ਕੋਰੋਨਾ ਦਾ ਭਾਰਤ 'ਚ ਕਹਿਰ, ਰਫ਼ਤਾਰ ਨਾ ਘਟੀ ਤਾਂ ਜਲਦ ਹੀ ਪਹੁੰਚ ਜਾਏਗਾ ਦੂਜੇ ਨੰਬਰ 'ਤੇ

ਭਾਰਤ ਵਿੱਚ ਕੋਵਿਡ-19 ਦੇ 78,512 ਨਵੇਂ ਕੇਸ ਆਉਣ ਤੋਂ ਬਾਅਦ ਦੇਸ਼ 'ਚ ਸੰਕਰਮਣ ਦੇ ਕੁੱਲ ਮਾਮਲੇ 36 ਲੱਖ 21 ਹਜ਼ਾਰ 245 ਹੋ ਗਏ ਹਨ। ਇਸ ਦੇ ਨਾਲ ਹੀ ਬ੍ਰਾਜ਼ੀਲ ਵਿੱਚ ਸੰਕਰਮਿਤ ਲੋਕਾਂ ਦੀ ਕੁੱਲ ਗਿਣਤੀ 38 ਲੱਖ 62 ਹਜ਼ਾਰ ਹੈ।

ਨਵੀਂ ਦਿੱਲੀ: ਭਾਰਤ ਵਿੱਚ ਕੋਰੋਨਾਵਾਇਰਸ ਨਾਲ ਪੀੜਤਾਂ ਦੀ ਗਿਣਤੀ ਤੇਜ਼ੀ ਨਾਲ ਵਧ ਰਹੀ ਹੈ। ਜਿੱਥੇ ਬੀਤੇ ਦਿਨ ਭਾਰਤ ਵਿੱਚ ਪੀੜਤਾਂ ਦੀ ਗਿਣਤੀ ਵਿੱਚ 78 ਹਜ਼ਾਰ ਦਾ ਵਾਧਾ ਹੋਇਆ, ਉਧਰ ਕੱਲ੍ਹ ਅਮਰੀਕਾ-ਬ੍ਰਾਜ਼ੀਲ ਵਰਗੇ ਦੇਸ਼ਾਂ ਵਿੱਚ 34 ਹਜ਼ਾਰ, 15 ਹਜ਼ਾਰ ਨਵੇਂ ਮਾਮਲੇ ਸਾਹਮਣੇ ਆਏ। ਜੇ ਪੀੜਤ ਲੋਕਾਂ ਦੀ ਗਿਣਤੀ ਇਸੇ ਤਰ੍ਹਾਂ ਵਧਦੀ ਗਈ ਤਾਂ ਅਗਲੇ ਤਿੰਨ-ਚਾਰ ਦਿਨਾਂ ਵਿੱਚ ਬ੍ਰਾਜ਼ੀਲ ਨੂੰ ਪਛਾੜਦਿਆਂ ਭਾਰਤ ਕੋਰੋਨਾ ਨਾਲ ਸਭ ਤੋਂ ਪ੍ਰਭਾਵਿਤ ਦੁਨੀਆ ਦਾ ਦੂਜਾ ਦੇਸ਼ ਬਣ ਜਾਵੇਗਾ। ਆਓ ਵੇਖੀਏ ਪਿਛਲੇ 10 ਦਿਨਾਂ ਦੇ ਦੋਵਾਂ ਦੇਸ਼ਾਂ ਦੇ ਕੋਰੋਨਾ ਦੇ ਕੇਸਾਂ ਕਿੰਝ ਵਧੇ:

ਅਗਸਤ ਮਹੀਨਾ	ਭਾਰਤ	ਬ੍ਰਾਜ਼ੀਲ
30 ਅਗਸਤ	78,512	15,346
29 ਅਗਸਤ	78,761	34,360
28 ਅਗਸਤ	76,472	48,112
27 ਅਗਸਤ	77,266	42,489
26 ਅਗਸਤ	75,760	47,828
25 ਅਗਸਤ	67,151	46,959
24 ਅਗਸਤ	60,975	21,434
23 ਅਗਸਤ	61,408	23,085
22 ਅਗਸਤ	69,239	46,210
21 ਅਗਸਤ	69,878	31,391

  ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਕੋਰੋਨੇ ਕਰਕੇ ਮਰਨ ਵਾਲਿਆਂ ਦੀ ਲਿਸਟ 'ਚ ਭਾਰਤ ਤੀਜੇ ਨੰਬਰ 'ਤੇ ਪਹੁੰਚ ਗਿਆ ਹੈ। ਇਸ ਤੋਂ ਪਹਿਲਾਂ ਤੀਜੇ ਨੰਬਰ 'ਤੇ ਮੈਕਸਿਕੋ ਸੀ। ਕੋਰੋਨਾ ਕਰਕੇ ਮੌਤਾਂ ਦੇ ਮਾਮਲੇ 'ਚ ਅਮਰੀਕਾ ਪਹਿਲੇ ਨੰਬਰ 'ਤੇ ਹੈ, ਜਿੱਥੇ ਹੁਣ ਤਕ ਇੱਕ ਲੱਖ 87 ਹਜ਼ਾਰ ਲੋਕ ਆਪਣੀ ਜਾਨ ਗੁਆ ਚੁੱਕੇ ਹਨ। ਦੱਸ ਦਈਏ ਕਿ ਰਾਹਤ ਦੀ ਗੱਲ ਹੈ ਕਿ ਮੌਤ ਦਰ ਤੇ ਐਕਟਿਵ ਕੇਸ ਦਰਾਂ 'ਚ ਲਗਾਤਾਰ ਗਿਰਾਵਟ ਆ ਰਹੀ ਹੈ। ਭਾਰਤ 'ਚ ਮੌਤ ਦਰ ਘਟ ਕੇ 1.78% ਹੋ ਗਈ। ਇਸ ਤੋਂ ਇਲਾਵਾ ਇਲਾਜ ਅਧੀਨ ਚੱਲ ਰਹੇ ਐਕਟਿਵ ਕੇਸਾਂ ਦੀ ਦਰ ਵੀ ਘੱਟ ਕੇ 22% ਰਹਿ ਗਈ ਹੈ। ਇਸ ਨਾਲ ਰਿਕਵਰੀ ਰੇਟ ਦੀ ਦਰ 77% ਹੋ ਗਈ ਹੈ। ਭਾਰਤ ਵਿਚ ਰਿਕਵਰੀ ਰੇਟ 'ਚ ਲਗਾਤਾਰ ਵਾਧਾ ਹੋ ਰਿਹਾ ਹੈ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904