5000 KM ਅਤੇ ਅਵਾਜ਼ ਤੋਂ 24 ਗੁਣਾ ਤੇਜ਼ ਸਪੀਡ..., ਅਗਨੀ-5 ਦਾ ਸਫਲ ਪ੍ਰੀਖਣ, ਚੀਨ-ਪਾਕਿਸਤਾਨ ਤੱਕ ਮਾਰ ਕਰਨ ਦੀ ਸਮਰੱਥਾ
Agni 5 Testing: ਅਗਨੀ-V ਦੀ ਰੇਂਜ 5000 ਕਿਲੋਮੀਟਰ ਤੋਂ ਵੱਧ ਹੈ। ਪੂਰਾ ਚੀਨ ਇਸਦੀ ਸਟ੍ਰਾਈਕ ਰੇਂਜ ਦੇ ਅਧੀਨ ਆਉਂਦਾ ਹੈ। ਇੰਨਾ ਹੀ ਨਹੀਂ, ਯੂਰਪ ਅਤੇ ਅਫਰੀਕਾ ਦੇ ਕੁਝ ਹਿੱਸੇ ਵੀ ਇਸਦੀ ਰੇਂਜ ਦੇ ਅੰਦਰ ਹੋਣਗੇ।
Agni 5 Testing: ਓਡੀਸ਼ਾ ਦੇ ਚਾਂਦੀਪੁਰ ਵਿਖੇ ਇੰਟੀਗ੍ਰੇਟਿਡ ਟੈਸਟ ਰੇਂਜ ਤੋਂ ਮੱਧਮ ਦੂਰੀ ਦੀ ਬੈਲਿਸਟਿਕ ਮਿਜ਼ਾਈਲ ਅਗਨੀ-5 ਦਾ 20 ਅਗਸਤ 2025 ਨੂੰ ਸਫਲਤਾਪੂਰਵਕ ਪ੍ਰੀਖਣ ਕੀਤਾ ਗਿਆ। ਰੱਖਿਆ ਮੰਤਰਾਲੇ ਦੇ ਅਨੁਸਾਰ, ਇਸ ਪ੍ਰੀਖਣ ਵਿੱਚ ਸਾਰੇ ਸੰਚਾਲਨ ਅਤੇ ਤਕਨੀਕੀ ਮਾਪਦੰਡਾਂ ਦੀ ਪੁਸ਼ਟੀ ਕੀਤੀ ਗਈ ਸੀ। ਇਹ ਪ੍ਰੀਖਣ ਰਣਨੀਤਕ ਫੋਰਸਿਜ਼ ਕਮਾਂਡ ਦੀ ਨਿਗਰਾਨੀ ਹੇਠ ਕੀਤਾ ਗਿਆ।
ਇਹ ਦੇਸ਼ ਦੀ ਪਹਿਲੀ ਅਤੇ ਇਕਲੌਤੀ ਸਤ੍ਹਾ ਤੋਂ ਸਤ੍ਹਾ ਤੱਕ ਮਾਰ ਕਰਨ ਵਾਲੀ ਇੰਟਰ ਕੌਂਟੀਨੈਂਟਲ ਬੈਲਿਸਟਿਕ ਮਿਜ਼ਾਈਲ (ICBM) ਹੈ। ਅਗਨੀ-V ਦੀ ਰੇਂਜ 5000 ਕਿਲੋਮੀਟਰ ਤੋਂ ਵੱਧ ਹੈ। ਪੂਰਾ ਚੀਨ ਇਸ ਦੀ ਰੇਂਜ ਵਿੱਚ ਆਉਂਦਾ ਹੈ, ਜਦੋਂ ਕਿ ਯੂਰਪ ਅਤੇ ਅਫਰੀਕਾ ਦੇ ਕਈ ਹਿੱਸੇ ਵੀ ਇਸਦੀ ਰੇਂਜ ਵਿੱਚ ਹਨ। ਇਹ ਮਿਜ਼ਾਈਲ ਮਲਟੀਪਲ ਇੰਡੀਪੈਂਡੈਂਟਲੀ ਟਾਰਗੇਟੇਬਲ ਰੀ-ਐਂਟਰੀ ਵਹੀਕਲਜ਼ (MIRV) ਤਕਨਾਲੌਜੀ ਨਾਲ ਲੈਸ ਹੈ। ਯਾਨੀ, ਇੱਕ ਵਾਰ ਲਾਂਚ ਹੋਣ ਤੋਂ ਬਾਅਦ, ਇਹ ਇੱਕੋ ਸਮੇਂ ਵਿਚ ਕਈ ਟੀਚਿਆਂ 'ਤੇ ਹਮਲਾ ਕਰ ਸਕਦੀ ਹੈ। ਅਗਨੀ-V ਵਿੱਚ ਡੇਢ ਟਨ ਤੱਕ ਦੇ ਪ੍ਰਮਾਣੂ ਹਥਿਆਰ ਲਿਜਾਣ ਦੀ ਸਮਰੱਥਾ ਹੈ।
ਇਸਦੀ ਗਤੀ ਮੈਕ 24 ਹੈ, ਜੋ ਕਿ ਆਵਾਜ਼ ਦੀ ਗਤੀ ਤੋਂ 24 ਗੁਣਾ ਜ਼ਿਆਦਾ ਹੈ। ਇਸ ਮਿਜ਼ਾਈਲ ਦਾ ਲਾਂਚਿੰਗ ਸਿਸਟਮ ਕੈਨਿਸਟਰ ਤਕਨਾਲੌਜੀ 'ਤੇ ਅਧਾਰਤ ਹੈ। ਇਸੇ ਕਰਕੇ ਇਸਨੂੰ ਆਸਾਨੀ ਨਾਲ ਕਿਤੇ ਵੀ ਲਿਜਾਇਆ ਜਾ ਸਕਦਾ ਹੈ। ਇਸ ਸਮੇਂ, ਭਾਰਤ ਤੋਂ ਇਲਾਵਾ, ਦੁਨੀਆ ਦੇ ਸਿਰਫ ਅੱਠ ਦੇਸ਼ਾਂ ਕੋਲ ਇੰਟਰਕੌਂਟੀਨੈਂਟਲ ਬੈਲਿਸਟਿਕ ਮਿਜ਼ਾਈਲਾਂ (ICBM) ਹਨ। ਇਨ੍ਹਾਂ ਵਿੱਚ ਰੂਸ, ਅਮਰੀਕਾ, ਚੀਨ, ਫਰਾਂਸ, ਇਜ਼ਰਾਈਲ, ਬ੍ਰਿਟੇਨ ਅਤੇ ਉੱਤਰੀ ਕੋਰੀਆ ਸ਼ਾਮਲ ਹਨ।
ਅਗਨੀ-5 ਮਿਜ਼ਾਈਲ ਇੱਕ ਐਡਵਾਂਸਡ MIRV (ਮਲਟੀਪਲ ਇੰਡੀਪੈਂਡੈਂਟਲੀ-ਟਾਰਗੇਟੇਬਲ ਰੀ-ਐਂਟਰੀ ਵ੍ਹੀਕਲ) ਤਕਨਾਲੌਜੀ ਨਾਲ ਲੈਸ ਹੈ। ਆਮ ਮਿਜ਼ਾਈਲਾਂ ਸਿਰਫ਼ ਇੱਕ ਹੀ ਵਾਰਹੈੱਡ (ਭਾਵ ਮਿਜ਼ਾਈਲ ਦਾ ਉਹ ਹਿੱਸਾ ਜੋ ਵਿਸਫੋਟਕਾਂ ਨਾਲ ਭਰਿਆ ਹੁੰਦਾ ਹੈ) ਲੈ ਕੇ ਜਾਂਦੀਆਂ ਹਨ, ਪਰ MIRV ਮਿਜ਼ਾਈਲਾਂ ਇੱਕੋ ਸਮੇਂ ਕਈ ਵਾਰਹੈੱਡ ਲੈ ਜਾ ਸਕਦੀਆਂ ਹਨ। ਇਸ ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਇਹ ਹੈ ਕਿ ਸੈਂਕੜੇ ਕਿਲੋਮੀਟਰ ਦੂਰ ਸਥਿਤ ਕਈ ਟੀਚਿਆਂ 'ਤੇ ਇੱਕ ਹੀ ਮਿਜ਼ਾਈਲ ਨਾਲ ਹਮਲਾ ਕੀਤਾ ਜਾ ਸਕਦਾ ਹੈ। ਇੰਨਾ ਹੀ ਨਹੀਂ, ਜੇਕਰ ਲੋੜ ਪਵੇ ਤਾਂ ਇੱਕੋ ਵਾਰ ਵਿੱਚ ਕਈ ਥਾਵਾਂ ਨੂੰ ਨਿਸ਼ਾਨਾ ਬਣਾਇਆ ਜਾ ਸਕਦਾ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
