇ ਹਨ ਅਤੇ ਹੁਣ ਓਮਿਕ੍ਰੋਨ ਦਾ ਨਵਾਂ ਡਰਾਮਾ ਸ਼ੁਰੂ ਹੋ ਗਿਆ ਹੈ। ਇਹ ਕੀ ਹੈ? ਸਰਕਾਰ ਲੋਕਾਂ ਨੂੰ ਘਰਾਂ ਦੇ ਅੰਦਰ ਰਹਿਣ ਦੀ ਅਪੀਲ ਕਰ ਰਹੀ ਹੈ। ਉਹ ਵਿਦਿਆਰਥੀਆਂ ਦੀਆਂ ਔਫਲਾਈਨ ਪ੍ਰੀਖਿਆਵਾਂ ਕਿਉਂ ਲੈਣ? ਹਿੰਦੁਸਤਾਨੀ ਭਾਊ ਨੇ ਯੂ-ਟਿਊਬ ਵੀਡੀਓ 'ਚ ਕਿਹਾ ਕਿ ਪ੍ਰੀਖਿਆ ਰੱਦ ਕਰੋ। ਬੱਚਿਆਂ ਦੀਆਂ ਜਾਨਾਂ ਨਾਲ ਨਾ ਖੇਡੋ ਨਹੀਂ ਤਾਂ ਮੁੜ ਅੰਦੋਲਨ ਕੀਤਾ ਜਾਵੇਗਾ।ਇਮਤਿਹਾਨ ਰੱਦ ਕਰੋ।
ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਧਾਰਾਵੀ ਥਾਣੇ ਦੇ ਬਾਹਰ ਵੱਡੀ ਗਿਣਤੀ 'ਚ ਵਿਦਿਆਰਥੀ ਇਕੱਠੇ ਹੋ ਗਏ ਸਨ। ਇਹ ਵੀਡੀਓ 24 ਜਨਵਰੀ ਨੂੰ ਅਪਲੋਡ ਕੀਤਾ ਗਿਆ ਸੀ ਅਤੇ ਵਿਕਾਸ ਫਾਟਕ ਦੀ ਗ੍ਰਿਫਤਾਰੀ ਦੇ ਸਮੇਂ ਇਸ ਨੂੰ 2.77 ਲੱਖ ਵਿਊਜ਼ ਮਿਲ ਚੁੱਕੇ ਸਨ। ਵਿਕਾਸ ਦੇ ਯੂਟਿਊਬ ਚੈਨਲ 'ਤੇ 5 ਲੱਖ ਤੋਂ ਵੱਧ ਸਬਸਕ੍ਰਾਈਬਰ ਹਨ।
ਇਹ ਵੀ ਪੜ੍ਹੋ : Hijab Row : ਹਿਜਾਬ ਵਿਵਾਦ 'ਤੇ ਕਰਨਾਟਕ ਹਾਈ ਕੋਰਟ 'ਚ ਅੱਜ ਵੀ ਨਹੀਂ ਨਿਕਲਿਆ ਕੋਈ ਠੋਸ ਹੱਲ, ਕੱਲ੍ਹ ਫ਼ਿਰ ਹੋਵੇਗੀ ਸੁਣਵਾਈ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :
Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
