ਪੁਰਾਣੀਆਂ ਰਵਾਇਤਾਂ ਪਿੱਛੇ ਲੁਕੇ ਸਿਹਤ ਕਾਇਮ ਰੱਖਣ ਦੇ ਰਾਜ਼, ਤੁਸੀਂ ਵੀ ਜਾਣੋ

ਕੰਨ ਵਿੰਨ੍ਹਾਉਣਾਂ ਬੇਸ਼ੱਕ ਫੈਸ਼ਨ ਵਜੋਂ ਦੇਖਿਆ ਜਾਂਦਾ ਹੈ, ਪਰ ਇਸ ਦਾ ਸਿਹਤ ਨਾਲ ਸਿੱਧਾ ਸਬੰਧ ਹੈ। ਆਯੁਰਵੇਦ ਮੁਤਾਬਕ ਕੰਨ ਵਿੰਨ੍ਹਣ ਨਾਲ ਔਰਤਾਂ ਦੀ ਸਿਹਤ ਠੀਕ ਰਹਿੰਦੀ ਹੈ। ਅਜਿਹਾ ਕਰਨ ਨਾਲ ਔਰਤਾਂ ਨੂੰ ਮਾਹਵਾਰੀ ਸਮੇਂ ਸਿਰ ਆਉਂਦੀ ਹੈ ਤੇ ਨਾਲ ਹੀ ਪ੍ਰਜਨਨ ਪ੍ਰਕਿਆ ਵੀ ਸੁਧਰਦੀ ਹੈ।

ਭਾਰਤ ਵਿੱਚ ਅਕਸਰ ਬਹੁਤ ਸਾਰੀਆਂ ਗੱਲਾਂ ਜਾਂ ਕਿਰਿਆਵਾਂ ਨੂੰ ਧਰਮ ਨਾਲ ਜੋੜ ਕੇ ਦੱਸਿਆ ਜਾਂਦਾ ਹੈ। ਪੜ੍ਹੇ-ਲਿਖੇ ਲੋਕ ਇਸ ਨੂੰ ਵਹਿਮ-ਭਰਮ ਵੀ ਆਖ ਸਕਦੇ ਹਨ ਪਰ ਅਸਲ ਵਿੱਚ ਇਨ੍ਹਾਂ ਅੰਦਰ ਸਿਹਤ ਠੀਕ ਰੱਖਣ ਦੇ ਕਈ ਰਾਜ਼ ਲੁਕੇ ਹੋਏ ਹਨ। ਆਓ ਤੁਸੀਂ ਵੀ ਜਾਣੋ-

ਕੰਨ ਵਿੰਨ੍ਹਾਉਣਾਂ ਬੇਸ਼ੱਕ ਫੈਸ਼ਨ ਵਜੋਂ ਦੇਖਿਆ ਜਾਂਦਾ ਹੈ, ਪਰ ਇਸ ਦਾ ਸਿਹਤ ਨਾਲ ਸਿੱਧਾ ਸਬੰਧ ਹੈ। ਆਯੁਰਵੇਦ ਮੁਤਾਬਕ ਕੰਨ ਵਿੰਨ੍ਹਣ ਨਾਲ ਔਰਤਾਂ ਦੀ ਸਿਹਤ ਠੀਕ ਰਹਿੰਦੀ ਹੈ। ਅਜਿਹਾ ਕਰਨ ਨਾਲ ਔਰਤਾਂ ਨੂੰ ਮਾਹਵਾਰੀ ਸਮੇਂ ਸਿਰ ਆਉਂਦੀ ਹੈ ਤੇ ਨਾਲ ਹੀ ਪ੍ਰਜਨਨ ਪ੍ਰਕਿਆ ਵੀ ਸੁਧਰਦੀ ਹੈ।

ਗਹਿਣੇ ਪਹਿਨਣਾ ਵੀ ਫੈਸ਼ਨ ਕਰਨਾ ਅਖਵਾਉਂਦਾ ਹੈ ਪਰ ਕਈ ਗਹਿਣੇ ਅਜਿਹੇ ਹਨ ਜੋ ਤੁਹਾਡੀ ਸਿਹਤ ਉੱਪਰ ਸਿੱਧੇ ਤੌਰ 'ਤੇ ਅਸਰ ਪਾਉਂਦੇ ਹਨ। ਹਾਰ, ਪੈਰਾਂ ਦੀਆਂ ਉਂਗਲਾਂ ਵਿੱਚ ਪਾਏ ਛੱਲੇ, ਚੂੜੀਆਂ ਤੇ ਝੁਮਕੇ ਆਦਿ ਪਹਿਨਣ ਨਾਲ ਖ਼ੂਨ ਦਾ ਦੌਰਾ ਤੇਜ਼ ਹੁੰਦਾ ਹੈ। ਇੰਨਾ ਹੀ ਨਹੀਂ ਗਹਿਣੇ ਸ਼ਰੀਰ ਦੇ ਤਾਪਮਾਨ ਨੂੰ ਕਾਬੂ ਕਰਨ, ਤਣਾਅ ਰਹਿਤ ਹੋਣ ਅਤੇ ਮੌਸਮੀ ਬਿਮਾਰੀਆਂ ਤੋਂ ਬਚਾਅ ਲਈ ਲੋੜੀਂਦੀ ਤਾਕਤ ਵੀ ਸਰੀਰ ਨੂੰ ਦਿੰਦੇ ਹਨ।

ਤਾਂਬੇ ਦੇ ਭਾਂਡੇ ਵਿੱਚ ਰੱਖਿਆ ਪਾਣੀ ਤੁਹਾਡੇ ਪਾਚਨ ਤੰਤਰ ਨੂੰ ਤੰਦਰੁਸਤ ਰੱਖਦਾ ਹੈ। ਇਸ ਵਿੱਚ ਅਜਿਹੇ ਤੱਤ ਵੀ ਹੁੰਦੇ ਹਨ ਜੋ ਕਿਸੇ ਵੀ ਜ਼ਖ਼ਮ ਨੂੰ ਤੇਜ਼ੀ ਨਾਲ ਭਰਨ ਦੀ ਸਮਰੱਥਾ ਰੱਖਦੇ ਹਨ। ਇਸ ਦੇ ਨਾਲ ਹੀ ਤਾਂਬੇ ਦੇ ਬਰਤਨ ਵਾਲਾ ਪਾਣੀ ਤੁਹਾਡੀ ਰੋਗਾਂ ਖ਼ਿਲਾਫ਼ ਲੜਨ ਦੀ ਤਾਕਤ ਨੂੰ ਵੀ ਵਧਾਉਂਦਾ ਹੈ। ਅਜਿਹੇ ਹੀ ਗੁਣ ਚਾਂਦੀ ਵਿੱਚ ਵੀ ਹੁੰਦੇ ਹਨ। ਇਸੇ ਲਈ ਕਈ ਅਮੀਰ ਲੋਕ ਚਾਂਦੀ ਦੇ ਭਾਂਡਿਆਂ ਵਿੱਚ ਰੋਟੀ ਖਾਂਦੇ ਹਨ।

ਹੱਥ ਨਾਲ ਖਾਣਾ ਖਾਣ ਪਿੱਛੇ ਵੀ ਵੱਡਾ ਵਿਗਿਆਨਕ ਕਾਰਨ ਹੈ। ਸਾਫ ਹੱਥਾਂ ਨਾਲ ਖਾਧੇ ਜਾਣ ਵਾਲਾ ਭੋਜਨ ਆਪਣੇ ਨਾਲ ਹੱਥਾਂ ਤੋਂ ਸਰੀਰ ਲਈ ਲਾਹੇਵੰਦ ਬੈਕਟੀਰੀਆ ਨੂੰ ਵੀ ਅੰਦਰ ਲੈ ਜਾਂਦਾ ਹੈ। ਇਸ ਨਾਲ ਸਰੀਰ ਅੰਦਰ ਮੌਜੂਦ ਹਾਨੀਕਾਰਕ ਜਿਵਾਣੂਆਂ ਦਾ ਨਾਸ਼ ਹੋ ਜਾਂਦਾ ਹੈ।

ਭਾਰਤ ਵਿੱਚ ਵਰਤ ਰੱਖਣ ਨੂੰ ਮੋਟੇ ਤੌਰ 'ਤੇ ਧਾਰਮਿਕ ਨਜ਼ਰੀਏ ਤੋਂ ਹੀ ਦੇਖਿਆ ਜਾਂਦਾ ਹੈ, ਪਰ ਇਸ ਦਾ ਵਿਗਿਆਨਕ ਪੱਖ ਵੀ ਹੈ। ਆਯੁਰਵਿਗਿਆਨ ਮੁਤਾਬਕ ਮਹੀਨੇ ਵਿੱਚ ਘੱਟੋ-ਘੱਟ ਇੱਕ ਵਾਰ ਵਰਤ ਰੱਖਣ ਨਾਲ ਸਿਹਤ ਠੀਕ ਰਹਿੰਦੀ ਹੈ ਅਤੇ ਮੇਟਾਬੌਲਿਜ਼ਮ ਤੇਜ਼ ਹੁੰਦਾ ਹੈ। ਇਸ ਕਾਰਨ ਮਨੁੱਖ ਲੰਮੀ ਉਮਰ ਭੋਗ ਸਕਦਾ ਹੈ।

ਜ਼ਮੀਨ 'ਤੇ ਨੰਗੇ ਪੈਰੀਂ ਚੱਲਣ ਦੇ ਵੀ ਕਈ ਫਾਇਦੇ ਹਨ। ਖੋਜ ਮੁਤਾਬਕ ਘਾਹ 'ਤੇ ਨੰਗੇ ਪੈਰੀਂ ਚੱਲਣ ਨਾਲ ਨਾ ਸਿਰਫ ਪੱਠਿਆਂ ਵਿੱਚ ਆਇਆ ਤਣਾਅ ਦੂਰ ਹੁੰਦਾ ਹੈ ਬਲਕਿ ਦਿਮਾਗ ਵੀ ਤਣਾਅਮੁਕਤ ਹੁੰਦਾ ਹੈ। ਅਜਿਹਾ ਕਰਨ ਨਾਲ ਨੀਂਦ ਵੀ ਚੰਗੀ ਆਉਂਦੀ ਹੈ ਤੇ ਕਈ ਕਿਸਮ ਦੇ ਦਰਦ ਤੋਂ ਵੀ ਨਿਜਾਤ ਮਿਲਦੀ ਹੈ। ਉਂਝ ਕਈ ਲੋਕ ਇਨ੍ਹਾਂ ਫਾਇਦਿਆਂ ਲਈ ਏਕਿਊਪੰਚਰ ਜੁੱਤਿਆਂ ਦੀ ਵਰਤੋਂ ਕਰਦੇ ਹਨ ਪਰ ਇਹ ਕੰਮ ਮੁਫ਼ਤ ਵਿੱਚ ਕੀਤਾ ਜਾ ਸਕਦਾ ਹੈ।

ਇਹ ਵੀ ਪੜ੍ਹੋ: ਮਿਥੀ ਤਾਰੀਖ਼ ਤੋਂ ਪਹਿਲਾਂ ਹੀ ਲੱਗਿਆ ਝੋਨਾ, ਖੇਤੀਬਾੜੀ ਅਧਿਕਾਰੀ ਵਾਹੁਣ ਆਏ ਤਾਂ ਵਾਪਰਿਆ ਇਹ ਭਾਣਾ ਇਹ ਵੀ ਪੜ੍ਹੋ: ਕੈਪਟਨ ਖਿਲਾਫ ਮੁੜ ਬਗਾਵਤ ਦਾ ਝੰਡਾ, ਸੰਸਦ ਮੈਂਬਰ ਤੇ ਦੋ ਵਿਧਾਇਕਾਂ ਨੇ ਵਿਖਾਏ ਸਖਤ ਤੇਵਰ ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ